Spitali Rajonal Durres

18/08/2026

🏥 Spitali Rajonal Durrës: Shërbimi i lavanderisë vijon pa ndërprerje

Spitali Rajonal Durrës sqaron se ka marrë në kohë të gjitha masat për garantimin e vijimësisë së shërbimit të lavanderisë, ndërsa procedura e re e prokurimit të përqendruar është pezulluar për shkak të një ankese pranë Komisionit të Prokurimit Publik.

Për të shmangur çdo ndërprerje të një shërbimi thelbësor për higjienën spitalore, kontrollin e infeksioneve dhe sigurinë e pacientëve, është ndjekur procedura ligjore me negocim pa shpallje paraprake, e miratuar nga Agjencia e Prokurimit Publik.

🔹 Shërbimi i përkohshëm do të mbulojë një periudhë tranzitore prej 90 ditësh.
🔹 Kontrata do të ndërpritet menjëherë sapo të përfundojë procedura konkurruese e zhvilluar nga Organi Qendror Blerës (OBP).
🔹 Për të garantuar konkurrencën dhe cilësinë e shërbimit, janë ftuar disa operatorë ekonomikë me eksperiencë në këtë fushë.
🔹 Procedura dhe përdorimi i fondeve publike do të jenë në përputhje të plotë me legjislacionin në fuqi.

Spitali Rajonal Durrës garanton pacientët dhe opinionin publik se shërbimi i lavanderisë do të vijojë pa ndërprerje, duke vendosur në qendër higjienën, sigurinë dhe shëndetin e pacientëve. 🇦🇱

29/07/2026

DEKLARATË PËR SHTYP
Spitali Rajonal Durrës

Në lidhje me lajmin e publikuar në media, sipas të cilit një pacient i trajtuar më parë në Spitalin Rajonal Durrës ka ndërruar jetë, sqarojmë se ky informacion nuk është i vërtetë.

Pacienti është paraqitur sërish ditën e djeshme në Shërbimin e Urgjencës të Spitalit Rajonal Durrës, ku vijon të qëndrojë nën kujdesin dhe vlerësimin e personelit mjekësor.

Për informimin e plotë të opinionit publik bëjmë me dije se pacienti ishte trajtuar më parë në QSUT, ku i ishte kryer një ndërhyrje nga mjekët kirurgë vaskularë në enët e gjakut të këmbës së majtë. Pas komunikimit ndërmjet mjekëve, ai u shtrua në Spitalin Rajonal Durrës, ku qëndroi dhe u trajtua për disa javë, duke marrë kujdesin e nevojshëm mjekësor në përputhje me gjendjen e tij shëndetësore.

Pas stabilizimit të parametrave klinikë dhe përfundimit të trajtimit spitalor, pacientit iu përgatit epikriza dhe iu komunikua dalja nga spitali. Duke qenë se ai deklaroi se nuk kishte një vend ku të qëndronte, strukturat e spitalit njoftuan shërbimin social dhe organet e Policisë së Shtetit, me qëllim gjetjen e një zgjidhjeje të sigurt sociale dhe familjare.

Pas komunikimeve të kryera nga strukturat përkatëse, një familjar deklaroi se do ta merrte pranë banesës së tij. Pacienti u transportua me autoambulancë deri në destinacion, i shoqëruar nga punonjës të Policisë së Shtetit, dhe iu dorëzua familjarit.

Për rrjedhojë, sqarojmë se pacienti nuk është nxjerrë apo braktisur në rrugë nga Spitali Rajonal Durrës, siç pretendohet në publikim. Dalja e tij nga spitali është kryer pas përfundimit të trajtimit, me dokumentacionin përkatës mjekësor dhe pas koordinimit me strukturat sociale, policore dhe familjare.

Spitali Rajonal Durrës u bën thirrje mediave që, veçanërisht në raste kaq të ndjeshme, informacioni të verifikohet pranë institucioneve përkatëse përpara publikimit.

Institucioni ynë mbetet i angazhuar për ofrimin e kujdesit shëndetësor dhe për bashkëpunimin me çdo autoritet kompetent, duke respektuar konfidencialitetin e të dhënave shëndetësore dhe dinjitetin e pacientit.

24/06/2026

Fakte për qytetarët

Në lidhje me situatën e krijuar ditën e djeshme në Maternitetin e Spitalit Rajonal Durrës, si pasojë e një avarie të përkohshme në furnizimin me energji elektrike, ju informojmë se gjeneratori rezervë u vu në funksion brenda një kohe shumë të shkurtër.

Gjatë gjithë periudhës së ndërprerjes, aparaturat dhe sistemet jetike të mbështetura nga furnizimi rezervë vijuan funksionimin normal, duke garantuar sigurinë e plotë të nënave dhe të porsalindurve. Rrjedhimisht, nuk është shënuar asnjë problem apo rrezik për pacientët dhe personelin shëndetësor.

Shërbimet mjekësore vijuan pa ndërprerje dhe furnizimi me energji u garantua në kohë reale përmes sistemit rezervë.

