غازي امان الله خان معالجوي کلینیک

غازي امان الله خان معالجوي کلینیک غازي امان الله خان معالجوي کلینیک سویل ختیځ زون پکتيا

28/07/2026

ولې هندواڼه د ګرمي په موسم کې يوه غوره ميوه بلل کيږي.
هندواڼه شاوخوا ۹۲ سلنه اوبه لري، نو په ځانګړي ډول د ګرمو ورځو پر مهال د بدن د اوبو د پوره کولو لپاره یو ښه انتخاب دی.
همدارنګه د ویټامین C، ویټامین A، پوټاشیم او لایکوپین ښه سرچینه ده. لایکوپین یو پیاوړی انټي‌اکسیدنټ دی چې د بدن د حجرو په ساتنه کې مرسته کوي، او ویټامین C د معافیت سیستم او د پوستکي د روغتیا ملاتړ کوي.

په زړه پورې حقیقت: د هندواڼې سپینه برخه هم خوړل کېدای شي. دا برخه د L-citrulline په نوم ګټور امینو اسید لري، خو ډېری خلک یې بېځایه غورځوي.

په ګرمو ورځو کې هندواڼه یوازې خوندوره نه ده، بلکې د بدن د اوبو د پوره کولو لپاره هم یو ښه انتخاب دی.

25/07/2026

تور زیړی (Hepatitis B یا Hepatitis C) یوه خطرناکه ویروسي ناروغي ده چې په جگر باندې تاثیر کوي، جگر کمزوری کوي او که درملنه‌یې ونه شي، د جگر د سرطان، سیروز (cirrhosis)، یا حتا مرګ لامل کېدای شي.

تور زیړی څه ته وایي؟
تور زیړی یا "Hepatitis B" او "Hepatitis C" د هغو ویروسي ناروغیو څخه دي چې د جګر حجرې زیانمنوي. دا ویروس له وینې، جنسي تماس، یا له آلودې سوزن، وسایلو، او یا هم د مور نه ماشوم ته انتقالېږي. د دې ویروس له کبله جگر سست، ملتهب او وروسته سخت خرابېږي.

علایم یې کوم دي؟
په ځینو کسانو کې علایم نه وي، خو که وي نو دا لاندې دي:
د پوستکي او سترګو ژېړوالی (یعنې زیړی)
ستړیا، خستګي، د بدن دروندوالی
د بولي توره رنګ
د براز خټه (سپینه) بڼه
د خېټې خوږېدل (په ځانګړي ډول د ښي اړخ لاندې)
بې‌اشتهايي
زړه بدوالی یا کانګې
د وزن کمی
مفصلونو یا عضلو خوږېدل
په ځینو مواردو کې تبه

دا ناروغي کوم عمر کې ډېره پیدا کېږي؟
هر عمر کولی شي اخته شي، خو!
د ماشومانو لپاره خطرناک دی که د مور څخه انتقال شي

د ځوانانو او مشرانو تر منځ هغه کسان چې د وینې انتقال، ناامنه جنسي اړیکې، یا ککړ وسایل کاروي، ډېر له خطر سره مخ دي.

تور زیړی ولې پیدا کېږي؟
د Hepatitis B او C اصلي لاملونه:
د ککړې وینې انتقال
د ککړو سوزنونو، شرايي او د غاښونو وسایلو کارول
له ناروغې مور نه ماشوم ته انتقال
له جنسي لارې انتقال
د پوستکي یا بدن پر ماتو برخو تماس (کټ، زخم، د ستنې کارول)
د ککړ وسایلو سره د بدن تماس (په ناپاکو کلینیکونو یا د بدن ښکلا ځایونو کې)

فرق د زیړ او تور زیړي تر منځ څه دی؟
علامت
مستقل ناروغي
زیات بیلیروبین
ویروس (HBV یا HCV)
اکثره بې ضرره
خطرناک، مزمن کېدای شي
نه انتقالېږي
له وینې، جنسي تماس او نورو لارو انتقالېږي

