28/03/2026
මනෝකායික අක්රමතා
මනෝකායික ආබාධ එහෙමත් නැත්නම් මනෝකායික අක්රමතා යන්නෙන් අදහස් කරන්නේ, කායික ස්වරූපයේ මානසික ආබාධ ලෙස සරලව දක්වන්න පුලුවන්.
♦️♦️කිසියම් පුද්ගලයෙකුට මානසික හේතූන් මත කායික රෝගී ලක්ෂණ පෙන්නුම් කරන, මානසික රෝගී තත්ත්වයක් විදිහටත් මේ අක්රමතාව හඳුන්වන්න පුලුවන්.
♦️♦️අසාමාන්ය සිතුවිලි, හැඟීම් සහ හැසිරීම් සමඟ ඒකාබද්ධ වූ ශාරීරික රෝග ලක්ෂණ ඇතුලත් වන තත්ත්වයක් තමයි, මනෝකායික අක්රමතා කියන්නෙ.
♦️♦️♦️මෙහිදී දැකිය හැකි විශේෂිතම දේ නම්, බාහිරින් කායික රෝග ලක්ෂණ පෙන්වන නමුත්, වෛද්යවරයාට පෙන්වූ පසු කායික රෝගයක් සොයා ගත නොහැකි වීමයි.♦️♦️♦️
😔😔මීට හේතු වන්නේ බොහෝ විට මානසික හේතු සාධක.
😔 උදාහරණ :- සා/පෙළ විභාගය අසමත්ව ගෙදර සිටි පිරිමි ළමයෙකුගේ කන් ඇසීම දුර්වල වීම.
මෙහිදී කන් ඇසීම දුර්වල වීම පිළිබඳ වෛද්ය පර්යේෂණ ගණනාවකට යොමු වුවද ඔහු තුළ පවත්නා කායික රෝගී බවක් සොයා ගත නොහැකි වූ අතර, ශාරීරිකව ඔහු මනා සෞඛ්ය තත්ත්වයකින් යුතු බව පෙන්නුම් කෙරුණි.
♦️ ඒ අනුව කරුණු සොයා බැලීමේදී පසක් වන්නේ, විභාගය අසමත්ව නිවසේ සිටි ඔහුගේ, යහළුවන් රැකියාවල නියුතු වීමත්, ඒ හේතුවෙන් රැකියාවකට යාමට නිවසෙන් කරන බල කිරීමත් නිසා වූ අකැමැත්ත මානසිකව ක්රියාත්මක වී එය කායික රෝග ලක්ෂණයක් ලෙස මතු පිටින් පෙන්නුම් කිරීමයි.
👉මෙම රෝගය හා සම්බන්ධ මනෝකායික එහෙමත් නැත්නම් කායරූපී අක්රමතා 5 ක් හඳුනා ගන්න අපිට පුලුවන්.
1.😮සංවර්ධනය කායරූපී අක්රමතාව -
මෙහිදී පුද්ගලයා තමන්ගේ ශරීරයේ විවිධ ඉන්ද්රියන්ගේ ආබාධ හටගෙන ඇතැයි සිතා වෛද්ය උපදෙස් පතයි. මනෝකායික ආබාධ ශරීරයේ පද්ධති නවයක් ආශ්රයෙන් ඇති වෙන්න පුලුවන් .
1.ශ්වසන පද්ධතිය
2.ENT පද්ධතිය
3.රුධිර සංසරණ පද්ධතිය
4.ආහාර ජීර්ණ පද්ධතිය
5.ස්නායු පද්ධතිය
6.මෞත්ර ලිංගික පද්ධතිය
7.අස්ථි පද්ධතිය
8.පේෂි පද්ධතිය
9.සම ආශ්රිතව
2. 😮රෝග කාංසාව -
මෙහිදී පුද්ගලයා තමන්ට අනිවාර්යයෙන් රෝගයක් ඇතැයි හෝ රෝගයක් වැළඳේයැයි සිතමින් ජීවත් වෙයි. එහිදී එකී සිතුවිලි නිසා අධික කාංසාවට පත්වීම සිඳුවිය හැක.
