15/04/2026
د جاغور په هکله معلومات :
Goiter:-
د تایرایډ غدې جاغور (Goiter)
جاغور هغه حالت ته ویل کېږي چې پکې د Thyroid gland (تایرایډ غده) اندازه لوییږي او د غاړې په مخکینۍ برخه کې پړسوب ښکاري.
تایرایډ غده دبدن په کومه برخه کې موقعیت لري او کومه دنده لري؟
تایرایډ یوه کوچنۍ ، پتنګ ( 🦋 ) شکله غده ده چې د ستوني په مخ کې موقعیت لري او د (T3 او T4) په نوم هورمونونه تولیدوي چې یاد هورمونونه :
• د بدن میتابولیزم تنظیموي
• د زړه صربان کنټرولوي
• د بدن د تودوخې توازن ساتي
• د بدن په وده او پرمختګ کې مرسته کوي
د جاغور د را منځ ته کیدو لاملونه:
1. د ایوډین کمښت :- تر ټولو عام لامل، په ځانګړي ډول په هغو سیمو کې چې ایوډین لرونکې مالګه پکې نه کارول کېږي.
2. هایپوتایرایډیزم :- کله چې تایرایډ غده کم هورمون تولید کړي.
3. هایپرتایرایډیزم :- کله چې د تایرایډ غده زیات هورمون تولید کړي.
4.تایرایډ غوټې (نودولونه) یا التهابي ستونزې
بعضې نورې ناروغۍ لکه Graves Disease او Hashimoto’s thyroiditis.
د جاغور (Goiter)نښې نښانې:
• د غاړې پړسوب یا لویوالی
• د ستوني د بندېدو احساس
• د تېرولو یا ساه اخیستلو ستونزه (په شدیدو حالاتو کې)
👈 که هورموني ګډوډي وي:
• د وزن زیاتوالی یا کمښت
• ستړیا
• د زړه د ضربان زیاتوالی
• ددبدن د ګرمې یا یخ احساس
تشخیص:-
• د ډاکټر په واسطه فریکي معاینه
• په وینه کې د (TSH, T3, T4) هورمونونو معاینه
• الټراساونډ (تلویزیوني معاینه)
• ځینې وخت بایوپسي اخیستل
درملنه (تداوی ):-
درملنه د جاغور په لامل پورې اړه لري:
• د ایوډین کمښت : د ایوډین لرونکې مالګه یا ایوډین لرونکو موادو استفاده کول
• هایپوتایرایډیزم : د ډاکټر په مشوره اخیستل هورموني درمل لکه Levothyroxine اخیستل
• هایپرتایرایډیزم :- ځانګړي درمل، رېډیوایوډین، یا جراحي
• که غده ډېره لویه وي او ناروغ ته ستونزه جوړوي بیاېې تداوي جراحي عملیات دي .
د جاغور د مخنیوي لارې:-
• د ایوډین لرونکې مالګې استعمال
• منظم طبي معاینات
• که کورنۍ سابقه ولري، ژر ژر طبي معاینات تر سره کول.
👈 مهمه خبره:-
هر جاغور سرطاني نه وي. ډېری یې بېخطره وي، که دا لاندې نښې ولرې، ژر باید ډاکټر ته مراجعه وکړی:
• چټک لویوالی
• د ساه اخیستلو ستونزه
• غږ بدلون
• د ستوني سخت درد
زمونږ پته : کابل ، کارته نو ، د سټی لابراتوار په څنګ کی
