زاهد د عصبي جراحۍ اختصاصي مرکز

06/06/2026

🤲 إِنَّا لِلّهِ وَإِنَّـا إِلَيْهِ رَاجِعونَ 🤲

په ډېرې خواشينۍ سره مو د خوست ولايت د داخله ناروغيو د تکړه او بااخلاقه متخصص ډاکټر صاحب د وفات خبر ترلاسه کړ. نوموړي د يوې بد مرغه ناروغۍ سره تر مبارزې وروسته له دې فاني نړۍ څخه سترګې پټې کړې.
د زاهد د عصبي جراحي اختصاصي روغتون مشرتابه او ټول کارکوونکي د مرحوم له درنې کورنۍ، خپلوانو، دوستانو او طبي ټولنې سره په دې ستر غم کې ځانونه شريک ګڼي. الله تعالی دې مرحوم ته د خپل رحمت په سيوري کې ځای ورکړي، جنت الفردوس يي په نصيب کړې
کورنۍ ته دې الله ج جميل صبر او اجرونه ورپه برخه کړي.

روح يې ښاد او ياد يې تلپاتې.

27/05/2026

🌙✨ د لوی اختر د مبارکۍ پیغام ✨🌙
🏥 د زاهد د اعصابي جراحي اختصاصي روغتون اداره د نېکمرغه ابراهیمي لوی اختر په مناسبت خپلو ټولو درنو هېوادوالو، په ځانګړي ډول قدرمنو خوست مېشتو وروڼو او خويندو ته د زړه له کومې مبارکي او نېکې هيلې وړاندې کوي.
💐 اختر مو مبارک او بختور شه! الله ﷻ دې دا مبارکې شپې او ورځې زموږ او ستاسو ټولو لپاره د خوشحالۍ، سعادت، روغتيا، رحمت او نجات سبب وګرځوي، او زموږ ګران هېواد ته دې تلپاتې سوله، امن او سوکالي په برخه کړي.
🩺 د اختر په ورځو کې خپلې روغتيا ته ځانګړې پاملرنه وکړئ: 🔹 د ډېرو غوړو او درنو خوړو له استعمال څخه ډډه وکړئ. 🔹 په خپلو خوړو کې د سبزيجاتو او تازه مېوو استعمال زيات کړئ. 🔹 پاکوالی مراعات کړئ او خپل چاپېريال پاک او منظم وساتئ.
په درنښت
🏥 د زاهد د اعصابي جراحي اختصاصي روغتون اداره

19/05/2026

د زاهد اعصابي جراحي اختصاصي روغتون مسلکي طبي پرسونل او امکانات شپه او ورځ د خپلو درنو خوست ميشتو او وطنوالو په خدمت کې .



خپل درد جدي ونیسئ د مسلکي ډاکټر سره مشوره وکړئ

پته: د پخواني ملکي روغتون جنوب طرف د حاجي نعيم منګل مارکيټ

24/04/2026

🧠✨ د زاهد عصبي جراحي اختصاصي روغتون له لوري يو مهم پرمختګ 🧠✨

د زاهد عصبي جراحي اختصاصي روغتون په ډېر ویاړ سره د قدرمن او دروند متخصص ډاکټر انیس دستیار هرکلی کوي!

👨‍⚕️ ډاکټر انیس دستیار د اعصابو جراحي (Neurosurgery) په برخه کې یو تکړه او مجرب متخصص دی، چې خپلې لوړې تخصصي زده کړې یې د هېواد دننه او بهر په معتبرو مرکزونو کې بشپړې کړې دي. نوموړی په خپله برخه کې د پام وړ علمي او عملي تجربې خاوند دی.

💼 له دې وروسته به محترم متخصص صاحب، د خپلو وظیفوي مکلفیتونو تر څنګ، په زاهد عصبي جراحي اختصاصي روغتون کې هم د خپلو ګرانو هېوادوالو خدمت کوي.

🤝 زموږ ژمنه دا ده چې خپلو ناروغانو ته پر وخت، باکیفیته او مسلکي خدمات وړاندې کړو.

📍 پته: خوست ښار د پخوانۍ دوهمې امنيتي حوزې شمال او پخواني ملکي روغتون جنوب طرف د حاجي نعيم منګل مارکيټ📞 د اړیکې شمېرې: 0774848888 | 0765627060

🌟 ستاسو روغتیا، زموږ مسؤلیت!

