What are the opening hours?

Monday 08:00 - 18:00 Tuesday 08:00 - 18:00 Wednesday 08:00 - 18:00 Thursday 08:00 - 18:00 Friday 08:00 - 18:00 Saturday 08:00 - 18:00

https://www.facebook.com/1804524123210723/

Laboratori Analizave Mjekësore "Gen-Ild", Përballë Bashkise Kamëz, 50m nga Alpha Bank, Kamëz (2026)

Q: What is the address?

Përballë Bashkise Kamëz, 50m Nga Alpha Bank

14/06/2021

Dita Botërore e Dhurimit të Gjakut

Të dhurosh gjak është një akt solidariteti human që shpëton jetën e njerëzve në nevojë.

Gjaku, përveçse është lëngu i jetës, është edhe një lëndë kuruese dhe i vetmi burim i tij është dhurimi nga njerëzit vullnetarë.

Nevoja për gjak:
1. Për t’i shpëtuar jetën dikujt.
2. Për ndërhyrje kirurgjikale të shoqëruar me hemorragji.
3. Si kurë shoqëruese për sëmundjet si anemitë, talasemia, hemofilia, anemitë hemolitike, leuçemitë, të transplantuarit etj.

Kur dhuroni gjak duhet të gëzoni shëndet të plotë dhe dhurimi nuk e dëmton shëndetin tuaj.

Pasi dhuroni, duhet të qëndroni disa minuta shtrirë dhe të pini të njëjtën sasi uji apo lëngjesh sa keni dhuruar, në mënyrë që ta zëvendësoni.

Gjaku i marrë egzaminohet për: HIV, Hepatitet dhe Sifilizi, gjaku komplet dhe parametrat biokimike.
Nëse ato janë brenda normave, atëherë gjaku kalon për përpunim.

Gjak mund të dhurojnë të gjithë ata që janë të shëndetshëm dhe kanë moshë 17 vjeç (me lejen e prindit,) 18-65 vjeç dhe peshë minimale 50 kg.
Dhurohet 450 ml gjak.

Vëndi i dhurimit janë Bankat e gjakut pranë spitaleve në çdo qytet.

Në këtë mënyrë ju keni kryer një akt heroik, pra keni shpëtuar jetën dikujt, apo keni ndihmuar dikë tjetër që të jetojë më gjatë dhe më mirë.

Organizmat që merren me sensibilizimin dhe promovimin e dhurimit vullnetar të gjakut janë Degët e promocionit shëndetësor pranë Drejtorive të Shëndetit Publik në rrethe, Organizata e Dhuruesve Vullnetarë të Gjakut dhe Kryqi i Kuq.

12/06/2021

Bamja

Bamja, një perime shumë e rekomandueshme për mjekimin e sëmundjeve të mëlçisë së zezë dhe tëmthit, pasi favorizon eliminimin e lëndëve toksike nga trupi.

1. Lëngu i saj përdoret si lëndë ushqimore-dietike dhe mjekësore, si dhe në rregullimin e disa ndërlikimeve të aparatit respirator si faringitin, laringitin, ngjirjet e zërit, bronkitin dhe madje edhe tuberkulozin (TBC).
2. Bamja përmban 123 mg Kalcium dhe 216 mg Kalium, të nevojshme për shëndetin e mirë të zemrës dhe qarkullimin normal të gjakut.
3. Siguron nivele të larta të vitaminës A, B (B1, B2, B6), C dhe Zinkut.
4. Vitamina B parandalon defektet e lindjes tek foshnja dhe e ndihmon atë të rritet dhe zhvillohet.
5. Përmbajnë vitaminë K, që është shumë e nevojshme për shëndetin e kockave, si dhe luan një rol të rëndësishëm në koagulimin e gjakut.
6. Është e pasur me vitaminë A, antioksidues të tjerë, me Beta-Karoten, Lutein dhe Ksanthin, të cilat ndihmojnë në përmirësimin e shikimit.
7. Ndihmon në parandalimin e kataraktit dhe vlerësohet për parandalimit e njollave dhe akneve.
8. Bamja është e pasur me vitamin C, që ndihmon imunitetin e trupit.
9. Përmban shumë fibra dhe vepron si një laksativ natyral, duke ndihmuar në tretje.
10. Ndihmon bakteret e shëndetshme që ndodhen në zorrë, si dhe ndihmon në ruajtjen e bilancit të pH në traktin tretës.
11. Ndihmon për të stabilizuar nivelin e sheqerit në gjak, duke ngadalësuar përthithjen e saj nga stomaku dhe është ideale për personat që vuajnë nga kolesteroli.

