Dr. Gunel Asadova

Dr. Gunel Asadova Dermato-onkoloq

“Dərinin hər yarası sadə yara deyil.Xroniki limfedema və uzunmüddətli toxuma dəyişiklikləri bəzən aqressiv neoplastik pr...
24/05/2026

“Dərinin hər yarası sadə yara deyil.
Xroniki limfedema və uzunmüddətli toxuma dəyişiklikləri bəzən aqressiv neoplastik proseslərin inkişafına səbəb ola bilər.nə etməliyik:
Klinik şübhə, erkən biopsiya və multidissiplinar yanaşma bu tip hallarda həyati əhəmiyyət daşıyır.
Dermatologiyada diqqətli baxış bəzən diaqnozun yarısıdır.” 🤍
skincancer dermatologist woundcare medicaleducation

Günəşdən qorunmazsanız dəridə erkən yaşlanma, ləkələr, günəş yanığı və hətta dəri xərçəngi riski arta bilər. Günəşdən qo...
21/05/2026

Günəşdən qorunmazsanız dəridə erkən yaşlanma, ləkələr, günəş yanığı və hətta dəri xərçəngi riski arta bilər. Günəşdən qorunmaq üçün altı əsas qaydaya diqqət edin və dərinizin sağlamlığını qoruyun. Daha ətraflı məlumat üçün postu oxuyun 👆🏼

SMM by .az

Xəstə həkimdən şikayət edəndə – qaynar xətt var, komissiya var, sistem var.Bəs həkim kimə şikayət etsin?Hər gün:– hörmət...
02/05/2026

Xəstə həkimdən şikayət edəndə – qaynar xətt var, komissiya var, sistem var.
Bəs həkim kimə şikayət etsin?
Hər gün:
– hörmətsizlik görən,
– əsassız ittihamlarla üzləşən,
– sosial mediada linç edilən,
– hüquqi qorunması zəif olan bir peşə…

Həkim də insandır. Onun da psixoloji sərhədi, hüququ, ləyaqəti var.
Əgər sistem birtərəfli işləyirsə, bu artıq ədalət yox, balanssızlıqdır.
Sağlam cəmiyyət üçün:
✔️ Xəstə hüquqları qorunmalıdır
✔️ Amma həkim hüquqları da eyni dərəcədə təmin olunmalıdır
Çünki qorxmayan, təzyiq altında olmayan həkim – daha düzgün qərar verir.
Sual açıq qalır:

Bu gün bizə müraciət edən pasiyent qarın nahiyəsində böyük ölçülü törəmə ilə bağlı şikayət edirdi. Onun sözlərinə görə, ...
29/04/2026

Bu gün bizə müraciət edən pasiyent qarın nahiyəsində böyük ölçülü törəmə ilə bağlı şikayət edirdi. Onun sözlərinə görə, bu törəmə əvvəlcə kiçik, ət xalınabənzər formada olub və ciddi görünmədiyi üçün uzun müddət diqqətdən kənarda qalıb. Zamanla isə böyüyərək fiziki narahatlıq yaratmağa başlayıb və pasiyent həkimə müraciət edib.

Aparılan müayinələr nəticəsində törəmənin dermatofibrolipoma olduğu müəyyən edildi. Xoşxassəli olsa da, bu cür törəmələrin vaxtında qiymətləndirilməsi vacibdir.

Əziz izləyicilər, belə hallarda gözləmək doğru deyil. Sadə görünən dəyişikliklər bəzən daha ciddi problemlərin əlaməti ola bilər. Vaxtında mütəxəssisə müraciət etməyi unutmayın.

SMM by .az

Bəzən xəstələr bizə çox gec müraciət edirlər.Bu xəstə klinikamıza müraciət etdikdə bildirdi ki, diz nahiyəsindəki yara a...
07/04/2026

Bəzən xəstələr bizə çox gec müraciət edirlər.
Bu xəstə klinikamıza müraciət etdikdə bildirdi ki, diz nahiyəsindəki yara artıq uzun müddətdir mövcuddur. İlk dövrlərdə törəmə kiçik ölçülü olub və ciddi görünmədiyi üçün xüsusi diqqət yetirilməyib. Lakin zaman keçdikcə yaranın tədricən böyüdüyünü, səthində qabıqlaşma əmələ gəldiyini və sağalmadığını hiss edib.

Xəstəni müayinə etdikdə gördüyümüz kimi törəmə artıq əhəmiyyətli dərəcədə böyümüş, yara sahəsi genişlənmiş və ətraf toxumalarda nəzərəçarpan destruksiya yaratmışdı.

Aparılan klinik və diaqnostik qiymətləndirmə nəticəsində törəmənin Yastı hüceyrəli xərçəng olduğu müəyyən edildi. Bu, dərinin ən çox rast gəlinən bədxassəli şişlərindən biridir və vaxtında diaqnoz qoyulmadıqda ətraf toxumalara invaziya edərək ciddi fəsadlara səbəb ola bilər.

Dəridə uzun müddət sağalmayan, ölçüsü artan, tez-tez qabıq bağlayan və ya qanayan yaralar müşahidə etdikdə gecikmədən həkimə müraciət etmək vacibdir. Erkən diaqnoz həm müalicəni asanlaşdırır, həm də xəstəliyin bu qədər irəliləməsinin qarşısını alır.

SMM by .az

Bir neçə gün əvvəl bizə müraciət edən xəstələrdən biri ayağının altında olan bu sahəni uzun müddət adi mozol kimi qəbul ...
29/03/2026

Bir neçə gün əvvəl bizə müraciət edən xəstələrdən biri ayağının altında olan bu sahəni uzun müddət adi mozol kimi qəbul etmişdi. Ağrı olmadığı üçün isə buna ciddi yanaşmamışdı.

