Маркази пешгирӣ ва мубориза бар зидди ВНМО дар вилояти Хатлон

18/08/2026

ПАЁМИ ТАБРИКӢ БА МУНОСИБАТИ РӮЗИ КОРМАНДОНИ СОҲАИ ТАНДУРУСТӢ

Ҳамкасбони гиромӣ, табибон, ҳамшираҳои шафқат, кормандони муассисаҳои тандурустӣ ва ҳифзи саломатии аҳолӣ!

Бо камоли эҳтиром ва самимияти самимӣ Шумо — соҳибони касби пурмасъулияту инсонпарварро ба муносибати Рӯзи кормандони соҳаи тандурустӣ самимона табрик мегӯям.

Касби корманди соҳаи тандурустӣ аз ҷумлаи касбҳои масъулиятнок ва пурифтихор буда, ба фаъолияти ҳаррӯзаи он саломатӣ, ҳаёт ва ояндаи инсонҳо вобастагӣ дорад. Ҳар рӯзи кори корманди тиббӣ бо масъулияти баланд, дониш, таҷриба, сабру таҳаммул ва муносибати ғамхорона ба мардум оғоз меёбад.

Дар шароити имрӯза рушди соҳаи тандурустӣ, баланд бардоштани сатҳи хизматрасонии тиббӣ, пешгирии бемориҳо ва ташаккули тарзи ҳаёти солим аз вазифаҳои муҳими ҷомеа ба ҳисоб мераванд. Дар ин раванд саҳми кормандони соҳаи пешгирӣ ва мубориза бо ВНМО низ хеле муҳим аст. Ташхиси саривақтӣ, пешгирии сироят, корҳои иттилоотию маърифатӣ, дастгирии шахсони гирифтори ВНМО ва баланд бардоштани маърифати тиббии аҳолӣ аз самтҳои муҳими фаъолияти мо мебошанд.

Муваффақияти кор дар ин самт аз масъулияти касбӣ, ҳамкории муассисаҳо, муносибати дуруст бо муроҷиаткунандагон ва саъю талоши ҳар як корманд вобастагии калон дорад. Бо итминон метавон гуфт, ки кормандони соҳаи тандурустии вилояти Хатлон бо меҳнати содиқона ва фаъолияти пайваста дар ҳифзи саломатии аҳолӣ саҳми арзанда мегузоранд.

Дар ин рӯзи фархунда ба ҳамаи кормандони соҳаи тандурустӣ ва аҳли оилаашон саломатии бардавом, хотири ҷамъ, рӯзгори обод, барори кор ва дар фаъолияти касбӣ дастовардҳои нав орзу менамоям.

Бигзор меҳнати ҳаррӯзаи Шумо самараи нек ба бор оварда, эътимод ва эҳтироми мардум ба фаъолияти пурмасъулияти кормандони соҳаи тандурустӣ боз ҳам таҳким ёбад.
Рӯзи кормандони соҳаи тандурустӣ муборак бошад!

Қурбон Одинаҳмадзода, Директори МД «Маркази пешгирӣ ва мубориза бо ВНМО ва ГПВ дар вилояти Хатлон»

10/08/2026

🎗️КОРҲОИ ФАҲМОНДАДИҲӢ ОИД БА ВНМО ВА ТАШХИСИ РОЙГОН ДАР ШАҲРУ НОҲИЯҲО

Дар шаҳру ноҳияҳои вилояти Хатлон бо мақсади баланд бардоштани сатҳи огоҳии аҳолӣ оид ба пешгирии сирояти ВНМО ва ташаккули муносибати масъулиятнок ба саломатӣ корҳои иттилоотию фаҳмондадиҳӣ ва ташхиси ройгон гузаронида шуданд.

👥 Дар доираи чорабиниҳо миёни қишрҳои гуногуни аҳолӣ, аз ҷумла ҷавонон, хонандагони муассисаҳои таълимӣ, кормандони соҳаҳои гуногун ва дигар гурӯҳҳои ҷомеа вохӯриву суҳбатҳои фаҳмондадиҳӣ баргузор гардиданд.

🩺 Мутахассисон ба иштирокчиён оид ба роҳҳои сироятёбии ВНМО, усулҳои пешгирӣ, аҳамияти ташхиси саривақтӣ ва риояи тарзи ҳаёти солим маълумоти зарурӣ пешниҳод намуданд.

