13/11/2026
الإزاز الرفيع ممكن يعكس نور الدنيا كلها… لكن لمسة قاسية واحدة كفيلة تسيب فيه شرخ.
الغريب إننا ساعات بننبهر بلمعانه، وننسى رقته.
والست أحياناً كده…
ممكن تكون قوية، مستقلة، بتاخد قراراتها بنفسها، بتواجه ظروف صعبة، وبتشيل مسؤوليات كتير من غير ما تستنى حد.
ممكن تبان إنها قادرة على مواجهة أي حاجة، وإن مفيش حاجة تهزّها.
لكن القوة اللي باينة من برّه مش معناها إن اللي جواها صلب زي الحديد.
زي الإزاز الرفيع بالظبط…
شفاف، بيلمع، بيعكس نور كتير، لكن كلمة قاسية ممكن تخدشه، وتجاهل ممكن يسيب فيه أثر، وتصرف غير محسوب ممكن يعمل فيه شرخ.
ومش كل شرخ بيبان للعين، ومش كل وجع بيتحكي.
افتكر دايماً إن قدرتها على إنها تستحمل مش معناها إن من حقك تختبر قدرتها دي.
هي مش مطالبة تثبت قوتها باستمرار، ومش معنى إنها قادرة تقف لوحدها إنك تقدر تتعامل معاها بقسوة.
خلي بالك من طريقتك، من كلامك، ومن التفاصيل الصغيرة…
لأن مش كل خدش بيكون ظاهر... ساعات العقل بينسى تفاصيل الموقف، لكن الذاكرة العاطفية بتفضل محتفظة بالإحساس اللي سابه. وممكن كلمة أو نبرة صوت ترجع نفس الوجع من تاني.
يعني تخيل ان ممكن ده يسيب فيها علامة دايما، و لو بس سمعت صوتك تحس بالوجع ده تاني ؟!
خلي صوتك يكون مصدر احساس امان و راحة مش مصدر قلق ر توتر و جرح!
#الرجولة #الأنوثة