QKMF Skenderaj

10/06/2026

QKMF Skenderaj
✅ U realizua me sukses ushtrimi fushor “Vërshimet 2026 – Skenderaj”

Pas njoftimit të paradites së sotme, ju informojmë se ushtrimi fushor “Vërshimet 2026 – Skenderaj” u realizua me sukses, me pjesëmarrjen e Komunës së Skenderajt, Agjencisë për Menaxhimin e Emergjencave (AME), Bankës Botërore, Kryqit të Kuq të Kosovës, Policisë së Kosovës, Shërbimit të Zjarrfikësve, Emergjencës së QKMF Skenderaj dhe përfaqësuesve të institucioneve komunale.

Ushtrimi u përcoll nga afër edhe nga nenkryetari i Komunës së Skenderajt, z. Fadil Nura, Drejtori i Shëndetësisë, z. Hasan Hoti, Drejtori i QKMF-së, z. Ilir Havolli, si dhe drejtues e përfaqësues të tjerë institucionalë, duke dëshmuar përkushtimin e përbashkët për forcimin e gatishmërisë dhe koordinimit në situata emergjente.

Falënderojmë ekipin e Emergjencës së QKMF Skenderaj për profesionalizmin, përkushtimin dhe gatishmërinë e treguar gjatë realizimit të këtij ushtrimi, si dhe të gjithë pjesëmarrësit për bashkëpunimin dhe kontributin e dhënë në avancimin e kapaciteteve reaguese në shërbim të qytetarëve.

👏 Bashkë për një komunitet më të sigurt dhe më të përgatitur.

Me respekt
QKMF Skenderaj

10/06/2026

📢 Njoftim për qytetarët

QKMF Skenderaj njofton qytetarët se sot, duke filluar nga ora 11:00, në ambientet e ShFMU “Ahmet Delia” do të zhvillohet ushtrimi fushor simulues “Vërshimet 2026 – Skenderaj”, me pjesëmarrjen e institucioneve relevante të reagimit emergjent.

Gjatë ushtrimit mund të ketë lëvizje të shtuara të ekipeve emergjente dhe automjeteve përcjellëse. Lusim qytetarët të mos shqetësohen, pasi bëhet fjalë vetëm për një ushtrim simulues dhe jo për një situatë reale emergjente.

Faleminderit për mirëkuptimin dhe bashkëpunimin tuaj!
QKMF Skenderaj Qkmf Skenderaj

04/06/2026

📊 RAPORT PËRMBLEDHËS I VIZITAVE SISTEMATIKE NË SHKOLLAT E KOMUNËS SË SKENDERAJT -Mbi 1,400 nxënës të kontrolluar gjatë vizitave sistematike në shkollat e Komunës së Skenderajt.

Në kuadër të vizitave sistematike të realizuara nga ekipet e QKMF Skenderaj në 26 shkolla të Komunës së Skenderajt, duke përfshirë nxënësit e klasave të para, të gjashta dhe të nënta, janë kontrolluar gjithsej 1,413 nxënës.

Bazuar në ekzaminimet dhe vlerësimet e kryera, 408 nxënës janë referuar për konsultime dhe trajtim të mëtejshëm specialistik. Të dhënat e detajuara sipas profileve specialistike paraqiten në tabelën bashkëngjitur.

Rezultatet e këtyre vizitave dëshmojnë rëndësinë e kontrollave sistematike në identifikimin e hershëm të vështirësive shëndetësore dhe orientimin e fëmijëve drejt shërbimeve adekuate specialistike, duke kontribuar në ruajtjen dhe përmirësimin e shëndetit të tyre.

QKMF Skenderaj mbetet e përkushtuar në ofrimin e shërbimeve parandaluese dhe promovimin e shëndetit të fëmijëve dhe të rinjve, në bashkëpunim të ngushtë me institucionet arsimore dhe prindërit.

Falënderojmë të gjithë profesionistët shëndetësorë, drejtoritë e shkollave, stafin arsimor dhe prindërit për bashkëpunimin dhe kontributin e tyre në realizimin me sukses të këtij procesi të rëndësishëm.

🏥 QKMF Skenderaj – Përkushtim për shëndetin e fëmijëve tanë

03/06/2026

🎓 Urime për përfundimin e specializimit! 🎓
Stafi i mrekullueshem i administratës së QKMF Skenderaj shpreh urimet më të përzemërta Drejtorit të QKMF Skenderaj, Ilir Havolli, me rastin e përfundimit me sukses të specializimit.

Ky përfundim përfaqëson një arritje të rëndësishme profesionale, si rezultat i përkushtimit të vazhdueshëm, angazhimit dhe avancimit të njohurive në fushën përkatëse, me qëllim përmirësimin e vazhdueshëm të shërbimeve shëndetësore.

