عيادات استاذ دكتور هاني محمد علي لأمراض المفاصل والروماتيزم و المناعة

04/07/2026

21/05/2026

رجاء الانضمام والمتابعة للصفحة الاساسية

21/05/2026

عندي ألم أو تورم في قدمي أو إيدي وعملت أشعة وطلعت سليمة؟
مش كل الآلام الروماتيزمية سببها المفاصل أو العظام. أحيانًا المشكلة بتكون في:
• الأوتار
• الأربطة
• العضلات
• المادة الزلالية أو السائل السينوفي

وده غالبًا ما بيظهرش في الأشعة العادية 🩻

علشان كده بقينا بنعتمد بشكل كبير على السونار في تشخيص حالات كتير، لأنه بيساعدنا نشوف الالتهابات والتغيرات اللي ممكن الأشعة العادية ما توضحهاش، وكمان بيسهّل إجراء الحقن الموضعي بدقة أعلى.

وعلشان نوفر وقت ومجهود المريض، لما حد بيسأل يعمل فحوصات إيه قبل الكشف، بنفضل عدم عمل أي فحوصات أو أشعات بشكل عشوائي قبل التقييم.

بعد الكشف وتحديد سبب الألم بنحدد الفحص المطلوب بدقة، سواء:
• أشعة أو تصوير على مكان الألم
• أو تحاليل مناسبة للحالة

وبكده نتجنب فحوصات غير ضرورية ونوصل للتشخيص الأدق 🎯

13/05/2026

رجاء الانضمام للصفحة الاساسية 🌹

#ازاي نحمي نفسنا او نقلل من احتماليه تضرر الرئة من الروماتويد؟
-الاقلاع عالتدخين لو بندخن.
-نلتزم بالعلاج والمتابعه حتى لو المرض في حاله استقرار ودة عشان تدي فرصه للطبيب المعالج انه يقلل جرعات وادوية لو حالتك تسمح بدة أو يتعامل مع اي هجمات فبدايتها ويراقب تاثير اي ادويه ويوقف او يستبدل اي علاج مش مناسب لحالتك..
-اخذ التطعيمات #بعد #االرجوع #لطبيبك مثل ( تطعيم الالتهاب الرئوي والانفلونزا).
-ممارسة الرياضة وفقدان الوزن الزائد.
-ابلاغ طبيبك بأي اعراض غير طبيعيه مثل ضيق التنفس او الكحة الجافة .
#المتابعة الجيدة والتنسيق بين طبيب الروماتيزم والصدر

#الروماتويد #الرئة

04/04/2026

عضمك هو أساس حركتك.. حافظي عليه!
​في حالات هشاشة العظام، الفراغات بين جزيئات العضم بتبقى أكبر من الطبيعي، وده بيخليه أضعف وأسهل في الكسر حتى مع المجهود اليومي العادي وبدون أي حوادث.
​ليه الستات هما الأكثر عرضة؟
الإحصائيات بتقول إن الهشاشة بتصيب الإناث بنسبة أكبر، خصوصاً مع التقدم في السن والاقتراب من سن انقطاع الطمث.
​علامات مبكرة خدي بالك منها:
​صحة اللثة: انحسار اللثة ممكن يكون مؤشر يلاحظه طبيب الأسنان.
​قوة الإيد: لو حسيتي بضعف في قبضة إيدك والقدرة على مسك الأشياء.
​الأظافر: لو بقت ضعيفة وبتتكسر بسهولة.
​تابعينا لمعرفة طرق الوقاية وكيفية السيطرة على الحالة. #هشاشةالعظام

