Dr Hamda Nassereldine - pediatrician

Dr Hamda Nassereldine - pediatrician pediatrics - neonatalogy

07/06/2026

هل المشاية (Marche Bébé) تساعد الطفل على المشي؟
الجواب: لا. الدراسات أظهرت أن Marche Bébé لا تسرّع المشي، وقد تؤخر بعض المهارات الحركية وتزيد خطر الحوادث والإصابات.
أفضل طريقة لتعلم المشي هي اللعب والحركة بحرية على الأرض في بيئة آمنة.
دعوا أطفالكم يتعلمون المشي بشكل طبيعي وآمن." 👶❤️

02/06/2026

Cradle Cap
هي حالة جلدية شائعة عند الرضع تنتج عن زيادة إفراز الدهون وتأثير الهرمونات الأمومية بعد الولادة، وليست بسبب الحساسية أو قلة النظافة.
تظهر عادة خلال الأسابيع أو الأشهر الأولى من العمر على شكل قشور صفراء أو بيضاء سميكة على فروة الرأس، وقد تمتد أحياناً إلى الحاجبين وخلف الأذنين.
لا تكون معدية ولا تسبب ألماً للطفل في معظم الحالات، وغالباً تتحسن تلقائياً خلال الأشهر الأولى من الحياة.
إذا ترافق الأمر مع احمرار شديد، إفرازات، أو انتشار واسع للطفح، يُنصح بمراجعة طبيب الأطفال للتقييم.

31/05/2026

بتعرفوا يا أهل، إنو البيبي بيتعلم اللغة من أول يوم بحياته، حتى قبل ما يقدر يحكي؟
كل مرة بتحكوا مع طفلكم، بتغنّولو، أو بتوصفوله شو عم تعملوا، أنتم عم تساعدوا دماغه ينمو ويتطور.
احكوا مع البيبي أثناء الرضاعة، تغيير الحفاض، الاستحمام، أو اللعب. سمو الأشياء بأسمائها، وخلّوا كلامكم بسيط وواضح.
ولما البيبي يطلع أصوات أو يبتسم، ردّوا عليه وكأنكم عم تعملوا حوار حقيقي معه. هيدا الشي بيساعد على تطوير اللغة والتواصل والمهارات الاجتماعية.
تذكروا: ما في طفل صغير كتير على الكلام، وكل دقيقة بتحكوا فيها مع طفلكم هي استثمار بتطوره ومستقبله."
✨ رسالة أخيرة: "احكوا، غنّوا، واقرؤوا لطفلكم كل يوم... فالكلمات الأولى تبدأ من سماعها مرارًا وتكرارا

27/05/2026

كل عام وأنتم بخير

23/05/2026

في نوع من نوبات الصرع عند الأطفال ممكن يمرّ بدون ما ينتبه الأهل اسمه
Absence Seizure أو نوبة الشرود.
الطفل فجأة يوقف كلامه أو نشاطه لعدة ثواني…
يحدّق بمكان واحد…
وما يردّ لما نحكي معه.
بعدها مباشرة يرجع طبيعي كأنه ما صار شيء.
كثير ناس يعتقدوا أنه شرود عادي أو عدم انتباه…
لكن إذا تكررت الحالة مرات كثيرة باليوم، لازم تقييم طبي.
هالنوبات غالبًا قصيرة جدًا، بدون سقوط أو حركات قوية،
لكن تشخيصها مهم حتى ما تأثر على التعلم والتركيز.
التشخيص يكون عبر طبيب أطفال أو أعصاب وتخطيط دماغ EEG.
وأغلب الحالات تتحسن بشكل ممتاز مع العلاج المناسب.