Spitali Rajonal Durrës mbetet i angazhuar për garantimin e sigurisë dhe vazhdimësisë së shërbimeve shëndetësore në çdo situatë.

Spitali Rajonal Durrës

17/06/2026

🩸 DHURONI GJAK, SHPËTONI JETË!

Vetëm pak minuta nga koha juaj mund të bëhen shpresë për dikë që ka nevojë për ndihmë. Çdo pikë gjaku e dhuruar mund të sjellë shpresë dhe ndihmë për pacientët në nevojë.

Personeli mjekësor dhe qytetarët që iu bashkuan kësaj nisme dëshmuan edhe një herë vlerat e solidaritetit dhe humanizmit në shërbim të jetës.

❤️ Dhurimi i gjakut është i sigurt, i thjeshtë dhe përfaqëson një kontribut të çmuar për jetën dhe shëndetin e pacientëve në nevojë.

🩸

27/05/2026

Gezuar Kurban Bajramin!

17/05/2026

Hipertensioni arterial, i njohur ndryshe si “vrasësi i heshtur”, prek miliona njerëz në mbarë botën dhe shpesh zhvillohet pa simptoma të dukshme. Shumë pacientë jetojnë për vite me tension të lartë pa e ditur, derisa përballen me komplikacione serioze si infarkti i zemrës, goditja në tru, insuficienca renale apo dëmtime të tjera të organeve vitale.

Kjo ditë na kujton se kontrolli i tensionit arterial nuk është vetëm përgjegjësi individuale e pacientit, por një mision i përbashkët i gjithë sistemit shëndetësor. Çdo m***e tensioni që kryejmë, çdo këshillë për stilin e jetesës, çdo komunikim i kujdesshëm me pacientin mund të bëhet një hap i rëndësishëm drejt parandalimit të komplikacioneve dhe shpëtimit të jetëve.

Si staf spitalor, ne kemi një rol kyç në sensibilizimin e komunitetit për:

* rëndësinë e kontrolleve periodike,
* ushqyerjen e shëndetshme,
* reduktimin e konsumit të kripës,
* aktivitetin fizik të rregullt,
* shmangien e duhanit dhe alkoolit,
* si dhe menaxhimin e stresit.

Po aq e rëndësishme është të inkurajojmë pacientët për ndjekje të vazhdueshme mjekësore dhe korrektësi në marrjen e terapisë. Hipertensioni mund të kontrollohet dhe komplikacionet mund të parandalohen, nëse diagnostikohet dhe trajtohet në kohë.

11/05/2026

🏥☀️ Një tjetër ditë në shërbim të qytetarëve pranë Poliklinika Durrës ❤️👨‍⚕️👩‍⚕️

Me përkushtim 🤝, profesionalizëm 📋 dhe përgjegjësi 💙, stafi ynë punon çdo ditë për të garantuar kujdes shëndetësor cilësor 🩺 dhe shërbim korrekt për çdo pacient 🙌

👏 Falenderim për mjekët 👨‍⚕️, infermierët 👩‍⚕️ dhe personelin mbështetës 🏥 që me punën e tyre të palodhur 💪 kontribuojnë çdo ditë për shëndetin dhe mirëqenien e komunitetit tonë ❤️

📍Kujdesi për qytetarët
📍Shërbimi me përkushtim
📍Shëndeti mbi të gjitha 💙

Infermieret ShendetPerTeGjithe 🏥✨

06/05/2026

Nga Spitali Rajonal Durrës, gëzuar “Javën e Infermierit” dhe Ditën Ndërkombëtare të Mamive 💙

Çdo ditë jeni pranë pacientëve me përkushtim, forcë dhe zemër—aty ku ka më shumë nevojë 🤍

Mirënjohje për gjithçka që bëni 🙏
Falënderim për UISH Durrës për organizimin e këtij aktiviteti të veçantë 👏

30/03/2026

Sot, së bashku me stafin e Spitalit Rajonal të Durrësit, shënuam Ditën e Mjekut 👨‍⚕️👩‍⚕️

Një moment i thjeshtë, por me shumë vlerë, për të vlerësuar punën, përkushtimin dhe sakrificat e përditshme në shërbim të pacientëve 💙

Mirënjohje e thellë për çdo mjek dhe profesionist shëndetësor që çdo ditë jep më të mirën, me përkushtim, humanizëm dhe përgjegjësi, duke qenë pranë pacientëve në çdo moment 💙

Në këtë aktivitet morën pjesë edhe zv. ministrja e Shëndetësisë dhe Mirëqenies Sociale, znj. Eugena Tomini, drejtoresha e Operatorit të Shërbimeve të Kujdesit Shëndetësor për Rajonin Tiranë, znj. Suida Kuka, drejtoresha e Njësisë Vendore të Kujdesit Shëndetësor Durrës, znj. Fatbardha Jaho, si dhe deputeti Ani Dyrmishi, ish drejtues i Spitalit Rajonal Durrës.

Respekt për bluzat e bardha 🙌

28/03/2026