عيادة علي مستوي عالي من التخصص في علاج جميع أمراض الحساسية نهائيا
13/02/2026
"و كان فضل الله عليك عظيما"
رزق و منة من الله و ليس بشطارتي ابدا أو مجهودي إني أكون الدكتورة المصرية اللي بتمثل بلدها و تشارك في كتابة أحدث التوصيات العالمية لعلاج مرض الأرتيكاريا او حساسية الجلد.
البحث منشور و متاح مجانا لكل الأطباء اللي بتجيلهم حالات ارتيكاريا انهم يقرأوه و يعرفوا أحدث توصيات و معلومات عن الأرتيكاريا.
اللهم إجعله علما نافعا.
أي طبيب حابب يتدرب معانا مجانا علي تخصص الحساسية يتواصل معايا علي الواتس اب.
تليفون و واتس أب:
للإستفسار: 01553835004
للأطباء: 01115592454
21/11/2025
مغامرة حلوة و تجربة جديدة جاتلي من حيث لا أدري و لا أحتسب من الجمعية الألمانية للحساسية و المناعة
DGAKI
لورشة حساسية لعرض و شرح طريقة علاجي للأرتيكاريا و التورم و حساسية الجلد بأمصال الحساسية
كنت متخوفة جدا إذا كنت هعرف اصلا أوصل لمكانهم اللي كان عبارة عن جزيرة في عمق بحيرة كبيرة جدا تقع ما بين ميونخ و سالتسبورج. حالتي كانت صعبة و انا بسافر بطيارة و بجر شنطي بعدها من قطر لقطر و بعدها أتوبيس عام نزلني علي طريق مقطوع بالليل في مكان نائي جدا في عز البرد علشان أمشي علي كوبري خشب لوحدي في وسط البحر الضلمة و أستني آخر مركب طالعة تيجي توصلني للجزيرة اللي في وسط المية و لو ملحقتش آخر مركب ده و الله ما كنت عارفة هروح فين لوحدي كدة
🙄
الجزيرة ده تعتبر مكان ديني سياحي بيجيله الناس من كل مكان. الجزيرة اسمها Fraueninsel
لأن زمان كان بيسكنها ستات بس. و قعدونا في دير هناك، اللي هو أهم مكان في الجزيرة ده
المفاجأة الأجمل و الأروع هي انهم خلونا نقدم مشروعاتنا في العلاج و نشرحها علي الخضرة علي ضفاف البحيرة الكبيرة في جو خيالي مشمس علي غير العادة سبحان الله❤
لما شرحت للدكاترة طريقتي في العلاج إستغربوا جدا و قالوا "ده يعتبر إختراع و طريقة مبتكرة في علاج الأرتيكاريا و التورم ، يا إما تكوني بتعالجي الناس بالوهم فبيتحسنوا
😅️
سبحان الله، بفضل الله نتائجنا في العلاج ده عالية جدا و هما مش قادرين يصدقوا و محتاجين إثباتات اكتر
🙂
هنفضل أنا و فريقي Ashrakat Mohamed و Amany M. Ahmed شغالين و نقدملهم إثباتات أكتر و أكتر ان مرضانا بفضل الله بيتعالجوا كويس علي العلاج ده و هفضل ألف العالم أشرح طرق العلاج و اعرفهم بيه علشان ننشر العلم و ننفع بيه الناس بإذن الله
و كل اللي عايز يساعدنا في كتابة الأبحاث بتاعتنا و نشرها و يشتغل معانا او اللي حابب يتدرب معانا مجانا علي تخصص الحساسية يبعتلي علي الواتس اب
العيادة بتاعتي الحمد لله هي المركز المصري الوحيد المعتمد من مراكز التفوق للأرتيكاريا و الحساسية بوجه عام GA2LEN / UCARE
إحنا كمان مركز تعليمي مجاني
و لو أي حد من برة مصر حابب يتدرب معانا ممكن يقدم علي منحة
Marcus Maurer Fellowship
من جمعية
GA2LEN / UCARE
و هم هيتكفلوا بالطيران و الأقامة و مصروف للطبيب لفترة التدريب المجاني عندنا
اللي يعرف مريض حساسية صدر او انف او جلد او طعام او دواء و حابب يتعالج علاج نهائي و مش لاقي حل يا ريت يتواصل معانا ط
يا ريت نعمل شير للبوست علشان يوصل لأكبر عدد من الأطباء و المرضي
تليفون و واتس أب:
للإستفسار: 01553835004
للأطباء: 01115592454
Address
مول الكورتيارد (courtyard) جنب كمبوند The Address, مبني J, الدور الاول، عيادة رقم ٥١٥،
الشيخ زايد،
الجيزة،
مصر
Be the first to know and let us send you an email when Allergy clinic - Dr Ghada Fouda posts news and promotions. Your email address will not be used for any other purpose, and you can unsubscribe at any time.
