Dietologe/Nutricioniste Vala Pupovci

04/09/2026

Berberina & glucomannani — a ndihmojnë në dobësim? 🔬 ShendetPerDite

Të dyja kanë treguar efekt në disa tregues të metabolizmit dhe mund të jenë pjesë e një qasjeje më të gjerë për menaxhimin e peshës.

Por: suplemente ≠ magji

Në këtë video, çka thonë studimet dhe si funksionojnë.

03/09/2026

🍎Muffins me mollë🍎

* 1¾ gotë (rreth 210 g) miell
* 1½ lugë e mesme pluhur për pjekje
* 1 lugë e mesme kanellë
* ½ lugë e mesme sodë buke
* ½ lugë çaji kripë
* 1 gotë (rreth 100 g) mollë e grirë
* 1 gotë (rreth 120 g) mollë e prerë në kubikë të vegjël
* ⅓ gotë (rreth 80 ml) vaj kokosi i shkrirë ose vaj ulliri ekstra i virgjër
* ½ gotë (rreth 120 mlg) shurup panje ose mjaltë (këtu unë i kam përdorë 1/2 gotë karamel prej hurmave) - receta e karamelit më poshtë*
* 2 vezë
* ½ gotë (rreth 120 g) kos i kulluar
* ½ gotë (rreth 120 g) pure molle
* 1 lugë e madhe sheqer i kaftë për sipër (opsional)
*Karamel prej hurmave:
4 - 5 hurma dhe 1 gotë qumësht i ngrohtë - lihen pë 10 minuta dhe bluhen bashkë

Përgatitja
1. Ngroheni furrën në 220°C. Përgatiteni një tavë me 12 forma për muffins.
2. Në një enë të madhe bashkoni miellin, pluhurin për pjekje, kanellën, sodën e bukës dhe kripën.
3. Shtoni mollën e grirë dhe mollën e prerë në kubikë dhe përziejini.
4. Në një enë tjetër përzieni vajin me shurupin e panjës ose mjaltin (ose karamelin e hurmave). Shtoni vezët dhe përziejini mirë.
5. Shtoni kosin dhe purenë e mollës . Përziejini bashkë.
6. Bashkoni përbërësit e lagësht me ata të thatë dhe përziejini vetëm sa të bashkohen.
7. Ndajeni masën në 12 forma për muffins.
8. Nëse dëshironi, spërkatini me pak sheqer të kaftë supër
9. Piqini për 13–16 minuta, ose derisa të marrin ngjyrë të artë.
10. Lërini të ftohen para se t’i shërbeni.
Ruajtja: Në temperaturë ambienti deri në 2 ditë, në frigorifer deri në 4 ditë, ose në ngrirje deri në 3 muaj.
* Nëse muffins-at janë për fëmijë nën 12 muaj, mos përdorni mjaltë.

31/08/2026

Disa ushqime të konservume që gjithmonë i mbaj në shtëpi 👇🏻

Jo pse ushqimet e konservume duhet me e zëvendësu ushqimin e freskët, po sepse janë një mënyrë shumë praktike me e bo ushqimin e balansuar ma të lehtë, sidomos në ditët kur s’kom shumë kohë.

🫘 Qiqra & fasule të kuqe – për sallata, për fibra + proteinë bimore
🐟 Tuna – për tortilla, sallata e shujta tjera, për proteinë + omega-3
🥗 Insalatissime – kur du një shujtë të shpejtë pa shumë përgatitje
🍅 Domate të konservume – kur s’kom domate të freskëta, p.sh. për një shakshuka të shpejtë

Ideja nuk është me pas gjithmonë kohë me gatu prej zero, por me pas opsione praktike që ta bëjnë ma të lehtë me u ushqy në mënyrë të balansuar.

25/08/2026

15/08/2026

Shëndeti nuk është vetëm ushqimi që hamë. 🤍
Është edhe gjumi, lëvizja, hidratimi, kujdesi për veten dhe ato zakonet e vogla që na bëjnë të ndihemi mirë çdo ditë.

31/07/2026

3 mënyra për të pasuruar snacks:

🍿 Shto bajame te kokoshkat
➡️ Për më shumë proteina, yndyrna të shëndetshme dhe teksturë krokante.

🥣 Shto arra indiane dhe rrush të thatë te kosi grek
➡️ Për yndyrna të shëndetshme, fibra dhe ëmbëlsi natyrale.

🥤 Shto kumbulla të thata në smoothie
➡️ Për më shumë fibra, për të mbështetur tretjen.

30/07/2026

Muffins me boronica, tërshërë dhe banane 🫐🍌

1 gotë tërshërë
1/2 e gotës mollë e zier (e bluar)
1 banane mesatare (sa më e pjekur, aq më mirë)
1 gotë kos i kulluar
7g pluhur për pjekje
1 lugë e mesme kanellë
2 vezë
1/2 e gotës boronica

1. Ngrohni furrën në 180°C.
2. Vendosni tërshërën në blender dhe bluani.
3. Shtoni të gjithë përbërësit tjerë përveç boronicave.
4. Përziejini derisa të krijohet një masë e njëtrajtshme.
5. Hidheni masën në format e muffins-ave të lyera lehtë me vaj (ose përdorni forma silikoni).
6. Shtoni boronicat sipër.
7. Piqini në 180°C për 25–30 minuta.
8. Lërini të ftohen në formë për 5–10 minuta para se t’i hiqni.

15/07/2026

Koha më e mirë për një snack? Ndoshta jo kur jeni tejet të uritur.

Shkalla e urisë dhe ngopjes është një mjet i thjeshtë që na ndihmon t'i dëgjojmë sinjalet e trupit dhe të mos presim derisa uria të bëhet ekstreme.

Në ditët e ngarkuara, të kesh një snack praktik pranë mund ta bëjë më të lehtë t’i përgjigjesh urisë në kohë.

💬 Në cilin nivel të shkallës së urisë e gjeni veten më shpesh?