08/06/2021

Tumori i Trurit

Tumori i trurit është një rritje e qelizave jo normale dhe jo të shëndetshme të trurit.
Tumoret e trurit mund të jenë Jo-kanceroze (beninje) apo kanceroze (malinje). Ato mund të kenë fillesën në tru (tumoret primare të trurit), ose nga një organ tjetër dhe të përhapet aty (lezione sekondare, metastaza në tru).

Simptomat:

•Dhimbje e kokës ose ndryshim në intensitet dhe shpeshtësine e dhimbjeve të zakonshme të kokës.
•Nauze dhe të vjella të pashpjegueshme.
•Probleme me shikimin, si shikim i turbulluar ose humbje e shikimit periferik.
•Humbje e ndjesive ose e lëvizjes në një këmbë ose krah.
•Humbje të ekuilibrit.
•Probleme me të folurën.
•Konfuzion në çështje të përditshme.
•Ndryshime të personalitetit ose sjelljes.
•Atak konvulsiv.
•Probleme me dëgjimin.

Shkaqet dhe faktorët e riskut:

Në të shumtën e rasteve, shkaqet e tumoreve primare të trurit mbeten të panjohura.
Disa nga faktorët janë:
•Ekspozimi ndaj rrezatimit të diellit.
•Histori familjare me tumor të trurit.
•Mutacionet gjenetike.

Diagnostikimi:

•Diagnostikimi nis me një ekzaminim neurologjik, duke analizuar shikimin, ekuilibrin dhe reflekset.
•Ekzaminimet imazherike si MRI, CT ose PET-CT.
•Biopsia për te identifikuar llojin e tumorit.

Trajtimi:

•Varet nga lloji i tumorit, madhësia, lokalizmi dhe mosha e pacientit.
•Kirurgjia është opsion i mirë nëse tumori është i arritshëm.
•Kimioterapia - në formën e kokrrave, injeksioneve ose të drejtuara direkt në tumor.
•Rrezatimi përdor rreze-X për të vrarë qelizat tumorale.
•Terapitë e targetuara – barna specifike.

07/06/2021

Dita Botërore e Sigurisë Ushqimore

Pesë këshillat për një ushqim të sigurtë.

1. Higjena ndaj ushqimeve duhet të jetë maksimale!
Lani duart përpara trajtimit të ushqimit dhe shpesh gjatë përgatitjes së tij. Dezinfektoni të gjitha sipërfaqet dhe pajisjet që përdorni për përgatitjen e ushqimit.
2. Ndajeni ushqimin e pagatuar nga ai i gatuari!
Bëjeni ktë duke përdorur pajisje dhe enë të veçanta, si thikat dhe banakët e prerjes për përpunimin e ushqimeve. Ushqimin duhet ta ruani në enë për të shmangur kontaktin ndërmjet tyre.
3. Gatuani me kujdes!
Gatuani ushqimin me kujdes, veçanërisht mishin, shpendët dhe frutat e detit. Gatimi i ushqimeve në temperaturën 70°C e bën atë të sigurtë për konsum. Për mishin e shpendëve, sigurohuni qe lëngu i tyre është i qartë dhe jo rozë.
4. Mbajeni ushqimin në temperatura të sigurta!
Mos e lini ushqimin e gatuar në temperaturë dhome për më shumë se 2 orë dhe vendosni në frigorifer të gjitha ushqimet e gatuara dhe ato që prishen shpejt. Përpara servirjes ushqimi i gatuar duhet të mbahet në temperatura të larta pasi mikroorganizmat mund të shumohen shumë shpejt nëse ushqimi ruhet në temperaturë dhome.
5. Sigurohuni që uji që përdorni të jet i pastër.
Përdorni uji të pastër për gatim dhe gjithmonë përzgjidhni ushqime të freskëta! Gjithmonë duhet të lani frutat dhe perimet, veçanërisht nëse i konsumohen të gjalla dhe asnjëherë mos përdorni ushqime përtej datës së skadencës. Kimikatet toksike mund të formohen në ushqime të dëmtuara ose të mykura.

