Paktia REMT

30/04/2026

دېوالي لیکلي پیغامونه!!!

22/04/2026

دواکسین نه کولو څخه، دواکسین ناوخته کول غوره دي!!!

پڪتیا

14/04/2026

الحمدلله❤️

د سلګونو ځوانانو انتظار پای ته ورسېد په پښتو ژبه د واکسین اړوند لمړنی کتاب چاپ او اوس بازار کې موندلی شئ.

ثناء او صفت دې وي هغه ذات لره چې پر لوستلو او زده کړه یې امر کړی 🤍

د پاک رب ډیر شکر اداء کوم چې په خپلې مورنۍ خوږې ژبې بل کتاب مې هم چاپ شو ، دا زما لپاره یقیناً خورا د خوښۍ او شکر ځای دی چې د کتاب مینه والو او زده کړې په لټون ځوانانو لپاره یو څه مې وکړل.

له نېکه مرغه دا کتاب یو نایاب کتاب دی ، په پښتو ژبه د واکسین اړوند لمړنی هر اړخیز او جامع کتاب دی چې په ټولنه کې یې خورا زیاته اړتیا لیدل کېده او ډېر څه علمي له ځان سره لري، کتاب کې د عامې روغتیا او نړیوالو ادارو له معتبرو مأخذونو استفاده شوې او په روانه پښتو لیکل شوی چې یو روغتیاپال ، واکسیناتور ، او د لوستلو توان درلودونکی هیوادوال هم ورڅخه اخذ کولای شي ان شاءالله.

د دې کتاب مبارکي ، ټولو د علم او قلم څښتنانو ته او په ځانګړې توګه هغه دوستانو ته وایم چې د زده کړې سره مینه لري او د مخکینۍ خبرتیا په تعقیب یې بار بار د کتاب د چاپ اړوند حال اخیست ، ستاسې ټولو له مینې ، باور او اخلاص څخه یوه نړۍ مننه.

ژمنه کوم چې د خپل ژوند په جریان کې به د رب په مرسته د خپلې مورنۍ ژبې لپاره لا کار کوم او ان شاءالله هغه څه چې پرې پوه وم تر ټولو رسوم په دوه نورو مهمو موضوعاتو بوخت یم خو شاید وخت واخلي د داسې ورځ په هیله چې د هغې کتابونو زیری هم درسره شریک کړم.

یادونه: دا چې له بېلا بېلو ولایتونو دوستانو د کتاب غوښتنه کړې وه نو په لاندې پته یې په دې ولایتونو کې موندلی شئ ، شاید وروسته نورو ولایتونو ته هم ولیږل شي، د میهن خپرندویې ټولنې له مسؤول ښاغلي عبدالرشید همت Abdul Rasheed Hemat څخه ډیره زیاته مننه چې تل یې د کتاب مینه والو ته یو څه نوي چاپ کړي کور یې ودان چې دا کتاب یې هم په پوره اخلاص سره چاپ او دا دی د ټولو د استفادې وړ وګرځاوه.

سر له سبا د کتاب موندنې پتې:

ننګرهار: ميهن خپرندويه ټولنه جلال اباد ښار
اړيکشميرې: 0788529194-0784101051
میهن خپروندویه ټولنه
کابل: مازيګر خپرندويه ټولنه-اکسوس خپرندويه ټولنه
خوست: رنا کتابخانه - سباوون کتابخانه- ژوندون کتابخانه
پکتيا:همت يار کتابخانه - ماشاالله کتابخانه
پکتيکا: مجاهد کتابخانه
غزني : خواجه عبدالله انصاري کتابخانه
هلمند:تاج منور کتابخانه
کندهار : کروړ کتابخانه -مطالعه کتابخانه
کاپي .

11/02/2026

دراتلونکي یونۍ ورځې رخصتي په اړه خبرتیا!

31/01/2026

د خواخوږۍ او تعزیت پیغام!!!
د پکتیا ولایت د عامې روغتیا ریاست د کتلوي معافیت امریت د دروند غم او ژور تأسف سره خبر ورکوي چې
مرحوم حاجي صیب سخي داد ـ چې د کتلوي معافیت امریت یو تکړه، ایماندار او اخلاصمن کارمند و ـ تېره جمعه خپل روح پاک رب ج ته وسپاره.
د نوموړي مړینه د کتلوي معافیت امریت ادارې، همکارانو او ولس لپاره نه جبرانېدونکې ضایع ده. مرحوم حاجي صیب سخي داد د خپلې دندې پر مهال په صداقت، اخلاص او ژمنتیا سره خلکو ته خدمت کړی او د تل لپاره به د خپلو ښو اخلاقو او خدمتونو له امله یاد پاتې وي.
د کتلوي معافیت امریت اداره د مرحوم لپاره د لوی ذات څخه د مغفرت، پراخ رحمت او جنت الفردوس دعا کوي، او د هغه درنې کورنۍ، خپلوانو او همکارانو ته د صبر جمیل غوښتنه کوي.
إنا لله وإنا إلیه راجعون

28/01/2026

د عامې روغتیا وزارت د کتلوي معافيت ملي ادارې مسؤل، دوکتور عبدالحکيم همت ننګرهار ولايت ته د سفر په ترڅ کې د ختيځې حوزې (ننګرهار، کونړ، لغمان او نورستان) ولايتونو د کتلوي معافيت پروګرام د فعاليتونو کلنۍ ارزونې ورکشاپ کې ګډون وکړ:

یاد ورکشاپ چې د کتلوي معافيت پروګرام د لا ښه تطبیق او پیاوړتیا په موخه جوړ شوی و، په ترڅ کې یې دوکتور عبدالحکيم همت د پروګرام لا ښه والي او پیاوړتیا په موخه اړوندو مسؤلینو ته اړینې او لازمې سپارښتنې وکړې.

