https://www.facebook.com/337629679426124/

Health Myanmar By HIV Education Myanmar, Yangon, Yangon (2026)

01/06/2026

ပျော်ရွှင်စရာ Pride Month လေး ဖြစ်ပါစေရှင်။ 🏳️‍🌈

ဒီလလေးမှာ မမမြင့်မာရဲ့ မောင်လေး၊ ညီမလေးများအားလုံးနဲ့အတူ မတူကွဲပြားမှုတွေကို ဂုဏ်ပြုချင်ပါတယ်။ လူသားတိုင်းဟာ ကိုယ်ပိုင်လက္ခဏာတွေနဲ့ လှပနေကြသူတွေ ဖြစ်ပြီးတော့၊ ကျန်းမာရေးနဲ့ ပတ်သက်လာရင်လည်း ဘယ်သူမဆို သာတူညီမျှတဲ့ ဂရုစိုက်မှုနဲ့ ဝန်ဆောင်မှုတွေကို ခံယူပိုင်ခွင့် အပြည့်အဝရှိပါတယ်။

မမမြင့်မာအနေနဲ့ မောင်လေး၊ ညီမလေးတို့ရဲ့ ကျန်းမာရေးလမ်းကြောင်းမှာ အမြဲတမ်း အားပေးကူညီသွားမှာပါ။ အထူးသဖြင့် ART ဆေးဝါးရယူခြင်းနဲ့ ပတ်သက်တဲ့ အကြံဉာဏ်များ၊ ပုံမှန်သွေးစစ်ဆေးခြင်းနဲ့ သွေးစစ်ဖို့ လိုအပ်တဲ့ အကူအညီတွေကိုလည်း မမမြင့်မာဆီမှာ အချိန်မရွေး တိုင်ပင်ဆွေးနွေးနိုင်ပါတယ်။

ဘယ်လိုကျန်းမာရေး အခက်အခဲမျိုးကိုပဲ ရင်ဆိုင်နေရပါစေ၊ မောင်လေး၊ ညီမလေးတို့ ဘေးကနေ မမမြင့်မာ အမြဲရှိနေပြီး အကောင်းဆုံး အကူအညီတွေ ပေးသွားမှာပါ။

ကျန်းမာရေးစောင့်ရှောက်မှုမှာ ဘယ်သူ့ကိုမဆို သာတူညီမျှစွာ ဆက်ဆံပြီး နွေးထွေးစွာ ကူညီပေးဖို့ မမမြင့်မာ အမြဲအသင့်ရှိပါတယ်။ စိုးရိမ်ပူပန်နေစရာမလိုဘဲ အားမနာတမ်း ဆက်သွယ်လာဖို့ ဖိတ်ခေါ်လိုက်ပါတယ်ရှင်။

အားလုံးပဲ ကိုယ်စိတ်နှစ်ဖြာ ကျန်းမာရွှင်လန်းကြပါစေရှင်။

#မမမြင့်မာ

25/05/2026

အရေးပေါ် နို့မှုန့်အကူအညီ လိုအပ်နေသော PLHIV မိခင် ညီမလေး အတွက် အလှူငွေ ကောက်ခံပေးချင်လို့ပါရှင့်

ART ဆေးသောက်နေရတဲ့ စစ်ဘေးရှောင် မိခင်တစ်ဦးဟာ ကလေးငယ် ၆ လပြည့်တဲ့အထိ နို့မှုန့်တိုက်ကျွေးနိုင်ဖို့အတွက် အခက်အခဲဖြစ်နေပါတယ်။

အခက်အခဲပေါင်းစုံကြားက ရုန်းကန်နေရတဲ့ ဒီမိခင်နဲ့ ကလေးငယ်လေးအတွက် မိတ်ဆွေတို့ တတ်နိုင်သလောက် ဝိုင်းဝန်းကူညီပေးကြပါဦးရှင်။

လှူဒါန်းလိုပါက -
We Love HIV + Group Admin များထံသို့ တိုက်ရိုက်ဆက်သွယ်လှူဒါန်းနိုင်ပါတယ်။

သို့မဟုတ် မမမြင့်မာထံမှတစ်ဆင့် အလှူငွေလက်ခံပေးမည့် Admin ဖုန်းနံပါတ်ကို Messenger မှာ Message ပို့ပြီး တောင်းခံနိုင်ပါတယ်ရှင်။