🔬 Ҳамзамон, барои шаҳрвандон ташхиси ройгони ВНМО ташкил карда шуд. Хоҳишмандон имконият пайдо намуданд, ки аз ташхис гузашта, аз мутахассисон машваратҳои тиббии зарурӣ гиранд.

📚 Дар рафти чорабиниҳо инчунин маводи иттилоотию маърифатӣ тақсим гардида, ба шаҳрвандон тавсияҳо оид ба пешгирии сирояти ВНМО ва ҳифзи саломатӣ пешниҳод карда шуданд.

✅ Баргузории чунин чорабиниҳо барои баланд бардоштани маърифати тиббии аҳолӣ, ташхиси саривақтӣ ва пешгирии паҳншавии ВНМО дар ҷомеа аҳамияти муҳим дорад.

10/08/2026

🇹🇯 Ба истиқболи 35-солагии ҷашни муқаддаси миллӣ — Истиқлолияти давлатии Ҷумҳурии Тоҷикистон дар Муассисаҳои давлатии марказҳои пешгирӣ ва мубориза бар зидди ВНМО дар шаҳру ноҳияҳои вилояти Хатлон корҳои ободониву созандагӣ вусъат гирифта, ҳар ҳафта рӯзҳои истироҳатӣ шанбегиҳо баргузор карда мешаванд.

🌱 Дар доираи шанбегиҳо кормандони муассисаҳо дар ҳудуди бино ва гирду атрофи он ба корҳои тозакорӣ, ободонӣ, рӯбучин, ҷамъоварӣ ва баровардани партовҳо, нигоҳубини дарахтони ороишию сояафкан ва кабудизоркунӣ машғул мешаванд.

🧹 Ҳадаф аз баргузории чунин иқдомҳо тозаву озода нигоҳ доштани муҳити корӣ, беҳтар намудани ҳолати санитарӣ ва ободонии ҳудуди муассисаҳо мебошад. Ҳамзамон, ин тадбирҳо ба баланд бардоштани фарҳанги экологӣ ва ҳисси масъулиятшиносии кормандон дар ҳифзи муҳити зист мусоидат менамоянд.

🌳 Шанбегиҳои пайваста нишон медиҳанд, ки омодагӣ ба ҷашни 35-солагии Истиқлолияти давлатии Ҷумҳурии Тоҷикистон танҳо бо баргузории чорабиниҳои идона маҳдуд нашуда, дар ҳар як гӯшаи шаҳру ноҳияҳо бо корҳои созандагиву ободонӣ таҷассум меёбад.

🤝 Кормандони марказҳои пешгирӣ ва мубориза бар зидди ВНМО бо саҳми худ дар ободии муҳити атроф ва тозагии маҳал саҳм гузошта, ташаббусҳои созандаро дастгирӣ менамоянд.

🇹🇯 Ободии Ватан аз тозагии ҳар як маҳал ва масъулияти ҳар як шаҳрванд оғоз меёбад!

28/07/2026

🎗️Дар шаҳру ноҳияҳои вилояти Хатлон корҳои фаҳмондадиҳӣ оид ба пешгирии бемории ВНМО ва ташхиси ройгони аҳолӣ мунтазам баргузор мегарданд.

Дар доираи ин чорабиниҳо миёни аҳолӣ, кормандони шуъбаҳоии ВКД дар шашру ноҳияҳо, соҳаи тандурустӣ, хонандагону донишҷӯёни муассисаҳои таълимӣ, ҷавонон, муҳоҷирони меҳнатӣ, занони ҳомила ва дигар қишрҳои ҷомеа корҳои иттилоотию маърифатӣ роҳандозӣ мешаванд.

Мутахассисон оид ба роҳҳои сироятёбӣ, усулҳои пешгирӣ, аҳамияти ташхиси саривақтӣ, риояи тарзи ҳаёти солим ва бартараф намудани табъиз нисбат ба шахсони бо ВНМО зиндагикунанда маълумоти муфассал пешниҳод менамоянд.

