05/06/2026
📢 Sesione informuese për parandalimin e abuzimit seksual dhe formave të rënda të dhunës tek adoleshentët
Në kuadër të aktiviteteve sensibilizuese për mbrojtjen e fëmijëve dhe adoleshentëve, Spitali Rajonal Fier, stafi i Qendrës me Një Ndales, në bashkëpunim me Zyrën Vendore Arsimore Fier, zhvilloi një cikël sesionesh informuese në shkollat publike të Qarkut Fier, me fokus parandalimin e abuzimit seksual dhe formave të rënda të dhunës.
Ky bashkëpunim ndërinstitucional synoi rritjen e ndërgjegjësimit dhe informimin e nxënësve mbi mënyrat e mbrojtjes nga abuzimi dhe dhuna, duke promovuar një mjedis më të sigurt dhe mbështetës për ta.
📍 Aktivitetet u zhvilluan në:
Shkolla Andon Xoxa
Shkolla Jakov Xoxa
Shkolla Kristaq Shtembari
Shkolla Jani Bakalli
Shkolla Penellopi Piro
Shkolla Mark Dashi
Shkolla Liri Gero
Shkolla Naim Frashëri
📃Në sesionet informuese morën pjesë nxënësit e klasave të VIII-ta dhe IX-ta, ku 419 fëmijë përfituan informacion dhe njohuri mbi parandalimin e abuzimit seksual dhe formave të rënda të dhunës, mekanizmat e mbrojtjes dhe rëndësinë e raportimit të rasteve shqetësuese.
Gjatë takimeve u trajtuan tema të rëndësishme si:
🔹 Promovimi i sjelljeve të shëndetshme dhe identifikimi i sjelljeve të pashëndetshme;
🔹 Rritja e ndërgjegjësimit mbi rëndësinë e njohjes dhe respektimit të hapësirës personale;
🔹 Kuptimi dhe respektimi i kufijve personalë;
🔹 Mbrojtja e integritetit individual dhe e sigurisë personale;
🔹 Njohja e formave të ndryshme të abuzimit dhe dhunës;
✍️Përmes diskutimeve të hapura dhe aktiviteteve ndërvepruese, nxënësit patën mundësinë të shprehnin mendimet e tyre, të ndanin përvoja dhe të forconin njohuritë mbi të drejtat, sigurinë dhe mirëqenien e tyre.
🤝 Këto aktivitete janë pjesë e angazhimit tonë të vazhdueshëm për mbrojtjen e fëmijëve dhe adoleshentëve, promovimin e një mjedisi të sigurt shkollor dhe fuqizimin e të rinjve për të njohur, parandaluar dhe denoncuar çdo formë abuzimi apo dhune.
Së bashku për fëmijë të informuar, të mbrojtur dhe të sigurt!
