23/06/2025
یو ناروغ چی شپیته کاله عمر یی لرلو د سینی د درد د کبله سپین غر مومند روغتون ته مراجعه وکړه . ناروغ ته مو ECG وکړه چی په کی د زړه د اسکیمیا ډیری وصفی نښی نه وی خو د ناروغ دردونه ډیر وصفی وو . ناروغ ته مو انجیوګرافی توصیه کړه. . په انجیوګرافی کی معلومه شوه چی د ناروغ د زړه دری رګونه بند دی .چی د زړه د دری رګونو بندش معمولا د زړه د خلاص عملیات (coronary artery bypass graft) په واسطه تداوی کیږی . نو ناروغ ته مو د زړه بای پاس عملیات توصیه کړی
نوټ د ګرانو محصلینو لپاره:
ناروغ د Angina pectoris لوحه لرله او د انجینا پیکتوریس کلمه لاندی حالاتو ته استعمالیږی
انجینا پیکتوریس (Angina Pectoris) یو طبي اصطلاح ده چې د زړه عضلی ته د ناکافي وینې رسولو له امله رامنځته کېږي او دا د زړه د عضلو د اکسیجن کمښت ته اشاره کوي. دا حالت معمولاً د سینی د درد (chest pain) په شکل څرګندیږي.
انجینا پیکتوریس څه شی ده؟
انجینا پیکتوریس یو ډول درد یا ناراحتي ده چې اکثره وخت د سینې په منځ کې یا شاوخوا حس کېږي، او علت یې د زړه عضلې ته د وینې کم رسیدل وي، معمولاً د کورونري شریانو د تنګوالي یا بندوالي له امله وی.
مهمی نښې :
د سینی درد (فشار یا سوځیدلو احساس)
درد چې غاړی، اوږی ، شا یا لاس ته خپرېږي
ساه لنډي
ستړی کیدل
د فزیکي فعالیت یا سترس (stress) په وخت کې زیاتېږي، او د استراحت یا ژبی لاندی د نایتروګلیسرین ګولیو سره ښه کېږي
عام ډولونه:
1. Stable Angina (ثابت انجینا):
د فعالیت یا فشار په وخت کې درد راځي، استراحت سره له منځه ځي.
2. Unstable Angina (نا ثابته انجینا):
ناڅاپي او شدید درد، حتی د استراحت په حالت کې، دا یو عاجل حالت دی.
3. Variant (Prinzmetal's) Angina:
د شریانو د ناڅاپي تنګوالي له امله وي، معمولاً د شپې لخوا.
درملنه:
نایتروګلیسرین (Nitroglycerin): د درد د ارامولو لپاره
اسپیرین(Aspirin): د وینې د نری کولو لپاره
بیټابلاکرز(Beta blockers) / کلسیم چینل بلاکرز(CCBs): د زړه فشار کمولو لپاره: د کولیسټرول د کمولو لپاره درمل (Statins)
که طبی درملنه مؤثره نه وی بیا انجیوپلاسټی(سپرینګ اچول) یا بای پاس (CABG).
په ویډیو کی ناروغ د انجینا وصفی لوحه بیانوی
ویډیو د ناروغ په خوښه اخیستل شوی
