Fondi i Sigurimit të Detyrueshëm të Kujdesit Shëndetësor

05/08/2026

📍🩺Përmes zgjerimit dhe forcimit të skemave mbështetëse, vijojmë të garantojmë akses më të lehtë në trajtim dhe kujdes shëndetësor për qytetarët në të gjithë vendin.

🗓️ Gjatë periudhës janar–qershor 2026:

🔹 598 pacientë përfituan paketën e stomës.
🔹 54,439 pacientë përfituan fishat e diabetit.
🔹 342,136 pacientë përfituan recetën me rimbursim.

30/07/2026

💬 Ministrja e Shëndetësisë dhe Mirëqenies Sociale, prof. Evis Sala: Për herë të parë, Shqipëria do të ketë Institutin Kombëtar të Tumoreve, të organizuar sipas modeleve më të mira evropiane, kërkim shkencor në fushën e onkologjisë dhe akses në barna inovative.🩺💊

28/07/2026

21/07/2026

13/05/2026

💬Ministrja e Shëndetësisë dhe Mirëqenies Sociale, prof.Evis Sala gjatë Konferencës Kombëtare të Profesionistëve të Shëndetësisë, vlerësoi rolin dhe kontributin e të gjithë profesionistëve të kujdesit shëndetësor, për punën dhe përkushtim ndaj pacientëve.

30/12/2025

Deklaratë për median

Fondi i Sigurimit të Detyrueshëm të Kujdesit Shëndetësor (FSDKSH) informon opinion publik dhe median se, bazuar në kuadrin ligjor dhe nënligjor në fuqi, i cili rregullon administrimin e skemës së Sigurimit të Detyrueshëm të Kujdesit Shëndetësor, kryesisht Ligjin Nr. 10383, datë 24.02.2011 "Për Sigurimin e Detyrueshëm të Kujdesit Shëndetësor në Republikën e Shqipërisë", i ndryshuar, Ligjin Nr.145/2015, datë 17.12.2015 "Për disa shtesa dhe ndryshime në Ligjin Nr. 10383, datë 24.02.2011"Për Sigurimin e Detyrueshëm të Kujdesit Shëndetësor në Republikën e Shqipërisë", i ndryshuar, ka nisur kontrollin administrativ mbi gjurmueshmërinë e barnave të rimbursueshme.
Ky kontroll synon mbrojtjen e interesit publik, garantimin e ligjshmërisë dhe përdorimin korrekt të fondeve publike. Proceset e verifikimit janë iniciuar, ndër të tjera, edhe nëpërmjet kërkesave zyrtare të disa prej subjekteve farmaceutike dhe zhvillohen në bazë të kuadrit ligjor në fuqi dhe të dhënave nga sistemet zyrtare.
Dje, më datë 29.12.2025, me kërkesë të Urdhrit të Farmacistëve, FSDKSH priti në një takim përfaqësues të urdhrit dhe rreth 50 subjekte farmaceutike, me qëllim sqarimin e çështjeve të ngritura. Gjatë diskutimeve u theksua se nuk është marrë ende asnjë vendim përfundimtar, nuk ka ndëshkime kolektive dhe procedurat e kontrollit po zhvillohen në përputhje me ligjin.
Aktualisht, Fondi vijon punën për analizimin e informacionit dhe shqyrtimin e observacioneve të paraqitura nga subjektet farmaceutike, brenda afateve ligjore. Në përfundim të procesit do të bëhet publik Raporti Përfundimtar i Kontrollit.
FSDKSH mbetet i përkushtuar për transparencë, dialog dhe bashkëpunim me të gjitha palët, duke garantuar zbatimin korrekt të ligjit dhe funksionimin e qëndrueshëm të skemës së sigurimit shëndetësor.

28/12/2025

REAGIM PUBLIK

Fondi i Sigurimit të Detyrueshëm të Kujdesit Shëndetësor (FSDKSH) sqaron se veprimet e ndërmarra në kuadër të kontrolleve administrative kanë si qëllim të vetëm mbrojtjen e interesit publik, garantimin e ligjshmërisë dhe përdorimin korrekt të fondeve publike.

Proceset e verifikimit janë iniciuar mbi bazën e të dhënave të disponuara në sistemet zyrtare dhe janë pjesë e detyrimeve ligjore të Fondit për kontrollin e shërbimeve të kontraktuara.

Fondi mbetet i hapur për dialog institucional, me synim garantimin e vazhdimësisë së shërbimit farmaceutik, mbrojtjen e pacientëve dhe ruajtjen e integritetit profesional të farmacistëve, në respekt të plotë të ligjit.

07/11/2025