«Մարի Նուբար» Ակնաբուժական կլինիկա

08/08/2026

👁️ Շնորհավոր Ակնաբույժների օրը 👁️

Այսօր մենք շնորհավորում ենք բոլոր նրանց, ում ամենօրյա աշխատանքը մարդկանց հնարավորություն է տալիս տեսնել աշխարհը ավելի պարզ, վառ ու լիարժեք։

Ակնաբույժ լինելը միայն տեսողություն ստուգելը կամ հիվանդություն բուժելը չէ։
Սա գիտելիքի, ճշգրտության, պատասխանատվության և ամենակարևորը՝ մարդու կյանքի որակի հանդեպ հոգատարության համադրություն է։

Շնորհակալ ենք մեր բոլոր գործընկերներին՝ իրենց նվիրումի, համբերության և մասնագիտական աշխատանքի համար։
Թող մեր յուրաքանչյուր ախտորոշում լինի ժամանակին, յուրաքանչյուր բուժում՝ արդյունավետ, իսկ յուրաքանչյուր հիվանդի ժպիտ՝ մեր աշխատանքի ամենամեծ գնահատականը։ 🤍

Շնորհավոր Ակնաբույժների օրը։

22/05/2026

12/05/2026

💙 Մայիսի 12-ը՝ Բուժքույրերի միջազգային օրն է։

Այս օրը ևս մեկ առիթ է շնորհակալություն հայտնելու մեր բուժքույրերին՝ իրենց նվիրված աշխատանքի, հոգատարության, համբերատարության և մարդկային ջերմ վերաբերմունքի համար։

Հենց բուժքույրերն են հաճախ առաջինը, ովքեր հանդիպում են պացիենտին, աջակցում նրան ամենաբարդ պահերին և իրենց բարեհամբույր վերաբերմունքով ուժ ու վստահություն ներշնչում։

Սիրով շնորհավորում ենք բոլոր բուժքույրերին մասնագիտական տոնի առթիվ և մաղթում առողջություն, անսպառ եռանդ, մասնագիտական հաջողություններ և գնահատված աշխատանք։

🌷 Ձեր կատարած գործը անգնահատելի է։

05/04/2026

Քրիստոս հարյավ ի մեռելոց,
Օրհնյալ է հարությունը Քրիստոսի:
Շնորհավոր Սուրբ Զատիկ 🐣⛪️

25/03/2026

👩‍⚕️🧑‍⚕️Ակնաբուժական կլինիկան համընդհանուր ապահովագրության շրջանակում առաջարկում է հետևյալ ծառայությունները

👁️Ստացիոնար ծառայություն

🔹Կատարակտի վիրահատական բուժում
🔹Գլաուկոմայի վիրահատական բուժում
🔹Պտոզի վիրահատական շտկում
🔹Գոյացությունների (տեսողական օրգանի և հավելյալ ապարատի) վիրահատական հեռացում
🔹Կոպերի պլաստիկ վիրահատություն
🔹Շլության ուղղում՝ վիրահատական եղանակով
🔹Քիթ- արցունքային ծորանի զոնդավորում
🔹Վիտրեոռետինալ (ակնահատակի) վիրահատություններ և այլն:

👀Ամբուլատոր ծառայություն

🔹Իրականացվում է մանկական և մեծահասակների խորհրդատվություն, որը ներառում է թե՛ ռուտին, թե դժվարամատչելի հետազոտություններ:

🔹Անցկացվում են ռեֆրակցիոն խանգարումների, ակոմոդացիայի սպազմի, շլության, ամբլիօպիայի և տեսողական այլ խանգարումների պլեօպտոօրթօպտիկ, ֆիզիոթերապևտիկ ապարատային բուժումներ:

🏥Նշենք, որ Ձեր նախընտրած կամ բուժող բժշկի մոտ խորհրդատվություն ստանալիս առողջության ապահովագրության դեպքում գործում է համավճար:

https://heratsi.am/eye-clinic-apahovagr-carayut/

«Մարի Նուբար» Ակնաբուժական կլինիկա

08/03/2026

Աշխարհը գեղեցիկ է, երբ այն տեսնում են առողջ աչքերով։ 👁️
Իսկ այդ առողջ տեսողության հետևում հաճախ կանգնած են ուժեղ ու նվիրված կանայք։
Շնորհավորում ենք մեր թիմի բոլոր կանանց և աղջիկներին Մարտի 8-ի կապակցությամբ։ 💐

04/03/2026

Սիրելի՛ Պրոֆեսոր Գաբրիելյան,

Կլինիկայի ողջ անձնակազմը սիրով շնորհավորում է Ձեզ ծննդյան օրվա առթիվ։

Դուք մեզ համար ոչ միայն ղեկավար և ուսուցիչ եք, այլ նաև օրինակ՝ մարդկայնության, բարձր պրոֆեսիոնալիզմի և անսահման պատասխանատվության։ Ձեր ներկայությունը մեր թիմում վստահություն է ներշնչում թե՛ բժիշկներին, թե՛ բուժքույրերին, թե՛ յուրաքանչյուր պացիենտի։

Մաղթում ենք Ձեզ անսպառ եռանդ, ամուր առողջություն և երկար տարիներ ակտիվ գործունեություն՝ ի շահ մեր պացիենտների և ամբողջ ոլորտի զարգացման։
Aharon Gabrielyan

04/03/2026

👁️ Տեսողության պահպանման և աչքի առողջության կարևորության մասին համալսարանական մասնագետները պարբերաբար բարձրաձայնում են՝ հանդես գալով հանրային իրազեկման նախաձեռնություններով և մասնագիտական գիտահեն մեկնաբանություններով։
Համալսարանական ակնաբուժական ծառայությունը վերջին տարիներին զարգացման նոր փուլ է մտել. այս գործում Ակնաբուժության կլինիկայի ղեկավար, ԵՊԲՀ ակնաբուժության կուրսի և Մանկական ակնաբուժության ամբիոնի վարիչ Ահարոն Գաբրիելյանն ու իր ղեկավարած թիմը կարևոր ներդրում ունեն:

📊Ընդլայնվել է ծառայությունների շրջանակը, կիրառվում են ժամանակակից մոտեցումներ, աճել է պացիենտների վստահությունն ու դիմելիությունը։

👀Այսօր ծննդյան տարեդարձը նշող Ահարոն Գաբրիելյանը շուրջ հինգ տասնյակ գիտական աշխատությունների և երկու հեղինակային հայտի հեղինակ է։
Տարիների ընթացքում աշխատել է Հայաստանի տարբեր բժշկական հաստատություններում՝ կուտակելով հարուստ մասնագիտական փորձ։ Վերապատրաստումներ է անցել առաջատար ակնաբուժական կենտրոններում՝ մշտապես կարևորելով գիտելիքի շարունակական թարմացումն ու թիմային կարողությունների զարգացումը։

📍Սրտանց շնորհավորում ենք պարոն Գաբրիելյանին ծննդյան օրվա առթիվ՝ մաղթելով առողջություն, անսպառ եռանդ և նոր մասնագիտական նվաճումներ՝ ի նպաստ ակնաբուժության զարգացման և պացիենտների տեսողության պահպանման։

«Մարի Նուբար» Ակնաբուժական կլինիկա

17/01/2026