Psikologu Online

10/10/2026

10/10/2026

26/09/2026

Nëse sot ndihesh si Niçe..
Ke nevojë të mësosh si të “vuash më mirë”. Dhe si të jetosh, i papërsosur.

👉 Terapi Online Shqip
🔗 http://psikologuonline.al

—

15/09/2026

SKRIPTI I MËNGJESIT - 60 SEKONDA

[0-15s | QETËSIMI]
(Merr 2 frymëmarrje të thella me sy mbyllur)

Jam i sigurt. Jam këtu. Jam zgjuar.
Sot nuk vrapoj. Sot e drejtoj ditën time.

[15-40s | PROGRAMIMI]

Gjithçka punon për mua.
Mundësitë më gjejnë mua.
Unë i gjej zgjidhjet. Edhe kur nuk i di, i mësoj.

[40-60s | VULOSJA]

Sot zgjedh besimin, jo frikën.
Sot zgjedh veprimin, jo dyshimin.
Gjithçka që më duhet, tashmë po vjen drejt meje.
Dhe unë jam gati.

(Hap sytë ngadalë)

—

Si ta përdorësh:

Mos e lexo nga telefoni ditët e para. Mësoje përmendësh. Telefoni ta prish thetën.
Thuaje 3 herë rresht për 7 ditë. Në ditën e 8-të truri do ta kërkojë vetë.
Mos shto asgjë negative pas tij. Dhe asnje “po shpresoj. Vetëm kjo.

psik. Jonarda Kërkuti
Psikologu Online 🌿

10/09/2026

Inflamacioni mund të qetësohet.
Dhe shpesh, ajo që e ndihmon është introspeksioni dhe vëmendja e përditshme.

Emocionet nuk janë diçka abstrakte: janë procese biologjike që ndikojnë në ekuilibrin e trupit. Dhe gjithçka që krijon siguri, lidhje, ngadalësi, prezencë... mjekësia thotë se është “anti-inflamator”. Pra, na bën mirë!

Kjo është ideja e librit tonë «Lejo që lumturia të ndodhë» nuk shërohesh duke luftuar trupin, por duke u lidhur me të. Është një rrugë e edukimit emocional...

Psikologu Online 🌿

03/09/2026

Ti: “a kam ankth?”
ChatGPT përgjigjet: “Po, tingëllon si ankth. Ja 5 shenja…”

Ti lexon. E gjen veten te të 5-a. Fillon të besosh që e ke.
Nesër, çdo rrahje zemre të duket si sulm paniku. Çdo lodhje si depresion.
Sepse truri yt gjeti një etiketë, dhe tani po e kërkon kudo.

Kjo është ajo që APA sapo paralajmëroi. 97% e psikologëve thonë se chatbot-et mund të forcojnë pa dashur besime që nuk janë të vërteta për veten.

Dhe nuk është vetëm kjo:

Të forcon idenë që ke për veten, edhe kur është e gabuar.
Kur i thua AI “jam e dështuar”, ai nuk të sfidon. Të thotë “të kuptoj pse ndihesh kështu”. Dhe ti largohesh duke menduar “edhe AI e konfirmoi që jam e dështuar”.

Psikologu Online
Terapi online shqip ~ kudo

02/09/2026

Ndonjëherë ndodh pak nga pak, saqë përshtatemi pa e kuptuar. Fillon një punë të re dhe, pa e vënë re, fillon të flasësh si njerëzit aty, të mendosh si ata, të sillesh si ata. Rri gjatë në një marrëdhënie dhe fillon të heqësh dorë nga gjëra që dikur ishin shumë të rëndësishme për ty, vetëm që gjithçka të funksionojë. Kalon shumë kohë me dikë dhe dalëngadalë merr edhe mënyrën e tij të të parë botën.

Dhe një ditë ndoshta ndalon e pyet veten: “Këto janë vërtet zgjedhjet e mia?”

Ryuk, te *Death Note*, e kap bukur këtë ide: mund ta humbasësh identitetin tënd pa e vënë re as vetë. Ndoshta prandaj ia vlen, herë pas here, të kthehemi te vetja dhe të shohim çfarë është ende e jona.

02/09/2026

—

Dy burra që nuk e gjetën kurrë dashurinë.
Dhe pikërisht për këtë, e kuptuan më mirë se të gjithë.

ARTHUR SCHOPENHAUER (1788-1860)
I rritur nga një nënë e ftohtë që e poshtëronte dhe një baba që vrau veten. Nuk u martua kurrë. Jetoi vetëm me qenin e tij, Atman. Për të, dashuria ishte një kurth biologjik. Natyra të mashtron me fluturën në stomak vetëm që ti të bësh një fëmijë, dhe pastaj të lë bosh.

Psikologjikisht? Schopenhauer është zëri i fëmijës që u zhgënjye herët. Kur dashuria në shtëpi mungon, dashuria në botë duket gënjeshtër. Është mbrojtje: më mirë të mos shpresoj fare, sesa të lëndohem përsëri.

FRIEDRICH NIETZSCHE (1844-1900)
U dashurua marrëzisht me Lou Salomé, e cila e refuzoi. U poshtërua nga miqtë e tij më të ngushtë. Vdiq i vetëm, i çmendur, duke përqafuar një kalë në rrugë. Për të, dashuria nuk ishte nevojë. Ishte forcë. Nuk dashuron sepse je bosh, por sepse je plot dhe do të derdhësh. Të dobëtit lypin dashuri, të fortët dhurojnë.

Psikologjikisht? Nietzsche është zëri i atij që u lëndua, por nuk u bë cinik. Ai e kuptoi se varësia nuk është dashuri. Është frikë nga vetmia e veshur si “të dua”.

KU TAKOHEN TË DY PËR TY?

Shumica nga ju nuk vuan se nuk ju do njeri. Vuani sepse po dashuroni si Schopenhauer-i i plagosur, kur në fakt dëshironi të dashuroni si Nietzsche.

Kërkoni dikë t’ju mbushë boshllëkun.
Kur duhet të kërkoni dikë me të cilin ta ndani plotësinë.

Pyetja e karuselit nuk është “a më do ai/ajo?”
Pyetja është: “Unë po dashuroj nga frika apo nga liria?”

E para të lodh. Të bën të kontrollosh telefonin, të kesh ankth, të bëhesh i vogël.
E dyta të zgjeron. Të bën të duash pa u zhdukur vetja.

Ti nga cila anë je sot? Shkruaje në komente pa filtra.

Psikologu Online
Ne nuk të mësojmë si të gjesh dikë.
Të mësojmë si të mos braktisësh veten derisa ta gjesh.

Ruaje këtë postim. Do të të duhet pas një bisede që të lë bosh.

psikologji vetmia marredhenie