دغه راز، نوموړی به د ننګرهار ولایت لپاره د کتلوي معافيت پروګرام فعالیتونو د تنظیم او اولویت‌ بندۍ په موخه د Road Map جوړولو یو ورځني ورکشاپ کې، چې د کتلوي معافیت ملي ادارې په نوښت ترسره کېږي، ګډون وکړي او د روډمپ په جوړولو او ترتیب سره به وکولای شي، چې د یاد ولایت د ایمونایزېشن برخې ستونزې په دقیقه توګه تشخیص او ورته روښانه حل لارې وړاندې شي.

همدارنګه، نوموړی به د ننګرهار په ولایتي کچه د کتلوي معافيت خدماتو وړاندې کېدو له بهیر څخه هم لېدنې او نظارت ترسره کړي؛ ترڅو د کتلوي معافیت پروګرام د پلي کېدو بهیر ارزونه ترسره او لا اغېزمن شي.

--------

داکترعبدالحکیم همت، مسؤول اداره ملی معافیت کتلوی وزارت صحت‌عامه، در جریان سفرش به ولایت ننگرهار در ورکشاپ ارزیابی سالانه فعالیت‌های برنامه معافیت کتلوی زون شرق که شامل ( ننگرهار، کنر، لغمان و نورستان ) می‌شوند اشتراک کرد.

این ورکشاپ به هدف تطبیق بهتر و تقویت بیشتر برنامه معافیت کتلوی برگزار شده بود. که در جریان آن، داکتر عبدالحکیم همت به‌منظور بهبود و تقویت این برنامه، هدایات لازم را به مسئولان مربوطه ارائه کرد.

همچنان، وی در یک ورکشاپ یک‌روزه جهت تهیه نقشه راه (Road Map) برای تنظیم و اولویت‌بندی فعالیت‌های برنامه معافیت کتلوی ولایت ننگرهار که به ابتکار اداره ملی معافیت کتلوی برگزار می‌شود، اشتراک خواهد کرد. تا با ترتیب این نقشه راه، زمینه تشخیص دقیق مشکلات بخش ایمونایزیشن این ولایت و ارائه راه‌حل‌های روشن خواهد شد.

همچنان، وی از روند ارائه خدمات معافیت کتلوی، در سطح ولایت ننگرهار دیدار و نظارت خواهد کرد. تا روند تطبیق برنامه معافیت کتلوی ارزیابی شده، و بهبود یابد.

--------

Dr. Abdul Hakeem Hemat, representative of the Ministry of Public Health’s National Expanded Program on Immunization, attended the annual review workshop for Nangarhar, Kunar, Laghman, and Nuristan in Nangarhar Province.

The workshop, aimed at improving the implementation of the immunization program, saw Dr. Hemat provide key recommendations to strengthen vaccination efforts.

He will also join a one-day workshop to develop a Road Map for prioritizing and organizing immunization activities in Nangarhar, helping to identify challenges and propose solutions.

Additionally, Dr. Hemat will monitor immunization services in the province to assess and improve program delivery.

19/01/2026

دجدي میاشتې EPI مياشتنۍ غونډې راپور
نن ورځ یکشنبه1404/10/29

د پکتيا ولايت د عامې روغتيا رياست اړوند د کتلوي معافيت (EPI) مياشتنۍ غونډه د کتلوي معافيت مسوول ډاکتر سرفراز ژمن په مشري په ټاکلي وخت او ځای کې ترسره شوه.
غونډه د قرآنکريم د مبارکو آيتونو په تلاوت سره پيل شوه، چې تلاوت يې د شکایاتو مسوول مولوي سيف الله حماس لخوا ترسره شو.
ورپسې، د غونډې مشري کوونکي ډاکتر سرفراز ژمن د اجنډا مطابق د EPI پروګرام پر روانو فعاليتونو، د واکسين پوښښ، د خدماتو د ښه والي، د راپور ورکولو پر څرنګوالي او شته ستونزو خبرې وکړې. ګډونوالو خپل نظرونه، وړانديزونه او ستونزې شريکې کړې او د حل پر لارو چارو بحث وشو.
په پای کې، د راتلونکو فعاليتونو لپاره لازمې پرېکړې وشوې او پر ټولو اړوندو ټيمونو ټينګار وشو، تر څو د کتلوي معافيت خدمات لا اغېزمن، منظم او پر وخت ترسره کړي.
غونډه په دعا سره پای ته ورسېده.

