الاستشارية والمحللة النفسية د.كريمان الكسار عضو رابطة الاخصائيين النفسيين

03/09/2026

ان من يظن أن المرض النفسي هو ضعف شخصية أو قلة إيمان هو مفهوم منتشر وخاطيء بين الناس ، المرض النفسي ليس قلة إيمان وليس عقاب من السماء وليس سحر وليس حسد ، وهذه أمور قطعية الثبوت بالعلم والتجربة والأبحاث ، الطب النفسي هو فرع مهم من فروع الطب ويدخل في العلاقات بين الناس بجميع انواعها ، وبين الازواج في البيوت والطلبة في المدارس والجامعات والموظفين في بيئات العمل كما في دول العالم المتقدم والمتحضر، وفي علاج امراض نفسية تؤثر علي سلوك الإنسان وحالته المزاجية وربما تعيقه في حياته ، المريض النفسي بكل وضوح ليس مجنون ولا يوجد تشخيص يسمي ( مجنون ) ولكنها كلمة مشهورة علي السنة الناس ولها اصل في اللغة العربية ولكنها ليست تشخيص او مصطلح طبي مثبت بالدراسة والبحث ، المريض النفسي يخضع للعلاج ويتحسن حالته وتعود حياته كما كانت قبل المرض ويتوقف عن الأدوية ويتزوج ويتفاعل اجتماعياً وينجح وظيفياً ، وأساليب العلاج النفسي في تطور دائم اما بالعلاج الدوائي او العلاج السلوكي المعرفي ، او العلاج لحالات وامراض داخل مستشفيات الطب النفسي وتتحسن وتخرج الي الحياة ، لا يجب إهمال الاهتمام الدائم والمستمر بالطب النفسي والعلاج النفسي ويجب التخلص من الوصمة المجتمعية من المرض النفسي ، وذلك لنهوض بالمجتمع وتحقيق التنمية لأي شعب بالترابط والتعاون في تجاوز الأزمات والمشكلات النفسية والصحية بشكل عام .
الاستاذ الدكتور / عبد الناصر عمر
استاذ الطب النفسي ( جامعة عين شمس )
رئيس مجلس إدارة مستشـفي المشـفي

17/08/2026

https://www.facebook.com/share/p/19954ckGZ3/

17/08/2026

24/07/2026

لا يمكن لأي شخص تجاوز المرض النفسي بدون طبيب وتدخل دوائي ، الامراض النفسية أمراض لها اسباب جينية وراثية او اسباب حياتيه ، يمكن تجاوز الاعراض النفسية العادية مثل الحزن او القلق العارض او بعض الاعراض الغير مؤثرة علي حياة الإنسان ، ولكن الأمراض النفسية قد تعطل حياة الإنسان مثل الإكتئاب بأنواعه التي تتجاوز 40 نوع ، أو الفصام ، او القلق وثنائي القطب ، التدخل الدوائي حتمي لكي نتخلص من الاعراض المزعجة احياناً ونستمر حتي نصل إلي الشفاء ، وذلك حفاظاً علي المريض و حالته النفسية ومكانته الإجتماعية ، بعض الامراض تجعل الانسان يخسر كثيراً مادياً وإجتماعياً ، لذلك لا بد من وصول المريض الي الطبيب ومنع اي اسباب تؤخر وصوله ، نسبة الامراض النفسية في اي مجتمع قد تصل إلي 25% وهذه نسبة ليست قليلة ، لذلك فإن تعميم تجربة العلاج النفسي هدف قومي ومجتمعي والحفاظ علي الصحة النفسية مما يزيد في انتاجية الأفراد والمجتمع ، ولا بد من الاهتمام بهـا وتحسين صورة الطب النفسي والعلاج النفسي ، لأنها مخالفة تماماً لما يظنه أكثر الناس .
الاستاذ الدكتور / عبد الناصر عمر
استاذ الطب النفسي ( جامعة عين شمس )
رئيس مجلس إدارة مستشفى المشفى

13/07/2026

https://www.facebook.com/share/p/1EVmhzfQwX/

■■ إيه هى الألعاب النفسية إللى بيستخدمها الشخص المؤذى؟ .. ((الجزء الأول))

●● الشخص المؤذي أو التوكسيك ((Toxic)) بيبقى عنده كتالوج ألعاب نفسية بيلعبها عشان يسيطر عليك ويلغي شخصيتك ويخليك دايماً حاسس إنك غلطان أو مقصر ... الألعاب دي مش بتحصل بالصدفة ، دي بتبقى تكتيكات ملوية بيمارسوها بوعي أو من غير وعي عشان يفضلوا هما اللي سايقين .. تعالوا نشرح الألعاب دي👇:

١- لعبة الجازلايتنج (Gaslighting) .. أو أنت اتجننت؟:
​☆☆ دي من أشهر لعبة في الكتالوج وهدفها يخليك تشك في عقلك وفي ذاكرتك وفي عينك اللي شافت.

