ايوبي الشفاء طبي کمپلیکس - Ayubi Al-Shifa Medical Complex

27/07/2026

مبارک دې وي!

د ایوبي الشفاء طبي کمپلېکس مشرتابه او ټول کارکوونکي، د روغتون برحال ډاکټر صیب نورالحق هڅاند ته د افغانستان د تخصص په ازموینه کې د شیخ زاید پوهنتون تدريسي روغتون ته د بریالي کیدو په مناسبت مبارکۍ وایي!

موږ باور لرو چې، ډاکټر صیب نورالحق هڅاند به د تخصص په دې نوي علمي پړاو کې هم د غوره مسلکي اخلاقو، علمي نوښت او اغېزمن خدمت له لارې د خپل مسلک او روغتیايي سکټور په برخه کې د کار وړ بدلونونه رامېنځته کړي.

د ایوبي الشفاء طبي کمپلېکس مشرتابه او ټول کارکوونکي ورته د لا ډېرو علمي بریاوو، روغتیا او دوامدار پرمختګ هیله کوي.

26/07/2026

د شديدو بارانونو، سېلابونو او ناڅاپي طبيعي پېښو پر مهال خپل ژوند خوندي وساتئ!

په دې وروستيو کې د هېواد په بېلابېلو سيمو کې شديدو بارانونو او سېلابونو ګڼو کورنيو ته درانه مالي او ځاني زيانونه اړولي دي.
ايوبي الشفاء طبي کمپلېکس له ټولو اغېزمنو هېوادوالو سره خپله ژوره خواخوږي څرګندوي او له ټولو هيوادوالو څخه په درنښت غوښتنه کوي چې د ځان، کورنۍ او ټولنې د خونديتوب لپاره وقايوي سپارښتنې جدي ونيسي.

د خونديتوب مهمې سپارښتنې؛

د سېلابي سيمو، سيندونو، خوړونو او ويالو له غاړو لرې پاتې شئ!
د هوا د خرابېدو په شرايطو کې له بې ځايه تګ ډډه وکړئ!
د بېړنيو ادارو لارښوونې تعقيب کړئ او بې‌اړتيا سفرونه مه کوئ!
ماشومان، سپين‌ږيري او ناروغان خوندي ځایونو ته ولېږدوئ.
د بېړني حالت لپاره د لومړنيو مرستو بکس، پاکې اوبه، درمل او اړين توکي له ځان سره چمتو وساتئ!

الله تعالی دې، ټولو شهيدانو ته جنت الفردوس، ټپيانو ته بشپړه روغتيا او زيانمنو کورنيو ته جميل صبر ور په برخه کړي.

ستاسو يو احتياط، د يوې کورنۍ ژوند ژغورلی شي!

21/07/2026

علم، مسلک او خدمت؛ د روښانه راتلونکي درې بنسټونه دي!

موږ د خپلو همکارو علمي بنسټونو ټولې هغه هڅې ستایو چې د هېواد د روغتیايي سکټور لپاره د مسلکي، متعهدو او وړ کادرونو په روزنه کې اغېزناک رول ادا کوي.

د بايزيد روښان پوهنتون له لوري د ۱۴۰۵ هـ.ش کال د خزاني سمستر کانکور ازموینې د نوم‌ليکنې بهیر، د هغو ځوانانو لپاره یو ارزښتناک فرصت دی چې غواړي د ستوماتولوژۍ (غاښونو طب) په برخه کې خپل مسلکي خوبونه په حقیقت بدل کړي.

ايوبي الشفاء طبي کمپلېکس د علمي او اکاډميکو بنسټونو سره د ګډو همکاریو له لارې د روغتیايي خدمتونو د کیفیت لوړول او د راتلونکو متخصصینو ملاتړ خپل مسؤلیت ګڼي.

د بايزيد روښان پوهنتون علمي مشرتابه او ټیم ته د لا ډېرو بریاوو هیله لرو، او ټولو ګډونوالو ته د روښانه او بریالي راتلونکي دعا کوو!.

هغه ورځ نږدې ده چې د غاښونو طب (ستوماتولوژي) په برخه کې ستاسو د ډاکټر کېدو خوب په حقیقت بدل شي.

د ۱۴۰۵هـ ش کال خزاني سمستر کانکور ازموینې لپاره نوم لیکنه جریان لري.

زموږ موخه د مسلکي، وړ او باتجربه کادرونو روزنه ده!
د نشراتو او عامه اړیکو آمریت

17/07/2026

Well come back!
بيا ښه راغلاست!

د ایوبي الشفاء طبي کمپلېکس رئیس او بنسټګر محترم نقیب شاه ایوبي د حج د مبارکې فریضې له ادا کولو او هېواد ته له راستنېدو وروسته، بېرته په ايوبي الشفاء طبي کمپلېکس کې، خپلې رسمي چارې پيل کړې.
د نوموړي بېرته حضور د ادارې د لا اغېزمن مدیریت، غوره همغږۍ او د معیاري روغتیايي خدمتونو د لا پیاوړتیا لپاره یو مهم ګام ګڼل کېږي.

