Qendra e Kujdesit Ditor - PEMA

Qendra e Kujdesit Ditor - PEMA Kjo është faqja zyrtare e Qendrës së Kujdesit Ditor PEMA, përmes së cilës ju mund të informoheni rreth aktiviteteve dhe të rejave më të fundit të qendrës.

Qendra e Kujdesit Ditor - PEMA është organizatë jo qeveritare e cila synon bashkëpunimin e mirëfilltë me partnerë ndërkombëtar dhe vendor, institucione qeveritare dhe të shoqërisë civile me qëllim që të përkrah dhe të asistojë në zhvillimin dhe avancimin e shërbimeve sociale të bazuara në komunitet për fëmijë me aftësi të kufizuara si dhe fëmijë nga kategoritë tjera të cenuara, dhe familjet e tyre

. PEMA ofron:

• Shërbime psikosociale/rehabilituese dhe këshilluese për fëmijë me aftësi të kufizuara dhe fëmijë nga kategoritë e tjera të cenuara përmes Qendrave të Kujdesit Ditor.

• Këshillime psikologjike për prindër/kujdestarë të fëmijëve në nevojë;

• Vetëdijësimin dhe fuqizimin e prindërve për të avokuar dhe lobuar për të drejtat e fëmijëve;

• Organizimin e tryezave të rrumbullakëta, seminareve dhe konferencave që adresojnë nevojat dhe të drejtat e fëmijëve nga kategoritë e cenuara;

• Krijimin e hapësirave për zhvillimin e praktikave më të mira në fushën e ofrimit të shërbimeve për fëmijë;

• Monitorimin e zbatimit të ligjieve dhe politikave kombëtare për fëmijët;

• Senzibilizimin dhe mobilizimin e autoriteteve shtetërore relevante në nivel lokal dhe nacional, sensibilizimin e ofruesve të shërbimeve dhe të aktorëve të tjerë në çështjet e mbrojtjes dhe të drejtave të fëmijëve;

• Rritjen e vetëdijësimit tek opinioni i gjerë për çështjet e mbrojtjës së fëmijëve pa dallim;

• Rritjen e pjesmarrjes së fëmijëve dhe të gjitha grupeve që janë më të ekspozuara ndaj shkeljes së të drejtave të fëmijëve. PEMA ka krijuar dhe zhvilluar katër qendra të specializuara ditore në katër komuna të Kosovës (Prizren, Pejë, Ferizaj dhe Gjilan). Adresat:

Zyra menaxhuese në Prishtinë:
Rruga Tirana Blloku A6, Hyrja B5 Nr.18
Numri kontaktues: +383 44 491 623

Qendra e Kujdesit Ditor - PEMA në Prizren:
Rruga Engjëll Berisha – QMF Nr.1
Numri kontaktues: 048-656-065

Qendra e Kujdesit Ditor - PEMA në Pejë:
Rruga Filip Shiroka, pa numër
Numri kontaktues: 048-656-066

Qendra e Kujdesit Ditor - PEMA në Ferizaj:
Rruga Driton Islami - Llamella B 03, Nr.1
Numri kontaktues: 048-656-067

Qendra e Kujdesit Ditor - PEMA në Gjilan:
Ruga 7 Shtatori, nr.2
Numri kontaktues: 048-656-068

PEMA VAZHDON ME SESIONET INFORMUESE PËR PRINDËRITNJOHURI BAZË PËR REAGIMIN NË SITUATA EMERGJENTENë Qendrën e Kujdesit Di...
11/09/2026

PEMA VAZHDON ME SESIONET INFORMUESE PËR PRINDËRIT

NJOHURI BAZË PËR REAGIMIN NË SITUATA EMERGJENTE

Në Qendrën e Kujdesit Ditor - PEMA në Pejë u zhvillua një sesion informues me prindërit e fëmijëve të qendrës, me rastin e Ditës Botërore të Ndihmës së Parë.

Përfaqësues të Kryqit të Kuq ligjëruan mbi parimet bazë të ndihmës së parë, duke ofruar udhëzime të rëndësishme se si të reagojmë dhe të veprojmë në mënyrë të duhur në raste emergjente.

Falënderojmë përfaqësuesit e Kryqit të Kuq për kontributin dhe përcjelljen e këtyre njohurive të rëndësishme. Kryqi i Kuq i Kosovës - Dega në Pejë

NJË TAKIM ME ARTIN DHE ARGËTIMIN Me ftesë të përfaqësueses së Institutit Yunus Emre në Pejë, znj. Asliha Pushka, fëmijët...
10/09/2026

NJË TAKIM ME ARTIN DHE ARGËTIMIN

Me ftesë të përfaqësueses së Institutit Yunus Emre në Pejë, znj. Asliha Pushka, fëmijët e Qendrës së Kujdesit Ditor - PEMA patën mundësinë të vizitojnë Institutin dhe të bëhen pjesë e një përvoje të këndshme.

