11/08/2026
SAVF Huis Dien Bothma 010 - 247 NPO
Vandag vier ons die verjaardag van ’n besondere vrou — ’n ware ikoon van die SAVF - Mevrou Irna Hartzenberg.
As dogter het sy die eerste spore in die SAVF getrap. As eggenote en moeder het sy die verantwoordelikheid van SAVF-president met waardigheid aanvaar. En vandag, as ouma, bou sy steeds voort as Gauteng se provinsiale leier.
Sy is ’n voorbeeld van ’n vrou wat sonder vrees verandering omarm, haar talente met oorgawe as vrywilliger gebruik en deur haar diens diep spore trap — altyd met die groter visie voor oë: om te verseker dat die SAVF se dienslewering vir geslagte wat kom volhoubaar en betekenisvol sal wees.
By die SAVF word sy aangespreek as “Mevrou” — ’n naam wat respek, wysheid en ’n leeftyd van diens verteenwoordig.
Vir die presidente wat ná haar gekom het, is sy veel meer as ’n voorganger. Sy is ’n rots, mentor en moederfiguur — iemand na wie daar geluister word en op wie daar altyd gereken kan word.
Mevrou, mag u verjaardag gevul wees met vreugde, liefde en kosbare oomblikke saam met diegene wat vir u dierbaar is. Mag die nuwe lewensjaar vir u ’n jaar van oorvloedige seën, goeie gesondheid en steeds groter betekenis wees.
🌸 Gelukkige verjaardag aan ’n buitengewone vrou wat ’n buitengewone nalatenskap bou.
Dankie vir u voorbeeld. Dankie vir u diens. Dankie vir u onwrikbare geloof in die SAVF. ❤️