کوم خوراکونه ګټه رسوي؟
مایعات زیات استعمال کړئ!
اوبه، تازه میوې جوسونه، ناریل اوبه

ساده او سپک خواړه!
پخې شوې سبزي، خټه لوبيه، وریجې، اوړه
میاوې!
انار، کیله، مڼه، هندواڼه، نارنج

پروټین په کمه اندازه!
شیدې، مستې، هګۍ (په اندازه سره

طبیعي شفاورکي خواړه!
زردچوبه، زنجبیل، شات، زیتون

کوم خوراکونه تاوان رسوي؟
غوړ خواړه، سرخ شوي خوراکونه
الکول (مطلقاً ممنوع دی)
چټک خواړه (Fast Food)
ډیر مالګین یا شکر لرونکي خواړه
مصنوعي جوسونه او مشروبات
خام یا نیم پخې غوښې
کافین‌لرونکې مشروبات (زیات چای یا قهوه)

نور مهم ټکي!
واکسین د Hepatitis B لپاره شته ماشومان او لویان باید واکسین شي.
د Hepatitis C لپاره واکسین نشته، خو درملنه‌یې شته.
وینه معاینه کړئ که مشکوک یاست.
که ناروغي تایید شي، باید د متخصص ډاکتر تر نظارت لاندې واوسئ.
له نورو خلکو سره د استنجا وسایل، استریليزه نه‌شوي وسایل، یا غاښ پاکولو سامان مه شریکوئ.

19/07/2026

سوء تغذی (خوارځواکي) څه ته ویل کېږي؟

سوء تغذی هغه حالت ته وایي چې کله د انسان بدن ته کافي او متوازنه خواړه (پروټین، ویټامینونه، منرالونه او انرژي) په وخت او اندازه سره و نه رسېږي.
ماشومان چې د ودې په مرحله کې وي، که سالم خواړه و نه خوري، د بدن وزن یې کمېږي، هډوکي یې نری کېږي، دفاعي سیستم یې کمزوری کېږي او ډېرې ناروغۍ ورته پیدا کېږي.

ولې ځینې ښځو اولادونه د سوء تغذی سره پیدا کېږي؟
ځینې وخت ماشوم لا د مور په نس کې د کمزورتیا سره لویېږي. دا څو مهم لاملونه لري!!!
د مور سوء تغذی:
که امیندواره ښځه په کافي اندازه پروټین، اوسپنه، کلسیم، ویټامینونه او نور مغذي مواد ونه خوري

وینه کمي (انیمیا(!!!
ډېری ښځې په امیندوارۍ کې د وینې له کمي سره مخ کېږي چې د ماشوم په وزن او روغتیا بده اغېزه کوي
ناروغۍ!! لکه د شکر ناروغي، د وینې فشار یا انتانات
د امیندوارۍ پر مهال درمل یا بد عادتونه: سګرټ، نشه یي مواد یا زیانمن څښاک د ماشوم وده خرابوي

د امیندوارۍ پر مهال زیاتې ستونزې!!
لکه کم عمر کې امیندوارېدل، پرله‌پسې زېږونونه او د کافي استراحت نشتوالی.
د ماشوم د سوء تغذی کېدو اصلي دلایل
د مور شیدې نه ورکول یا کم ورکول
ناسم تکمیلي خواړه!!!
که ماشوم ته د 6 میاشتو وروسته مناسب کورني خواړه ورنه کړل شي
ناروغۍ (اسهال، نري رنځ، تبه، تنفسي ناروغۍ): ناروغ ماشوم ډېر انرژي له لاسه ورکوي
نظافت نه ساتل!!! د ککړو خوړو او اوبو له امله ناروغي او بیا سوء تغذی راځي.
غریبۍ یا د صحي پوهاوي کموالی: کورنۍ نه شي کولای مغذي خواړه برابر کړي یا د سالم تغذی اصول نه پېژني