الله تعالی دې یې حج قبول، خدمتونه یې د امت لپاره ګټور او هڅې یې له خیر او برکت څخه ډکې وګرځوي.آمین.

07/07/2026

إِنَّا لِلَّٰهِ وَإِنَّا إِلَيْهِ رَاجِعُونَ
په ډېرې خواشینۍ سره مو د افغانستان د کرکټ ملي لوبډلې د پخواني وتلي او ویاړلي لوبغاړي شاپور ځدراڼ د مړینې خبر واورېد.

مرحوم شاپور ځدراڼ د خپلې وړتيا، ژمنتيا، زړورتیا او نه ستړې کېدونکو هڅو له لارې د افغانستان کرکټ ته د ویاړونو نوې پاڼې ورزیاتې کړې او د هېواد د سپورټ په تاریخ کې یې تلپاتې نوم پرېښود.

د ایوبي الشفاء طبي کمپلېکس مشرتابه او ټول کارکوونکي د مرحوم مړینه د افغانستان د کرکټ کورنۍ او ټول ولس لپاره ستره ضایعه بولي.
موږ د لوی څښتن تعالی له درباره مرحوم ته د جنت الفردوس، کورنۍ، دوستانو او د افغانستان د کرکټ ټولې کورنۍ ته د جمیل صبر او اجر غوښتنه کوو.

الله تعالی دې مرحوم وبښي او لوړ جنتونه دې ور په برخه کړي. آمین.

05/07/2026

📢 د دندې اعلان | We're hiring

ایوبي الشفاء طبي کمپلېکس د خپلو روغتیايي خدمتونو د لا پیاوړتیا په موخه د فارمسېست (Pharmacist) بست لپاره د یوه مسلکي، ژمن او وړ کس د استخدام غوښتونکی دی.

د بست شرایط:
د فارمسي ډیپلوم ولري.
لږ تر لږه دوه (۲) کلنه کاري تجربه ولري.
د درملو د ساتنې، تنظیم او توزیع له اصولو سره بشپړه بلدتیا ولري.
د ناروغانو او همکارانو سره د غوره چلند او اغېزمنې اړیکې وړتیا ولري.
مسؤولیت‌پذیر، منظم او په ټیمي چاپېریال کې د کار کولو وړتیا ولري.

علاقه مندان کولای شي، په لاندې واټساپ شمېره او ایمیل آدرس موږ ته خپل غوښتنليک راوليږي.

[email protected]
0776104040

او يا د خپلې CV ګانې د ايوبي الشفاء طبي کمپلېکس ادارې ته د جولای مياشتې تر 11 مې نيټې پورې وسپاري.

ایوبي الشفاء طبي کمپلېکس
له مسلکي کسانو سره، د غوره روغتیايي خدمتونو پر لور.

30/06/2026

د لومړي ځل لپاره، د افغانستان د کورني کریکټ سترې سیالی (شپګیزه) په خوست ولایت کې!

ایوبي الشفاء طبي کمپلېکس د دې ستر ویاړ او فرصت مبارکۍ ټولو هیوادوالو او خاصتاً خوست مېشتو ته وړاندې کوي.

موږ د خپلو ملي اتلانو سره په ټولو طبي برخو کې ولاړ یو!

23/06/2026

د خوړو مسمومیت؛ د احتیاط په وسیله یې مخه ونیسئ!
د هوا له تودېدو سره د خوړو د خرابېدو او د خوړو د مسمومیت خطر هم زیاتېږي.
د خوړو مسمومیت کولای شي، د نس ناستې، کانګو، د خېټې درد او د بدن د اوبو د کمښت لامل شي.

⚠️ مهمې نښې: د خېټې درد، نس ناستی، کانګې، تبه، بې‌حالي او کمزوري.

د مخنیوي لپاره:
✓ د خوړو له چمتو کولو مخکې او وروسته لاسونه ومینځئ.
✓ تازه او پاک خواړه وکاروئ.
✓ هغه خواړه چې ژر خرابېږي په مناسب ځای کې وساتئ.
✓ پاکې، يخې او خوندي اوبه وڅښئ.
✓ او له ناپاکو او د سړک غاړې له غیر معیاري خوړو ډډه وکړئ.

پاک خواړه او ښه روغتیا خوندي ژوند تضمينوي!



#وقایه تر درملنې غوره ده.

19/06/2026

️ د ګرمۍ پر مهال مو خپله روغتیا جدي ونيسئ!
د هوا د تودوخې له لوړېدو سره د لمر مستقیمو وړانګو ته له اوږدې مودې پاتې کېدو ډډه وکړئ، کافي اوبه وڅښئ، سپکې او مناسبې جامې واغوندئ او په ځانګړي ډول د ماشومانو، مشرانو او ناروغانو روغتیا ته زیاته پاملرنه وکړئ!
️ د بدن د اوبو کمښت، سر ګرځېدل، شدید ستړیا او د تودوخې ضربه (Heat Stroke) د سختې ګرمۍ له مهمو خطرونو څخه دي.

ستاسو روغتیا، زموږ لومړیتوب دی!