27/03/2026

💥ركز عشان صحتك اهم من اى تريند💥
على صفحتنا دايمت بنحب نقدم المعلومة الطبية الروماتيزمية بشكل علمى بحت بعيدا عن الخوض والدخول فى اى جدال علمى اوغيره.
لكن كمية الرسايل اللى جاتلى النهاردة فيها فيديو بيتكلم عن ان علاج الروماتويد عبارة عن ان العيان ياخد كولاجين ايا كان نوعه وكلام كتير مغلوط علميا بصراحة عن طبيعة مرض الروماتويد خلانى حريص انى اكتب هنا ان الكلام ده علميا مش سليم وياريت كان علاج الروماتويد واغيره سهل جدا كده وكله بشوية مواد طبيعية موجودة فى جسمنا او شوية اعشاب (زى مالفيديوهات بتقول) وكل الناس تعيش سليمة وكويسة
والله ياجماعة احنا كدكاترة اول ناس عاوزينكم تخفو تبقو كويسين باقل قدر من الادوية والعلاج.
وياريت كمان من غير علاج خالص
ياجماعة طريقة حدوث مرض الروماتويد او الخشونة او غيرهم بيتكتب فيها كتب وفصول طويلة فى الكتب العلمية.
وكل شوية يطلعلنا حد مضلل يقول كلام علميا مش سليم.
خدو المعلومة الطبية من اهلها وربنا هو الحافظ لنا ولكم جميعا

06/03/2026

رجاء الانضمام للصفحة الاساسية 👇

الضغط النفسي والإجهاد ممكن يساهموا في زيادة نشاط الذئبة عند بعض المرضى، لذلك الاهتمام بالصحة النفسية مش رفاهية بل جزء أساسي من إدارة المرض
# النوم الكافي💤،
الراحة 😌
و #الدعم الاجتماعي
عوامل مهمة بتساعد الجسم يحافظ على توازنه ويقلل الهجمات
ا.د هاني محمد علي

16/02/2026

#الآم العضلات تقريبا محدش ممرش بيها او بيمر بيها من حين لاخر وقد تكون مزمنه عند البعض واسبابها عديده مثل :-

- الاصابه بامراض بتاثر علي العضلات.
-ضعف العضلات
-ارهاق او اجهاد العضلات
-الاصابات او الحوادث.
-نقص عناصر غذائيه او فيتامينات معينة
#استشير طبيب الروماتيزم للحصول على التشخيص الصحيح وتلقي العلاج المناسب وفقا لحالتك..
دمتم بخير دائما🌹❤️

ا. د. هاني محمد علي
إستشاري أمراض المفاصل والروماتيزم والعمود الفقري
مدرس الروماتزم والتأهيل بكلية الطب جامعة الأزهر
زميل الجمعية الأوروبية لسونار المفاصل والعضلات
للحجز والإستفسار:
01153554969

مدينة نصر عمارات أول مايو 4 أعلى مملكة النحل وأمام ميدان الساعة

29/12/2025

رجاء الانضمام للصفحة الجديدة لاقتراب موعد غلق الصفحة الحالية

من خلال العلاج الطبيعي نستطيع السيطرة على الالام الناتجة عن العديد من المشاكل الصحيه والتي لا يحقق العلاج الدوائي وحده القدر الكافي من التحسن للمريض
مثل :-
٢- الام الاصابات الرياضية مثل التمزق والالتواء واجهاد الاربطة والعضلات والاوتار
٣- الام المفاصل الاجهادية والالتهابيه
٣- خشونة الفقرات والتهاب الاعصاب المصاحب لها
٤- الانزلاق الغضروفى العنقى والقطنى
٥- اختناق الاعصاب
٦- عرق النسا واسبابه المتنوعة مثل الخشونة والانزلاق الغضروفي القطنى والتهاب العضلة الكمثرية.
٧- خشونة الركبتين.
٨- تيبس المفاصل بعد اجراء العمليات الجراحية.
٩ - الام المفاصل والعضلات المصاحبة لتقدم العمر وتغير طبيعة الجهاز العضلى الحركى.
١٠- الالام المصاحبة للامراض المناعية مثل الروماتويد المفصلى
١١- اضطرابات الدورة الدموية الطرفية.
ولتحقيق اقصى استفادة بننصح بالتنسيق بين طبيب الروماتيزم والمفاصل والعمود الفقري وبين اخصائي العلاج الطبيعي وتفادي الخطا الشائع وهو الخضوع للعلاج الطبعيي او الدوائي دون الاخر .

ا.د هاني محمد علي