3. 😮කාය කරණීය අක්රමතාව -
මෙහිදී පුද්ගලයාට දීර්ඝ කාලයක් මුළුල්ලේ ස්නායු සම්බන්ධ රෝගාබාධ පෙන්නුම් කරයි.
උදා:- පිට කොන්දේ වේදනා, ලිංගික උදාසීන බව, කරකැවිල්ල, හිසේ කැක්කුම, වමනය ආදී ලක්ෂණ පෙන්නුම් කිරීමේ ඉඩ පවතී.
4. 😮කායරූපික වේදනා අක්රමතාව -
මෙහිදී පුද්ගලයාට ශරීරයේ කිසිම රෝගී බවක් නොමැතිව, වේදනා දැනීම් සිදුවන අතර, පවතින වේදනාත්මක බව වැඩි කර පෙන්වීමට උත්සාහ දරයි. කොඳු ඇට පේළියේ පහළ කොටස, කලවා - මාංශ පේශි වල මස් පිඬු වේදනා ආදිය ඇති බව මෙහිදී පෙන්වයි.
5.😮කායික කායරූපී අක්රමතාව -
මෙම අක්රමතාව ඇති වූ විට පුද්ගලයා සිතනුයේ, කෙතරම් තමා නිරෝගී වුවත්, තමන්ගේ ශරීරයේ නොයෙකුත් අඩුපාඩු පවතින බවයි.
උදා :- මුහුණේ රැලි, ලප කැලැල්, ශරීරයේ නොයෙකුත් කොටස්වල අඩුපාඩු ඇති බව සිතමින්, අනෙක් අයට නිතර නිතර පැවසීම සිදු කරයි.
👉 මනෝකායික රෝග ලක්ෂණ අක්රමතාව හඳුනා ගන්න විවිධ නිර්ණායක තියෙනවා. නැත්නම් හඳුනා ගැනීමේ ලක්ෂණ කියලත් , සරලව අපිට කියන්න පුලුවන් . ♦️දෛනික ජීවිතයේ සැලකිය යුතු බාධාවක් ඇති කරන, කායික රෝග ලක්ෂණ එකක් හෝ කීපයක් පැවතීම.
♦️කිසියම් රෝග ලක්ෂණයක් අඛණ්ඩව නොපෙන්විය හැකි වුවත්, රෝග ලක්ෂණ තත්ත්වය නොනැසී පැවතීම.( සාමාන්යයෙන් මාස 6 කට වඩා වැඩි කාලයක්) මෙවැනි වූ නිර්ණායක ගණනාවක් මෙහිදී අපිට පෙන්වා දෙන්න පුලුවන්.
🔥🔥කෙසේ වෙතත්, මනෝකායික අක්රමතාව වත්මන් සමාජය තුළ බොහෝ සෙයින් දැක ගන්න පුලුවන්.
👉රැකියාව සම්බන්ධ ප්රශ්න,
👉පවුල් ජීවිතේ ප්රශ්න,
👉අනෝන්ය සම්බන්ධතා,
👉ආර්ථික ප්රශ්න,
👉දරුවන් සම්බන්ධ ප්රශ්න
ආදී විවිධ ගැටලු පුද්ගලයන්ට ඇති වෙන්න පුලුවන්.ඒවා පැවසීමට තමන්ට විශ්වාසවන්ත අයෙක් නොසිටීම නිසා හෝ වෙනයම් හේතුවක් නිසා කාලයක් හිතේ දරාගෙන සිටීම, තමන්ගේ සිතුවිලි, අදහස් වෙනකෙනෙකුට නොපැවැසීම , කීමට තරම් සමීපතම කෙනෙක් නොමැතිවීම ආදී විවිධ හේතු නිසා හිතේ පීඩනය වැඩි වෙන්න පුලුවන්.මේ පීඩනය කාලයක් යද්දි විවිධ රෝග විදිහට පුද්ගලයගෙන් එළියට එන්න පුලුවන් .
