د طب پوهنځی پیژندنه:
د بُست پوهنتون د طب پوهنځۍ په (۱۳۹۳) هـ ش کال کي په خپل اکاډمیـک فعالیت پیـل کـړی دی او فعلاً (۹۵۸) تنه محصلین لري چـی (۷۴۹) تنه یې نارینه او (۲۰۹) یې ښځینه دي او همدارنګه د نوموړو محصلـینو تدریـسي او عملــي چــاري د (۴۸) تنو متخصصینو، ماسټرانو او لیسانس استادانو لخوا مخته وړل کېږي.
پوهنځی تر اوسه يې درې دورې (۲۵۲) تنه د معالجوی طب په څانګه کي فارغین ور کړی دي چي (۱۹
۸) تنه نارینه او (۵۴) تنه یی انجوني دي.
طب پوهنځۍ د معالجوی طب دیپارتمنت په څنګ کي درې مرسته کونکي: پاراکلینیک، داخله او جراحي ډیپارټمنټونه لـري. د پاراکلینک او کلینــیک دورې محصلیــنو د عملــي کار لپاره د فزیالوژي، فزیک، کیمیا، بیوشمــي او هـــستوپتالوژۍ لابراتوارونه، کمپیوټر لــــب او مجهز کادري روغـــتون شتون لري.
د کلینیک دورې د محصلینو د عملي کار او ستاژ لپاره د عمومي داخله، عمومي جراحي، اورتوپـــیډي، ENT(د غوږ، پزي او ستوني)، جلدي، اطفالو، عصبي، عقلي، نسايي- ولادي، د سترګو د ناروغیو فعالي څانګــي او مجهز کادري روغتون موجود دي او په روغتون کي د ناروغیو د ښه تشخیص او درملني په هدف مجــهز طبي لابراتـــوار، د ویــني بانک ، سونوګـرافي ، راډیــوګرافي ، مجهزه عملیات خونه او فیزیوتراپي موجــود دي او په یادو څانګــو کي متخصــص او معالج ډاکتران د ناروغانو د معالجي په برخه کي او اړین تعدادمسلکي کسان د نرسینـګ او لابراتــوار په برخـه کـي ټولـــو هیوادوالــو ته د درملو پرته ټــول خــدمات وړیا وړاندي کوي او هـــره ورځ په منځـــــنۍ ډول د (250) تنو په شا وخوا کي ناروغان د روغتون د ټولو پورته یاد سوو خدماتو څخه په وړیا توګه ګټه اخلي.
د طب پوهنځي لیرلید (Vision ):
د بست پوهنتون طب پوهنځۍ غواړي، چي په نژدې راتلونکي کي د
طبي معاصرو علمي څېړنیزو معیارونو پر بنسټ د طبي علمي څېړنو او مخکښه طبي کادرونو په وړاندي کولو سره د جنوب لوېدیځي حوزې او هیواد په کچه د طب مخکښه پوهنځۍ وګرځي.
د طب پوهنځي ماموریت (Mission):
د بُست پوهنتون طب پوهنځۍ د عصري او معیاري طبي تدریسي او عملي امکاناتو په برابرولو سره ټولني ته د عصر د غوښتنو مطابق په تیوریکي او عملي مهارتونو سنبال باظرفیته فارغان او معیاري علمي څېړني وړاندي کړي تر څو په دې برخه کي ټولني ته د ریښتیني خدمت مصدر وګرځي.
Alerts
Be the first to know and let us send you an email when طب پوهنځی - بست پوهنتون posts news and promotions. Your email address will not be used for any other purpose, and you can unsubscribe at any time.