؟ تلاقيه عمل حاجة غلط واضحة زي الشمس ولما تيجي تواجهه يقولك: ((أنا مقلتش كده خالص! / ، أنت بتخترع حاجات محصلتش / أنتى بتنسى على فكرة وروحي اتعالجي))..

#النتيجة: بعد فترة بتلاقي نفسك بتعتذر عن حاجات هما اللي عملوها وبتشك في إدراكك للواقع!!

٢- قلب الترابيزة (DARVO) .. أو الضحية الجاني والجاني الضحية:
​☆☆ دي اللعبة السحرية اللي بتحولهم من متهمين لمجني عليهم في ثانية واحدة.

؟ قفشته بيكدب أو بيخون؟ بدل ما يتزنق يقلب الترابيزة ويروح قايلك: ((إنت أصلاً مش بتثق فيا / أنت اللي دايماً بتنكد علينا وتخرب البيت)) ويقعد يعيط أو يتقمص!!!

#النتيجة: تلاقي نفسك نسيت المصيبة الأساسية وقاعد بتراضيه وتعتذر له عشان زعلته!

​٣- الصمت العقابي (Silent Treatment) .. أو القمص التكتيكي:
​☆☆ العقاب هنا مش بالخناق ولكن العقاب بالحرمان من الوجود.

؟ أول ما يحصل خلاف أو تعمل حاجة مش على هواه ((يختفي تماماً / يبطل يرد على رسايلك / يرجع البيت ميبصش في وشك ويتعامل كأنك هوا أو حشرة واقفة على الحيطة))

#النتيجة: اللعبة دي بتلعب على خوفك من الرفض والترك فبتضطر تتنازل عن حقوقك وتعمل أي حاجة بس عشان يرجع يكلمك تاني.

​٤- قنبلة الحب (Love Bombing) والهوفرينج (Hovering):
​☆☆ دي اللعبة اللي بتبدأ بيها العلاقة أو اللي بيرجعوك بيها لما تيجى تهرب.

؟ في الأول ((يغرقك كلام حب / هدايا / واهتمام مش طبيعي زى [أنا مش قاد أعيش من غيرك من أول أسبوع]... ولما تيجي تبعد أو تكتشف حقيقتهم يعملوا هوفرينج ((زي المكنسة الكهربائية اللي بتشدك تاني)) بنفس جرعة الحب والمثالية والوعود الكدابة.

#النتيجة: بتتعلق بيهم زي المخدرات ولما يسحبوها فجأة بتبقى هتموت وترجع للنسخة الحلوة دي تاني.

​٥- رمي الطعم (Baiting) .. أو جر الشكـل:
☆☆ الشخص المؤذي بيتغذى على الدراما لو الدنيا هادية بيموت.

؟ يدور على أكتر حاجة بتعصبك أو نقطة ضعفك ويضغط عليها بكلمة أو بتلقيح كلام ..أول ما أنت تتعصب وتتنرفز وتصوت يروح قالب وشه بكل برود ويقولك: ((شايف؟ أنت همجي وعصبي إزاي؟ متخلف))!!.

#النتيجة: بياخدوا لقطة إنهم هاديين وعاقلين وأنت اللي مجنون وردود أفعالك مبالغ فيها.

​٦- التثليث (Triangulation) .. أو شوفي فلانة بتعمل إيه:
​☆☆ عشان يفضل دايماً حاسس إنه مرغوب ومسيطر لازم يدخل طرف تالت في النص.

؟ يقعد يقارنك بأكس قديم أو زميلة في الشغل أو حتى حد من أهله: ((شوفي فلانة مهتمية بنفسها إزاي / أو فلان كان بيعاملني أحسن منك)) ... ساعات يروح يشتكي لطرف تالت منك عشان يخليه يضغط عليك.

#النتيجة: بيخلق جواك حالة من عدم الأمان والغيرة المستمرة وتفضل في سباق طول الوقت عشان ترضيه وتثبت إنك الأحسن.

​٧- الإسقاط (Projection):
☆☆ إللي فيهم بيجيبوه فيك بكل بساطة.

