Dr Wahdat Medical Information

Dr Wahdat Medical Information درنو ملګرو دا صفحه يواځې د طبى معلوماتو لپاره ځانګړي شوي تاسو يې له ليکنو په ورځني ژوند کې ګټه واخلئ

26/06/2026

ولې د ځینو کسانو وېښتان ژر سپینیږي:

د وېښتانو سپینېدل هغه وخت رامنځته کېږي چې د وېښتانو په ریښو (Hair Follicles) کې د ملانوسایت (Melanocyte) حجرو فعالیت کم شي یا له منځه ولاړ شي. دا حجرې ملانین (Melanin) نومې رنګ تولیدوي چې وېښتانو ته تور، نسواري یا بل طبیعي رنګ ورکوي.
د ژر سپینېدو مهم علتونه:
1. جنیټیک (وراثت)
تر ټولو مهم عامل دی. که مور، پلار یا نږدې خپلوان ژر سپین شوي وي، د اولادونو د ژر سپینېدو احتمال هم زیات وي.
2. اکسیدیټیف فشار (Oxidative Stress)
په بدن کې ازاد رادیکالونه (Free Radicals) زیاتېږي. دا مواد د ملانوسایت حجرو ته زیان رسوي او د رنګ تولید کموي.
3. د ویټامینونو او منرالونو کموالی
د ویټامین B12، فولیک اسید، اوسپنې، مسو (Copper) او زنک کمښت د ژر سپینېدو سره تړاو لري.
4. رواني فشار (Stress)
شدید او اوږدمهاله فشار کولی شي د وېښتانو د رنګ تولیدوونکو حجرو په فعالیت اغېز وکړي. که څه هم فشار یوازینی علت نه دی، خو مرسته کوونکی عامل ګڼل کېږي.
5. ځینې ناروغۍ
د تایرایډ اختلالات. ځینې اتوایمیون ناروغۍ. د رنګ د حجرو تخریب کوونکې ناروغۍ لکه Vitiligo.
6. سګرټ څکول
سګرټ د اکسیدیټیف فشار کچه لوړوي او د ژر سپینېدو خطر زیاتوي.
میکانیزم څه دی؟
په عادي حالت کې ملانوسایت حجرې د ملانین رنګ تولیدوي او دا رنګ د وېښتو ساقې ته انتقالوي. کله چې دا حجرې د عمر، وراثت، اکسیدیټیف زیان یا ناروغۍ له امله کمزورې شي، د ملانین تولید راټیټېږي. په پایله کې نوی راټوکېدونکی وېښتان لومړی خړ او وروسته بشپړ سپین ښکاري.
آیا سپین شوي وېښتان بېرته تورېدای شي؟
که علت د ویټامین یا منرال کمښت وي، کله ناکله د کمښت په اصلاح سره یو څه ښه والی لیدل کېږي. خو که علت وراثت یا د ملانوسایت حجرو دایمي له منځه تلل وي، نو عموماً طبیعي رنګ بېرته نه راګرځي.
له ۲۰–۳۰ کلنۍ مخکې د وېښتانو د پام وړ سپینېدل د ویټامین B12، اوسپنې او د تایرایډ معایناتو د ترسره کولو دلیل کېدای شي.

ایویان (Evion 400) د ځوان پاتې کېدو راز؟Evion 400 (ویټامین E 400 mg) یو مشهور Vitamin E supplement دی چې عموماً د ویټامی...
21/06/2026

ایویان (Evion 400) د ځوان پاتې کېدو راز؟

Evion 400 (ویټامین E 400 mg) یو مشهور
Vitamin E supplement دی چې عموماً د ویټامین ای کمبود پوره کولو لپاره کارول کېږي. خو د دې په اړه ځینې معلومات په ټولنیزو پوسټونو کې مبالغه هم کېږي، نو سم او طبي معلومات مهم دي.

Evion 400 څه شی دی؟
Evion 400 یو کپسول دی چې عموماً Vitamin E (Tocopheryl Acetate) 400 mg لري. ویټامین E د بدن لپاره یو Antioxidant دی، یعنې د بدن حجرې له زیان رسوونکو موادو (free radicals) څخه ساتي.
مهمې ګټې:
1. د ویټامین E کمبود پوره کول
که بدن کې د Vitamin E کموالی وي، ډاکټر دا سپارښتنه کولی شي.