မိတ်ဆွေတို့ လှူဒါန်းထားတဲ့ အလှူငွေပမာဏနဲ့ ဝယ်ယူပေးလိုက်တဲ့ နို့မှုန့်ဘူးပုံတွေကိုလည်း ပွင့်လင်းမြင်သာမှုရှိစေဖို့ We Love HIV+ Group နဲ့ မမမြင့်မာရဲ့ Page မှာ ပြန်လည်တင်ပေးသွားမှာဖြစ်ပါတယ်ရှင်။

မေတ္တာတရားဖြင့် ဝိုင်းဝန်းကူညီပေးကြမည့် မိတ်ဆွေများအားလုံးကို မမမြင့်မာက ကျေးဇူးအထူးတင်ရှိပါတယ်။

https://www.facebook.com/share/p/1WDUrTocee/

https://www.facebook.com/share/p/18eL9NjWBy/?

#မမမြင့်မာ

17/04/2026

မင်္ဂလာပါရှင်၊ ✨

မြန်မာနှစ်သစ်ကူး အတာသင်္ကြန်အခါသမယမှာ မမမြင့်မာနဲ့အတူ HIV Edu Myanmar နဲ့ Health Myanmar တို့ကနေ မောင်လေး ညီမလေးများအားလုံးကို လှိုက်လှိုက်လှဲလှဲ နှုတ်ခွန်းဆက်သ ဆုမွန်ကောင်းတောင်းပေးလိုက်ပါတယ်နော်။ 😊

နှစ်ဆန်းတစ်ရက်နေ့ကစပြီး လူတိုင်း စိတ်၏ချမ်းသာခြင်း၊ ကိုယ်၏ကျန်းမာခြင်းနဲ့ ပြည့်စုံပြီး အေးချမ်းသာယာတဲ့ နှစ်သစ်ကို ပိုင်ဆိုင်နိုင်ကြပါစေလို့ ဆုတောင်းပေးပါတယ်ရှင်။ 💐

ဒါ့အပြင် မမတို့ အလေးအနက်ထား ဆုတောင်းတာတစ်ခုရှိပါတယ်။ အဲဒါကတော့၊ မမတို့နဲ့အတူ ယဉ်တွဲနေထိုင်နေကြတဲ့ HIV ပိုးရှိသူ မောင်လေး ညီမလေးများအားလုံးအတွက် ပိုပြီး ထိရောက် ကောင်းမွန်တဲ့ ဆေးဝါးတွေနဲ့ ကုသနည်းသစ်တွေ အမြန်ဆုံးပေါ်ထွက်လာပါစေလို့ပါ။ 🙏💊

မမတို့ HIV Edu Myanmar နဲ့ Health Myanmar တို့က မောင်လေး ညီမလေးတို့ရဲ့ ကျန်းမာရေးနဲ့ ဘဝအရည်အသွေး တိုးတက်ဖို့အတွက် အမြဲတမ်း ပံ့ပိုးကူညီပေးနေဦးမှာပါ။ 💪 နှစ်သစ်မှာ အေးချမ်းကြပါစေ၊ ကျန်းမာရေးကိုလည်း ဂရုစိုက်ကြပါနော်။

13/04/2026

💦 အတာရေနဲ့အတူ အေးချမ်းကြပါစေရှင်

ချစ်ခင်ရတဲ့ မိသားစုဝင်တွေအားလုံး မင်္ဂလာရှိတဲ့ သင်္ကြန်အခါသမယမှာ စိတ်၏ချမ်းသာခြင်း၊ ကိုယ်၏ကျန်းမာခြင်းနဲ့ ပြည့်စုံကြပါစေလို့ မမမြင့်မာ က ရှေးဦးစွာ ဆုမွန်ကောင်းတောင်းပေးလိုက်ပါတယ်။

နွေအပူတွေကို အတာရေအေးအေးလေးနဲ့ အေးမြစေသလိုမျိုးပဲ၊ ကျွန်မတို့ရဲ့ စိတ်ထဲမှာရှိနေတဲ့ ပူပန်မှုတွေ၊ စိုးရိမ်မှုတွေနဲ့ ပင်ပန်းနွမ်းနယ်မှု အားလုံးကိုလည်း ဒီသင်္ကြန်ရေနဲ့အတူ ဆေးကြောသန့်စင်ပစ်လိုက်ကြရအောင်နော်။