Ҳамзамон, барои хоҳишмандон ташхиси ройгони ВНМО бо риояи принсипҳои ихтиёрӣ ва махфият гузаронида шуда, машваратҳои пеш аз ташхис ва баъд аз он низ расонида мешаванд. Инчунин, маводи иттилоотию маърифатӣ миёни иштирокчиён тақсим гардида, онҳо ба ҳифзи саломатии худ ва пешгирии сирояти ВНМО даъват карда мешаванд.

Баргузории чунин чорабиниҳо барои баланд бардоштани маърифати тиббии аҳолӣ, ташаккули муносибати масъулиятнок нисбат ба саломатӣ ва пешгирии паҳншавии бемории ВНМО дар шаҳру ноҳияҳои вилояти Хатлон аҳамияти муҳим дорад.

28/07/2026

🔴 Гурӯҳи мобилии Маркази ВНМО ва ГПВ -и вилояти Хатлон дар ноҳияи Хуросон ташхиси ройгон гузаронид. 📅 21 июли соли 2026 дар ноҳияи Хуросон аз ҷониби гурӯҳи мобилии Муассисаи давлатии маркази пешгирӣ ва мубориза бар зидди бемории ВНМО дар ҳамкорӣ бо ГПВ (гурӯҳи пешгирии ВНМО) чорабинии ташхисии сайёр гузаронида шуд.

Дар доираи чорабинӣ ба сокинони ноҳия имконияти гузаронидани ташхиси ройгон барои муайян намудани:
✅ ВНМО;
✅ гепатити вирусии В;
✅ гепатити вирусии С;
✅ оташак (сифилис)

фароҳам оварда шуд.

Ҳадафи асосии ин иқдом — баланд бардоштани сатҳи огоҳии аҳолӣ, таъмини дастрасии шаҳрвандон ба хизматрасониҳои пешгирикунанда, ошкор намудани ҳолатҳои нави сироят ва андешидани чораҳои саривақтии тиббӣ мебошад.

Мутахассисони гурӯҳи мобилӣ ба иштирокчиён оид ба роҳҳои пешгирии сироят, аҳамияти ташхиси барвақт ва зарурати муроҷиати саривақтӣ ба муассисаҳои тиббӣ машваратҳои иттилоотӣ пешниҳод намуданд.

🤝 Ташхиси саривақтӣ — қадами муҳим барои ҳифзи саломатӣ ва пешгирии паҳншавии бемориҳои сироятӣ мебошад.

28/07/2026

17/07/2026

🤝 СЕМИНАР – МАШВАРАТ

📍 Макон: Раёсати Вазорати корҳои дохили дар вилояти Хатлон
📅 Сана: 17 июли соли 2026

👨‍⚕️ Аз ҷониби мутахассисони Муассисаи давлатии «Маркази вилоятии пешгирӣ ва мубориза бар зидди ВНМО ва ГПВ» дар вилояти Хатлон дар Раёсати Вазорати корҳои дохили дар вилояти Хатлон семинар-машварати иттилоотӣ баргузор гардид.

📚 Мавзӯъҳои асосии семинар:

🦠 Пешгирии сирояти ВНМО;
🛡️ Роҳҳои муҳофизат аз сироят;
🧪 Аҳамияти ташхиси барвақт ва машварат;
❤️ Тарғиби тарзи ҳаёти солим;
🤝 Пешгирии табъиз ва дастгирии шахсони бо ВНМО зиндагикунанда.

💬 Дар анҷоми семинар ба саволҳои иштирокчиён ҷавобҳои муфассал пешниҳод гардида, маводи иттилоотию маърифатӣ дастрас карда шуд.

17/07/2026

🔷 СЕМИНАР-МАШВАРАТ ДАР БАЙНИ КОРМАНДОНИ ШУЪБАИ ВКД ДАР Ш. БОХТАР

👮‍♂️📅 17 июли соли 2026 аз ҷониби мутахассисони Муассисаи давлатии Маркази пешгирӣ ва мубориза бар зидди бемории вируси норасоии масунияти одам (ВНМО) ва гепатитҳои парентералии вирусӣ дар вилояти Хатлон дар байни кормандони Шуъбаи Вазорати корҳои дохилии Ҷумҳурии Тоҷикистон дар шаҳри Бохтар семинар-машварати омӯзишӣ баргузор гардид.

