26/09/2026
كم مرة لقيتي حالك عم تغيّري شي فيكي، مو لأنك مقتنعة، بس لأنك خايفة من نظرة الناس؟
وكونك انثى بمجتمع عربي، مع الوقت بتتعلمي إنو قدامك خيارين:
إما تعيشي حسب القصة اللي الناس كاتبينها عنك
أو تمسكي القلم وتكتبي قصة جديدة عنك بتناسبك وقريبة منك.
المشكلة إنو الناس غالباً ما بتعرف عن حياتك غير الـ 1٪ اللي بيشوفوه:
شكل، تصرف، قرار، علاقة، صورة…
وبناءً عليه ممكن يبنوا قصة كاملة عنك.
بس هنن ما بيعرفوا شو عشتي، شو واجهتي، شو اخترتي، وشو عم تحاولي تصلحي بحياتك.
أنا تعلمت مع الوقت إنو مو مطلوب مني أثبت للناس إنن غلطانين بقصتي.
المهم إني أنا أعرف:
هل الطريقة اللي عم عيش فيها بتشبهني فعلًا؟
اكتبي قصتك بطريقتك.
استخدمي خيالك وأفكارك لتدعمي حياتك، مو لتصنعي نسخة منك ترضي الجميع.
اسألي حالك:
أنا عم اختار هالشي لأنو بيشبهني؟
ولا لأنو خايفة شو رح يقولوا عني؟
لأن بالنهاية
الحياة رح نعيشها مرة وحدة بس 😉💚