؟ لو هو شخص بيكدب تلاقيه دايماً بيتهمك بالكدب ، لو عينه زايغة يتهمك بالخيانة والشك!!

#النتيجة: بيلهيك في الدفاع عن نفسك ضد اتهامات باطلة عشان متفضاش تلاحظ بلاويه هو.

​٨- النقد المغلف بالهزار (Backhanded Compliments):
​☆☆ دي لعبة خبيثة جداً عشان يقلل منك ومن ثقتك في نفسك بس من غير ما يمسك عليك غلطة.

؟ يديك جملة أولها مدح وأخرها سم أو يقولك إهانة واضحة ولما تتضايق يقولك: (( إيه ده أنت مبتهزرش؟ / أنت قفوش أوي على فكرة)).
مثال: ((الفستان ده حلو أوي عليكي.. مداري الكرش تماماً! / أو جميل إنك نجحت في الامتحان ده رغم إنك ذكائك على قدك))!!

#النتيجة: بتهد ثقتك في نفسك بالبطيء ، وفي نفس الوقت متقدرش تزعل عشان كانوا بيهزروا.

​٩- لعبة نقل الكلام وتشويه السمعة (Smear Campaign):
​دي اللعبة اللي بيلعبوها وراك مش قدامك وغالباً بتحصل لما يحسوا إنك بدأت تفوق أو هتبعد.

؟ يروح للناس القريبين منك ((أصحابك / أهلك / زمايلك)) ويبدأ يشتكي منك بنبرة صعبانيات وحزن: ((أنا خايف عليه أوي تصرفاته بقت غريبة / أو أنا بستحمل منه كتير بس ساكت)) عشان لما تيجي تشتكي منهم بعد كده محدش يصدقك ويبقوا هما مهدوا الأرض إنك أنت اللي مجنون أو مفترِي.

#النتيجة: بيعزلوك عن شبكة الدعم بتاعتك ويخلوك تحس إنك لوحدك ومحدش هيصدقك لو اتكلمت.

​١٠- تحريك القوائم (Moving the Goalposts) .. أو عمرك ما هتعجب:
☆☆ دي لعبة الهدف منها إنك عمرك ما هتوصل لرضاهم مهما عملت.

؟ يطلب منك حاجة معينة عشان يبقى مبسوط مثلاً: ((لو بطلت خروج مع أصحابك هنرتاح)) .. تروح أنت مبطل خروج فيقولك: ((ماشي بس أنت لسه مبتهتمش بيا في البيت)) ... تهتم في البيت، يقولك: ((بس طريقتك مش عاجباني)) .. كل ما تحقق شرط يغيروا الشرط اللي بعده!

#النتيجة: بتفضل دايماً في حالة لهاث وتعب عشان ترضيهم وبتفضل حاسس بالتقصير الدائم ؛ لأن سقف توقعاتهم بيترفع كل ما أنت تقرب منه.

​١١- الضحية المحترفة (Martyrdom) .. أو أنا ضحيت بعمري عشانكم:
​☆☆ هنا المؤذي بيلبس توب الشهيد اللي جاي على نفسه عشان خاطر الآخرين.

؟ يمن عليك بأي حاجة عملها حتى لو واجبة عليه ويفكرك بيها بمناسبة وبدون مناسبة: ((أنا لولايا كنت زمانك ولا حاجة / أنا شيلت الطين عشانك وأنت قليل الأصل)).

#النتيجة: بيحسسك بالذنب والمديونية طول الوقت فتبلع أي إهانة أو أذى حباً في جميلهم أو خوفاً من إنك تطلع ندل.

​١٢- حارس البوابة (Gatekeeping) والتحكم بالمصادر:
​☆☆ اللعبة دي مادية ونفسية في نفس الوقت وهدفها يخليك معتمد عليهم 100%.

؟ ((يتحكم في الفلوس / أو في نزولك وشغلك / أو حتى في علاقاتك بالناس)) .. يحاول يخلي نفسه هو القناة الوحيدة اللي بتشوف منها الدنيا ، لو عوزت ((تسافر / تشتري / أو تروح لدكتور)) .. لازم يعدي من خلاله وبشروطه.

#النتيجة: بيفقدك استقلاليتك تماماً فتبقى خايف تبعد لأنك حاسس إنك مش هتعرف تعيش أو تمشي أمورك من غيرهم.

​١٣- الفتات العاطفي (Breadcrumbing):
​☆☆ بعد ما يسحبوك في الإهمال والجفاء بيلعبوا اللعبة دي عشان متفقدش الأمل وتمشي.