08/04/2026

🧠 د اعصابو، ملا، لاسونو او پښو د دردونو تخصصي درملنه

👨‍⚕️ ډاکټر حمیدالدین زاهد
🔹 د نیورو سرجري او د ملا تیر جراحي متخصص

✅ درملنه او معاینه د لاندې ستونزو لپاره:
• د ملا او غاړې شدید دردونه
• سر درد، نیم سري (میګرین)
• د لاسونو او پښو دردونه
• د ډسک ستونزې
• د لاس او پښو بې‌حسي او کمزوري
• عمومي عصبي دردونه
• د سر ټپونه
• د اعصابو فشار
• د دماغ او ستون فقرات تومورونه

🎓 زده کړې:
MD – کابل
PGD (Neurosurgery) – کابل
PGF – ایران

🔹 د افغانستان او ایران د نیورو سرجري اتحادیو غړی
🔹 پخوانی دنده: جمهوریت، شیخ زاید، روښان او خان روغتونونه.

📍 پته: خوست ښار، د دوهمې امنیتي حوزې شمال، د پخواني ملکي روغتون جنوب، نعیم منګل مارکېټ

✨ خپل درد جدي ونیسئ، له متخصص ډاکټر سره مشوره وکړئ

19/03/2026

🌙✨ د کوچني اختر د مبارکي پیغام ✨🌙
درنو هېوادوالو!

اسلام علیکم ورحمة الله وبرکاته
لکه څنګه چې د رمضان مبارکه مياشت پای ته رسېږي، الله رب العزت خپلو بندګانو ته د دې مبارکې مياشتې په پای کې د خوښۍ يوه لويه ورځ ــ کوچنی اختر ــ ور په برخه کوي، څو مسلمانان يو د بل احوال واخلي، خپلې خوښۍ سره شريکې کړي او د ورورولۍ، مينې او خپلولۍ اړيکې نورې هم پياوړې کړي.

خو له بده مرغه دا ځل کوچنی اختر په داسې حال کې را رسېدلی چې زموږ يو شمېر بې ګناه هېوادوال د نامرده دښمن د ړندو بمباريو او بريدونو له امله په دې مبارکو شپو او ورځو کې شهيدان او ټپيان شوي دي او د اختر له خوښيو څخه بې برخې پاتې دي.
د لوی او مهربان رب له درباره د شهيدانو لپاره د جنت الفردوس لوړې درجې او ټپيانو ته عاجله او کامله شفا غواړم. همدارنګه د الله تعالی ستر دربار ته لاسونه لپه کوم چې د افغانستان د خلکو دښمنان، که په هر نوم او هره بڼه وي، نېست او نابود کړي او زموږ هيوادوال د دوی د هر ډول شر او افت څخه په امن کې کړې.
اختر د مسلمانانو لپاره د خوښۍ، نېکمرغۍ او يو بل ته د نزدېکت يوه ستره او برکتناکه شېبه ده.
د زاهد د عصبي جراحي اختصاصي روغتون ټول پرسونل له دې نېکمرغه فرصت څخه په استفادې، خپلو ټولو ګرانو هېوادوالو ته د کوچني اختر مبارکي او نېکې هيلې وړاندې کوي.
اختر مو مبارک شه!
د رمضان مبارکې مياشتې روژې، عبادتونه او نېک اعمال مو د الله تعالی په دربار کې قبول او منظور شه.

17/02/2026

🌙 د رمضان مبارکې مياشتې د مبارکۍ پيغام 🌙
د زاهد عصبي جراحي اختصاصي روغتون د رمضان نېک مرغه او مبارکې مياشتې په مناسبت ټولو هېوادوالو، او په ځانګړي ډول درنو خوست مېشتو ته د زړه له کومې مبارکي او اخترامات وړاندې کوي.
الله تعالی دې مونږ او تاسو ټولو ته په دې مبارکه مياشت کې د عبادت، نېکو اعمالو او تقوا توفيق را نصيب کړي. او الله تعالی دې د دغې مبارکې مياشتې په برکت ټولو مريضانو ته کامله شفا، صحت او روغتيا په نصيب کړي.
د زاهد د عصبي جراحي اختصاصي روغتون ژمن دی چې په دې مبارکه مياشت کې خپل ټول توان او هڅه په کار واچوي تر څو خپلو ټولو مريضانو ته پر وخت، باکيفيته او بشپړه صحي رسېدنه وکړي. همدارنګه، د دغې مبارکې مياشتې د احترام په خاطر به په ټولو برخو کې د خپلو مريضانو خاص مراعت او ځانګړې پاملرنه وکړي.
د رمضان مبارکه مياشت مو مبارک او بختوره شه. 🤲

31/01/2026

31/01/2026