05/06/2021

Dita Botërore e Mjedisit

Mjedisi është ai në të cilin njeriu zhvillon veprimtarinë e tij jetësore dhe pa të, ai nuk do të mund të ekzistonte. Duke u fokusuar tek mënyra se si të fitojë më shumë para, njeriu po e anashkalon kujdesin ndaj ekuilibrave natyrorë. Me ndotjen e tokës, ujit dhe ajrit, dëmtohen e gradualisht shkatërrohen ekosistemet dhe habitatet natyrore të kafshëve dhe bimëve. Dëmtimi i florës dhe faunës, njëkohësisht sjell përkeqësimin e gjendjes së mjedisit dhe cilësisë së jetës. Duke parë rëndësinë e mjedisit, lind nevoja e madhe për mbrojtjen e tij.

Fakte

1. Në botë, 13 milion raste të vdekjeve mund të parandalohen duke patur çdo vit mjedise të shëndetshme.
2. Tek fëmijët nën moshën 5 vjeç, një e treta e të gjithë sëmundjeve shkaktohet nga faktorë të tillë si, konsumi i ujit jo higjienikisht i pastër dhe ndotja e ajrit.
3. Çdo vit, jeta e katër milion fëmijëve nën moshën 5 vjeç, kryesisht në vendet në zhvillim, mund të ruhet me anë të parandalimit të rreziqeve mjedisore të tilla si uji i pasigurt dhe ajrit i ndotur.
4. Në vendet në zhvillim, sëmundjet kryesore të shkaktuara nga ndotja e mjedisit janë sëmundjet diarreike, infeksionet respiratore, malarja etj .
5. Mirëmenaxhimi i mjedisit mund të parandalojë 40% të vdekjeve nga malaria, 41% të vdekjeve nga infeksionet respiratore, dhe 94% të vdekjeve nga sëmundjet diarreike.
6. Në vendet e zhvilluara, mjediset e shëndetshme mund të zvogëlojnë ndjeshëm incidencën e kancerit, sëmundjeve kardiovaskulare, astmën, infeksionet në rrugët e frymëmarrjes, sëmundjet e sistemit kockor e muskulor etj.
7. Sipas raportit botëror të shëndetit nga 102 kategoritë e sëmundjeve dhe lëndimeve të shënuara, 85 janë nga faktorët mjedisore.
8. Pjesa më e madhe e vdekjeve, sëmundjeve dhe paaftësive mund të parandalohen duke ndërhyrë dhe synuar në promovimin mjediseve të sigurt si, mbajtja e higjienës, përdorimi i pastër dhe i sigurtë i karburanteve etj.
9. Ndërhyrje të tjera që mund të përfshijnë shëndetin mjedisor janë, rritja e sigurisë së ndërtesave, përdorimi i kujdesshëm dhe menaxhimi i substancave toksike në shtëpi dhe në vendin e punës, mirëmenaxhimi i burimeve të ujit.

01/06/2021

🌸👫Laboratori Gen-Ild ju uron të gjithë fëmijëve Gëzuar 1 Qershorin!🎈🎁

Dhurata më e mirë që mund ti bëni fëmijëve tuaj është të kujdeseni për shëndetin e tyre!
Shëndeti i tyre është prioritet për prindërit.

Për festën e 1 Qershorit ne vijmë tek ju me një dhuratë për të vegjlit tuaj.
Kontrolloni shëndetin e fëmijës tuaj nëpërmjet paketës tonë që përfshin 14 analiza për vetëm 4,800 lekë.
1. Analiza e gjakut komplet me formulë.
2. Analizat për të kontrolluar mëlçinë (Bilirubina Totale, Bilirubina Direkte, Bilirubina Indirekte, SGOT, SGPT).
3. Analizat për kontrollin e veshkave dhe infeksioneve urinare (Azotemi, Kreatinemi, Urinë komplet).
4. Analizat për të kontrolluar praninë e një infeksioni (PCR dhe ASLO)
5. Analizat për nivelin e hekurit dhe anemisë (Sideremia, Ferritinemia) dhe analiza për të kontrolluar nëse fëmija juaj ka parazitë (Feçe parazit).

