20/04/2022
LĀ ILĀHA ILLALLAH
Alhamdulillah.
Taman hap ne kabtangan, duk taman afdal ne dhikr puwas amban Qur-an dhikr Lā Ilāha Illallah.
Bissa Rasūlullahinﷺ:
أفضلُ الذِّكْرِ : لا إله إلا اللهُ
["Taman afdal hap ne dhikr: LĀ ILĀHA ILLALLAH"].
Bang pinagtimbang antara Lāilāha Illallah duk pitu lapis langit lamud pitu lapis bulak mas bohat pe Lāilaha Illallah.
Si Hadith Rasūlullahﷺ:
إنَّ السَّمواتِ السَّبعَ والأرَضينَ السَّبعَ، لو وُضِعَتْ في كِفَّةٍ
["Bennal teed pitu lapis langitin duk pitu lapis bulakin, bang binettad si timbangan
ووُضِعَتْ لا إلهَ إلَّا اللهُ في كِفَّةٍ، رجَحَتْ بهنَّ لا إلهَ إلَّا اللهُ
sartah binettad Lāilāha Illallahin si dangkepak timbangan, bohat pe Lāilāha Illallahin"].
MAANA LAILAHA ILLALLAH
MAANA:
Ganah sinumba bennal Malaingkan Allah, Bissa Allah hin :
(ذَلِكَ بِأَنَّ اللَّهَ هُوَ الْحَقُّ وَأَنَّ مَا يَدْعُونَ مِنْ دُونِهِ هُوَ الْبَاطِلُ) [الحج:62].
Tafseer:
"Nah kuien weh bennal Allahin iye du mabennal matoo pag-ibadatanin, duk bennal ine-ine iye sinumba weh de pag-ibadatan saddi amban Allah ien mabatilin maputingin, gah matoohin"
PITUH SHURUT LA ILAHA ILLALLAH
G*y magmunfaat La Ilaha Illallah hin bang g*y tatuney meh pituh shurut ne ininen.
(1️⃣)(AL-ILM) PANGINGAT :
— Pangatatu Ma'na La Ilaha Illallah, iye "Ganah sinumba bennal malaingkan dendangan Allah ".
Bissa Allah hin:
(فَاعْلَمْ أَنَّهُ لا إِلَهَ إِلا الله)[محمد:19].
Tafseer:
"Na ingat-un kawajiban si kau, weh bennal in iye, ganah sinumba bennal malaingkan Allah"
(2️⃣)(ALYAQĪYN) YAQEEN :
—G*y magduwe-duwe, pagen pagkahagarin weh Ganah inibadatan bennal malaingkan dendangan du Allah.
Bissa Allah hin:
(إِنَّمَا المُؤْمِنُونَ الذِّينَ آمَنُوا بِالله وَرَسُولِهِ ثُمَّ لَمْ يَرْتَابُوا) الآية [الحجرات:3].
Tafseer:
"Bennal teed meh Muhminuwnin magkahagarin iye meh siye mag-iman si Allah duk Rasul ne pag-ubus gah siye mag duwe-duwe"
(3️⃣)(ALQBŪWL) PANAYMAH :
—tinaymah weh Ganah patut sinumba bennal Malaingkan Allah dendangan, si bissara, si pangateyan duk aggawtah baran.
Bissa Allahutaalahin:
(إِنَّهُمْ كَانُوا إِذَا قِيلَ لَهُمْ لا إِلَهَ إِلا اللَّهُ يَسْتَكْبِرُونَ) [الصافات:٣٥].
Tafseer:
"Bennal siye meh magsishirikin kaniyaan den bang siye inakahan weh ganah patut pag ibadatan malaingkan Allah, magtakabbur siye g*y weh de tinaymah"
(4️⃣)(AL-INQIYĀD) PAMEBBEG :
— Panuney, pasurrender weh Ganah patut pangurungan Ibadat malaingkan dendangan Allah.
Bissa Allahutaalahin:
(وَأَنِيبُوا إلى رَبِّكُمْ وَأَسْلِمُوا لَه) [الزمر:54].
Tafseer:
"Duk pabalik be kaam ikhlas teed tudju tuhan bin magtaat kaam si iye tunggal, duk surrender kaam si iye magmariyawah kaam, magtag-ipun".
(5️⃣)(ASSHID'Q) PINABENNAL:
—Pinatoo ilapalan La Ilaha Illallahin, kahagad dellah in tuhut pangateyan nin weh Ganah patut sinumba pag ibadatan malaingkan tunggal Allah.
Bissa Allahutaalahin:
(وَمِنَ النَّاسِ مَن يَقُولُ آمَنَّا بِاللّهِ وَبِالْيَوْمِ الآخِرِ وَمَا هُم بِمُؤْمِنِين)[ البقرة:٨].
Tafseer:
"Duk amban tumpukan Manusiyah siye meh munafiq, magpain siye in kami inin maratsaya si Allah duk si Ellew Akhirat, sumagawah in siye dumain bennal pagkahagad den putingan siye si bissa de weh magkahagad siye taman della du hadja ien gah paessep de mag dem pangateyan"
(6️⃣)(AL-IKHLĀSH) PAGDAMBUSBUS:
—Kaikhlas pag ammal si Allah, kalissin ibadat amban kemon kashirikan. Salih du ibadat pangateyan, ibadat dellah, duk anggawtah baran.
Bissa Allahutaalahin:
(وَمَا أُمِرُوا إِلا لِيَعْبُدُوا اللَّهَ مُخْلِصِينَ لَهُ الدِّينَ) الآية[البينة:5].
Tafseer:
"Duk gah siye bakas dinaak meh mananaggain kuffarin si kemon agama bakas pinaboo si siye buwat malaingkan supaya siye mag dambus-bus mag ibadat tudju Allah dendangan, tulus iklas siye karnah si iye du iye pag agamahin".
(7️⃣)(ALMAHABBA) PANGALASA:
—pangesseb La Ilaha ilallah, weh ganah sinumba bennal malaingkan Allah. Lamud subey kinalasahan meh mamebbegan iyehin duk manuney kashurut-shurutan nen.
Bissa Allahutaalahin:
(وَمِنَ النَّاسِ مَن يَتَّخِذُ مِن دُونِ اللّهِ أَندَاداً يُحِبُّونَهُمْ كَحُبِّ اللّهِ وَالَّذِينَ آمَنُواْ أَشَدُّ حُبًّا لِّلّهِ) [البقرة:165] .
Tafseer:
"Duk amban meh manusiyah niyah amban siye ngahinang saddi amban Allah; sasakutuhan; pinasalih weh de si Allah, kinalasahan weh de magshirik siye, kalasahan de kweh pangalasa de Allahin, adapun meh siye bar-iman labi landu lasa de si Allahin amban kasilasa meh siye magshihirik ien si meh pinasakutu den".
Alhamdulillah. Tawfeeqan kitebi Allah, Wasallallahu Alayhi Wasallamﷺ. 🌹
– #