څه وکړو چې ماشوم د خوارځواکۍ سره مخ نشي؟
د امیندوارۍ پر مهال مور ته کافي او متوازنه خواړه ورکول
ماشوم ته یوازې د زیږېدو له وخته تر 6 میاشتو پورې د مور شیدې ورکول
د 6 میاشتو وروسته د مور د شیدو تر څنګ نرم، متنوع او کورني خواړه ورکول (لکه وریجې، کچالو، غوښه، هګۍ، سبزي، مېوې)
ماشوم تل د پاکو اوبو څښلو ته عادتول.
د ماشوم د هرې ناروغۍ پر وخت ډاکټر ته بیول او مناسب درملنه کول
د ماشوم د معاینې او واکسین پروګرام پر وخت ترسره کول

کوم کارونه باید ونه کړو
ماشوم ته د مور شیدې ژر پرېښودل
یوازې وچ ډوډۍ یا چای ورکول
ماشوم ته د ککړو اوبو یا خوړو ورکول
ماشوم ناروغ پرېښودل او ډاکټر ته نه بیول
د امیندوارۍ پر مهال د مور تغذیه ته بې پروایي
په ټوله کې د مور او ماشوم روغتیا مستقیم د سالمو خوړو، پاکو اوبو،
واکسین، او د وخت پر وخت طبي پاملرنې پورې تړلې ده

ولې ځینو خلکو اشتها (اشتیاه) نه وي؟معدې ستونزې (تیزابیت، زخم، ګیډه کې التهاب)قبضیت (کله چې ګیډه نه تشېږي، د خوړو اشتها ک...
11/07/2026

ولې ځینو خلکو اشتها (اشتیاه) نه وي؟

معدې ستونزې (تیزابیت، زخم، ګیډه کې التهاب)
قبضیت (کله چې ګیډه نه تشېږي، د خوړو اشتها کمه شي)
فکر او خپګان (Stress او Depression اشتها خرابوي)
درمل (ځینې دواګانې د اشتها د کمېدو سبب کېږي)
مزمنې ناروغۍ (لکه د ځیګر، پښتورګو یا د وینې کمښت)

ولې تل قبض وي؟

د اوبو کم څښل
د فایبرو (فایبر لرونکي خواړه) کم خوړل (لکه میوې، سبزي، غنم)
ناحرکتۍ (کم ورزش، ډېر ناسته ژوند)
ځینې وخت د درملو اړخیزه اغېزه

څه وکړي چې اشتها ښه شي؟
سهار وختي لږ ورزش یا قدم وهل
د ورځې په جریان کې لږ لږ خوړل، خو په منظم ډول
د تازه میوو او سبزیجاتو ډېر استعمال
د لیمو اوبه یا شیدې د خوړو مخکې لږ څښل
کله ناکله د زېره، زنجبیل یا نعنا کارول د هاضمې لپاره ښه وي
د قبض لپاره ډېرې اوبه څښل او فایبر لرونکي خواړه خوړل

څه ونه کړي چې زیان ور نه رسوي؟
ډېر غوړ، سخت او درانه خواړه مه خوره
له زیات چای، قهوې او سګریټ څخه ځان وساته
د خوراک وخت مه ځنډوه، ډېر ناوخته مه خورئ
د فشار او اندېښنو ډېرښت ته پام وکړه، ځکه اشتها خرابوي

نورې سپارښتنې
که د اوږدې مودې لپاره اشتها نه وي او قبض دوامداره وي، نو لازمه ده ډاکټر ته ورشي، ځکه کله ناکله د جدي ناروغیو (لکه د معدې یا کولمو ستونزې) نښه هم کېدای شي

ډاکټر اسحاق ناصري د عقلي او عصبي ناروغيو متخصص هره پنجشنبه پکتيا غازی امان الله خان معالجوي روغتون کې.
30/06/2026

ډاکټر اسحاق ناصري د عقلي او عصبي ناروغيو متخصص هره پنجشنبه پکتيا غازی امان الله خان معالجوي روغتون کې.