Adresa: Rruga Jehona, Përballë Bashkisë Kamëz, 50 m nga Alpha Bank.

Na kontaktoni në Nr: 068 24 47 547, për çdo informacion apo rezervim tuajin.

Ju mirëpresim!

31/05/2021

1. DUHANI VRET NGA NJË NJERI ÇDO KATËR SEKONDA.
Sëmundjet e rrugëve të frymëmarrjes janë një ndër shkaqet kryesore të vdekshmërisë në mbarë botën, ndërsa duhani faktor kryesor rreziku.

2. SI JU LË PA FRYMË DUHANI.
Me vetëm një të thithur, qindra toksina në tymin e duhanit fillojnë t’i dëmtojnë mushkëritë. Efektet e dëmshme të tymit të duhanit janë pothuajse të menjëhershme.

3. EKSPOZIMI NDAJ TYMIT TË DUHANIT ËSHTË KËRCËNIM PËR SHËNDETIN E MUSHKËRIVE TË TË GJITHË NJERËZVE, JO VETËM TË DUHANPIRËSVE.
Çdo vit, më shumë se 1 milion raste të vdekjes në mbarë botën janë pasojë e thithjes pasive të tymit të duhanit. Pirja e duhanit dhe ekspozimi ndaj tymit të dorës së dytë janë faktorët kryesorë të rrezikut për paraqitjen e kancerit të mushkërive, sëmundjeve pulmonare obstruktive kronike (SPOK), tuberkulozit (TB) dhe astmës.

4. KANCERI I MUSHKËRIVE
Në rrafsh global, 1.8 milionë raste të vdekjes shkaktohen nga kanceri i mushkërive gjatë një viti. Duhanpirësit kanë 22 herë më shumë mundësi të zhvillojnë kancer të mushkërive.

5. KONTROLLIMI I DUHANIT DUHET TË JETË PRIORITET GLOBAL.
Masa më e mirë për parandalimin e sëmundjeve respiratore dhe për përmirësimin e shëndetit të mushkërive është zvogëlimi i përdorimit të duhanit dhe ekspozimit ndaj tymit të duhanit.

6. ASNJËHERË NUK ËSHTË VONË TË HIQNI DORË NGA DUHANI.
Funksioni i mushkërive fillon të përmirësohet vetëm dy javë pas ndërprerjes së pirjes së duhanit.

JETA ËSHTË PLOT ME ÇASTE QË JU LËNË PA FRYMË – MOS LEJONI QË DUHANI TË JETË NJË NGA ATO!

29/05/2021

Çfarë vlen për fëmijët dhe foshnjat?

Hekuri është një element që kontribuon ndjeshëm në shëndetin tonë.
Ruan dhe transporton oksigjenin nga mushkëritë në të gjithë trupin.
Përfshihet në një grup reagimesh metabolike të trupit.
Është thelbësore për sintezën e shumë proteinave, hormoneve dhe neurotransmetuesve.

Foshnjat vijnë në jetë të "furnizuar" me hekur nga gjaku i nënës së tyre, gjatë kohës që qëndron në placentë.

Kur hekuri mungon, transporti i oksigjenit nga mushkëritë në indet dhe organet e trupit zvogëlohet.

Kjo mund të bëjë fëmijën të jetë i zbehtë dhe të ndihet i lodhur. Ai shpesh nuk është në gjendje të përqendrohet dhe e ka të vështirë të bëjë diçka që kërkon koordinim, duke pasur dhe performancë të dobët akademike.

Muajt e para të foshnjave janë një periudhë kritike për zhvillimin e trurit dhe për këtë arsye mungesat e mikroelementëve të tillë gjatë kësaj kohe mund të kenë efekte anësore.