🤍 HIV ပိုးဖြင့် အတူယှဉ်တွဲနေထိုင်သူ မိသားစုဝင်များအတွက်
သင်္ကြန်ရက်ရှည်မှာ ပျော်ပျော်ရွှင်ရွှင်ဖြတ်သန်းရင်း မိမိကိုယ်ကို ဂရုစိုက်ဖို့လည်း မမေ့ကြနဲ့ဦးနော်။

အားအင်အသစ်တွေနဲ့ ရှေ့ဆက်နိုင်ဖို့ မမမြင့်မာ က အမြဲတမ်း ဘေးနားကနေ ရှိနေပေးမှာပါ။ ကိုယ့်ကိုယ်ကိုယ် ယုံကြည်မှုရှိရှိနဲ့ ဒီသင်္ကြန်မှာ အေးအေးချမ်းချမ်း အပန်းဖြေနိုင်ကြပါစေ။

✨ စစ်ဆေးဖို့နဲ့ အကြံဉာဏ်လိုအပ်နေသူများအတွက်
ကျန်းမာရေးအတွက် စမ်းသပ်စစ်ဆေးဖို့ပဲဖြစ်ဖြစ်၊ လိုအပ်တဲ့ အကြံဉာဏ်တွေတောင်းခံဖို့ပဲဖြစ်ဖြစ် ဝန်လေးနေစရာ မလိုပါဘူးနော်။

မမမြင့်မာ ဆီကို မိသားစုဝင်တစ်ယောက်လို ယုံကြည်စိတ်ချစွာနဲ့ လာရောက်တိုင်ပင်ဖို့ ဖိတ်ခေါ်ပါတယ်။

နွေးထွေးတဲ့ အကြံဉာဏ်တွေနဲ့အတူ အမြဲစောင့်ကြိုနေမှာပါ။
သင်္ကြန်ရက်တွေမှာ အားလုံးပဲ ဘေးကင်းလုံခြုံစွာနဲ့ အေးမြပျော်ရွှင်နိုင်ကြပါစေရှင်။

#မမမြင့်မာ

03/04/2026

အသိပေးချက်- နှစ်သစ်ကူး ရုံးပိတ်ရက်ရှည်အတွက် ကြိုတင်ပြင်ဆင်ရန်

ချစ်ခင်ရပါသော မိသားစုဝင်များရှင်...

မြန်မာ့ရိုးရာ အတာသင်္ကြန် ရုံးပိတ်ရက်ရှည်အတွင်း မောင်လေးညီမလေးတို့ရဲ့ ကျန်းမာရေး စောင့်ရှောက်မှု အစီအစဉ်များ အဆက်မပြတ်စေရန်နှင့် လိုအပ်သည့် ဆေး အကူအညီ နှင့် Test Kit များကို ကြိုတင် မှာယူနိုင်ရန် မမမြင့်မာ မှ အသိပေး နှိုးဆော်အပ်ပါတယ်။

ပို့ဆောင်ရေး လုပ်ငန်းများ နားရက်နှင့် အဆင်ပြေစေရန်အတွက် -
🚚 နယ်ဝေးနှင့် ပြည်ပမှ မှာယူသူများအတွက်: မိမိတို့ လိုအပ်သည့် အေRတီ ဆေး အကူအညီ နှင့် Test Kit များကို ဧပြီလ (၆) ရက်နေ့ ထက် နောက်မကျဘဲ ကြိုတင်မှာယူပေးကြပါရန် မေတ္တာရပ်ခံအပ်ပါတယ်။

🏥 မန္တလေး "အောင်" ဆေးခန်းနှင့် ရန်ကုန် (Pick-up) တို့ကိုတော့ သင်္ကြန်ကာလအတွင်း ပိတ်ရက်မရှိ ပုံမှန်အတိုင်း ဖွင့်လှစ်ပေးထားမည် ဖြစ်သောကြောင့် လိုအပ်သည်များကို အချိန်မရွေး ဆက်သွယ်ဝယ်ယူနိုင်ပါပြီ။

သင်္ကြန်ပိတ်ရက်အပြီး ဧပြီလ (၁၈) ရက်နေ့တွင် မှာယူထားသော order နှင့် ဝန်ဆောင်မှုများကို ပုံမှန်အတိုင်း ပြန်လည်စတင် ဝန်ဆောင်မှု ပေးသွားမှာ ဖြစ်ပါတယ်။