19/06/2026

ولې خلک د هوا د بدلون سره ناروغېږي؟
کله چې د کال فصلونه بدلېږي (لکه له اوړي نه ژمي ته یا له ژمي نه پسرلي ته)، بدن د حرارت، رطوبت او چاپېریال په بدلون عیارېږي. په دې وخت کې دفاعي سیستم یو څه کمزوری کېږي، او ویروسونه او باکتریاوې ډېر ژر حمله کوي.

دغه ناروغیو ته په طب کې څه ویل کېږي؟
د دې ناروغیو عمومي نوم Seasonal Illnesses (موسمي ناروغۍ) دی.
تر ټولو عام مثالونه یی په لاندی ډول دی.
Common Cold (عادي زکام)
Pharyngitis (د ستوني التهاب)
Cough (ټوخی)
Flu / Influenza (انفلوینزا)
Allergic Rhinitis (د الرجۍ له امله زکام)

څنګه ځان او کورنۍ د دې ناروغیو څخه وساتو؟

مناسبې جامې اغوستل – د هوا مطابق جامې واغوندئ، په ځانګړي ډول د سهار او ماښام وخت کې.

لاسونه مینځل په پاکو اوبو او صابون د لاسونو مینځل د ویروسونو د خپرېدو مخه نیسي
وړاندې کوونکي خواړه خوړل لکه مڼه، نارنج، مالټې، شات، اوبه او ویټامین C لرونکي مېوې
کافي خوب کول د بدن دفاعي سیستم پیاوړی ساتي
ورزش او حرکت لږ تر لږه نیم ساعت مزل یا نرم ورزش دفاعي ځواک زیاتوي
کور ته تازه هوا ورکول کړکۍ پرانستل او د ککړې هوا مخنیوی

هغه کارونه چې باید ونه کړو؟؟؟؟؟؟
د هوا ناڅاپي بدلون ته ځان مه پرېږدئ (مثلاً له ګرمو ځایونو سمدستي یخ ځای ته تلل).
ډېر سړې او یخې څښاک مه کاروئ، په ځانګړي ډول د ژمي په پیل کې
د ناروغ کس سره نږدې تماس (لکه ښکلول، د یو ګیلاس یا کاشوغې کارول) مه کوئ
ډېر غوړ لرونکي او درانه خواړه مه خوری، ځکه هاضمه کمزورې کېږي او بدن دفاعي ځواک له لاسه ورکوي
د سګریټ لوګی او دوړې څخه ځان وساتئ، ځکه ستونی او سږي نور هم حساسوي

16/06/2026

د اوبو ګټې

د بدن هایدرېشن د بدن د ټولو حجرو، غړو او نسجونو لپاره اړین دي
د تودوخې کنټرول د خولې او خولې له لارې د بدن حرارت تنظیموي
د هاضمې مرسته خواړه نرموي، هضم ښه کوي او قبضیت مخنیوی کوي
د زهرجنو موادو ایستل د پښتورګو له لارې فاضله مواد او زهرجن مواد له بدن باسي
د پوستکي روغتیا پوستکی نرم، تازه او روښانه ساتي.
د دماغو فعالیت تمرکز، حافظه او د انرژۍ سطحه لوړه ساتي
د مفصلونو ساتنه د مفصلونو د غوړیدو (lubrication) لپاره مهم دي

څومره اوبه باید وڅښل شي؟
د عمومي سپارښتنې له مخې، یو بالغ انسان باید په ورځ کې شاوخوا ۲ تر ۳ لیتره (۸ – ۱۰ ګیلاسه) اوبه وڅښي

خو دقیق اندازه د دې پر اساس توپیر کوي

د بدن وزن او قد
د فعالیت کچه (ورزش، کار)
د موسم تودوخه (په ګرمو ځایونو کې ډېره اړتیا وي)
د ناروغیو حالت (لکه تبه، نس ناستې یا د پښتورګو ستونزې)

06/06/2026

🔲 د ګردو د ډبرو ( Kidney Stones ) پیدا کېدلو علتونه :

➊ د اوبو کم څښل : کله چې بدن ته کافي اوبه ونه رسېږي ، ادرار غلیظ کېږي او د منرالونو او مالګو کچه لوړېږي ، چې د ډبرو جوړېدو ته زمینه برابروي.

