07/07/2026
📍Հունիսի 20-ին տեղի ունեցավ Պտղաբերության պահպանման հայկական ասոցիացիայի առաջին համաժողովը, որը դարձավ կարևոր քայլ մեր երկրում պտղաբերության պահպանման ոլորտի զարգացման ճանապարհին։
Համաժողովը կազմակերպվել էր Պտղաբերության պահպանման հայկական ասոցիացիայի հիմնադիր-նախագահ Մարգարիտ Գրիգորյանի և համահիմնադիր, Երևանի գլխավոր մանկաբարձ-գինեկոլոգ Ռուսուդան Վարդանյանի նախաձեռնությամբ։
Համաժողովին մասնակցած Հայաստանի տարբեր մասնագիտությունների բժիշկները բարձր գնահատեցին թեմայի արդիականությունն ու ընդգծեցին նման նախաձեռնությունների կարևորությունը մեր առողջապահական համակարգի համար։
Մեզ մեծ պատիվ էր հյուրընկալել արտերկրից ժամանած գործընկերներին, ովքեր կիսվեցին իրենց հարուստ գիտելիքներով, փորձով և միջազգային լավագույն պրակտիկայով։
Համաժողովի պատվավոր հյուրն էր պտղաբերության պահպանման ոլորտի աշխարհահռչակ մասնագետ, «Պտղաբերության պահպանություն» գրքի հեղինակ պրոֆեսոր Մայքլ ֆոն Վոլֆը (Շվեյցարիա)։ Նա հանդես եկավ արժեքավոր դասախոսություններով, ինչպես նաև մասնակցեց հայ և միջազգային ռեպրոդուկտոլոգների, օնկոլոգների և այլ մասնագետների մասնակցությամբ կազմակերպված կլոր սեղանին, որի ընթացքում քննարկվեցին Հայաստանում պտղաբերության պահպանման ոլորտի զարգացման, համագործակցության և հետագա քայլերի ուղղությունները։
Համաժողովին ներկա էին նաև միջազգային ճանաչում ունեցող այլ մասնագետներ, որոնց մասնակցությունը նպաստեց գիտելիքների և փորձի փոխանակմանը, ինչպես նաև նոր համագործակցությունների ձևավորմանը։
Սրտանց շնորհակալություն ենք հայտնում բոլոր մասնակիցներին, բանախոսներին, գործընկերներին և աջակիցներին այս կարևոր օրը մեզ հետ կիսելու համար։
Կհանդիպենք հաջորդ տարի՝ նոր գաղափարներով, նոր ծրագրերով և նոր հաջողություններով։ 🤗