2. د پوستکي ملاتړ:
* د پوستکي وچوالي کې مرسته کولای شي
* د antioxidant خاصیت له امله د پوستکي ساتنه کوي
خو دا د پوستکي د هرې ستونزې “معجزه دوا” نه ده.

3. د ویښتو روغتیا:
ځینو کسانو کې د سر پوستکي روغتیا کې مرسته کولی شي، خو د ویښتو تویېدو لپاره ثابت قوي علاج نه ګڼل کېږي.

4. د بدن د حجرو ساتنه:
Vitamin E د حجرو د محافظت لپاره مهم antioxidant دی.

5. د معافیتي سیستم ملاتړ:
په نورماله اندازه کې د بدن دفاعي سیستم سره مرسته کوي.

6. د نارینه سپرم کیفیت:
په ځینو حالتونو کې، د نارینه د شنډوالي (infertility) یا oxidative stress کې ډاکټران Vitamin E د نورو درملو سره یو ځای کاروي، خو دا د جنسي کمزورۍ فوري دوا نه ده او نه هر چا ته لازمي ګټه کوي.

د “جنسي کمزورۍ” په اړه مهم وضاحت:
هغه خبره چې “د پرله‌پسې ج+نسي اړیکو وروسته کمزوري ختموي” علمي ثبوت یې محدود دی. Evion 400 د انرژۍ فوري کپسول نه دی. که څوک دوامداره کمزوري، ستړیا یا جنسي ستونزه لري، علتونه یې کېدای شي:
کم خوب ذهني فشارکمخوني هورموني ستونزې غذایي کمښت

د استعمال وخت:
عموماً:
له خوړو وروسته استعمالېږي، ځکه Vitamin E په غوړو کې حل کېږي او ښه جذبېږي.

دوز باید د اړتیا له مخې وي؛ هره ورځ اوږدمهاله 400 mg د ډاکټر له مشورې پرته مه کاروئ.

ممکنه عوارض (Side Effects)

ځینې کسانو کې: معدې خرابوالی زړه بدوالی سر درد نس ناستی ستړیا

که ډېر زیات یا اوږد مهاله استعمال شي، د وینې بهېدلو خطر زیاتېدلی شي.

څوک باید احتیاط وکړي؟
که دا درمل کاروئ، ډاکټر سره مشوره مهمه ده:
د وینې نری کوونکي درمل (blood thinners) کاروئ د زړه ناروغي لرئ جراحي ته روان یاست د وینې بهېدو ستونزه لرئ

د استعمال موده:
د هدف پورې اړه لري: د کمبود لپاره: د ډاکټر د نسخې مطابق د عمومي supplement په توګه: اوږدمهاله لوړ دوز سپارښتنه نه کېږي.

29/01/2025

ايا د عضلاتو دردونه لرئ؟

راځئ دا راسره ولولۍ او د حل لاره پيدا کړئ •
د عضلاتو، مفصلونو، او بندونو دردونه او د کړپ کړپ (ټکان) غږ لاملونه او حل لاره

۱. د عضلاتو درد لاملونه:

1. فزیکي فشار او ستړیا: د ډېر کار، ورزش، یا نا سم حرکاتو له امله عضلات زیانمنېږي.

2. کمزوری وینه جریان: که عضلاتو ته کافی وینه ونه رسېږي، نو درد او ستړیا راځي.

3. مایعاتو کمښت (Dehydration): که بدن کې اوبه کمې شي، نو عضلاتو ته مواد نه رسېږي او درد کوي.

4. معدني موادو کمښت: د کلسیم، مګنیزیم، او پوتاشیم کموالی د عضلاتو درد لامل کېږي.

5. التهابي ناروغۍ: لکه فیبرومایالجیا (Fibromyalgia) یا د بدن دفاعي سیستم ستونزې.

