مؤسسة دكتور جمال عبد الباسط الطبية التأهيلية د. آية نبيل

11/09/2026

اراء الأمهات عن ورشة رحلة في السلوك

08/09/2026

08/09/2026

السنوات الأولى من حياة طفلك هي البوابة الذهبية لنتائج افضل لان مرونة الدماغ بتكون عالية جدا والاستجابة للتعديل والتطوير بتكون في أسرع حالاتها💪
ملحوظة👈 مع كل الاطفال
#التدخل المبكر
دكتور آية نبيل
مدير المركز
دكتوراه في التربية

05/09/2026

هي دي نظرة الأبناء للاباء
بابا معاه النجمة السحرية الي بتعمل كل حاجة🥰
كان الله في عون الاباء 🤲

05/09/2026

اراء السادة الاخصائيين في ورشة Opt

05/09/2026

أصبحنا في زمن هوس النتيجة النهائية (جاب مجموع .دخل كلية قمة ....) طيب مانركز في الرحلة والجهد! السعي كان كبير جدا مش حظ ولا وليد اللحظة

02/09/2026

انا دكتور آية نبيل ❤️مدير مركزنا الجميل
بحب الشغل جدا ومؤمنة ان الام (ولي أمر الطفل ) الاساس والهدية دي مقدمة ليك يا ماما
الهدية دي عبارة عن "الجدول الأسبوعي"، صممته خصيصاً لكل أم بتهتم بمستقبل أولادها الدراسي، سواء كان طفلك 🦸‍♂️ او 🦸‍♀️.

💢​هدفي من الجدول💢 ده مش بس تنظيم الوقت، هدفنا الأهم هو تغيير مفهوم دورك كأم💥.
دورك مش إنك تقعدي تذاكري بالساعات🥵، وتتعبي، وتستنزفي كل طاقتك ومجهودك! دورك الحقيقي والفعّال هو "الإدارة والمتابعة👌".. إنك تقعدي مع ابنك، تحطوا الخطة والجدول سوا، وتتابعي نسبة تحقيقه للمهام على مدار الأسبوع. 📊

​طيب الجدول ده هدية لماما ازاي🤔 ؟؟
🛑​الاستمرارية هي السر: الهدف الأساسي من الجدول هو إنه يساعدك كأم على الاستمرارية في المتابعة.
🛑​وداعاً لتراكم المناهج: المتابعة الأسبوعية هتخلينا نخلص واجباتنا أول بأول من غير ما تتراكم علينا.
🛑​اكتشاف نقاط القصور مبكراً: التقييم الأسبوعي الموجود في الجدول هيخلينا نحط إيدينا على أي مشكلة أو صعوبة في الفهم فوراً ونعالجها، بدل ما نتفاجئ بتراكم كبير جداً للمواد آخر السنة.

❤️نصيحة من القلب❤️
الفكرة عمرها ما كانت في إننا نتحمس ونعمل جدول لمدة أسبوع أو اتنين وبعدين نوقف.. الفكرة كلها في "الاستمرارية". الاستمرارية في وضع ومتابعة جداول الدراسة هي حجر الأساس لنجاح أولادنا وراحتنا النفسية كأمهات.
​شوفوا الفيديو عشان تعرفوا تفاصيل أكتر عن إزاي تستخدموا الجدول، إزاي تقيموا أداء أولادكم، وإزاي نظام المكافآت بيشتغل! 🎥👇

يلا نبدأ الدراسة بوعي يخلينا نكمل رسالتنا صح
بحبكم يا أمهات
تحياتي دكتور آية نبيل عبد الحميد
مدير المركز

31/08/2026

الأم الشاطرة مش اللي بتعمل كل حاجة لأطفالها… الأم الشاطرة هي اللي بتعلمهم يعملوا حاجتهم بنفسهم
♥️ هقولك على حاجات بسيطة لو عملتيها… هتلاقي ولادك بدأوا يعتمدوا على نفسهم وأنتِ ارتحتي من جملة "مامااا تعالي اعمليلي"
1️⃣ ابدئي بحاجة صغيرة على قد سنه..مش لازم يغسل الأطباق أو يرتب البيت كله.
ابدئي بـ: "حط الملعقة في الحوض بعد الأكل".
📌 حاجة صغيرة بينجح فيها = ثقة كبيرة بتتبني.
2️⃣ متعمليش الحاجة بداله حتى لو هيعملها غلط
هيلبس التيشيرت بالمقلوب؟ عادي.
هيرتب السرير وشكله مش حلو؟ عادي.
📌 المهم إنه حاول… التظبيط ييجي مع الوقت.
3️⃣ استخدمي "أنت قدها" بدل "أنا هعملهالك"
لما يقولك "مش عارف أربط الجزمة"،
بدل ما تربطيها… قولي: "جرب الأول وأنا هساعدك لو احتجت".
📌الجملة دي بتزرع فيه إحساس: أنا أقدر.
4️⃣ خليه يختار
"تحب تلبس الأحمر ولا الأزرق؟"
"عايز تاكل بيض ولا جبنة؟"
📌 لما الطفل بيختار… بيتعلم إن قراره مهم وليه قيمة.
5️⃣ علّميه يتحمل نتيجة اختياره
اختار ياخد اللعبة بدل الأكل؟ مش مشكلة…
لما يحس بالجوع هيفهم لوحده إن الأكل كان أهم.
📌 التجربة أحسن معلم من الكلام.
6️⃣ ادّيه مهمة يومية ثابتة حتى لو بسيطة:
◄ يملا قارورة المَيَّة
◄ يأكل القطة
◄ يحط الهدوم في السلة
📌 كده بيحس إن ليه دور في البيت مش مجرد ضيف.
7️⃣ اشكريه على المحاولة مش بس النتيجة
√ "برافو إنك حاولت ترتب لوحدك"
√ "أنا فخورة إنك فكرت قبل ما تسألني"
📌 الشكر على المجهود بيخلق طفل بيحاول دايماً… مش طفل خايف يغلط.
8️⃣ متقارنيهوش بحد
"فلان بيعمل كذا ليه أنت لأ؟" ← دي جملة بتكسر مش بتبني.
كل طفل ليه سرعته. قارنيه بنفسه بس:
"أنت النهارده أحسن من امبارح… وده كفاية."
9️⃣ اصبري على البداية
أول أسبوع هيبقى صعب… هتحسي إنك بتضيعي وقت.
بس بعد أسبوعين هتلاقي الطفل بيتحرك لوحده من غير ما تطلبي.
🔟 أنتِ القدوة الأولى
الطفل بيتعلم باللي بيشوفه أكتر من اللي بيسمعه.
لما يشوفك بترتبي وراكي، بتنظمي وقتك، بتتحملي مسؤوليتك…هيعمل زيك تلقائياً.
● النتيجة:
مع الصبر + التشجيع + المهام الصغيرة…
بعد 3–4 أسابيع هتلاقي طفل بيتصرف، بياخد قرارات، وبيقول: "أنا هعمل ده لوحدي."
شاركي البوست مع كل أم حاسة إنها بتشيل كل حاجة لوحدها وعايزة ولادها يبدأوا يساعدوا نفسهم 💛
وماتنسيش تعملى حفظ علشان تبقى تراجعيه كل شوية ؤمنقول من صفحة دكتور احمد الشورى

28/08/2026

الحمد لله
هنفتح الحجز للميعاد القادم قريب
باذن الله

28/08/2026

نسال الله العظيم رب العرش العظيم ان يشفيك 💙💔