QKMF Skenderaj vlerëson lart zhvillimin profesional të stafit të saj dhe e konsideron këtë arritje një kontribut të çmuar në ngritjen e cilësisë së shërbimeve për qytetarët.

Jemi të lumtur që këtë moment të rëndësishëm ta ndajmë së bashku dhe i urojmë suksese të mëtejshme në rrugëtimin e tij profesional, menaxherial si dhe shëndet të mirë.

Urime nga zemra!
QKMF Skenderaj Qkmf Skenderaj

29/05/2026

Qkmf Skenderaj 𝚙ë𝚛𝚏𝚞𝚗𝚍𝚘𝚗 𝚖𝚎 𝚜𝚞𝚔𝚜𝚎𝚜 𝚟𝚒𝚣𝚒𝚝𝚊𝚝 𝚖𝚓𝚎𝚔ë𝚜𝚘𝚛𝚎 𝚗ë𝚙ë𝚛 𝚜𝚑𝚔𝚘𝚕𝚕𝚊
Me përkushtim, profesionalizëm dhe bashkëpunim të shkëlqyer, Qkmf Skenderaj ka përfunduar me sukses vizitat mjekësore nëpër shkollat e komunës, të cilat kanë filluar më 4 maj.

Përgjatë kësaj periudhe, ekipet tona shëndetësore kanë qenë pranë nxënësve, duke realizuar kontrolle mjekësore, këshillime dhe vlerësime të rëndësishme për mirëqenien dhe shëndetin e tyre.

Ky aktivitet dëshmoi edhe një herë përkushtimin e Qkmf Skenderaj ndaj kujdesit për shëndetin e fëmijëve dhe forcimit të bashkëpunimit me institucionet arsimore.

Falënderojmë stafin shëndetësor, drejtoritë e shkollave, mësimdhënësit dhe të gjithë ata që kontribuan në realizimin me sukses të kësaj nisme të rëndësishme.
Së bashku për një shëndet më të mirë të fëmijëve tanë!

Me respekt
QKMF Skenderaj Qkmf Skenderaj

28/05/2026

Përfaqësuesi i deleguar nga Qkmf Skenderaj, për çështje të cilësisë, z. Blerimm Fazliu mori pjesë në puntorinë dyditore për Sistemin e Menaxhimit të Cilësisë (SMC), të organizuar nga AQH.

Kjo puntori kishte për qëllim avancimin e njohurive dhe praktikave profesionale në menaxhimin e cilësisë, sigurinë e pacientit dhe përmirësimin e vazhdueshëm të shërbimeve shëndetësore.

Qkmf Skenderaj mbetet e përkushtuar në ngritjen profesionale të stafit dhe avancimin e standardeve të kujdesit shëndetësor.

Me respekt
QKMF Skenderaj Qkmf Skenderaj

28/05/2026

Sot në Qkmf Skenderaj u realizua me sukses ligjërata me grupin e katërt në kuadër të Edukimit të Vazhdueshëm Profesional, duke përmbyllur planifikimin e aktiviteteve për muajin maj.

Falënderojmë të gjithë profesionistët shëndetësorë për pjesëmarrjen aktive, angazhimin dhe përkushtimin e vazhdueshëm në avancimin profesional dhe përmirësimin e cilësisë së shërbimeve shëndetësore.

Qkmf Skenderaj do të vazhdojë edhe në të ardhmen me organizimin e aktiviteteve dhe ligjëratave profesionale në funksion të zhvillimit profesional dhe avancimit të kujdesit shëndetësor.

Me respekt
Qkmf Skenderaj

28/05/2026

QKMF Skenderaj
Në kuadër të koordinimit dhe avancimit të shërbimeve shëndetësore, nën drejtimin e drejtorit Ilir Havolli, në QKMF Skenderaj po mbahen rregullisht mbledhje dyjavore me përgjegjësit e njësive përkatëse.

Gjatë këtyre takimeve analizohen të arriturat e periudhës së fundit, diskutohen sfidat me të cilat përballen shërbimet, si dhe përcaktohen objektivat dhe prioritetet për periudhën në vazhdim.

Këto mbledhje shërbejnë si një mekanizëm i rëndësishëm për forcimin e bashkëpunimit, rritjen e efikasitetit dhe përmirësimin e vazhdueshëm të cilësisë së shërbimeve për qytetarët.

Me respekt
QKMF Skenderaj Qkmf Skenderaj

27/05/2026

QKMF Skenderaj -Urime Kurban Bajrami për të gjithë qytetarët!
Stafi kujdestar i QKMF Skenderaj në detyrë edhe gjatë festës së Kurban Bajramit.
Mirënjohje për përkushtimin dhe punën e palodhshme në shërbim të qytetarëve.
Urime festa e Kurban Bajramit!

Me respekt
QKMF Skenderaj Qkmf Skenderaj

27/05/2026