Müayinə zamanı dermatoskopiya etdikdə bunun sadə bir qalınlaşma deyil, melanoma olduğunu müəyyən etdik.

Ayaq altı və ağız içi kimi nahiyələr melanomanın gizlənə bildiyi bölgələrdir. Bu səbəbdən bu sahələrdə yaranan hər hansı dəyişiklik diqqətlə izlənməli və vaxtında yoxlanılmalıdır.

Əgər dərinizdə uzun müddət keçməyən, rəngi fərqli olan və ya sizi şübhələndirən bir törəmə varsa, bunu gecikdirməyin.

Erkən diaqnoz həyat qurtarır.

SMM by .az

Şəkildə gördüyünüz törəmə giqant konjenital melanositik nevusdur.Bu tip nevuslar doğuşdan mövcud olur və zamanla ölçülər...
19/03/2026

Şəkildə gördüyünüz törəmə giqant konjenital melanositik nevusdur.

Bu tip nevuslar doğuşdan mövcud olur və zamanla ölçüləri artaraq yetkin yaşda 20 sm və daha böyük diametrə çata bilər. Nadir rast gəlinməsinə baxmayaraq, klinik baxımdan xüsusi diqqət tələb edən törəmələr sırasına daxildir.

Giqant konjenital nevuslar yalnız estetik problem deyil. Onlar müəyyən hallarda malign melanoma inkişafı riski daşıyır və bu risk müxtəlif mənbələrdə təxminən 5–10% arasında göstərilir. Bundan əlavə, bəzi hallarda neyrokutan melanosis kimi mərkəzi sinir sistemi ilə əlaqəli ağırlaşmalar da müşahidə oluna bilər.

Klinik olaraq bu törəmələr adətən iri ölçülü,sərhədləri aydın,səthi qeyri-bərabər,çox vaxt tüklənmə ilə müşayiət olunan piqmentli lezyonlar şəklində olur.

📌 Xüsusilə aşağıdakı dəyişikliklər olduqda diqqətli olmaq lazımdır:
• rəngdə dəyişiklik
• sürətli böyümə
• qanama və ya xoralaşma

Erkən diaqnostika və düzgün klinik izlənmə bu tip törəmələrin idarə olunmasında əsas rol oynayır.

SMM by .az

🔍 Dəriniz sizə hər gün siqnal verir… amma biz onu həmişə görmürük.Dermatoskopiya — adi gözlə görünməyəni göstərən və mel...
14/03/2026

🔍 Dəriniz sizə hər gün siqnal verir… amma biz onu həmişə görmürük.

Dermatoskopiya — adi gözlə görünməyəni göstərən və melanoma daxil olmaqla bir çox dəri törəməsini erkən mərhələdə aşkar etməyə imkan verən ən vacib müayinələrdən biridir.

Bəzən sadəcə bir baxış deyil, doğru baxış həyatı dəyişir.

✔️ Yeni xal
✔️ Böyüyən və ya rəngi dəyişən törəmə
✔️ Qaşınma, qanama və ya asimmetriya

Gecikməyin — dərinizin hekayəsini vaxtında oxuyaq. 🤍

👩‍⚕️ Dr. Günel Asadova
Dermatoloq • Dermatoonkoloq

Bugünkü pasiyentimiz gözün daxili küncündə uzun müddətdir sağalmayan kiçik bir yara şikayəti ilə müraciət etdi.Əvvəlcə b...
12/03/2026

Bugünkü pasiyentimiz gözün daxili küncündə uzun müddətdir sağalmayan kiçik bir yara şikayəti ilə müraciət etdi.

Əvvəlcə bunu sadə bir yara hesab edib ciddi qəbul etməmişdi. Lakin zaman keçdikcə yara böyüməyə və qanamağa başladı.

Müayinə və götürülən nümunənin nəticəsinə əsasən diaqnoz bazal hüceyrəli dəri xərçəngi oldu.

Bazal hüceyrəli karsinoma dəri xərçənginin ən çox rast gəlinən növlərindən biridir və çox vaxt üzdə, xüsusilə göz və burun ətrafında yaranır.

❗️Uzun müddət sağalmayan yaralar, qabıqlanan və ya təkrar qanayan törəmələr mütləq dermatoloq tərəfindən yoxlanmalıdır.

Erkən diaqnoz müalicəni daha asan və uğurlu edir.

SMM by .az

Dəridə yaranan hər qızarmış və ya qabarmış törəmə sadə bir yara və ya sızanaq olmaya bilər.Xüsusilə burun, yanaq və qula...
03/03/2026

Dəridə yaranan hər qızarmış və ya qabarmış törəmə sadə bir yara və ya sızanaq olmaya bilər.

Xüsusilə burun, yanaq və qulaq kimi günəşə daha çox məruz qalan nahiyələrdə ortaya çıxan vəgetdikcə böyüyən,qanayan və ya qabıq bağlayan,uzun müddət sağalmayan yaralar diqqətlə qiymətləndirilməlidir.

Bu tip dəyişikliklər bəzən dəri xərçənglərinin ilkin əlamətləri ola bilər.

Erkən diaqnoz çox önəmlidir.
Vaxtında müraciət edildikdə bu tip törəmələrin müalicəsi adətən daha asan və uğurlu olur.

🔎 Əgər dərinizdə uzun müddət keçməyən və ya forması dəyişən bir lezyon varsa həkimə müraciət etməyiniz tövsiyə olunur.

SMM by .az

Address

Baku

Website

Alerts

Be the first to know and let us send you an email when Dr. Gunel Asadova posts news and promotions. Your email address will not be used for any other purpose, and you can unsubscribe at any time.

Shortcuts

Share

Category