Ahmadi Dental Clinic احمدي دغاښو کلینیک

23/07/2026

ایا پوهېږئ چې د خولې خراب صحت د زړه د ناروغیو او شکرې (دیابت) خطر زیاتوي؟ د نړۍ د معتبرو طبي کتابونو او د روغتیا نړیوال سازمان (WHO) د وروستیو څېړنو له مخې، د غاښونو د ژغورلو لپاره دا زرین اصول باید عملي کړو:دوه ځلي برس کول: هر سهار او د شپې تر ویده کېدو مخکې غاښونه حتمي برس کړئ.دوه دقیقې وخت: په بیړه برس کول ګټه نه رسوي، لږ تر لږه ۲ دقیقې وخت ورکړئ.د برس کولو سم طریقه: برس په عمودي توګه (له پورته څخه ښکته او برعکس) په نرمۍ سره وکاروئ، نه په افقي او زوړند ډول.د غاښونو ځانګړی تار (Floss): برس د غاښونو ترمنځ تېرو ځایونو ته نه رسېږي، په ورځ کې یو ځل تار کارول د وریو د پړسوب مخه نیسي.د مسواک کارول: مسواک طبیعي انټي باکتریال مواد لري، د سنت پیروي ده او د غاښونو په کلکوالي کې خورا مرسته کوي.فلورایډ لرونکی کریم: تل داسې د غاښونو کریم واخلئ چې فلورایډ (Fluoride) ولري ترڅو د غاښونو د مینا (Enamel) طبقه قوي کړي.د ژبې پاکول: د خولې د بد بوی ۸۰٪ علت پر ژبه د باکتریانو شتون دی، د برس په واسطه خپله ژبه هم په نرمۍ پاکه کړئ.د بورې او تیزابو کمول: د خوږو، چاکلېټو، انرژي مشروباتو او غاز لرونکو څښاکو کارول تر ټولو کم کړئ.د ډاکټر لیدنه: که درد لرئ یا نه، په هرو ۶ میاشتو کې یو ځل د معاینې لپاره د غاښونو ډاکټر ته ورشئ.✨ غاښونه مو روغ، مسکا مو ښکلې! دا پوسټ له خپلو عزیزانو سره شریک کړئ ترڅو هغوی هم له دې طبي لارښوونو خبر شي. #روغتیا #مسواک

13/05/2026

دغاښونو خرابتیا،توروالي یا کریس

ډېری د غاښونو کریسونه یا په عامه اصطلاح دغاښ چینجن کیدل په درد نه پیلېږي او همدا یې خطرناک اړخ دی.

دغاښونو چینجن کیدل یا خرابتیا کولی شي د میاشتو لپاره د غاښ دننه ورو ورو زیات شي، خو انسان هېڅ درد یا ستونزه احساس نه کړي. په لومړیو مرحلو کې خرابوالي یا توروالي یوازې د غاښ د پاسنۍ طبقې (اینامیل) ته زیان رسوي او دا طبقه دعصب یا درد حس نه لري.
نو ځکه غاښ خرابېږي، خو انسان نه پوهېږي.

درد اکثره هغه وخت پیلېږي چې خرابتیا یا خلیږه د غاښ ژورو برخو او عصب ته نږدې ورسېږي. له همدې امله ډېر خلک ناڅاپه له شدید غاښ درد سره مخ کېږي، حال دا چې غاښ تر دې مخکې لا ډېر خراب شوی وي.

ځینې کریسونه لا ډېرې پټې وي، ځکه د غاښونو ترمنځ، د زړو ډکو شویو غاښونو لاندې، یا داسې ځایونو کې جوړېږي چې په سترګو نه ښکاري.

حتی که درد هم نه وي، لاندې نښې د غاښونو دپټې خرابیتا اشاره کولی شي:
-د یخو یا خوږو شيانو حساسیت
-د خوړو بیا بیا بندېدل د غاښونو ترمنځ
-تور یا نسواري داغونه
-د خولې بد بوی
-د غاښ ناهمواره یا زیګ احساس

په غاښونو کې یوه عامه غلطه خبره دا ده چې:
“که درد نه وي، نو غاښ روغ دی.”

خو حقیقت دا دی چې کله دغاښ خرابه ساحه درد پیدا کړي، درملنه یې اکثره سخته او ګرانه وي.
منظم معاینات او ایکسرې مرسته کوي چې دغاښ کریس یا چینجن کیدل ژر تشخیص شي، مخکې له دې چې عفونت، د عصب تداوي (روټ کنال)، یا د غاښ ایستلو ته اړتیا پیدا شي.
Ahmadi Dental Clinic احمدي دغاښو کلینیک

01/05/2026

12/01/2026

کله چې یو غاښ ووځي، د څنګ غاښونه ورو ورو د هماغه تش ځای لوري ته کډه کېږي. دا حرکت د غاښونو طبيعي برابر والی (Alignment) خرابوي او د چیچلو/ژولو پر وخت نا برابر فشار رامنځته کوي. د مقابل لوري غاښ هم ښايي لوړ شي او راووځي (ځکه نور مقابل غاښ نه لري چې مخه یې ونیسي).
له وخت سره، په هماغه ځای کې د زنې هډوکی کمزوری او نری کېږي (هډوکي ته تحریک نه رسېږي، نو ورو ورو کمېږي).
همدا وجه ده چې د ورک شوي غاښ ژر بدلول د غاښونو صف، د هډوکي روغتیا، او د خولې عمومي فعالیت ساتي.