DR. RABAB HOSNY GABR

28/02/2026

الملقط في الولادة مخيف؟ ولا مجرد أداة طبية آمنة؟
بيستخدمه الطبيب في المرحلة الأخيرة لو الولادة طولت أو في إجهاد على الأم أو الجنين
لما يتعمل في الوقت الصح وبالشروط السليمة، بيكون إجراء آمن ومعتمد عالميًا، والنهارده استخدامه أقل لأن في بدائل زي الشفاط أو القيصرية حسب الحالة
حابة تعرفي أكتر عن طرق الولادة الآمنة؟
تابعينا 💛
#الولادةالآمنة #الولادةالمساعدة #الولادة #الولادةالطبيعية #صحةالأم

25/02/2026

الإجهاض المتكرر مش معناه إن المشكلة فيك 💔
مش دايمًا سببه “ضعف حمل” زي ما ناس كتير بتقول
في أسباب طبية واضحة ممكن تكون وراه، زي:
▪️ نقص هرمون البروجيسترون
▪️ عيوب خلقية في الرحم
▪️ تكيسات أو اضطرابات بالمبايض
▪️ مشاكل مناعية أو تجلطات الدم
▪️ أسباب وراثية
▪️ أمراض مزمنة زي اضطراب الغدة الدرقية أو السكر
لو مريتي بتجربة إجهاض متكرر، ما تستنيش.
ابدئي بخطوة كشف مبكر وحددي السبب عشان تبدأي العلاج الصح.
تابعينا لمعلومات طبية موثوقة أكتر 👩🏻‍⚕️✨

22/02/2026

بتعاني من نزيف غير منتظم أو تأخر حمل ومش عارفة السبب؟
منظار الرحم إجراء بسيط بيسمح للطبيب يشوف تجويف الرحم بدقة ويشخص مشاكل زي اللحمية، الالتصاقات أو الحاجز الرحمي
الميزة؟
إجراء دقيق، غالبًا بدون جراحة مفتوحة، وفترة تعافي سريعة 👌
وفي نفس الوقت ممكن يتم التشخيص والعلاج معًا
لو عندك أعراض مستمرة أو مشكلة متكررة، اسألي طبيبك هل منظار الرحم مناسب لحالتك.
📌 تابعيني لمعلومات طبية تساعدك تاخدي القرار الصح.

19/02/2026

مع بداية شهر رمضان المبارك اؤكد حرصي الدائم على سلامتكم
واسأل الله أن يمنحكم شهرًا مليئًا بالطمأنينة والصحة ❤

18/02/2026

بتحسي بألم أسفل البطن وبتقولي عادي؟ 🤔
استني لحظة… مش كل ألم بسيط يبقى بسيط!
ألم أسفل البطن ممكن يكون سببه حاجة بسيطة زي غازات أو قولون…
وممكن يكون مؤشر لمشكلة محتاجة تدخل طبي
زي التهابات، تكيسات، مشاكل في المسالك البولية أو حتى مشاكل نسائية.
التشخيص الصح بيريّحك وبيطمنك
وكل ما تلحقي بدري… كل ما العلاج يبقى أسهل وأسرع 💙
لو الألم متكرر، شديد، أو معاكي أعراض تانية
ما تهمليش نفسك
احجزي كشف واطمني… صحتك أهم

16/02/2026

لو فجأة بقيتي بتحسي بسخونية بتيجي مرة واحدة؟
بتصحي من النوم عرقانة ومتوترة ومش فاهمة في إيه؟
ممكن يكون ده بداية سن الحكمة 👩🏻‍⚕️
مرحلة طبيعية بتحصل غالبًا من سن 40 لـ55،
علشان الجسم بيقلل إنتاج هرمون الإستروجين…
وده بيعمل تغيّرات زي:
▫️ هبات حرارة
▫️ تقلبات مزاج
▫️ أرق وإرهاق
▫️ لخبطة في الدورة لحد ما توقف

اطمني… مش مرض ومش حاجة تخوف
وفي حلول كتير تخفف الأعراض وتخلي المرحلة دي تعدّي براحة وأمان
من تنظيم الأكل والرياضة لحد العلاجات المناسبة لكل حالة
لو حاسة بأي من الأعراض دي
ما تهمليش نفسك ✨
احجزي واستشيري علشان تطمني وتعرفي الأنسب

12/02/2026

12/02/2026

بتضحكي… بتكحي… أو حتى بتشوفي عطسة جاية… وفجأة يحصل تسريب بول؟!
سلس البول مش حاجة نادرة… ومش عيب تتكلمي عنه.
بيحصل بسبب ضعف عضلات الحوض، بعد الولادة، أو مع التقدم في السن… وأحيانًا ليه أسباب تانية محتاجة تشخيص صح.
المهم إن له علاج 👌
وكل ما اتشخص بدري، النتائج بتكون أسرع وأفضل
متسيبيش الإحراج يمنعك تعيشي حياتك براحتك
لو عندك نفس الأعراض… احجزي استشارتك وابدئي أول خطوة للعلاج 💙

09/02/2026

ألم مفاجئ؟ نزيف غير طبيعي؟
مش كل حمل بيكون في مكانه الصحيح ⚠️
الحمل خارج الرحم حالة خطيرة بتحصل لما تنغرس البويضة برّه الرحم، وغالبًا في قناة فالوب،
ولو ما اتلحقش بدري ممكن يسبب مضاعفات خطيرة.
التشخيص المبكر بيفرق جدًا 💡
متابعة الأعراض + الكشف في الوقت المناسب
يعني أمان أكتر وفرصة علاج أفضل.
لو حاسة بأي أعراض غير طبيعية
ابعتلي و هجاوبك ❤

06/02/2026

عندك سكر حمل؟
السؤال اللي بيشغل كل أم:
هل هيروح بعد الولادة ولا يكمل؟
في حالات كتير سكر الحمل فعلًا بيختفي بعد الولادة،
بس ده مش دايمًا
وفي أمهات بيحتاجوا متابعة بعد الولادة بفترة.
الفحص في الوقت الصح
وبيطمنك على صحتك
ويقلل خطر تحوّله لسكر بعد كده 🤍
ولو عندك تجربة أو سؤال سيبيه في الكومنتس 👇

04/02/2026

ضغطك عالي بعد الولادة؟
مش لوحدك… وده سؤال بيتكرر عند أمهات كتير.
ارتفاع الضغط بعد الحمل ممكن يحصل بسبب تغيّرات الجسم،
أو إنه يكون امتداد لضغط الحمل،
وأحيانًا بيظهر لأول مرة بعد الولادة.
المهم إنك تعرفي إن المتابعة بدري
بتحميك من مضاعفات
وتخليكي مطمّنة على صحتك وصحة طفلك 🤍
تابعي الفيديو للنهاية علشان تفهمي الأسباب وإمتى نقلق.
وسيبي سؤالك في الكومنتس 👇