؟ لما يحسوا إنك خلاص جبت أخرك وهتسيبهم يرموا لك فتات اهتمام ((مكالمة حلوة فجأة / خروجة لطيفة / أو كلمة حنينة)) حاجة بسيطة جداً بس تخليك تقول: ((أهو رجع طيب تاني أنا هصبر)) ، وبعدها بيومين يرجعوا للإهمال والأذى تاني.

#النتيجة: بتفضل دايماً عايش على أمل الفتات ده وبتستهلك طاقتك وسنين عمرك في انتظار لحظة رضا.

​١٤- الاستجابة بالنكَد (Joykilling) .. أو يكسر فرحتك:
​☆☆ دي لعبة مخصصة للناس اللي مش بتطيق تشوف غيرها مبسوط أو ناجح.

؟ تروح له وأنت طاير من الفرحة عشان ((اترقيت في الشغل / أو اشتريت حاجة جديدة / أو خسيت كام كيلو)) ... بدل ما يفرحلك ، يرمي كلمة تسم البدن عشان يطفي الفرحة دي!!
مثال: ((مبروك الترقية ، بس الشغلانة دي هتاخد كل وقتك وهتعجز بدرى / أو حلو الموبايل ده بس موديله قِدم خلاص ونزل الأحسن منه)).

#النتيجة: مع الوقت بتلاقي نفسك بتخبي أخبارك الحلوة ونجاحاتك عنه عشان خايف من الكسرة أو العين.

​١٥- الاستعطاف المرضي (The Pity Play):
​☆☆ دي لعبة بيلعبها المؤذي لما كل أساليب السيطرة التانية تفشل فيقرر يستغل إنسانيتك وطيبة قلبك.

؟ لما تيجي تاخد موقف حازم أو تقرر تبعد تلاقيه فجأة ((تعب / أو جاله مرض / أو قعد يحكيلك عن طفولته البائسة وإزاي الدنيا كلها جاية عليه، ويقولك: أنت كمان هتمشي وتسيبني؟ أنا ماليش غيرك في الدنيا)).

#النتيجة: تقع في فخ الصعبانيات وتحس بذنب رهيب إنك بتسيب شخص غلبان ومكسور .. فترجع تقبل الأذى تاني بداعي الشفقة.
المؤذي بيلعب الألعاب دي كلها عشان يداري على نقص أو ضعف جوة نفسه .. والوقود بتاعه هو رد فعلك ((حيرتك / عياطك / دفاعك عن نفسك)).

《المرة الجاية بإذن الله هنكمل الجزء التانى من الألعاب النفسية》

وزى ما إنتوا عارفين إن:

07/07/2026

الإستمرار في تناول الدواء هي النصيحة الذهبية التي انصح بهـا جميع المرضى مع الاستمرار في المتابعة الطبية والكشف الدوري ومتابعة الحالة حتي بعد التحسن ، للأسف خطورة الانتكاسة تكون اشد خطراً وتأثيراً من بدايات الاصابة ، بعض الانتكاسات تكون حدتها أقوي من بدايات المرض وهذا ما ثبت بالتجربة ، ولا يعرفه الكثيـر من المرضى ، انتكاسات الإضطراب الوجداني ثنائي القطب خطيرة جداً سواء كانت ( نوبة هوس ) او ( نوبة ابتهاج ) حادة ، تكون في غاية الخطورة ، وتؤثر علي حياة الإنسان ووضعه الإجتماعي ، ( نوبة الإكتئاب ) سواء كان الاكتئاب ( إكتئاب عظيم ) أو ( إكتئاب ذهاني ) تمثل أيضاً خطورة كبيرة ، واستطيع ان اخبرك أن ( الإنتكاسة أخطر من المرض ) ، المريض يتعافى في بدايات العلاج ثم يتحسن ولكن الإهمال يكون بعد التحسن ويرفض الكثير من المرضى استمرار في تناول الدواء بداعي انه قد تحسن أو وصل إلي مرحلة الشفاء ، ولكن الحقيقة ان هذا خطأ بعض الأمراض النفسية مزمنة وتحتاج الي برامج علاجية طويلة واحياناً مستديمة لكي تسيطر علي اعراض المرض السلبية والتي احياناً تكون مزعجة ومؤلمة لدرجة تؤثر في حياة المريض وإنتاجه وتفاعله الإجتماعي واستمرارية تفاعله مع الحياة ، لذلك فإن الجرعات الوقائية لا تقل أهمية عن الجرعات الدوائية ، وايقاف الدواء يحتاج الي طبيب حكيم يفهم أبعاد الحالة ومدي استجابتها للدواء وتحسنها ومشاركة اهل المريض والمحيطين به في المتابعة المنزلية ، وتقديم الدعم والمساندة للمريض حتي يستطيع أن يتعافى ويبدأ حياة جديدة ويحقق ذاته ونجاحه في الحياة .
الأستاذ الدكتور / عبد الناصر عمر
أستاذ الطب النفسي ( جامعة عين شمس )
رئيس مجلس إدارة مستشفى المشفى