13/01/2026

07/01/2026

《 بِسْمِ اللَّـهِ الرَّحْمَـٰنِ الرَّحِيمِ 》

دپکتیا ولایت عامې روغتیا ریاست کتلوي معافیت امریت۱۴۴۷/۷/۱۷
د واکسین تقاضا لوړونې غونډې راپور!
نن ورځ د پکتیا ولایت عامې روغتیا ریاست د کتلوي معافیت امریت له لوري د ۱۴۰۴ کال د ریمې ربعې لپاره د واکسین د تقاضا لوړونې غونډه ترسره شوه. یاده غونډه د عامې روغتیا ریاست په تالار کې د اړوندو ادارو او بنسټونو د استازو په پراخ ګډون سره جوړه شوې وه.
په غونډه کې د پکتیا ولایت د عامې روغتیا محترم رئیس، د کتلوي معافیت مسؤول، د سمع شکایاتو مسؤول، د دعوت او ارشاد مسؤول، د ولایت مقام نماینده، د استخباراتو ریاست نماینده، د امر بالمعروف او نهی عن المنکر ریاست نماینده، د پوهنې ریاست نماینده، د حج او اوقافو ریاست نماینده، د روغتیا نړیوال سازمان (WHO) نماینده، د یونیسف نماینده، د تطبیق کوونکي Health Net بنسټ نماینده او د نورو اړوندو ادارو مسؤولینو او استازو ګډون کړی وو.
په غونډه کې د واکسین د ارزښت، د ټولنې د پوهاوي لوړولو، د واکسین پر وړاندې د شته خنډونو د حل، او د ادارو ترمنځ د لا اغېزمنې همغږۍ په اړه هر اړخیز بحثونه وشول. ګډونوالو د واکسین د تقاضا لوړولو لپاره د ګډو هڅو، علماوو او ټولنیزو مخورو د رول، او د عامه پوهاوي د پیغامونو پر پیاوړتیا ټینګار وکړ.
غونډه د رغنده نظریاتو، عملي وړاندیزونو او د راتلونکو فعالیتونو لپاره د همغږۍ په ټینګار سره پای ته ورسېده.

24/12/2025

ولې په ژمي کې د زړه حملې زياتېږي؟

ژمی د واورو، بارانونو او سړې هوا فصل دی، خو له بده مرغه همدا فصل د انسان د زړه لپاره يو پټ خطر هم له ځان سره راوړي. طبي څېړنې ښيي چې د ژمي په مياشتو کې د زړه د حملو شمېر د کال د نورو فصلونو په پرتله زيات وي. دا يوازې تصادف نه دی، بلکې تر شا يې مهم علمي او فزيولوژيکي لاملونه شته.

سړه هوا د انسان د بدن پر رګونو ژور اغېز کوي. کله چې هوا سړه شي، د بدن د تودوخې د ساتلو لپاره د وينې رګونه تنګېږي. دا تنګېدنه د وينې فشار لوړوي او زړه اړ کېږي چې په زيات زور کار وکړي. همدا زيات فشار د زړه د حملې خطر څو چنده زياتوي، په ځانګړي ډول په هغو کسانو کې چې مخکې لا د زړه يا فشار ستونزې لري.

بل مهم لامل دا دی چې په ژمي کې د انسان فزيکي فعاليت کمېږي. خلک زياتره په کورونو کې بند پاتې کېږي، ورزش کموي او زياتره غوړ، درانه او ګرم خواړه خوري. دا عادتونه د کولېسټرول د زياتېدو، وزن د ډېرېدو او د وينې د لخته کېدو سبب ګرځي، چې ټول د زړه د حملې خطر لوړوي.

سربېره پر دې، ژمی د زکام، انفلونزا او نورو تنفسي ناروغيو موسم دی. دا ناروغۍ د بدن دفاعي نظام کمزوری کوي او پر زړه اضافي فشار اچوي. کله ناکله همدا ساده ناروغۍ د زړه د جدي ستونزو لامل ګرځي، په ځانګړي ډول د مشرانو او کمزورو کسانو لپاره.

ذهني فشار هم په ژمي کې زياتېږي. لنډې ورځې، اوږدې شپې، د لمر کموالی او اقتصادي ستونزې د خپګان او ذهني فشار سبب ګرځي. دا فشارونه د زړه د ضربان او وينې فشار لوړوي، چې په پايله کې د زړه د حملې خطر زياتېږي.

څنګه ځان وساتو؟

بدن تل ګرم وساتئ

سپک ورزش منظم ترسره کړئ

له ډېر غوړ او مالګينو خوړو ډډه وکړئ

د وينې فشار او شکره منظم وڅارئ

ذهني سکون ته پاملرنه وکړئ

ژمی که څه هم يخ دی، خو که موږ خپل ژوند ته پام وکړو، کولی شو خپل زړه له خطره وساتو. سالم عادتونه، احتياط او پوهاوی د زړه تر ټولو ښه ساتونکي دي.

کاپي.