မိသားစုဝင်များအားလုံး နှစ်သစ်မှာ စိတ်၏ချမ်းသာခြင်း၊ ကိုယ်၏ကျန်းမာခြင်းများဖြင့် ပြည့်စုံကာ ပျော်ရွှင်စရာ သင်္ကြန်ကာလလေး ဖြစ်ပါစေကြောင်း မမမြင့်မာ မှ ဆုမွန်ကောင်းတောင်းပေးလိုက်ပါတယ်။

#မမမြင့်မာ

30/03/2026

❤️ နှစ်သစ်မှာ ကျန်းမာရေးကို ပိုသက်သာစွာ ဂရုစိုက်နိုင်မယ့် အစီအစဉ် ❤️

မင်္ဂလာပါရှင့်... ချစ်ရတဲ့ မောင်လေး၊ ညီမလေးတို့ရေ။

April လဆိုတာ မြန်မာနှစ်သစ်ကူးကို ကြိုဆိုတဲ့ ပျော်ရွှင်စရာလလေးပေါ့နော်။

ဒီနှစ်သစ်မှာ ကိုယ့်ကိုယ်ကိုယ်ရော၊ ကိုယ်ချစ်ရတဲ့သူတွေကိုပါ ပိုပြီးဂရုစိုက်နိုင်ဖို့နဲ့

SAYသောက်မပြတ်စေဖို့ အတွက် မမမြင့်မာက Special New Year Gift အနေနဲ့ Promotion အစီအစဉ်လေးကို ထပ်မံယူဆောင်လာခဲ့ပါတယ်။

✨ April Special Promotion ✨
🎁 အစီအစဉ် (၁): TLE သို့မဟုတ် TLD sayတွဲ mhar yu တိုင်း - 10,000 MMK တိတိ Discount (Cash Back) ရရှိပါမယ်။

🎁 အစီအစဉ် (၂): TLD (၃ လစာ) set ကို တစ်ခါတည်း mhar yu ပါက - 50,000 MMK တိတိ Discount ရရှိမှာမို့ အရမ်းကို တန်နေပါပြီရှင်။

🎁 အစီအစဉ် (၃): Test Kit များအားလုံး mhar yu de တိုင်း - 5,000 MMK တိတိ Discount ရရှိပါမယ်။

📅 ပရိုမိုးရှင်းကာလ: ၂၀၂၆ ခုနှစ်၊ ဧပြီ (၁) ရက်နေ့မှ (၅) ရက်နေ့အထိ (၅ ရက်တာ အတွင်းသာ)။

အခုလို နှစ်သစ်ကူးကာလမျိုးမှာ ကိုယ့်ရဲ့ကျန်းမာရေးအတွက် ကြိုတင်ပြင်ဆင်ထားနိုင်ဖို့ အကောင်းဆုံး အခွင့်အရေးပါပဲ။

"ကျန်းမာမှ အရာရာကို ပျော်ပျော်ရွှင်ရွှင် ဖြတ်သန်းနိုင်မှာမို့" မမမြင့်မာတို့က အမြဲရှိနေပေးမယ်နော်။ ❤️

📩 mhar yu လိုပါက: Page Messenger မှတစ်ဆင့် အသေးစိတ် မေးမြန်း mhar yu နိုင်ပါတယ်။

ကျန်းမာပျော်ရွှင်တဲ့ မြန်မာနှစ်သစ်ကူးလေး ဖြစ်ပါစေရှင်။

#မမမြင့်မာ

24/03/2026

အခုလက်ရှိဖြစ်ပေါ်နေတဲ့ စက်သုံးဆီ အခက်အခဲလေးတွေကြောင့် ဗုဒ္ဓဟူးနေ့တိုင်းကို Work From Home (WFH) အဖြစ် သတ်မှတ်လိုက်တဲ့အတွက် မိတ်ဆွေတို့ ART ဆေးထုတ်ယူရမယ့် ရက်လေးတွေကို အဆင်ပြေအောင် အနည်းငယ် ပြင်ဆင်ပြောင်းလဲထားတယ်လို့ သိရပါတယ်။