18/05/2026

متى نبدأ نخلّع الطفل الحفاض؟
ما في عمر “إجباري”، لكن أغلب الأطفال بيكونوا جاهزين بين عمر سنتين لـ ٣ سنوات.
علامات الجاهزية:
✨ يبقى الحفاض ناشف لساعتين أو أكثر
✨ يخبر إنه عمل p**i أو kaka
✨ ينزعج من الحفاض الوسخ
✨ يقدر يقعد ويمشي ويتبع تعليمات بسيطة
كيف نعرض عليه الحمام؟
🕑 الأفضل نعرض الطفل على الحمام بشكل متكرر، أحيانًا كل نصف ساعة إلى ساعة بالبداية، لنساعده يربط الإحساس بالحاجة للحمام.
✨ خلوه يقعد فقط ٣–٥ دقائق بدون ضغط أو إجبار، حتى ما يحس إن الحمام عقاب.
🚽 بعد الأكل أو بعد الاستيقاظ / قبل النوم والخروج من البيت
👏 بدون ضغط أو عقاب إذا صار حوادث
مهم جدًا:
التدرج والصبر أهم من السرعة
كل طفل يختلف عن الثاني
التدريب الليلي عادة يتأخر أشهر عن النهاري
❌ لا تجبروا الطفل إذا كان رافض تمامًا أو بمرحلة مرض/تغيير كبير.
التشجيع والكلمات الحلوة بيعملوا فرق أكبر من العصبية
وتذكروا دايما :
كل طفل بيتعلم بوقته الطبيعي ❤️


14/05/2026

"سعلة الطفل إذا استمرت أكتر من ٤ أسابيع… لازم تنعمل متابعة طبية ⚠️
مو كل سعلة سببها رشح!
الأسباب الشائعة ممكن تكون:
▪️ ربو أو حساسية
▪️ تحسس أنف ونزول إفرازات / تضخم اللحمية
▪️ ارتجاع معدة
▪️ أو أحيانًا التهاب أو جسم غريب بالجهاز التنفسي.
خصوصًا إذا السعلة بتزيد بالليل أو معها صفير وضيق نفس
العلاج الصحيح يبدأ بمعرفة السبب الحقيقي مش بس أدوية للسعال.

11/05/2026

كل ما يرضع يرجع؟
مش كل ترجيع يعني مرض ممكن يكون ارتجاع طبيعي عند الأطفال
الارتجاع عند الرضع شائع جدا خصوصا بأول أشهر من العمر
بيصير لأن الصمام بين المعدة والمريء ما اكتمل قوي بشكل كامل فالحليب ممكن يطلع لفوق بعد الرضاعة.
طالما الطفل:
عم يزيد وزن ،مرتاح ،وما عنده صعوبة تنفس أو تقيؤ قوي متكرر،
فغالبا ارتجاع طبيعي وبيخف تدريجيا مع النمو.
شو بيساعد؟
نرضّع الطفل ببطء، ما نمدده مباشرة بعد الرضعة، نخليه بوضعية مستقيمة ونتجنب الرضعات الكبيرة دفعة وحدة.
لكن لازم نراجع طبيب إذا كان في:
ضعف زيادة وزن، قيء أخضر أو فيه دم،اختناق أو ازرقاق،رفض رضاعة شديد، أو بكاء وألم مستمر.
وغالبًا الارتجاع يتحسن بعمر 6–12 شهر

خبروني طفلكم كان يعاني من ارتجاع؟

20/04/2026

حرارة طفلك مرتفعة؟ لا تتوتر بس اعرف كيف تتصرف صح
إذا ارتفعت حرارة الطفل:
✔️ تأكد من قياسها بميزان دقيق
✔️ خفف ملابسه وما تغطيه زيادة
✔️ قدم سوائل أو رضاعة بشكل متكرر
✔️ ممكن تعطي خافض حرارة مناسب لعمره ووزنه
🚫 تجنب:
الكمادات الباردة جدا أو الثلج
إعطاء أدوية بدون استشارة
⚠️ مهم جدا:
أي طفل أقل من 3 شهور وحرارته 38 أو أكثر 👉 حالة طارئة
لا تنتظر راجع الطبيب فورا
"التصرف الصح بيحمي طفلك… والوعي هو الأهم"

17/04/2026

وضع حلق الأذن للطفلة لازم يتم عند مختص وبأدوات معقمة لتجنب الالتهاب. يفضل استخدام حلق طبي أولي مع تنظيف الأذن يوميا. وإذا ظهر احمرار أو ألم أو إفرازات لازم مراجعة الطبيب.

Address

Barja
Barja

Telephone

+96170410960

Website

Alerts

Be the first to know and let us send you an email when Dr Hamda Nassereldine - pediatrician posts news and promotions. Your email address will not be used for any other purpose, and you can unsubscribe at any time.

Shortcuts

Share

Category