د عضلاتو درد حللاره:

د مساج کولو یا ګرمو/یخو کمپریسونو کارول

د خوړو رژیم ته پام (زیات پروټین، معدني مواد، اوبه، او ویټامینونه)

سپک ورزشونه او کششي تمرینونه

د وینې جریان ښه کول (د بادامو او زیتون غوړ مالش کول)

که درد دوامداره وي، ډاکټر ته مراجعه کول

---

۲. د مفصلونو درد لاملونه:

1. ارترایټس (Arthritis): د مفصلونو سوزش او پړسوب، لکه روماتوایډ ارترایټس یا اوستیو ارترایټس.

2. زخم یا ټپ: د ژوبلېدو یا شدیدو حرکاتو له امله.

3. د غضروف (Cartilage) زیان: د عمر زیاتېدو سره، غضروف نازک کېږي او مفصلونه زیانمنوي.

4. د وزن زیاتوالی: که وزن ډېر وي، مفصلونو ته فشار زیاتېږي.

5. د وینې جریان کمښت: که مفصلونو ته مناسب تغذیه ونه رسېږي، درد زیاتېږي.

د مفصلونو درد حللاره:

سپک ورزشونه (لکه یخني ورزشونه، لامبو، یا یوګا)

ګرمې او سړې کمپرسې

د مفصلونو لپاره ګټور خواړه: د ماهي غوښه (Omega-3)، بادام، زیتون غوړ، او سبزیجات

د بدن وزن کنټرولول

ګلوکوزامین او کنډرایټین (Glucosamine & Chondroitin) اخیستل

که درد ډېر دوام وکړي، ډاکټر ته مراجعه کول

---

۳. د بندونو کړپ کړپ (ټکان) غږ لاملونه:

1. د بندونو دننه ګازونه: کله چې بند حرکت کوي، نو هلته موجود ګازونه خوشې کېږي او غږ پیدا کېږي.

2. د غضروف او هډوکو کمزورتیا: که غضروف خراب شي، نو بندونه مستقیماً سره لګېږي او غږ کوي.

3. د مفصلونو سوزش یا زخمي کېدل: که مفصلونه زیانمن شي، نو دا غږ زیاتېږي.

4. د بندونو د مایعاتو کمښت: که د مفصلونو طبیعي مایع کمه شي، غږ او درد پیدا کېږي.

5. ارثي عوامل: ځینې خلک طبیعي توګه د بندونو کړپ کول تجربه کوي.

د بندونو کړپ غږ حللاره:

زیات اوبه او صحتمند خواړه خوړل

د بدن د فټ نس (ورزش) ساتل

د کلسیم او ویټامین D کارول (شیدې، مستې، او لمر ته کېناستل)

د مفصلونو لپاره د مایعاتو زیاتونکي خواړه خوړل (لکه Omega-3)

که غږ سره درد یا پړسوب وي، ډاکټر ته مراجعه کول

---

پایله:

که عضلات، مفصلونه، یا بندونه دوامداره درد کوي، نو دا د بدن له کمزورتیا، التهاب، یا زخم سره تړاو لري. ښه تغذیه، ورزش، او د بدن خیال ساتل مهم دي. که ستونزه دوام وکړي، نو باید یو متخصص ډاکټر ته لاړ شئ.

د رحم د غاړې سرطان (Cervical Cancer)د رحم غاړې سرطان څه شی دی؟د رحم غاړې سرطان د ښځینه ناروغیو له جدي ستونزو څخه دی چې ډ...
16/12/2024

د رحم د غاړې سرطان
(Cervical Cancer)
د رحم غاړې سرطان څه شی دی؟
د رحم غاړې سرطان د ښځینه ناروغیو له جدي ستونزو څخه دی چې ډېری وخت د HPV (Human Papillomavirus) ویروس له کبله رامنځته کېږي.
نښې نښانې:
1. د میاشتنیو دورانونو تر منځ وینه بهېدل.
2. د ج**ع پر مهال درد یا وینه بهېدل.
3. د ملا په شاته یا د کمر په ښکته برخه کې دوامداره دردونه.
4. د وزن بې دلیل کمېدل.
د مخنیوي لارې چارې:
1. د HPV واکسین ترلاسه کول.
2. په منظمه توګه د ښځینه ډاکټر سره معاینه کول.
3. د پاکوالي اصولو مراعات کول.
4. د خطرناکو اړیکو څخه ډډه کول.
مهمه مشوره:
که پورته نښې نښانې ولرئ، نو ژر تر ژره ډاکټر ته لاړ شئ. وختي تشخیص د درملنې لپاره ډېر مهم دی.
خپل ځان او خپل روغتیا ته پام وکړئ!