မမမြင့်မာ သိထားရတဲ့ သတင်းကတော့
(၃၀.၃.၂၀၂၆) ရက်နေ့ကစပြီး ကြည့်မြင်တိုင် ခုခံကျကာလသားရောဂါ တိုက်ဖျက်ရေးဌာနမှာ ဗုဒ္ဓဟူးနေ့တိုင်း ဆေးခန်းပိတ်သွားမှာ ဖြစ်ပါတယ်။

ဒါကြောင့် ဆေးလာထုတ်မယ့် ရက်လေးတွေကို အောက်ပါအတိုင်း မှတ်သားပေးကြပါဦးနော်။
ဆေးပေးသည့်ရက် အပြောင်းအလဲ (ယာယီ)

• ယခင် ဆေးပေးရက်များ: အင်္ဂါ၊ ဗုဒ္ဓဟူး၊ ကြာသပတေး
• ယခု ပြောင်းလဲလိုက်သော ရက်များ: တနင်္လာ၊ အင်္ဂါ၊ ကြာသပတေး

ဗုဒ္ဓဟူးနေ့အစား တနင်္လာနေ့မှာ ပြောင်းလဲဖွင့်လှစ်ပေးသွားမှာဖြစ်လို့ ရက်လေးတွေ မှားမလာအောင် သတိပြုပေးကြပါရှင့်။

အားလုံးပဲ ကျန်းမာရေးကို ဂရုစိုက်ကြပါနော်။

#မမမြင့်မာ

22/03/2026

❓ ART ဆေးသောက်ကတည်းက အမြဲတမ်း ပင်ပန်းနုံးချိနေလို့ ဘယ်လိုအားဆေးမျိုး သောက်သင့်လဲ "

ဒီမေးခွန်းလေးကို မမမြင့်မာ က သေချာလေး ရှင်းပြပေးချင်ပါတယ်ရှင့်။ အားဆေးဆိုတာထက် အရင်ဆုံး ကိုယ့်ခန္ဓာကိုယ်က ဘာကြောင့် ပင်ပန်းနေရတာလဲဆိုတဲ့ "အဖြေ" ကို အတူတူ ရှာကြည့်ရအောင်နော်။ 🔍

✅ အားဆေး မသောက်ခင် အရင်ဆုံး ဒါလေးတွေကို ပြန်ဆန်းစစ်ကြည့်ရအောင်နော် -

• အိပ်စက်ခြင်း - တစ်ညကို (၇) နာရီကနေ (၉) နာရီအထိ အနှစ်ခြိုက်ဆုံး အိပ်ပျော်ရဲ့လား? 😴

• စိတ်ဖိစီးမှု - စိတ်ညစ်စရာတွေ၊ စိတ်ဓာတ်ကျတာမျိုးတွေ ခံစားနေရသလား? 😔

• နေထိုင်မှုပုံစံ - ရေလုံလုံလောက်လောက် သောက်ရဲ့လား? လေ့ကျင့်ခန်းကော ပုံမှန်လုပ်ဖြစ်ရဲ့လား? 💧🏃‍♂️

ဒီအချက်တွေက ပုံမှန်ပဲဆိုရင်တော့ ဆရာဝန်နဲ့တိုင်ပင်ပြီး သွေးစစ်ကြည့်ဖို့ လိုအပ်နိုင်ပါတယ်ရှင့်။ 🩺

တစ်ခါတလေ သွေးအားနည်းတာ (Iron နည်းတာ)၊ ဗီတာမင် B12 အားနည်းတာ၊ သိုင်းရွိုက် (Thyroid) နဲ့ အသည်းလုပ်ဆောင်ချက်တွေကြောင့်လည်း နုံးချိနေတတ်ပါတယ်။ 🧪

တကယ်လို့ ဓာတ်ခွဲခန်းအဖြေအရ လိုအပ်တယ်ဆိုမှသာ ဆရာဝန်ညွှန်ကြားတဲ့ အားဆေးကို သောက်တာ အကောင်းဆုံးပါပဲ။

💡 မမမြင့်မာ ပေးချင်တဲ့ အကြံပြုချက် - တကယ်တော့ အကောင်းဆုံး အားဆေးဆိုတာ "လုံလောက်တဲ့ အိပ်စက်ခြင်း၊ အာဟာရပြည့်ဝအောင် စားသုံးခြင်းနဲ့ ပုံမှန်လေ့ကျင့်ခန်း လုပ်ပေးခြင်း" ပဲ ဖြစ်ပါတယ်ရှင့်။ 🍎💪

