23/07/2023
FYI: Be Alert
Nagpaluwan ning abiso an Municipal Disaster Risk Reduction and Management Council (MDRRMC) may koneksyon sa Tropical Storm "EGAY" na naka-apektar sa banwa.
Base sa Advisory No. 005-2023, piga-abisuhan an publiko san minasunod:
1. Mahigot na ipinagbabawal an unoman na aktibidad sa ubos na river channels na konektado sa slopes san Bulkang Mayon, partikular an mga konektado sa Mi-isi gulley;
2. Preparasyon para sa pag-evacuar san mga na-identificaran na high-risk barangays sa lahar, partikular an mga barangay san Busay, Malobago, porsyon san Salvacion, Cullat, Bañag dangan Alcala;
3. Mahigot na monitoring dangan abiso san Barangay Disaster Risk Reduction Management Council (BDRRMC) san mga barangay san Mi-isi, Budiao, Bañadero, dangan Matnog sa saindang mga residente, partikularmente sa mga natutura pa nindang residente sa lugar na wara sa evacuation centers;
4. Pag-activar san LGU-Daraga Emergency Operation Center (EOC) dangan MDRRMC Response Clusters.
Padagos man na piga-abisuhan an ubos na maglikay, dangan mag-monitor san kamugtakan san panahon sa mga lehitimo dangan mapagkakatiwalaan na sources.
