Klinika Nena

03/09/2026

Shkaqet më të shpeshta të sterilitetit mashkullor, çfarë tregon spermograma?
Steriliteti mashkullor kontribuon në afërsisht gjysmën e rasteve të çifteve me vështirësi në konceptim dhe mund të shkaktohet nga faktorë të shumtë. Varikocela, zgjerim anormal i venave të skrotumit, është një shkak i shpeshtë dhe i korrigjueshëm kirurgjikisht, që ndikon negativisht në spermatogjenezë. Çrregullimet hormonale të boshtit hipotalamo-hipofizo-testikular, infeksionet e traktit urogjenital (si prostatiti apo epididimiti), si dhe çrregullimet gjenetike (si sindroma Klinefelter apo mikrodelecionet e kromozomit Y) përbëjnë shkaqe të tjera të rëndësishme. Faktorët e stilit të jetesës, si duhanpirja, konsumi i tepërt i alkoolit, ekspozimi ndaj temperaturave të larta (sauna, vaska të nxehta), obeziteti dhe stresi kronik, ndikojnë gjithashtu negativisht në cilësinë e spermës, ashtu si ekspozimi ndaj toksinave mjedisore, profesionale dhe disa medikamente si kimioterapia.
Spermograma është testi kryesor diagnostikues, i kryer pas një periudhe abstinence prej 2-7 ditësh, që vlerëson vëllimin e ejakulatit, përqendrimin e spermatozoideve (numri i ulët quhet oligozoospermi, mungesa e plotë azoospermi), lëvizshmërinë (motilitetin), morfologjinë, pH-në dhe praninë e leukociteve që tregojnë infeksion të mundshëm. Për shkak të ndryshueshmërisë natyrale të rezultateve nga një kampion në tjetrin, spermogrami rekomandohet të përsëritet pas 2-3 muajsh për konfirmim, periudhë kjo që korrespondon me ciklin e plotë të formimit të spermatozoideve. Në varësi të gjetjeve, mjeku mund të kërkojë dozime hormonale, ekografi skrotale apo teste gjenetike shtesë, për të orientuar çiftin drejt trajtimit më të përshtatshëm, medikamentoz, kirurgjikal apo nëpërmjet teknikave të riprodhimit të asistuar si ICSI.

31/08/2026

27/08/2026

24/08/2026

24/08/2026

-test

22/08/2026

Gjatë adoleshencës, sistemi riprodhues dhe boshti hipotalamus–hipofizë–ovar (HPO) janë ende duke u maturuar. Për këtë arsye, ciklet menstruale mund të jenë të parregullta, veçanërisht gjatë viteve të para pas menarkes (ciklit të parë). Ndryshimet në nivelet dhe aktivitetin e hormoneve ovariane, veçanërisht estrogjenit dhe progesteronit, mund të ndikojnë si në ciklin menstrual, ashtu edhe në lëkurë.

Një cikël i parregullt mund të nënkuptojë ndryshime në intervalin ndërmjet menstruacioneve, kohëzgjatjen e gjakderdhjes ose sasinë e saj. Në adoleshencë, kjo mund të jetë pjesë e maturimit normal hormonal, por në disa raste mund të lidhet me faktorë të tjerë. Faktorët që mund të ndikojnë në ciklin menstrual përfshijnë stresin, ndryshimet e mëdha në peshë, aktivitetin fizik shumë intensiv, ushqyerjen jo të mjaftueshme dhe çrregullimet hormonale. Në raste të caktuara, çrregullimi mund të shoqërohet me sindromën e vezoreve policistike (PCOS), çrregullime të tiroides ose shkaqe të tjera endokrine. Megjithatë, prania e ciklit të çrregullt dhe akneve nuk mjafton vetë për të vendosur një diagnozë.

Është e dobishme të regjistrohen data e fillimit dhe përfundimit të menstruacioneve, kohëzgjatja e ciklit, intensiteti i gjakderdhjes, dhimbjet dhe simptomat e tjera shoqëruese. Ky informacion mund të ndihmojë mjekun gjatë vlerësimit.

Aknet vulgaris janë një sëmundje inflamatore e gjendrave pilosebaceale dhe janë shumë të zakonshme gjatë pubertetit. Rritja e aktivitetit të androgjeneve gjatë pubertetit stimulon gjëndrat dhjamore dhe rrit prodhimin e sebumit. Kombinimi i prodhimit të shtuar të sebumit, bllokimit të folikulave, ndryshimeve në mikrobiomën e lëkurës dhe inflamacionit kontribuon në formimin e komedoneve, papulave dhe pustulave.