⚠️ ART ဆေးသောက်နေသူများအတွက် သတိပြုရန် (အထူးသဖြင့် Dolutegravir သုံးစွဲသူများ)
အားဆေး (Supplements) တွေ သောက်တော့မယ်ဆိုရင် ART ဆေးတွေနဲ့ ဓာတ်ပြုမှု (Drug Interaction) ရှိမရှိ အမြဲသတိထားရပါမယ်။

💊 အထူးသဖြင့် Dolutegravir (DTG) ပါဝင်တဲ့ ဆေးဝါးတွေ သောက်နေရတယ်ဆိုရင် -

၁။ သတ္တုဓာတ်ပါသော အားဆေးများ - မဂ္ဂနီစီယမ် (Magnesium)၊ အလူမီနီယမ် (Aluminium) ပါတဲ့ လေဆေးတွေ၊ ကယ်လ်စီယမ် (Calcium) နဲ့ သံဓာတ် (Iron) ပါတဲ့ အားဆေးတွေဟာ Dolutegravir ဆေးရဲ့ စုပ်ယူမှုကို အနှောင့်အယှက် ပေးနိုင်ပါတယ်။ 🚫

၂။ သောက်ရမည့် အချိန် - ဒီလိုအားဆေးတွေကို သောက်မယ်ဆိုရင်

💊 ART ဆေး မသောက်ခင် အနည်းဆုံး (၆) နာရီ (သို့မဟုတ်)

💊 ART ဆေးသောက်ပြီး (၂) နာရီအကြာ မှသာ သောက်သင့်ပါတယ်ရှင့်။ ⏰

၃။ ဆရာဝန်နှင့် တိုင်ပင်ပါ - ဆေးဆိုင်မှာ ကိုယ့်ဘာသာ အားဆေးဝယ်သောက်တာမျိုးထက်၊ ဆေးသစ်တစ်မျိုးမျိုး ထပ်တိုးတော့မယ်ဆိုရင် မိမိပြသနေကျ ဆရာဝန်နဲ့ အရင်ဆုံး တိုင်ပင်ဆွေးနွေးဖို့ မမက အထူးတိုက်တွန်းချင်ပါတယ်ရှင့်။ 👨‍⚕️👩‍⚕️

ကျန်းမာကြံ့ခိုင်တဲ့ လူနေမှုဘဝကို အတူတူ တည်ဆောက်ကြစို့နော်။ ✨

#မမမြင့်မာ

01/03/2026

💊 ဆေး ၂ မျိုးတည်းနဲ့ အာနိသင်ပြည့်ဝတဲ့ ART တစ်နေ့တစ်လုံးသောက်ဆေးသစ်

💡ပုံမှန်ဆိုရင် HIV ပိုးကို ထိန်းချုပ်ဖို့ သောက်ရတဲ့ ART ဆေးတွဲတွေမှာ ဆေးအာနိသင် မတူညီတဲ့ ဆေးအမျိုးအစား အနည်းဆုံး ၃ မျိုးနဲ့ အထက် ပါရလေ့ရှိပါတယ်ရှင့် (ဥပမာ ဆေး ၃ မျိုး၊ ၄ မျိုးပေါင်းစပ်ထားတဲ့ ဆေးလုံးတွေ)

ဒါပေမဲ့ အခုပေါ်ထွက်လာတဲ့ ဆေးသစ်ကတော့ ထူးထူးခြားခြား ဆေး ၂ မျိုးတည်းကို တစ်လုံးတည်းအဖြစ် ပေါင်းစပ်ထားတာ ဖြစ်ပါတယ်။

• ဒီဆေးသစ်အကြောင်းကို Gilead Sciences က အမေရိကန်၊ ဒင်ဗာမြို့မှာ ကျင်းပတဲ့ CROI 2026 ညီလာခံမှာ တင်ပြခဲ့တာပါရှင့်။

• ဆေးသစ်မှာ Bictegravir (BIC - oral integrase inhibitor) နဲ့ Lenacapavir (LEN - HIV capsid inhibitor) ဆိုတဲ့ ဆေး ၂ မျိုးပဲ ပါဝင်ပါတယ်။