28/06/2026

إخفاء الامراض النفسية في بداية العلاقات ، ينتح عنه من المفاسد أكثر مما يترتب عليه من المنفعة والمصلحة لجميع الاطراف ، اخفاء حقيقة المرض مشكلة كبيرة حتي لو كان المريض ملتزم بالادوية والمتابعة مع الطبيب ، وإن كانت حالته مستقرة ومتعايش ، مجرد إخفاء المرض في بدايات العلاقات وخداع الطرف الاخر يضع الكل في أزمة ، وتنتهـي العلاقات الانسانية بالانفصال في اغلب الحالات وكثيراً ما يمر علينا مثل هذه الاشياء ، المصارحة والصدق بحقيقة المرض تجعل هناك تعاطف بين كل الاطراف واهتمام وتعاون من الجميع ، لأننا دائماً نبحث عن الصدق في العلاقات ، والمرض النفسي ليس عائق لإستمرار العلاقة ، بما ان الحالة النفسية للمريض مستقرة وملتزم بالكشف الدوري والأدوية والمتابعة ، تكون الامور بها شيء من الوضوح ، مما يحفز الجميع علي استمرار العلاقة ونجاحها علي مدي طويل .
الأستاذ الدكتور / عبد الناصر عمر
استاذ الطب النفسي ( جامعة عين شمس )
رئيس مجلس إدارة مستشفي المشفي

21/06/2026

رفض الإعتراف بالمرض النفسي ، ورفض التدخل العلاجي والدوائي ، ورفض مقابلة الطبيب النفسي او المعالج ، هي ظاهرة معروفة في مجال العلاج النفسي وهي ظاهرة عالمية ، وموجودة في كل المرضي بجميع مستوياتهم الثقافية والإجتماعية والمادية ، يرفض المريض الإعتراف بمرضه او حتي مقابلة الطبيب ، وفي مرحلة متقدمة اذا خضع للعلاج وتحسن فإنه يوقف استخدام الادوية بعد اول تحسن ، ويعرض نفسه ومن حوله لخطر الإنتكاسة ، وهي سمة اساسية تحدث للعديد من المرضي ، ويجب الإمتناع عن محاولة إظهار عدم الإتفاق مع راي الشخص المصاب ومجادلته حول ارائه لأن ذلك لن يؤدي الي اي نتيجة إيجابية ، حتي استخدام العنف مع المريض هو امر غير مقبول تماماً ، ويجب في المقابل أن يتحدث المعالج او الطبيب ، او المسؤل عن المريض بموضوعية واقناع وعدم اليأس من المريض ، لأنه في النهاية هو مريض ولديه خلل في التفكيـر ، وربما كان ذكاؤه مرتفع ويستطيع كشف كل الحيل التي قد تحاول اعطاؤه بها العلاج بشكل غير مباشر ، وذلك يكون ناتج إما من خوف المريض من وصمة المرضي النفسي وعدم اتهامه بالجنون والمرض وإما عدم اعترافه بالمرض النفسي أو عدم حبه لتناول الأدوية ، ويجب العلم والتنبيه أن المريض لديه خلل كامل في التفكير ومنظومته المعرفية ، فلا بد من التعامل بشيء من الحلم والصبـر وتكرار المحاولة بالود والحب واظهار التعاطف مع المريض ولا بد من اقامة علاقة جيدة مع المريض مبنية علي الحب والثقة واشعاره بالدعم المعنوي والمساعدة ، وتقديم يد العون والتشجيع له لكي يتجاوز مرحلة مرضه مع تقديم المادة العلمية التي تشرح له حالته واعراضها ، ونشر جو من التفاؤل ورفع معنويات المريض لكي يبدأ ويستمر في برنامجه العلاجي للوصول للامان النفسي والإستقرار ، وعدم استخدام العنف او السخرية من المريض ، لأن هذا ما يزيد الامور سوءاً .
الأستاذ الدكتور / عبد الناصر عمر
استاذ الطب النفسي ( جامعة عين شمس )
رئيس مجلس إدارة مستشفي المشفي