🎯 Ҳадафи чорабинӣ – баланд бардоштани сатҳи дониш ва огоҳии кормандон оид ба:
🔹 пешгирии сирояти ВНМО;
🔹 пешгирии гепатитҳои парентералии вирусии В ва С;
🔹 роҳҳои интиқол ва усулҳои ҳифзи саломатӣ;
🔹 аҳаммияти ташхиси саривақтӣ ва машварати тиббӣ;
🔹 риояи қоидаҳои бехатарӣ ҳангоми иҷрои вазифаҳои хизматӣ.

👨‍⚕️ Дар рафти семинар мутахассисон оид ба вазъи эпидемиологии ВНМО дар Ҷумҳурии Тоҷикистон ва вилояти Хатлон маълумоти муфассал пешниҳод намуда, тавсияҳои амалӣ оид ба пешгирии сироятёбӣ ва тарғиби тарзи ҳаёти солимро ироа карданд.

💬 Дар қисми муҳокима иштирокчиён саволҳои худро пешниҳод намуда, аз ҷониби мутахассисони Марказ ба ҳамаи онҳо ҷавобҳои мушаххас ва илмӣ дода шуданд.

🤝 Баргузории чунин семинарҳо ба баланд гардидани маърифати тиббӣ, пешгирии паҳншавии бемориҳои сироятӣ ва таҳкими ҳамкории байни мақомоти ҳифзи ҳуқуқ ва соҳаи тандурустӣ мусоидат менамояд.

💙 Саломатӣ — арзишмандтарин сарват аст!
🛡️ Пешгирӣ беҳтар аз табобат мебошад!

14/07/2026

📅 14 июли соли 2026 аз ҷониби гурӯҳи мобилии Маркази ВНМО ва ГПВ дар вилояти Хатлон дар Маркази саломатии деҳаи Парчаруди ноҳияи Ёвон дар байни муҳоҷирони меҳнатӣ ва аъзои оилаҳои онҳо чорабинии ташхисию машваратӣ баргузор гардид.

✅ Дар доираи чорабинӣ:
🔹 Ташхиси ройгони ВНМО гузаронида шуд;
🔹 Ташхиси рентгении қафаси сина анҷом дода шуд;

🔹 Машваратҳои инфиродӣ ва корҳои иттилоотию фаҳмондадиҳӣ оид ба пешгирии ВНМО, бемории сил ва тарзи ҳаёти солим пешниҳод гардиданд.

🤝 Ҳадафи чорабинӣ – баланд бардоштани сатҳи огоҳии аҳолӣ, ташхиси барвақтии бемориҳо ва ҳифзи саломатии ҷомеа.

14/07/2026

🎗️Дар шаҳру ноҳияҳои минтақаҳои Бохтар ва Кӯлоб корҳои фаҳмондадиҳӣ оид ба пешгирии бемории ВНМО ва ташхиси ройгони аҳолӣ бо фарогирии доираи васеи шаҳрвандон баргузор гардид.

Дар доираи ин чорабиниҳо миёни аҳолӣ, кормандони соҳаи тандурустӣ, ҷавонон, муҳоҷирони меҳнатӣ, занони ҳомила ва дигар қишрҳои ҷомеа корҳои иттилоотию маърифатӣ роҳандозӣ шуданд. Мутахассисон оид ба роҳҳои сироятёбӣ, усулҳои пешгирӣ, аҳамияти ташхиси саривақтӣ ва муносибати дуруст нисбат ба шахсони гирифтори ВНМО маълумоти муфассал пешниҳод намуданд.

Ҳамзамон, барои хоҳишмандон ташхиси ройгони ВНМО ташкил гардида, машваратҳои пеш ва баъд аз ташхис низ расонида шуданд. Инчунин, маводи иттилоотӣ миёни иштирокчиён тақсим гардида, онҳо ба тарзи ҳаёти солим ва масъулиятшиносӣ нисбат ба ҳифзи саломатии худ даъват карда шуданд.

Гуфта шуд, ки баргузории чунин чорабиниҳо дар шаҳру ноҳияҳои минтақаҳои Бохтар ва Кӯлоб барои баланд бардоштани маърифати тиббии аҳолӣ ва пешгирии паҳншавии бемории ВНМО аҳамияти муҳим дорад.