💉Lenacapavir က တော့ တစ်နှစ်မှ ၂ ကြိမ်ပဲ ထိုးရတဲ့ HIV ကာကွယ်ဆေး PrEP အမျိူးအစားထွက်ပြီးသားကို သောက်ဆေးအနေနဲ့ လေ့လာခဲ့တာဖြစ်ပါတယ်။

💡 ဆေးယဉ်ပါးမှုရှိသူတွေနဲ့ ဆေးလုံးရေအများကြီးသောက်နေရသူတွေအတွက် အဆင်ပြေစေတာကိုလည်းတွေ့ထားရပါသေးတယ်။

သုတေသန စမ်းသပ်ချက်တွေဖြစ်တဲ့

ARTISTRY-1 နဲ့ ARTISTRY-2 အရ သိလာရတာကတော့ -

• 🦠ဆေးတွဲရှုပ်ထွေးနေသူတွေ: အရင်ဆေးတွေအများကြီး (ဥပမာ တစ်နေ့ကို ၅ လုံးနဲ့အထက်) သောက်နေရတဲ့ HIV ပိုးဖြင့်ယှဉ်တွဲနေထိုင်သူတွေ၊ ဆေးယဉ်ပါးမှု ရှိနေသူတွေ ဒါမှမဟုတ် တခြားရောဂါအခံတွေကြောင့် ဆေးသောက်ရတာ ခက်ခဲနေသူတွေမှာ ဒီဆေးသစ်ကို ပြောင်းသောက်ကြည့်တဲ့အခါ ၉၆% က ဗိုင်းရပ်စ်ပိုးကို ဆက်လက် ထိန်းချုပ်ထားနိုင်တာ တွေ့ရပါတယ်ရှင့်။

• 💊အရင်ဆေးသောက်နေသူတွေ: အခုလက်ရှိ Biktarvy ဆေးကို သောက်နေတဲ့ HIV ပိုးဖြင့်ယှဉ်တွဲနေထိုင်သူတွေမှာလည်း ဒီဆေးသစ်ကို ပြောင်းသောက်တဲ့အခါမှာ အာနိသင်က အတူတူပဲ ထိရောက်မှုရှိတာကို တွေ့ရပါတယ်ရှင့်

• ဆေးကို ပြောင်းသောက်သူတွေမှာ Treatment Satisfaction (ကုသမှုအပေါ် ကျေနပ်မှု) ပိုများလာတာ တွေ့ရပါတယ်ရှင့်။

⚠️ မမမြင့်မာရဲ့ အကြံပေးချက်

ဒီဆေးသစ်ဟာ ဆေးလုံးရေလျှော့ချနိုင်လို့ ဘေးထွက်ဆိုးကျိူးတွေ လျှော့ချနိုင်မှာဖြစ်ပါတယ်

‼️အရေးကြီးဆုံး သတိထားရမှာကတော့ - ဒီဆေးသစ်ကို ပြောင်းသောက်တော့မယ်ဆိုရင် မိမိမှာ အသည်းရောင် အသားဝါ (B) ပိုး ရှိ၊ မရှိ အရင်စစ်ဆေးဖို့ လိုပါတယ်ရှင့်။

ဘာလို့လဲဆိုတော့ အရင်ဆေးထဲမှာပါတဲ့ (Tenofovir) လိုမျိုး ဆေးတွေကို ရပ်လိုက်တဲ့အခါ (B) ပိုး ပြန်ပွါးလာနိုင်ခြေ ရှိလို့ပါရှင့်။ တကယ်လို့ (B) ပိုး ကာကွယ်ဆေး မထိုးရသေးရင် ထိုးထားဖို့လည်း မမက တိုက်တွန်းချင်ပါတယ်ရှင့်။

အခုလောလောဆယ်မှာတော့ ဒီဆေးကို FDA ဆီကနေ တရားဝင် ခွင့်ပြုချက်ရဖို့ Gilead Sciences က တင်ပြဖို့ ပြင်ဆင်နေဆဲ ဖြစ်ပါတယ်ရှင့်။

မကြာခင်မှာ ကုသမှုတွေ ပိုပြီး လွယ်ကူရိုးရှင်းလာတော့မှာမို့ အားလုံးပဲ အားတင်းထားကြပါဦးနော်။

📌ယခု အကြောင်းအရာတွင် ဆေးဘက်ဆိုင်ရာအချက်အလက်များ Source မူရင်း သတင်းများ ပါဝင်သဖြင့် ပြန်လည်ကူးယူပြီး မိမိစာမျက်နှာတွင် တင်ခြင်းမပြုရန် မေတ္တာရပ်ခံအပ်ပါသည်။

