29/08/2026
5 ախտանշան, որոնք հուշում են՝ գինեկոլոգի այցը հետաձգել պետք չէ 👩🏻⚕️
1️⃣ Դաշտանային ցիկլի խանգարումներ
Ցիկլի հաճախակի ուշացումները, անկանոնությունը կամ կտրուկ փոփոխությունները կարող են կապված լինել հորմոնալ խանգարումների, պոլիկիստոզ ձվարանների համախտանիշի և այլ պատճառների հետ։
2️⃣ Անսովոր արտադրություն կամ տհաճ հոտ
Արտադրության գույնի, քանակի կամ հոտի փոփոխությունը կարող է վկայել վարակների, միկրոֆլորայի խանգարման կամ բորբոքային գործընթացի մասին։
3️⃣ Ցավ որովայնի ստորին հատվածում կամ կոնքի շրջանում
Կրկնվող կամ երկարատև ցավը երբեմն կապված է էնդոմետրիոզի, ձվարանների կիստաների կամ այլ գինեկոլոգիական խնդիրների հետ։
4️⃣ Արյունահոսություն դաշտանից դուրս կամ սեռական հարաբերությունից հետո
Նման արյունահոսությունը նորմալ երևույթ չի համարվում և պահանջում է մասնագետի գնահատում։
5️⃣ Քոր, այրոց կամ հեշտոցային չորություն
Այս ախտանշանները կարող են առաջանալ վարակների, միկրոֆլորայի փոփոխությունների, հորմոնալ գործոնների կամ այլ պատճառների հետևանքով։
❗ Կարևոր է․ այս ախտանշանները միշտ չէ, որ վկայում են լուրջ հիվանդության մասին, սակայն դրանց կրկնվելու կամ պահպանվելու դեպքում ինքնաբուժմամբ զբաղվելու փոխարեն ճիշտ է դիմել գինեկոլոգի։