Zbulimi dhe trajtimi i mungesës së hekurit në trup do të thotë lehtësim dhe eleminim të simptomave që vijnë nga mungesa e tij. Trajtimi i duhur i bën njerëzit, të çdo moshe, të ndihen më të shëndetshëm dhe më të fortë për të përballuar detyrimet e përditshme.

Sipas studimeve zakonet e mira të ngrënies, që fitohen nga fëmijëria, janë shumë të rëndësishme në ruajtjen e shëndetit të mirë në moshën e rritur.

28/05/2021

Molla siguron mbrojtje antipiretikë , përmban fibra që gjenden në lëkurë dhe në pjesën e brendshme. Flavonoidet dhe acidet fenolike ndihmojnë në uljen e inflamacionit në rrugët e frymëmarrjes.

Vitamina A dhe β-karotina që gjejmë në mollë janë të rëndësishme për shikimin e mirë. Një regjim i pasur me fruta që përmbajnë antioksidantë, siç janë mollët, zvogëlojnë rrezikun e kataraktit.

Luteina ,një antioksidant i fortë, mbron qelizat dhe indet në sy nga dëmtimi oksidativ dhe mollët mund të rrisin marrjen e luteinës.

Ndihmojnë në parandalimin e gjendjeve, të tilla si degjenerimi makular dhe glaukoma. Ato gjithashtu i bëjnë sytë më të fortë dhe përmirësojnë shikimin.

Fëmija mund të nise konsumimin e tij që 6 muajsh dhe në shtatzëni është i sigurt perdorimi. Duke parë fibrat që përmban ndihmon në problemet e konstipacionit dhe parandalimin e shfaqjes të hemoroideve.

27/05/2021

Shenjat e humbjes së dëgjimit tek fëmijët :

🔈Nuk reagon ndaj zhurmave.
🔈Nuk thotë as fjalët mami apo babi edhe pas moshës një vjeçare.
🔈Ju vëren kur e shikoni, por jo kur e thërrisni me emër.
🔈E kanë të vështirë të mësojnë të flasin.
🔈Nuk janë të qartë kur flasin.
🔈Flasin me zë shumë të lartë.
🔈Ju kërkon të përsërisni shumë herë pyetjen tuaj.
🔈Volumi i TV, muzikës apo telefonit është gjithmonë shumë i lartë.
🔈Duket se dëgjon vetëm disa tinguj të fortë, por jo të tjerët. etj.

Foshnjat kalojnë nga një kontroll të dëgjimit në javët e para pas lindjes ( një test bëhet edhe gjatë kohës që qëndroni në maternitet), por nëse mendoni se fëmija dëgjon me vështirësi, kontaktoni me mjekun tuaj për të bërë një kontroll më herët. Humbja e dëgjimit mund të ndodhë në çdo kohë gjatë jetës, nga para lindjes deri në moshën e rritur.

Testi quhet AOAE (Automated OtoAcoustic Emission test) dhe zgjat vetëm disa minuta.
Është edhe testi tjetër që quhet AABR (Automated Auditory Brainstem Response test), zgjat po ashtu pak minuta dhe kryhet për të qenë më të sigurtë për rezultatin. Këto teste nuk dëmtojnë fëmijën tuaj.

Çfarë mund të bëjmë për të parandaluar diçka të tillë ? :

🤰Është mirë të kryeni analizat e nevojshme para shtatzënisë, të cilat do na sigurojnë një shtatzëni të sigurtë dhe po ashtu, mirëushqyerja gjatë 9 muajve luan rol të rëndesishëm.

💉Kryeni vaksinat në mënyrë të rregullt të fëmijëve.
📢Mos i lini fëmijët të qëndrojnë pranë zhurmave të forta për një periudhë të gjatë.
🎧Kujdes me përdorimin e kufjeve.
📯Zhurmat e dëmshme në shtëpi mund të vijnë nga makineritë e prerjes së lëndëve, mjetet e përpunimit të drurit etj.
🎶Mbroni veshët e fëmijëve që janë shumë të vegjël.

Keni kontrolluar ndonjëherë dëgjimin tuaj apo të fëmijëve?