📌 မျှဝေလိုပါက မမမြင့်မာ၏ မူရင်း Post ကိုသာ Share လုပ်ပါရန် မေတ္တာရပ်ခံအပ်ပါသည်။

📌 မူရင်းသတင်း Link အား Comment တွင်ကြည့်ပါ

💊 WHO လမ်းညွှန်ချက်နဲ့ ကိုက်ညီတဲ့ ART၊ PEP နဲ့ PrEP ကာကွယ်ရေးနဲ့ ကုသရေး တို့အတွက် လိုအပ်တဲ့ အကူအညီများကို မမမြင့်မာတို့ Page မှာစုံစမ်းမေးမြန်းနိုင်ပါတယ်နော်

#မမမြင့်မာ #ဆေးသစ်သတင်းကောင်း #ဆေး၂မျိုးတည်း

28/02/2026

❤️ မတ်လအတွက် လျှော့စျေး က ပိုတန်သွားပြီနော်

မင်္ဂလာပါရှင့်... ချစ်ရတဲ့ မောင်လေး၊ ညီမလေးတို့ရေ

မတ်လလေးကို ရောက်ရှိလာပြီဆိုတော့ ကိုယ့်ရဲ့ ကျန်းမာရေးအတွက် ပိုမိုဂရုစိုက်နိုင်ဖို့နဲ့ ပိုကျန်းမာစေဖို့ မမမြင့်မာက အစီအစဉ်အသစ်တွေ ရှိတယ်နော်

✨ March Special Promotion (၃ မျိုး) ✨

🎁 အစီအစဉ် (၁): အေRတီ တီLE သို့မဟုတ် အေRတီ တီLဒီ (၁ လစာ) mhar yu တိုင်း - ၁သောင်း ကျပ် တိတိ သက်tharခွင့် ရရှိပါမယ်။

🎁 အစီအစဉ် (၂) - အထူးအစီအစဉ်: အေRတီ တီLဒီ (၃ လစာ) ကို တစ်ခါတည်း mhar yu ပါက ၅သောင်း တိတိ သက်tharခွင့် ရရှိမှာမို့ အရမ်းကို တန်နေပါပြီရှင်။ (အမြဲ mhar yu နေကျသူတွေအတွက် အသင့်တော်ဆုံးပါပဲ!)

🎁 အစီအစဉ် (၃): မိမိကိုယ်တိုင် စစ်ဆေးနိုင်တဲ့ Test Kit အားလုံး mhar yu တိုင်း - ၅၀၀၀ ကျပ် တိတိ သက်tharခွင့် ရရှိပါမယ်။

📅 ပရိုမိုးရှင်းကာလ: ၂၀၂၆ ခုနှစ်၊ မတ်လ (၁) ရက်နေ့မှ (၅) ရက်နေ့အထိ (၅ ရက်သာ)။

ကိုယ့်ရဲ့ နေ့စဉ်ကျန်းမာရေး အတွက် လိုအပ်တာတွေကို အခုလို Promotion ရှိတုန်းမှာ ကြိုတင်ပြင်ဆင် စုဆောင်းထားနိုင်ဖို့ ဒါဟာ အကောင်းဆုံး အခွင့်အရေးပါပဲ။ ကိုယ့်ကိုယ်ကိုယ် ဂရုစိုက်ခြင်းဟာ အကောင်းဆုံးသော ချစ်ခြင်းမေတ္တာပါပဲနော်။ ❤️

📩 mhar yu လိုပါက: အသေးစိတ်ကို Page Messenger မှတစ်ဆင့် နွေးထွေးစွာ မေးမြန်း mhar yu နိုင်ပါတယ်။

ကျန်းမာပျော်ရွှင်တဲ့ မတ်လလေးကို အတူတူ ဖြတ်သန်းကြရအောင်

#မမမြင့်မာ #အေRတီ #တီLE #တီLဒီ

Health Myanmar By HIV Education Myanmar

01/06/2026

25/05/2026

17/04/2026

13/04/2026

03/04/2026

30/03/2026

24/03/2026

22/03/2026

01/03/2026

28/02/2026

Address

Website

Alerts

Contact The Practice

Shortcuts

Share

Category