Haidari Medical Academy and Research Center

11/06/2026

ایا د سټاټین کورني درمل د کُولمو په کُرون ناروغۍ کې د کُولمو د تنګوالي مخه نیولی شي!؟ – یوه لویه نوې څېړنه یې هیله بښونکې پایلې وړاندې کوي

ایا د سټاټین کورني درمل د کُولمو په کُرون ناروغۍ کې د کُولمو د تنګوالي مخه نیولی شي!؟ – یوه لویه نوې څېړنه یې هیله بښونکې پایلې وړاندې کوي.
Updates from journal of Journal of Crohn’s and Colitis
کرون ناروغي (Crohn's Disease) د کُولمو یوه مُزمنه التهابي ناروغي ده چې د هاضمي سیستم هره برخه اخته کولای او اغیزمنولای شي، خو تر ټولو زیات کوچنۍ او لوې کُولمې پکې په ژور Transmural التهاب اخته کېږي. په دې ناروغۍ کې دوامداره التهاب د کُولمو په دیوال کې پرله‌پسې ویجاړتیا رامنځته کوي. د وخت په تېرېدو سره بار بار د التهاب تکراري حملی د فایبروسس (Fibrosis) نسج د جوړېدو سبب کېږي، چې په پایله کې د کولمو ځینی برخې تنګېږي او Intestinal Strictureرامنځته کېږي. دغه تنګوالی د خوړو د تېرېدو مخه نیسي او د درد، بندښت او جراحي مداخلې لامل کېدای شي.

د همدې مهم اختلاط د مخنیوي لپاره څېړونکو ارزونه وکړه چې آیا سټاټین درمل د کرون ناروغۍ په ناروغانو کې د کُولمو د تنګوالي خطر کمولی شي که نه!؟

څېړونکو د امریکا له دوو لویو ملي او خپلواکه ډیټابېسونو څخه معلومات راټول کړل او د سټاټین کاروونکو او غیرکاروونکو ناروغانو پایلې یې سره پرتله کړې. په EVERSANA ډیټابېس کې 1,210 سټاټین کاروونکي او 25,000 غیرکاروونکي شامل وو، په داسې حال کې چې په Merative MarketScan ډیټابېس کې 9,577 سټاټین کاروونکي او 56,918 غیرکاروونکي ارزول شوي وو.
د EVERSANA ډیټابېس ناروغان په منځنۍ توګه 3.8 کاله تعقیب شول. د تحلیل پایلو وښودله چې د سټاټین کاروونکو کې د کولمو د تنګوالي خطر 28٪ کم و (HR=0.72، 95% CI: 0.53–0.99، P=0.043). د دې موندنې د تایید لپاره دوهم ډیټابېس هم تحلیل شو. په Merative MarketScan کې چې د تعقیب منځنۍ موده یې 3.6 کاله وه، د سټاټین استعمال د تنګوالي له 29٪ کموالي سره تړاو درلود (HR=0.71، 95% CI: 0.66–0.77، P

08/06/2026

#لرلید (Vision)
حیدري د طبي زده کړو روزنیز او څیړنېز مرکز غواړي د طبي زده کړو، مسلکي روزنې او علمي څېړنو په برخه کې په ملي او سیمه‌ییزه کچه یو مخکښ، معتبر او نوښتګر علمي مرکز وګرځي چې د روغتیايي خدمتونو د کیفیت لوړولو او د طبي علومو د پرمختګ لپاره اغېزمن رول ولوبوي.

#ماموریت (Mission)
حیدري د طبي زده کړو روزنیز او څیړنېز مرکز ژمن دی چې د عصري تدریسي میتودونو، پرمختللو تعلیمي وسایلو او علمي څېړنو له لارې د روغتیايي سکتور لپاره مسلکي، بااستعداده او اخلاقي کادرونه وروزي، د علمي څېړنو فرهنګ پیاوړی کړي او د ټولنې د روغتیايي اړتیاوو د پوره کولو لپاره باکیفیته علمي او روزنیز خدمات وړاندې کړي.
دنشراتو څانګه

27/03/2026

14/03/2026

‎د څېړنیزو او علمي هڅو په دوام، دا ځل په یو مشهور نړیوال ژورنال کې د معدی د پولیپونو د هستوپتالوژیک ځانګړتیاوو (HISTOPATHOLOGICAL CHARACTERISTICS
OF SOME TYPES OF GASTRIC POLYPS)
تر عنوان لاندی د یو نړیوال څیړونکي علمي څېړنیزې مقالې لپاره مې د تصحیح لپاره بیا کتنه (ارزونه) Review وکړه.

