Փորձառու և ճանաչված մասնագետին արդեն շատերն են հասցրել ճանաչել:
Մարինա Մկրտչյանի շնորհիվ բազմաթիվ անպտուղ ընտանիքներում լսվել է երեխայի ճիչը: Նրա նվիրված, պրոֆեսիոնալ և գրագետ բուժումը անպտղությամբ տառապող շատ կանանց է օգնել արտամարմնային բեմնավորմամբ զգալու մայրանալու բերկրանքը:
Գերազանցության դիպլոմով ավարտել է Երևանի Մ. Հերացու անվան պետական բժշկական համալսարանը՝ ընդհանուր բժշկություն, ապա
կլինիկական օրդինատուրան՝ մանկաբարձ-գինեկոլոգ մասնագիտություններով: Այնուհետև հաջողությամբ պաշտպանել է թեկնածուական ատենախոսություն՝ «Վերարտադրողական ֆունկցիան գեր կանանց մոտ» թեմայով:
Իր գործին նվիրված մասնագետն այսքանով չի սահմանափակվել, անընդհատ կատարելագործվել է՝ խորացնելով մասնագիտական գիտելիքները: Մանկաբարձության և գինեկոլոգիայի արդի հիմնախնդիրներին, անպտուղ ամուսնություն և վերարտադրողական օժանդակ տեխնոլոգիաներին, հղիության ընթացքում հայտնաբերված գենետիկական հիվանդություններին նվիրված գիտաժողովների, վերապատրաստումների և սեմինար պարապմունքների է մասնակցել Ավստրիայի Զալցբուրգ և Վիեննա քաղաքներում, Մոսկվայում, Բարսելոնում:
Քաջածանոթ լինելով կնոջ վերարտադրողական խնդիրների լուծման գործում գրանցված միջազգային հաջողություններին ու փորձին, Մարինա Մկրտչյանն այն սիրով կիրառում է իր աշխատանքում՝ բազմաթիվ հայուհիների պարգևելով մայրություն:
