Qendra Kombëtare Urgjencës Mjekësore

13/10/2026

🎀 TETORI ROZË 2026 | MUAJI I NDËRGJEGJËSIMIT PËR KANCERIN E GJIRIT

💕 “Çdo histori është unike, çdo rrugëtim ka rëndësi.”

Tetori Rozë na kujton rëndësinë e kujdesit për shëndetin, zbulimit të hershëm dhe mbështetjes për çdo grua që përballet me kancerin e gjirit.

🌸 Njihni trupin tuaj dhe kushtojuni vëmendje ndryshimeve.

🌸 Kryeni kontrollet mjekësore dhe mamografinë sipas rekomandimeve të mjekut.

🌸 Mos neglizhoni shenjat e pazakonta dhe kërkoni këshillim mjekësor në kohë.

🌸 Mbështesni me dashuri dhe solidaritet çdo person që përballet me këtë sëmundje.

Zbulimi i hershëm rrit mundësitë për trajtim të suksesshëm.

🎗️ Le ta kthejmë ndërgjegjësimin në kujdes, mbështetje dhe veprim!

Qendra Kombëtare e Urgjencës Mjekësore

09/10/2026

09/10/2026

🚑 Trajnim PTACLS – Parimet dhe Teknikat e Mbështetjes së Avancuar të Jetës Kardiake tek të Rriturit

Në ambientet e Qendrës Kombëtare të Urgjencës Mjekësore (QKUM) u zhvillua kursi i trajnimit PTACLS (Principles and Techniques of Advanced Cardiac Life Support), i fokusuar në mbështetjen e avancuar të jetës kardiake tek të rriturit.

Trajnimi përfshiu leksione teorike dhe ushtrime praktike mbi njohjen dhe menaxhimin e urgjencave kardiovaskulare, me fokus të veçantë në arrestin kardiak, reanimimin kardiopulmonar dhe trajtimin e aritmive kërcënuese për jetën.

Ndërthurja e njohurive teorike me aftësitë praktike është çelësi i suksesit në situatat e urgjencës mjekësore. Qëllimi kryesor i këtij trajnimi është forcimi i aftësive profesionale të personelit shëndetësor për të mundësuar ndërhyrje të shpejta dhe efektive, duke kontribuar në shpëtimin e jetëve dhe reduktimin e pasojave afatgjata shëndetësore.

👩‍⚕️👨‍⚕️ Në trajnim morën pjesë profesionistë shëndetësorë nga:

📍 Spitali Bashkiak Pogradec
📍 Spitali Bashkiak Kolonjë
📍 Spitali Rajonal Korçë
📍 Spitali Rajonal Gjirokastër
📍 DSSH Devoll
📍 Spitali Universitar i Traumës (SUT)
📍 Qendra Kombëtare e Urgjencës Mjekësore (QKUM)
📍 Qendra Shëndetësore Orikum
📍 Agjencia e Shërbimit të Sporteve
📍 Spitali Gjerman
📍 Spitali Amerikan

QKUM vijon angazhimin për edukimin dhe trajnimin e vazhdueshëm të profesionistëve shëndetësorë, me synim rritjen e cilësisë së shërbimit të urgjencës mjekësore dhe përmirësimin e kujdesit ndaj pacientëve.

09/10/2026

09/10/2026

👉 09.10.2026 - Trajnim - PTACLS ( Principles and Techniques of Advanced Cardiac Life Support)

👉 Leksion: Prezantimi me kursin, objektivat.

👉 Referon: Dr. Skënder Brataj

08/10/2026

📍 08.10.2026 | Trajnim mbi Interpretimin e EKG-së

Gjatë ditës së sotme, në ambientet e Qendrës Kombëtare të Urgjencës Mjekësore (QKUM), u zhvillua trajnimi “Interpretimi i EKG-së në Urgjencën Mjekësore”.

Trajnimi përfshiu leksione teorike dhe sesione praktike, të fokusuara në realizimin dhe interpretimin e elektrokardiogramës (EKG), si një nga mjetet kryesore diagnostikuese në urgjencën mjekësore.

Vëmendje e veçantë iu kushtua njohjes së shenjave klinike, treguesve laboratorikë dhe ndryshimeve elektrokardiografike, të cilat ndihmojnë personelin mjekësor në identifikimin e hershëm dhe trajtimin e duhur të urgjencave kardiake.

Gjithashtu, pjesëmarrësit u njohën me parimet dhe aplikimin e terapisë elektrike në menaxhimin e çrregullimeve të ritmit të zemrës, përfshirë takiaritmitë dhe bradiaritmitë.

👩‍⚕️👨‍⚕️ Në trajnim morën pjesë përfaqësues nga:

* S.B. Pogradec
* S.B. Kolonjë
* S.R. Korçë
* S.R. Gjirokastër
* DSSH Devoll
* SUT
* QKUM
* Q.Sh. Orikum
* Agjencia e Shërbimit të Sporteve
* S. Gjerman
* S. Amerikan

Integrimi i njohurive teorike me aftësitë praktike është çelësi i një shërbimi mjekësor cilësor dhe efikas.

QKUM mbetet e angazhuar në zhvillimin e vazhdueshëm profesional të personelit mjekësor, me qëllim rritjen e cilësisë së kujdesit në urgjencë, shpëtimin e jetëve dhe reduktimin e pasojave afatgjata shëndetësore.

08/10/2026

👉 08.10.2026 - Trajnim - Interpretimi i EKG

👉 Leksion: Të njohim dhe të interpretojmë llojet e aritmive nga regjistrimi i elektrokardiogramës.

👉 Referon: Dr. Skënder Brataj