Kujdesi bazë për lëkurën duhet të jetë i butë. Rekomandohet pastrimi i fytyrës me një pastrues të butë, shmangia e fërkimit të fortë dhe shmangia e shtrydhjes së lezioneve. Mund të përdoren produkte të përshtatshme

19/08/2026

Kujdesi për shëndetin e gruas, në një vend!
Në Klinikën Gjinekologjike & Laboratorike NËNA ofrojmë:
🩺 Ekografi abdominale 2D dhe 3D
🌸 Ekografi endovaginale
🔍 Ekografi Doppler e pelvisit minor
🧪 Vizitë gjinekologjike dhe të gjitha ekzaminimet laboratorike: imunologjike, mikrobiologjike, anatomopatologjike dhe gjenetike për diagnostikimin e patologjive të kësaj fushe.
👩‍⚕️ Konsulta sipas protokolleve botërore për të gjitha patologjitë e sterilitetit në çift.
💊 Mjekimi i herpesit gjenital, kondilomave vulvare/vaginale/qafës së mitrës, bartolinitit dhe plagëve të infektuara gjinekologjike.
🛡️ Vendosja e DIU-së prej bakri, argjendi ose platini, si dhe kontrolli i saj për tre muaj.
💞 Konsultime në lidhje me çdo lloj kontracepsioni.
📍 Na gjeni në Durrës, pranë Urës së Dajlanit.
📞 Rezervoni takimin tuaj! +355675335446

13/08/2026

Pse është e rëndësishme ekografia Doppler tek shtatzënat?
Ekografia Doppler është një teknikë e avancuar ultrasonografike që vlerëson qarkullimin e gjakut në enët gjaksore, duke ofruar informacion mbi shpejtësinë dhe rezistencën e fluksit sanguin, ndryshe nga ekografia konvencionale që jep vetëm imazhe strukturore. Gjatë shtatzënisë, kjo teknikë zë vend qendror në monitorimin e mirëqenies fetale, veçanërisht në tremujorin e dytë dhe të tretë. Vlerësimi i fluksit në arterien e kërthizës ndihmon në identifikimin e hershëm të insuficiencës placentare dhe të prapambetjes së rritjes intrauterine. Vlerësimi i arterieve uterine të nënës ndihmon në identifikimin e grave me risk të shtuar për preeklampsi, duke mundësuar masa parandaluese si aspirina në doza të ulëta. Ekografia Doppler vlerëson gjithashtu arterien cerebrale të mesme të fetusit, ku fenomeni i redistribuimit cerebral tregon vuajtje fetale kronike dhe ndihmon në vendimin për kohën e lindjes. Përdoret edhe për vlerësimin e duktusit venoz dhe, në shtatzënitë binjake monokorionike, për identifikimin e sindromës së transfuzionit të pabarabartë. Kryhet zakonisht si pjesë e ekografisë morfologjike të javës 20-24 dhe përsëritet më shpesh, çdo dy deri katër javë, në shtatzënitë me risk të lartë, si ato me histori preeklampsie apo diabeti gestacional. Nuk përdor rrezatim jonizues dhe nuk përbën rrezik për nënën apo fetusin, ndaj mund të kryhet pa shqetësim sa herë e kërkon situata klinike. Interpretimi kërkon ekspertizë të specializuar dhe krahasim me kurba referuese sipas moshës gestacionale, duke kontribuar ndjeshëm në uljen e komplikacioneve dhe përmirësimin e rezultateve të shtatzënisë.

05/08/2026

Ekografia e translucencës nukale (NT – Nuchal Translucency) është një nga
ekzaminimet më të rëndësishme që kryhen gjatë tremujorit të parë të shtatzënisë. Ajo
përdoret për të vlerësuar rrezikun që fetusi të ketë sindromën Down ose çrregullime të
tjera kromozomike, si dhe për të kontrolluar zhvillimin e përgjithshëm të fetusit.
Kjo ekografi kryhet midis javës së 11-të dhe 13 të shtatzënisë. Ky interval kohor është
shumë i rëndësishëm, sepse vetëm gjatë kësaj periudhe matja e translucencës nukale
është e saktë.
Translucenca nukale është një shtresë e hollë lëngu që ndodhet në pjesën e
pasme të qafës së fetusit. Gjatë ekografisë, mjeku mat trashësinë e kësaj shtrese. Në
përgjithësi, sa më e vogël të jetë trashësia, aq më i ulët është rreziku për sindromën
Down. Nëse trashësia është më e madhe se 2.5 mm qe eshte vlera normale, rreziku
mund të jetë më i lartë, por kjo nuk do të thotë se fetusi ka domosdoshmërisht
sindromën Down. Shumë foshnja me një translucencë nukale të rritur lindin plotësisht të
shëndetshme.
Nëse rezultatet tregojnë një rrezik më të lartë se normalja, mjeku mund të
rekomandojë kryerjen e testit NIPT, i cili analizon ADN-në e fetusit në gjakun e nënës
dhe ka një saktësi mbi 99% për depistimin e sindromës Down..
Ekografia është plotësisht e sigurt si për nënën, ashtu edhe për fetusin. Ajo nuk
përdor rrezatim dhe nuk shkakton dhimbje