Ciprofloxacin • سیپرو فلوګزاسین درملیو انټي بایوټیک دی چې د مختلفو بکتریايي انفیکشنونو د درملنې لپاره کارول کیږي. خو په...
16/12/2024

Ciprofloxacin
• سیپرو فلوګزاسین درمل

یو انټي بایوټیک دی چې د مختلفو بکتریايي انفیکشنونو د درملنې لپاره کارول کیږي. خو په ځینو ځانګړو حالتونو کې باید دا دوا ونه کارول شي یا یې استعمال ته ډېر احتیاط وشي. لاندې هغه حالتونه دي چې پکې سیپرو فلوګزاسین استعمال باید مخنیوی وشي یا د ډاکټر په مشوره وشي:

★۱. حساسیت (Allergy):
که چیرته ناروغ ته د فلووروکوینولون انټي بایوټیکونو (لکه لیفوفلوګزاسین، مکسيفلوګزاسین) سره حساسیت یا الرژي وي، نو د سیپرو فلوګزاسین استعمال باید ونه شي.

★۲. ماشومان او ځوانان:
سیپرو فلوګزاسین د ماشومانو د هډوکو او بندونو د ودې لپاره خطر لري، نو په ماشومانو کې یې استعمال باید محدود وي، پرته له دې چې د ډاکټر لخوا په ځانګړي حالت کې توصیه شي.

★۳. حاملګي او شیدې ورکول (Pregnancy and Breastfeeding):
سیپرو فلوګزاسین د حاملګۍ پر مهال د جنین لپاره خطرناک کیدای شي. د شیدې ورکولو پر وخت، دا دوا د ماشوم لپاره زیان رسونکي اثرات لرلی شي.

★۴. د بندونو او هډوکو ستونزې:
که ناروغ د بندونو، تاندونونو (tendons) یا هډوکو ناروغي ولري، لکه د تاندونونو التهاب (Tendinitis) یا پاریدنه (Rupture)، نو دې دواء ته باید ډېر احتیاط وشي.

★۵. د عصبي سیسټم ستونزې:
سیپرو فلوګزاسین د عصبي سیستم په ځینو ناروغانو کې لکه د مرۍ التهاب (Epilepsy)، دورې (Seizures) یا نورو اعصابي ناروغیو کې ستونزې زیاتې کولی شي.

★۶. د زړه ستونزې:
که ناروغ د زړه د ریتم ستونزې (مثل QT interval prolongation) ولري، نو دا دوا باید په احتیاط سره وکارول شي.

★۷. د پښتورګو یا ځیګر ناروغي:
په هغو ناروغانو کې چې د پښتورګو یا ځیګر جدي ستونزې لري، د دواء اندازه باید د ډاکټر لخوا تنظیم شي.

★۸. د نورو درملو سره تداخل (Drug Interactions):
سیپرو فلوګزاسین د ځینو درملو سره ناوړه تداخل کولی شي، لکه:
✘انټي اسیدونه (Antacids)
✘د وینې فشار درمل (Theophylline یا Warfarin)
✘سټرایډونه (Steroids)

★۹. میاسټینیا ګراویس (Myasthenia Gravis):
سیپرو فلوګزاسین کولی شي د دې ناروغۍ علامې خرابې کړي، نو استعمال یې باید ډډه وشي.

مهم یادونه:
د هر ناروغ لپاره باید د درملو د استعمال پریکړه د ناروغ د طبي حالت، تاریخچې، او اړوند خطرونو په نظر کې نیولو سره وشي.

