29/08/2026
الحمدلله ، د تخصص دورې لپاره یو نوي سفر پیل!
الحمدلله! په ډېره خوښۍ سره له خپلو درنو دوستانو، استادانو او ګرانو هیوادوالو سره دا زېرى شریکوم چې د الله تعالی په فضل مې خپل تحصیلي اسناد بشپړ کړل او د خپل مسلکي ژوند نوي پړاو ته د قدم اېښودو ویاړ لرم. د دې بریا تر شا تر هر څه وړاندې د خپل ګران پلار، مهربانې مور او ټولې کورنۍ نه ستړې کېدونکې هڅې، دعاګانې او ملاتړ ولاړ دي. د دوی مینې، زحمت او باور پوروړی یم. همدارنګه له خپلو قدرمنو استادانو څخه د زړه له کومې مننه کوم چې د علم، تجربې او لارښوونې رڼا یې زما د پرمختګ لار روښانه کړه. انشاءالله، ډېر ژر به د کاردیولوژي( د زړه بخش) د تخصص نوی سفر پیل کړم. هیله لرم چې د لا زیات علم، مهارت او تجربې په ترلاسه کولو سره وکولای شم د خپل ګران هیواد او خلکو لپاره لا غوره او اغېزمن روغتیايي خدمتونه وړاندې کړم.
له ټولو عزیزانو څخه چې په هر پړاو کې یې زما ملاتړ کړی، د زړه له کومې مننه کوم. ستاسو دعاوې او نېکې هیلې زما لپاره تر ټولو ستره پانګه ده. د دې سفر پیل، د نویو هیلو او لوړو موخو پر لور، الله تعالی دې په خیر کړي.
