Spitali Universitar i Traumës

07/08/2026

🏥🚑Shërbimi i Urgjencës i Spitalit Universitar të Traumës, nën organizimin e Titullarit të Institucionit dhe Kryeinfermierit të Përgjithshëm si dhe me moderimin e Shefit të Shërbimit dhe Kryeinfermierit të Shërbimit, përmbyll ciklin akademik të trajnimit të brendshëm të shërbimit për vitin 2025-2026.

🗒Edukimi në vazhdim i shërbimit për këtë vit akademik konsistoi në zhvillimin e 7 seancave për mjekët dhe 14 referimeve të tyre, nën moderimin e Shefit të Shërbimit, duke u fokusuar në procedurat operative standard të shërbimit si dhe në modalitetet e pritjes, trajtimit dhe përcjelljes së situatave traumatologjike themelore.

🥼Gjithashtu, nën moderimin e Kryeinfermierit të Shërbimit, u zhvilluan dhe 7 seanca për infermierët me 14 referimet e tyre duke u fokusuar në diagnozat infermierore dhe përkujdesjet infermierore për të sëmurët e traumatizuar dhe jo vetëm.

✅️Cikli i edukimit në vazhdim u akreditua me sukses nga Agjencia e Sigurimit të Cilësisë së Kujdesit Shëndetësor dhe Shoqëror, sipas rregullave të aplikimit dhe pjesëmarrjes.

📍Rishihemi në Tetor duke synuar krijimin e kushteve sa më të mira për formimin e vazhueshëm profesional të personelit, të drejtuar ndaj një kujdesi sa më të mirë për të sëmurët e Spitalit Universitar të Traumës!

06/08/2026

04/08/2026

03/08/2026

🏥 Në Spitalin Universitar të Traumës po vijon procesi i rikonstruksionit dhe modernizimit, me synimin për të krijuar kushte bashkëkohore për pacientët dhe stafin mjekësor.

Ambjentet spitalore janë drejt një transformimi të plotë, për përmirësimin e infrastrukturës dhe rritjen e cilësisë së shërbimeve që ofrohen çdo ditë.

Ky transformim synon ndërtimin e një qendre moderne të traumës, me infrastrukturë të përmirësuar dhe teknologji inovative. Paralelisht, po punohet edhe për shtrirjen e sistemit të kondicionimit si pjesë e investimeve që synojnë krijimin e kushteve sa më optimale për pacientët dhe personelin.

Standardet e reja janë tashmë realitet në godinën e rikonstruktuar, ku funksionojnë Konsultat e Specializuara Ambulatore dhe Shërbimi i Sëmundjeve të Brendshme. Paralelisht, investimet po vijojnë edhe në pjesën tjetër të strukturës së SUT.

Çdo investim i realizuar është një hap më pranë një sistemi shëndetësor më modern, më efikas dhe më të denjë për çdo qytetar.

22/07/2026

🫂Mirënjohja e çdo pacienti është një motivim i madh për të gjithë ekipin tonë!
🥼Një vlerësim i çmuar për stafin tonë mjekësor, i cili punon me përkushtim, profesionalizëm dhe humanizëm në shërbim të çdo pacienti, pa dallim kombësie.
👏🏼Faleminderit dhe shëndet të plotë!

09/07/2026

✅️RUBRIKA_Gjithçka duhet të dini...

30/06/2026

🥼*Në gatishmëri për çdo situatë*

❗️Pas ngjarjes së rëndë në autostradën Tiranë–Durrës, Spitali Universitar i Traumës aktivizoi menjëherë planin e gatishmërisë, duke mundësuar menaxhimin në kohë reale të të gjithë të lënduarve.

🫂Falë reagimit të menjëhershëm dhe koordinimit efikas të ekipeve multidisiplinare, u bë i mundur stabilizimi i parametrave jetësorë të 12 pacientëve të dëmtuar, të cilët morën kujdesin e nevojshëm mjekësor sipas prioriteteve klinike.

👥️Ekipi mjekësor dhe stafi mbështetës i Spitalit Universitar të Traumës vijojnë të jenë plotësisht të angazhuar dhe në gatishmëri të plotë për ofrimin e kujdesit të specializuar.

🏥Gjendja shëndetësore e pacientëve po monitorohet në mënyrë të vazhdueshme, në përputhje me protokollet klinike dhe institucionale, duke garantuar njëkohësisht respektimin e plotë të konfidencialitetit të tyre.