06/10/2026
👩⚕️ Գինեկոլոգ թե ռեպրոդուկտոլոգ․ ո՞ւմ դիմել
🩺 Ե՞րբ դիմել գինեկոլոգի
Գինեկոլոգը զբաղվում է կնոջ սեռական համակարգի առողջությամբ՝ կանխարգելմամբ, հիվանդությունների ախտորոշմամբ և բուժմամբ։
Դիմե՛ք գինեկոլոգի, եթե՝
🔹 անհրաժեշտ է կանխարգելիչ զննում, նույնիսկ եթե գանգատներ չունեք,
🔹 ունեք դաշտանային ցիկլի խանգարումներ, ցավոտ կամ առատ դաշտան,
🔹 նկատում եք անսովոր արտադրություն, քոր, այրոց կամ տհաճ հոտ,
🔹 ունեք ցավեր որովայնի ստորին հատվածում կամ սեռական հարաբերության ընթացքում,
🔹 ցանկանում եք ընտրել հակաբեղմնավորման միջոց կամ նախապատրաստվել հղիությանը,
🔹 ունեք դաշտանադադարի հետ կապված գանգատներ։
🌱 Ե՞րբ դիմել ռեպրոդուկտոլոգի
Ռեպրոդուկտոլոգը մասնագիտացած է պտղաբերության խնդիրների գնահատման և բուժման մեջ՝ օգնելով պարզել, թե ինչու հղիություն չի ստացվում և ինչ քայլեր են անհրաժեշտ։
Դիմե՛ք ռեպրոդուկտոլոգի, եթե կանոնավոր, առանց հակաբեղմնավորման սեռական հարաբերությունների պայմաններում հղիություն չի գրանցվում՝
🔹 մինչև 35 տարեկանը՝ 12 ամսվա ընթացքում,
🔹 35 տարեկանից՝ 6 ամսվա ընթացքում։
⏳ 40 տարեկանից հետո խորհրդատվությունը ցանկալի է չհետաձգել։
⚠️ Ավելի վաղ դիմե՛ք, եթե պլանավորում եք հղիություն և ունեք անկանոն կամ բացակայող դաշտան, հայտնի էնդոմետրիոզ, արգանդափողերի խնդիրներ կամ զուգընկերոջ սերմնահեղուկի հետազոտությամբ հայտնաբերված շեղումներ։
💗 Ռեպրոդուկտոլոգի խորհրդատվությունը կարևոր է նաև հղիության կրկնվող կորուստների դեպքում կամ ձվաբջիջների սառեցմամբ պտղաբերությունը պահպանելու ցանկության դեպքում։
