Spitali Rajonal Shkoder

06/07/2026

28/06/2026

Momente nga konferenca "In Memoriam", organizuar nga Spitali Rajonal Shkodër, në nderim të kirurgëve që me profesionalizëm dhe përkushtim kontribuan ndër vite në zhvillimin e Shërbimit të Kirurgjisë

27/06/2026

Spitali Rajonal Shkodër zhvilloi konferencën "In Memoriam", kushtuar figurave të shquara të kirurgjisë, të cilët me profesionalizmin, përkushtimin dhe kontributin e tyre shumëvjeçar kanë lënë gjurmë të rëndësishme në historinë dhe zhvillimin e Shërbimit të Kirurgjisë.

Konferenca mblodhi profesionistë të shëndetësisë, personalitete të fushës, familjarë dhe të ftuar, duke krijuar një hapësirë për nderimin e figurave të shquara të kirurgjisë, ndarjen e kujtimeve dhe zhvillimin e një sesioni shkencor mbi tema me interes profesional.
Në kuadër të konferencës u nderuan me certifikata mirënjohjeje kirurgët e ndjerë Dr. Mark Mirashi, Dr. Ramiz Hafizi, Dr. Ali Spahija, Dr. Ferit Hoti dhe Dr. Zyliha Kraja, si dhe Dr. Hamza Vneshta, i cili ishte i pranishëm në këtë aktivitet.

Drejtori i Spitalit Rajonal Shkodër, Dr. Senad Hallunaj, vlerësoi kontributin e jashtëzakonshëm të figurave të nderuara, duke theksuar rolin e tyre në formësimin dhe zhvillimin e Shërbimit të Kirurgjisë, si edhe ndikimin e tyre në edukimin e brezave të rinj të mjekëve.

Ndërsa Shefi i Shërbimit të Kirurgjisë, Dr. Gëzim Galiqi, i cilësoi ata si figura emblematike të kirurgjisë shqiptare, të cilët me përkushtimin dhe integritetin profesional kanë lënë një trashëgimi të vyer për institucionin.

Konferenca vijoi me një sesion shkencor, ku u trajtuan tema bashkëkohore mbi menaxhimin perioperator të pacientit kirurgjikal, duke krijuar një hapësirë për shkëmbim përvojash dhe diskutime profesionale.

Konferenca u përmbyll me ceremoninë e ndarjes së certifikatave të mirënjohjes për familjarët dhe përfaqësuesit e kirurgëve të nderuar, në shenjë respekti dhe vlerësimi për kontributin e tyre të çmuar në shërbim të pacientëve dhe zhvillimit të Shërbimit te Kirurgjisë në Shkodër.

26/06/2026

📖 Programi i konferencës "In Memoriam" – një ditë kushtuar kujtesës, mirënjohjes dhe vlerësimit të kontributit të kirurgëve të Spitalit Rajonal Shkodër.

25/06/2026

Mirëmëngjes ☀️, nga Spitali Rajonal Shkodër ku është instaluar Skaneri i ri 64-slice CT, i pajisur me teknologjinë e avancuar të Angio-Skanerit.

Ky skaner ofron imazhe me rezolucion të lartë, kohë më të shpejtë ekzaminimi dhe mundësi për diagnostikimin e avancuar të patologjive neurologjike, kardiovaskulare, pulmonare, abdominale dhe të rasteve urgjente. ⚕️ 🩻

Një investim që përforcon kapacitetet diagnostikuese të Spitalit Rajonal Shkodër🏥 dhe përmirëson aksesin e qytetarëve në shërbime moderne shëndetësore, pranë vendbanimit të tyre.

22/06/2026

Më 27 Qershor 2026, Spitali Rajonal Shkodër organizon konferencën "In Memoriam", kushtuar kirurgëve që kontribuan me dekada në shërbim të pacientëve dhe zhvillimit të Shërbimit të Kirurgjisë në qytetin tonë.
Një ditë reflektimi, mirënjohjeje dhe respekti për figurat që lanë gjurmë të pashlyeshme në historinë e mjekësisë shkodrane.
📍 Hotel Colosseo, Shkodër
🕦 Ora 11:30

Me respekt dhe mirënjohje për ata që i shërbyen me dinjitet dhe përkushtim pacientëve dhe komunitetit tonë.

30/05/2026

Një tjetër ndërhyrje e suksesshme e ekipit Shërbimit të Urgjencës në Vermosh.
Falë koordinimit efektiv mes ekipit të urgjencës territoriale të Spitalit Rajonal Shkodër dhe Qendrës Kombëtare të Urgjencës Mjekësore, u mundësua transporti në kohë i pacientes 75-vjeçare për vijimin e kujdesit të specializuar.
Mirënjohje për të gjithë profesionistët e përfshirë, të cilët me përkushtim dhe gatishmëri ofrojnë kujdes shëndetësor në çdo kohë dhe në çdo skaj të vendit.

30/03/2026

27/03/2026

Në ambientet e Spitalit Rajonal të Shkodrës u zhvillua takimi me Ambasadorin e Polonisë në Shqipëri, Z.Wojciech Unolt, në praninë e Drejtorit të Spitalit Rajonal Shkodër, Dr. Senad Hallunaj.

Ky takim shënoi nisjen e një bashkëpunimi ndërinstitucional mes dy vendeve në fushën e mjekësisë, me fokus Shërbimin e Pediatrisë, i cili synohet të pajiset me aparatura të teknologjisë bashkëkohore, të përmirësojë infrastrukturën dhe të përfitojë nga trajnime të specializuara për stafin mjekësor.

Kjo nismë vjen gjithashtu në nderim të mjekes polake Danuta Kościuszko-Jukni, e cila ka dhënë një kontribut të vyer pikërisht në këtë shërbim.

Qëllimi kryesor mbetet rritja e cilësisë së shërbimeve shëndetësore për qytetarët e rajonit të Shkodrës.