24/09/2026
Këto ditë jam konsultuar me dy kolege dhe mike. Duke folur me to dhe duke bërë bashkë një lloj analize, u ndala të mendoj për ju dhe ndjeva një mirënjohje të madhe.
Mirënjohje për angazhimin që tregoni, për durimin, përkushtimin, guximin për të qenë aty dhe për t’u vënë në lojë, por edhe për respektin që keni për mua dhe për punën time.
Dhe nuk janë vetëm fjalë. E shoh vazhdimisht.
E shoh kur kërkoj ndihmë për veten time ose për dikë tjetër në grup dhe ju jeni menjëherë të gatshëm. E shoh kur duhet të ndryshojmë një datë dhe ju përpiqeni të gjeni një zgjidhje. E shoh në mënyrën se si, me kalimin e viteve, keni mësuar të jeni aty edhe për njëri-tjetrin.
E shoh te “më falni për vonesën” që shkruani në grupe apo në seancat individuale, edhe pse e dini që shikimi im mund të jetë pak i rreptë 😅
E shoh në gatishmërinë tuaj për të qëndruar më gjatë kur është e nevojshme. E shoh në praninë dhe përkushtimin tuaj si përfaqësues, kur jepni gjithçka nga vetja për dikë që ka nevojë. E shoh edhe kur ju kërkoj të vini të më ndihmoni dhe ju jeni aty, gjithë ditën.
Jeni magjikë.
Sepse në këtë komunitet nuk bëjmë vetëm Konstelacione!
Këtu kanë lindur miqësi, dashuri, bashkëpunime. Janë rregulluar marrëdhënie familjare, disa njerëz janë rigjetur, të tjerë janë njohur pikërisht falë këtij hapësire.
Kemi krijuar një familje të madhe të shpirtit!
Prandaj sot doja thjesht t’i thosha secilit prej jush, nga thellësia e zemrës: faleminderit.
Dashuria dhe afeksioni juaj, si edhe gjithçka që kemi krijuar së bashku, për mua janë vërtet të paçmueshme ne sherbim te jetës, të dickaje me te madhe.
Migena