Përmes një shfaqjeje interaktive skenike, aktorja Ecem, e ardhur nga Izmiri, solli para fëmijëve një program të mbushur me lojë, ndërveprim dhe momente argëtuese. Fëmijët u përfshinë në atmosferën e shfaqjes, duke e shndërruar këtë takim me artin në një përvojë të gjallë dhe të këndshme.

BASHKË KRIJOJMË KUJTIME QË ZGJASIN! Fëmijët, prindërit dhe stafi i Qendrave të Kujdesit Ditor - PEMA në Gjilan dhe Feriz...
09/09/2026

BASHKË KRIJOJMË KUJTIME QË ZGJASIN!

Fëmijët, prindërit dhe stafi i Qendrave të Kujdesit Ditor - PEMA në Gjilan dhe Ferizaj u bashkuan për një ditë të veçantë në Parkun Kombëtar “Sharri”, në Strazhë të Kaçanikut.

Përmes lojërave, aktiviteteve rekreative dhe kohës së kaluar së bashku në natyrë, fëmijët shijuan momente të bukura socializimi, miqësie dhe përfshirjeje.

Falënderojmë prindërit për bashkëpunimin dhe angazhimin e tyre, si dhe donatorët dhe mbështetësit tanë: Mishtore Bifteku, Burimi VDD, Furra Genci, Uji Miros, Doni Fruits dhe Restaurant Sharri në Strazhë, për kontributin dhe mbështetjen e tyre.

Për PEMA-n, këto aktivitete krijojnë mundësi të rëndësishme për ndërveprim, socializim dhe përvoja të përbashkëta për fëmijët.

LAMTUMIRË SHPEJTIMDO TË MBETESH GJITHMONË NË KUJTIMET TONA!Qendra e Kujdesit Ditor – PEMA u shpreh ngushëllimet më të si...
25/08/2026

LAMTUMIRË SHPEJTIM
DO TË MBETESH GJITHMONË NË KUJTIMET TONA!

Qendra e Kujdesit Ditor – PEMA u shpreh ngushëllimet më të sinqerta familjes, të afërmve dhe të gjithë atyre që e njohën Shpejtim Sylën.

Shpejtimi ishte pjesë e familjes PEMA dhe prania e tij do të mbetet e gdhendur në kujtimet tona. Çastet e ndara së bashku, buzëqeshjet dhe kujtimet e krijuara gjatë kohës së tij në qendrën tonë do të ruhen me respekt dhe dashamirësi.

Humbja e tij e parakohshme është një dhimbje e madhe për familjen dhe për të gjithë ata që patën mundësinë ta njohin.

Shpejtimin do ta kujtojmë gjithmonë me ngrohtësi.

U prehtë në paqe.

NJË TJETËR KUJTIM I BUKUR VERORFëmijët e Qendrës së Kujdesit Ditor – PEMA në Pejë kaluan një ditë të këndshme verore në ...
24/08/2026

NJË TJETËR KUJTIM I BUKUR VEROR

Fëmijët e Qendrës së Kujdesit Ditor – PEMA në Pejë kaluan një ditë të këndshme verore në ambientet e Aqua Park, duke shijuar aktivitetet rekreative dhe kohën e kaluar së bashku.

Falënderojmë Aqua Park për mikpritjen, bashkëpunimin dhe gatishmërinë për t’u ofruar fëmijëve tanë një përvojë të veçantë verore. Mbështetje të tilla janë një kontribut i çmuar në krijimin e mundësive për argëtim, socializim dhe përjetime të bukura për fëmijët tanë.

BASHKËPUNIM INSTITUCIONAL PËR AVANCIMIN E SHËRBIMEVE PËR FËMIJËTQendrën e Kujdesit Ditor – PEMA në Gjilan e vizituan dre...
20/08/2026

BASHKËPUNIM INSTITUCIONAL PËR AVANCIMIN E SHËRBIMEVE PËR FËMIJËT

Qendrën e Kujdesit Ditor – PEMA në Gjilan e vizituan drejtoresha e Drejtorisë së Shëndetësisë dhe Mirëqenies Sociale, znj. Mimoza Kadriu Qerimi, dhe zyrtarja znj. Salihe Berisha Aliu.

Gjatë takimit, stafi i PEMA-s prezantoi punën e përditshme me fëmijët me aftësi të kufizuara, shërbimet e specializuara që ofrohen dhe aktivitetet e përshtatura sipas nevojave individuale të secilit fëmijë. Diskutimi u përqendrua gjithashtu në sfidat dhe nevojat e fëmijëve dhe të prindërve, si dhe në rëndësinë e mbështetjes së vazhdueshme institucionale për fuqizimin dhe avancimin e mëtejshëm të shërbimeve komunitare.

Me këtë rast, për fëmijët që marrin shërbime në Qendrën e Kujdesit Ditor - PEMA në Gjilan u dhuruan edhe disa palë rroba, të cilat do të ndihmojnë në plotësimin e disa prej nevojave të tyre.