‏‎زه د مختلفو ژورنالونو څخه د مقالو د بیاکتنې Review لپاره بلنې ‎ترلاسه کوم، تر څو د طب په برخه کې د نورو محققینو د علمي څېړنیزو مقالو بیاکتنه ترسره کړم.
که څه هم دا کړنه کافي وخت ته اړتیا لري خو لازمه ده چې یو علمي کادر او څېړونکی باید د معالجې ، تدریس او تحقیق سره - سره د نورو څېړونکو د مقالو ارزونه هم وکړي او د اصلاح لپاره ورته سالمه لارښوونه وکړي.
دا کړنه د مقالې د بیا کتونکي Reviewer لپاره یو علمي ویاړ دی او هم به مقاله اصلاح شي او نشر ته به غیر له نېمګړتیاوو (سالمه) وسپارل شي.
دا ځل می د Asian Journal of Research and Reports in Gastroenterology.سره د معدی د پولیپونو اړوند د یوې مقالې ارزونه Review وکړه. الحمدلله، زه د دې فرصت له کبله ویاړم.
انشاالله کوشش به کوو، چې نه یواځې د سیمي په سطحه بلکه په نړیواله سطحه به نور هم د ګران هېواد افغانستان لپاره په علمي , څېړنیزه او کلنیکي برخه کې ویاړونه راوړو.
درنښت.
تر هرڅه وړاندې ګران افغانستان.❤️

دوکتور سید راحت الله حیدری
د عمومي داخله، معدې ناروغيو، اندسکوپي او کولونوسکوپي
ټرينر متخصص او کانسولتانت.
فوق تخصص : هاضمي جهاز ،اندسکوپي
په طبی ،هاضمي ناروغيو او اندسکوپي برخو کې څيړونکی.
د اکمال تخصص (د متخصصينو زده کړه ايز) پروګرام استاد
ننګرهار حوزوي روغتون د داخله څانګې ټرينر او کانسولتانت ، د معدې اندسکوپي ډيپارتمنټ مسول
د امريکا د هاضمي سيستم د اندسکوپي نړيوالي ټولنې (ASGE) غړی
د امريکا د هاضمي جهاز د ډاکټرانو اتحاديې او هاضمي کالج غړی
يو کی (انګلينډ) راجستر اندسکوپي ډيپلومه :پاکستان

ادرس : ‎ننګرهار ولایت،جلال اباد ښار، درمسال ته څېرمه ، طلایي پلازه دوهم پوړ(حیدری د عمومی داخله ، هاضمی جهاز ناروغیو ، اندسکوپی او کولونوسکوپی تخصصی کتنځی).
واټسپ :0782629664
مبایل نمبر : 0702645941

10/03/2026

10/03/2026

۲۰/۹/۱۴۴۷
د ننګرهار حوزوي روغتون يو ډاکټر د هېواد په کچه لومړی مقام ترلاسه کړ
د ننګرهار حوزوي تخصصي روغتون د داخله ناروغیو څانګې ټرینر متخصص ډاکټر سید راحت الله حیدري د عامې روغتیا وزارت د اکمال تخصص لوی ریاست له لوري د هاضمي سیستم، انډوسکوپي او کولونوسکوپي فوق تخصصي ازموینه کې د افغانستان په کچه لومړی مقام ترلاسه کړ.
یاده ازموینه په څو پړاوونو کې ترسره شوه چې د هاضمي سیستم د ناروغیو تشخیص، درملنې او د انډوسکوپي او کولونوسکوپي تخصصي مهارتونه پکې و ارزول شول.
ډاکټر حیدري دا مهال د ننګرهار حوزوي تخصصي روغتون د داخله ناروغیو څانګه کې د انډوسکوپي برخې مسؤلیت هم پر غاړه لري.
نوموړي د هاضمي سیستم او معدې ناروغیو په اړه ګڼې علمي څېړنې ترسره کړي چې یو شمېر یې په نړیوالو معتبرو طبي ژورنالونو کې خپرې شوي دي.
ننګرهار رسنيو دفتر

10/03/2026

د ننګرهار حوزوي روغتون یو تن ترینر متخصص ډاکټر د افغانستان په کچه ازموینه کې لومړی مقام خپل کړ

دوشنبه، ۱۴۴۷ هـ ق د رمضان المبارک ۲۰

د ننګرهار د ډاکټرانو اتحادیه د ننګرهار حوزوي تخصصي روغتون د داخله څانګې ټرینر متخصص ډاکټر سید راحت الله حیدري د دې ستر علمي بریا له امله مبارکي وړاندې کوي.

ښاغلي ډاکټر سید راحت الله حیدري د عامې روغتیا وزارت د اکمال تخصص لوی ریاست له لوري د هاضمي سیستم، انډوسکوپي او کلونوسکوپي فوق تخصصي ازموینه کې، چې څو پړاوونه یې درلودل، د افغانستان په کچه لومړی مقام خپل کړی دی.

دا بریا نه یوازې د نوموړي شخصي لاسته راوړنه ده، بلکې د ننګرهار د روغتیايي سکتور او د ننګرهار حوزوي تخصصي روغتون لپاره هم یو مهم علمي ویاړ بلل کېږي.

ډاکټر حیدري چې دا مهال د ننګرهار حوزوي روغتون د داخله څانګې په چوکاټ کې د انډوسکوپي برخې مسؤلیت هم پر غاړه لري، د هاضمي سیستم او معدې ناروغیو په برخه کې ګڼ شمېر علمي څېړنې ترسره کړې دي، چې وخت ناوخت په نړیوالو معتبرو ژورنالونو کې خپرېږي.

د ننګرهار د ډاکټرانو اتحادیه نوموړي ته د زړه له کومې مبارکي وایي او د لا زیاتو علمي او مسلکي بریاوو هیله ورته لري