Methachlorنن غواړم د Methachlor په تړاو تاسو معلومات درکړمقدرمنو لوستونکو تاسو ته معلومه ده چې زموږ په ټولنه کې نن سبا ب...
03/09/2024

Methachlor

نن غواړم د Methachlor په تړاو تاسو معلومات درکړم
قدرمنو لوستونکو تاسو ته معلومه ده چې زموږ په ټولنه کې نن سبا بلکي د پخوا راهيسي ددغو درملو استعمال خورا زيات او په خپل سر يې په سترګو کې د خارښت او او سوخت په موخه استعماليږي
په دغه درملو کې Dexamethasone او Chloramphenicol د يو ځاي ترکيب څخه جوړ شوي دي Dexamethasone د قوي steroid له جملي څخه دي کله چې په سترګو کې زيات severe inflammation رامنځته شي او يا په سترګو کې کوم جراحي پروسيجر ترسره شي له هغه وروسته ناروغ ته قوي steroid توصیه کيږي او همدارنګه ناروغ ته د زیات وخت لپاره نه توصیه کوو چې ددي له امله په سترګو کې steroid induce Glaucoma رامنځته کوي کوم خلک چې دغه درمل زيات استعمال کوي زيات چانس داشته چې Glaucoma يا په عامه اصطلاح توري اوبه رامنځته کېږي چې د Glaucoma ناروغې علاج ناشوني دي خو دوايي په واسطه به کنترول کولي شو.Chloramphenicol د يو انتي بيوټيک له جملي څخه دي چې ګرام منفي نوي باکټريا وي را پيدا کيږي د هغه وژلو په موخه استفاده کيږي .
که د سترګو ډاکټر Steroid ناروغ ته ورکوي د لږ وخت لپاره او د کمزورو Steroid څخه استفاده کوي.
د Methachlor زيات استعمال ستاسې د دايمي ړوند والي سبب کيداي شي.
ستاسو ورور ډاکټر شکيل سترګو جراحي متخصص
ليډي ريډينګ روغتون پاکستان پیشاور

28/08/2024

د لمر وهل:
زموږ او ستاسو وجود په کېمياوي تعاملونو ولاړ ده چې عموماً د حرارت په ۳۷ درجو کې صورت نېسي. که واوره وي او که د اوړي سور لمر خو د انسان بدن کوښښ کوي چې د وجود داخلي د حرارت درجه ۳۷ و ساتي. هر هغه وخت چې د انسان بدن ډير ګرم شي وجود د حرارت د درجې د را کښته کولو په موخه دوه کاره کوي. لومړی پوستکې ته نېږدې واړه رګونه خلاصوي او بيا مالګه او اوبه د خولو په څير خوشي کوي. لدغې لاري وجود د حرارت درجه تر ډیره حده را کښته کولای شي. خو د وړو رګونو خلاصول د ويني فشار راکښته کوي او د زياتو اوبو او مالګي له لاسه ورکول په بدن کې د مهمو اجزاوو انډول خرابوي. که دغه حالت دوام وکړي انسان ته لاندې اعراض پيدا کيږي.
- سر چرخي او د ستوماني احساس
- کانګي يا د خوا ګرزيدل
- د بدن درد
- تبه
- تنده
- د سر درد
- شديده خوله
- مغشوش کېدل يا ګډي وډي خبري کول
که د پورته حالت درملنه په بېړه و نشي کېدی شي د انسان وجود د حرارت د درجې د کنترول کولو توان له لاسه ورکړي چې په نتيجه کې کېمياوي تعاملونو يو په بل پسي دريږي او کېدی شي د انسان د مرګ باعث شي.

درملنه:
- ناروغ سوړ ځای ته يوسئ
- له پريوتو سره سم يې پښې لږ له ځمکې پورته کړئ
- اوبه ورکړئ
- پکه ورته چالانده کړئ او په جلد يې په يو کمه اندازه اوبه ور وشېندئ

مخنېوی:
- هغه کوټې چې لمر ته برابري وي په کړکيو يې پردې ځوړندي کړئ
- په کافي اندازه اوبه وڅښئ
- د غرمې د يولسو او ماپښين درو بجو په منځ کې لمر ته مه ګرزئ
- کوښښ وکړئ لوبي او ورزش سهار وختي او يا مازدېګر ناوخته وکړئ
Dr Shams

Address

Jalalabad

Website

Alerts

Be the first to know and let us send you an email when Dr Wahdat Medical Information posts news and promotions. Your email address will not be used for any other purpose, and you can unsubscribe at any time.

Shortcuts

Share

Category