Vizita u vlerësua si një mundësi e rëndësishme për komunikim të drejtpërdrejtë, shkëmbim të përvojave dhe forcim të mëtejshëm të bashkëpunimit ndërmjet PEMA-s dhe Drejtorisë së Shëndetësisë dhe Mirëqenies Sociale në komunën e Gjilanit.

MOMENTE VERE NGA RUGOVAGjatë ditëve të piknikut veror në Rugovë, fëmijët e Qendrës së Kujdesit Ditor - PEMA u përfshinë ...
19/08/2026

MOMENTE VERE NGA RUGOVA

Gjatë ditëve të piknikut veror në Rugovë, fëmijët e Qendrës së Kujdesit Ditor - PEMA u përfshinë në aktivitete të ndryshme rekreative, edukative dhe artistike. Përmes lojërave në grup, punimeve kreative dhe aktiviteteve pranë ujit, fëmijët kaluan kohë cilësore në natyrë, duke zhvilluar kreativitetin dhe socializimin.

Në realizimin e aktiviteteve kontribuoi edhe Ilir Veselaj, arsimtar i Edukatës Fizike, i cili me përkushtimin e tij mbështeti zhvillimin e aktiviteteve në mënyrë të sigurt dhe të përshtatshme për fëmijët.

NË HARMONI ME TRUPIN DHE MENDJENNë kuadër të mbështetjes për prindërit e fëmijëve me nevoja të veçanta të Qendrës së Kuj...
19/08/2026

NË HARMONI ME TRUPIN DHE MENDJEN

Në kuadër të mbështetjes për prindërit e fëmijëve me nevoja të veçanta të Qendrës së Kujdesit Ditor - PEMA në Ferizaj, në Parkun e Lirisë u zhvillua një sesion informues dhe praktik i udhëhequr nga fizioterapistja dhe instruktore e Pilates Alba Tovërlani.

Gjatë sesionit u praktikuan ushtrime të lehta të Pilates për lëvizshmëri, shtrirje, qëndrim korrekt, ekuilibër dhe koordinim, si dhe teknika të frymëmarrjes për menaxhimin e stresit, ankthit dhe luhatjeve emocionale.

Përmes demonstrimeve praktike dhe këshillave profesionale, prindërit u njohën me teknika të thjeshta për të përmirësuar mirëqenien fizike dhe emocionale dhe për t’i përfshirë ato në rutinën e tyre të përditshme.

NËN YJE, MES BUZËQESHJESH DHE KUJTIMESH Kinemaja Verore u shndërrua në një mbrëmje të veçantë, ku fëmijët e Qendrës së K...
06/08/2026

NËN YJE, MES BUZËQESHJESH DHE KUJTIMESH

Kinemaja Verore u shndërrua në një mbrëmje të veçantë, ku fëmijët e Qendrës së Kujdesit Ditor - PEMA në Ferizaj patën mundësinë të shijojnë filmin e tyre të preferuar në një atmosferë të ngrohtë, plot argëtim, buzëqeshje dhe miqësi. Çdo moment i kësaj mbrëmjeje ishte një kujtesë se kujtimet më të bukura ndërtohen kur fëmijët ndihen të përfshirë, të lumtur dhe të vlerësuar.

Realizimi i këtij aktiviteti u bë i mundur falë mbështetjes së Royal Park dhe Creative Print, të cilët kontribuan në krijimin e një ambienti të veçantë dhe të paharrueshëm për fëmijët tanë.

AKTIVITETE VERORE NË PISHINËFëmijët e Qendrës së Kujdesit Ditor – PEMA në Ferizaj vizituan Pishinën Olimpik, në kuadër t...
03/08/2026

AKTIVITETE VERORE NË PISHINË

Fëmijët e Qendrës së Kujdesit Ditor – PEMA në Ferizaj vizituan Pishinën Olimpik, në kuadër të aktiviteteve të planifikuara verore.

Gjatë vizitës, fëmijët morën pjesë në lojëra dhe aktivitete në ujë, nën përkujdesjen e stafit të qendrës dhe të pishinës. Aktiviteti u zhvillua në një atmosferë të këndshme dhe të organizuar, duke u ofruar fëmijëve mundësi për argëtim, shoqërim dhe një përvojë ndryshe jashtë ambienteve të qendrës.

Aktivitete të tilla e bëjnë programin veror të PEMA-s më të larmishëm dhe u mundësojnë fëmijëve të krijojnë përvoja të përbashkëta në mjedise të ndryshme.

Address

Rruga: Tirana, Blloku A6, Hyrja B5 Nr. 18
Prishtinë
10000

Telephone

+38344491623

Website

Alerts

Be the first to know and let us send you an email when Qendra e Kujdesit Ditor - PEMA posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Qendra e Kujdesit Ditor - PEMA:

Shortcuts

Share