♦️♦️ඒ අතරෙ හිසරදය, සමේ රෝග, නින්ද නොයාම, බඩේ අමාරුව, ඇදුම, හතිය, උදාසීන බව, කෑම අරුචිය, ලිංගික කැමැත්ත අඩුවීම, සමේ ආබාධ වගේ රෝග ලක්ෂණ පෙන්වන්න පුලුවන්.♦️♦️
👉👉🔥🔥 මෙතනදි මේ කායික රෝගයට ප්රතිකාර කිරීමෙන් පලක් නෑ. මෙහිදී ප්රතිකාරය කළ යුත්තේ රෝග මූලයට.එය මානසික හේතුවක් වෙන්න පුලුවන්.
♦️පාසල් සිසුන් තුළත් මේ තත්ත්වය ඇති වෙන්න පුලුවන්.
👉ගොත ගැසීම්,
👉ලිංගික විෂමාචාර,
👉ඉගෙනුම් දුෂ්කරතා,
👉පෞරුෂයේ ගැටලු විදිහට මේවා පෙන්නුම් කරන්න පුලුවන්.
දරුවාට මානසිකව ඇතිවූ ගැටලුවක් මීට මුල් වෙලා තියෙන්න පුලුවන්.
ගොඩක් වෙලාවට මනෝකායික අක්රමතාවට ලක් වූ පුද්ගලයො සමාජය හා ගැටීමේදි ඒ අය තුළින් විවිධ ඉරියව් විද්යමාන වෙන්න පුලුවන්.
ඒ අනුව
😮හැසීරීම් වෙනස්වීම්,
😮අනාරක්ෂිත බව,
😮ආත්ම විශ්වාසය අඩුවීම,
😮කෝපවීම,
😮නුරුස්නා බව,
😮බලාපොරොත්තු කඩවුණු බව,
😮අධික මහන්සිය වගේ දේවල් සමීපතමයන්ට දැක ගන්න පුලුවන් දිගින් දිගටම.
♦️♦️♦️ හැබැයි විශේෂයෙන්ම කියන්න දෙයක් තියෙනවා මෙතනදි. මනෝකායික අක්රමතාවයෙන් පෙළෙන්නන් තුළ මුලින්ම අපි කියපු තත්ත්වය දිගින් දිගටම තිබුණොත් අර්ශස් , හෘද රෝග, මල බද්ධය, සමේ රෝග වැනි රෝග සැබෑ ලෙසම වැළදීමේ ඉඩකඩ තියෙනවා.♦️♦️♦️
මේ මනෝකායික අක්රමතාවයෙන් මිදෙන්න නම්, කරන්න තියෙන හොඳම දේ තමයි,
❤️❤️ පලපුරුදු මනෝ උපදේශනයකට යොමු වීම.🌹🌹
ඒ තුළින් පවතින මානසික ව්යාකූල බවට, පීඩාවන්ට සැබෑම වූ සහනයක් ලබා ගන්න පුලුවන්. ❤️❤️
(ප.ලි. ඔබ, අපි දන්නෙ නෑ අපිට තියෙන්නෙ මානසික අක්රමතාවයක් බව.ඒත් තියෙන, පෙනෙන රෝග ලක්ෂණ වලට වෛද්ය ප්රතිකාර වලින් සහනයක් ලැබෙන්නෙ නැත්නම්, රෝගය හොයාගන්න බැරි නම්, කරන්න තියෙන සුදුසුම දේ තමයි මනෝ උපදේශකයෙකුගෙ සහය පැතීම. එය ඔබේ ජීවිතයට නව අරුණැල්ලක් වෙන්න පුලුවන් .❤️❤️)
✍️✍️රේණු ...