➋ د خوړو ناسمه بڼه : زیات مالګین ، پروټینی ، یا شکر لرونکي خواړه د ډبرو جوړېدا زیاتوي . ځانګړي رژیمونه لکه زیات مالګه یا زیات غوړ هم د خطر فکتورونه دي .

➌ جنیټیکي ( ارثي ) عوامل : که د کورنۍ نورو غړو ته ګردې ډبرې جوړې شوې وي ، امکان لري چې بل نسل ته هم انتقال شي .

➍ نورې ناروغۍ لکه :

1: د هایپرپاراتایرایډیزم ( Hyperparathyroidism) .
2: د کرون ناروغي (:Crohn's Disease ) .
3 : د ادرار نالۍ انتانات ( UTI ) ، هم کولی شي د ګردو د ډبرو جوړېدو چانس زیات کړي .

➎ د بدن زیات تودوالی یا خولې زیاتېدل : که چیرې د بدن له لارې زیات خوله وباسې او کافي اوبه ونه څښئ ، ادرار کمېږي او مواد په ګرده کې راټولیږي چې ډبره جوړوي .

➏ ځینې درمل یا سپلیمنټونه لکه : د انټي اسید درمل ( calcium - based antacids )، یا زیات کلسیم ، ویټامین D او ځینې اضافي سپلیمنټونه هم د ډبرو لامل ګرځي .

➐ د یوریک اسید زیاتوالی : که د بدن یوریک اسید زیات شي ، د یوریک اسید ډول ډبرې جوړېدلی شي ( لکه د نقرص ناروغۍ سره تړاو لري ) .

➑ د ادرار د لارې بندښت : که ادرار سم جریان ونه لري ، مواد جمع کېږي او د ډبرو جوړېدو ته فرصت برابریږي .

↩مهمه مشوره : د ګردو د ډبرو د مخنیوي لپاره باید کافي اوبه وڅښل شي ، متوازنه خواړه وخوړل شي ، او د ډاکټر مشوره وخت پر وخت واخیستل شي .

31/05/2026

اوبه او روغیتا !

ډېر خلک د ورځې په اوږدو کې کافي اوبه نه څښي، حال دا چې اوبه د انسان د بدن لپاره بنسټیز ارزښت لري. د بدن شاوخوا ۶۰ سلنه برخه اوبه جوړوي، او که دا اندازه کمه شي، نو ګڼې ستونزې رامنځته کېږي.
کافي اوبه څښل
د بدن تودوخه تنظیموي
د وینې جریان ښه کوي
د پښتورګو فعالیت سم ساتي
قبض، سر درد او ستړیا کموي
پوستکی تازه او سالم ساتي
د اوبو کمښت کولی شي دا ستونزې پیدا کړي:
سر ګرځېدل
وچ خوله او وچ پوستکی
کمزوري او بې‌حالي

د تمرکز کمښت
څومره اوبه باید وڅښو؟
په عادي ډول یو بالغ انسان باید لږ تر لږه ۶ تر ۸ ګیلاسه اوبه د ورځې وڅښي. که هوا ګرمه وي، کار دروند وي، یا تمرین کوئ، نو اړتیا لا زیاتیږي.
تر تندې مخکې اوبه وڅښئ، ځکه تنده د بدن د اوبو د کمښت وروستۍ نښه ده

27/05/2026

ټولو هيوادوالو اختر مو بختور شه.
خوشاله اختر او روغتيا ولرئ

Address

Paktya
Gardez
0093

Telephone

+93779541866

Website

Alerts

Be the first to know and let us send you an email when غازي امان الله خان معالجوي کلینیک posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to غازي امان الله خان معالجوي کلینیک:

Shortcuts

Share

Category