25/05/2021

Gjëndra Tiroide

Gjëndra tiroide është gjëndra më e madhe e organizmit. Ajo prodhon hormonet T3, T4, TSH , të cilët kanë ndikim në të gjithë organizmin, duke ndihmuar zhvillimin mendor dhe fizik gjatë periudhës embrionale dhe në etapat e tjera të jetës. Luan rol shumë të rëndësishëm për të gjithë organizmin.

Simptomat:

*Hypotiroidizmi:
Shtim në peshë, lodhje, ndjenjë e shtuar të ftohti, ulje e memorjes dhe koncentrimit, konstipacion, lëkurë e thatë, fryrje në fytyrë, shtrëngim në fyt, rënie të flokëve, ulje e të rrahurave të zemrës , ç’rregullime të ciklit menstrual dhe në stade të avancuara edhe ngjirje zëri, fryrje të këmbëve, vështirësi në gëlltitje etj
*Hipertiroidizmi:
Rënie në peshë, nervozizëm, rritje e të rrahurave të zemrës, ankth, dridhje të duarve, ç’rregullime të gjumit, ndjenjë e shtuar nxehtësie, dobësi muskulare, diare, rënie e flokëve, shtrëngim në fyt dhe në disa raste shoqërohet edhe me fryrje të syve. Te të moshuarit hasim edhe aritmi të zemrës.

Ekzaminimi bëhet nëpërmjet:

-Analizave të gjakut.
-Ekografia e tiroideve.
-Shintigrafia e tiroides - ekzaminim i cili përdoret për të vlerësuar nodujt e tiroides.

Kanceri i tiroides në stadet e para nuk jep shenja klinike të dukshme. Prandaj, diagnostikimi në kohë nëpërmjet kryerjes së kontrolleve rutinë, mundëson që edhe kirurgjia të bëhet në kohën e duhur.

Trajtimi bëhet:

1. Nëpërmjet medikamenteve (aplikim i jodit radioaktiv). Sasia e mjekimit është individuale dhe përcaktohet nga mjeku specialist endokrinolog gjatë kontrolleve periodike që pacientët kryejnë.
2. Kirurgji – heqje e gjendrës tiroide.

24/05/2021

Disa nga vetitë e tij shumë të rëndesishme janë:

Lëngu i selinos përmban fitonutrientë, si acidi fenolik dhe flavonoidet, që kanë një rol antioksidues dhe parandalojnë dëmtimet e qelizave nga radikalet e lira.

Do gjejmë po ashtu në sasi pak më të vogla vitaminën K, Acidin folik ose njohur ndryshe si vitaminë B9, Kaliumin , vitaminën C - A , Mangan etj.

Një nga aktivitet e tjera është ai antibakterial. Duke ndihmuar në parandalimin/kurimin e infeksioneve të traktit urinar.

Një nga benefitet e tjera që kanë meshkujt nga ky perim është fakti që mbron nga substancat që mund të dëmtojnë numrin e spermatozoideve.

Antioksidantët e tij na mbrojnë nga radikalet e lira, ndikojnë pozitivisht në pjellorinë.

Lëngu i tij është një alternativë e mirë për të qëndruar të hidratuar, sidomos për ju që e keni të vështirë të konsumoni sasi të mjaftueshëm uji në ditë.

Disa veti të tjera :

• Antireumatike,
• Qetësuese,
• Lehtësisht diuretike,
• Antiseptike në traktin urinar.

Në disa probleme shëndetësore në të cilat është përdorur janë :

• Artritin,
• Reumatizëm,
• Infeksione të traktit urinar,
• Depresionin etj.

Po ju e pëlqeni shijen e selinos?

Laboratori Analizave Mjekësore "Gen-Ild"

14/06/2021

12/06/2021

08/06/2021

07/06/2021

05/06/2021

01/06/2021

31/05/2021

29/05/2021

28/05/2021

27/05/2021

25/05/2021

24/05/2021

Address

Opening Hours

Telephone

Website

Alerts

Contact The Practice

Shortcuts

Share

Category

Monday	08:00 - 18:00
Tuesday	08:00 - 18:00
Wednesday	08:00 - 18:00
Thursday	08:00 - 18:00
Friday	08:00 - 18:00
Saturday	08:00 - 18:00