Dr.Margarit Tadevosyan

04/11/2026

Վերջին ժամերն են... Շուտով վերադառնալու եմ հարազատ ու սիրելի վայրերը, ընտանիքիս, հարազատներիս մոտ։
Կանգնած նայում եմ այս հսկային, որ դարեր ի վեր այստեղ է... Որքա՜ն ինձ նման մարդ է տեսել ու ճանապարհ դրել։ Եթե լեզու ունենար, ինչքա՜ն հետաքրքիր, ուրախ և տխուր պատմություններ կպատմեր ինձ... Իմ պատմությունն էլ գրանցվեց։
Իսկ ես՞, ի՞նչ վերցրեցի իրենից՝ համբերություն... Չշտապել, բայց ետ էլ չմնալ, ձգտել, բայց ֆանատիզմի չհասցնել։ Ապրել, բայց չգոյատևել։
Ի վերջո, ամեն ինչ ունի սկիզբ ու վերջ։
Իմ պարագայում՝ վերջ այս գլխին.
շարունակելի...🥰

03/11/2026

01/11/2026

🇮🇹Հռոմում օթևանել էինք մի հյուրանոցում, որը շատ մոտ էր գտնվում հայտնի Տրևի շատրվանին: Մարդկանց հոսքը չէր դադարում նույնիսկ գիշերը, և նրա հմայքը նույնն էր թե՛ առավոտյան արևի ճառագայթների, թե՛ գիշերվա լուսնի շողերի ներքո։

⛲Մոտ 30 տարի էր անհրաժեշտ Նիկոլո Սալվիին այդ շատրվանը կերտելու համար:
Եվ ինչպես հայտնի գլուխգործոցներից շատերը, աշխարհահռչակ այս քանդակն էլ իր պատմությունն ուներ🎨
Ասում են՝ Սալվին հայտնի էր իր յուրօրինակ հումորի զգացումով, և այնտեղ, որտեղ այլոց կոնֆլիկտները այնքան էլ «լավ» վերջաբան չէին ունենում, նա հարցերը լուծում էր երգիծանքի միջոցով։
Այդպես եղավ նաև Տրևիի կառուցման ժամանակ։

Շատրվանի դիմաց մի փոքր վարսավիրանոց կար, որի տերը առիթ բաց չէր թողնում կծու և հեգնանքով լի խոսքեր նետել վարպետի ստեղծագործության հասցեին💈
Սալվին հանդուգն վարսավիրի տրամադրությունը «հիմնովին» փչացնելու համար մի հսկայական ծաղկաման քանդակեց։ Այն լիովին փակեց «հեգնողի» տեսադաշտը և զրկեց նրան հետագա անիմաստ մեջբերումներ կատարելու հնարավորությունից🤗

🤔Հետաքրքիր է, չէ՞, թե հայտնի այս մարդն ինչպիսի լուծում տվեց ստեղծած իրավիճակին։
Իսկ դուք ի՞նչ կանեիք… �

29/10/2026

Այն, որ Քյոլնը Գերմանիայի 4-րդ քաղաքն է իր մեծությամբ և որ հիմնահատակ քանդված լինելով II Համաշխարհային պատերազմից հետո՝ «ուժ» գտավ աշխարհին ներկայանալ իր նախկին գեղեցկությամբ, գիտեն շատերը: Նաև այն, որ այցելել Քյոլն ու չհիանալ ճարտարապետական գլուխգործոցներով, երեկոյան վայելելով հայտնի Քյոլնյան գարեջուրը, ևս անհերքելի փաստ է🍻
Բայց կա մի պատմություն, որը առանձնապես գրավեց իմ ուշադրությունը:
Խոսքը գնում է հայտնի Kölnischwasser կամ Eau de Cologne-ի մասին🌸
Շատ հուշեր կան անձամբ ինձ մոտ կապված այդ նրբահոտ օծանելիքի հետ: Բայց դրա մասին հետագայում կպատմեմ, եթե ցանկանաք: Եվս հետաքրքիր պատմություն է💐
Այդպիսով՝ հայտնի Kölnischwasser-ը ստեղծվեց 1709 թվականին Յոհան Մարիա Ֆարինայի կողմից: Օրիգինալ «Քյոլնի ջուրը» արագորեն հանրաճանաչություն ձեռք բերեց և մեծ հաջողություն էր վայելում տեղի ազնվականության շրջանում👑
Գործարարներից մեկը՝ ոմն Վիլհելմ Մյուլենսը, ով ոչ մի կապ չուներ օծանելիքի դինաստիայի հետ, իբր մարքեթինգը «բարելավելու» նպատակով գնեց Ֆարինայի ազգանունն օգտագործելու իրավունքը: Նա տարիներ շարունակ հաջողությամբ վաճառում էր իր «Քյոլնի ջուրը»՝ բարեհաջող օգտվելով ուրիշի անունից:
Տխուր և ուսանելի պատմություն: Սակայն այն ինձ հետաքրքրեց նաև մասնագիտական առումով: Հարց՝ ինչն է պատճառը, որ անձը, կարողանալով ստեղծել հուշակոթողներ, շատ հաճախ չի կարողանում իրացնել իր իսկ ստեղծածը: Ի՞նչն է խանգարում իրեն:
Հ.Գ. Այս պատմությունն ավարտվեց միայն 1881 թվականին, երբ դատարանն արգելեց Մյուլենսի ժառանգներին առևտրի նպատակներով օգտագործել «Ֆարինա» անվանումը: ⚖️
Իսկ դուք ի՞նչ կասեք�

20/10/2026

Շատ հաճախ մենք վերապրում ենք իրական էմոցիաներ անիրական դեպքերից։ Հասկանալով, որ դրանք նույնիսկ գոյություն չունեն` միևնույն է հավատում ենք դրանց։
Երբեմն կարող ենք նույնիսկ անհանգստություն զգալ, կապվել դրանց հետ, մեր վարքը պայմանավորել դրանցով։

Այս մտքին բերեց մի հիշողություն, որը կապված է Վերոնա կատարած այցիս հետ, որտեղ մարդիկ, տեսնելով Ջուլիետի դամբարանը, ցուցաբերում էին այնպիսի վերաբերմունք, որը հատուկ է իրական կորստին։
Պարադոքսն այն է, որ իմանալով այս պատմության հորինված լինելու մասին՝ միևնույն է մարդը վերապրում է թախիծ, տխրություն, ափսոսանք։

Շատ դեպքերում մեր կյանքում ևս ոչ իրական իրադարձություններին և մտքերին վերաբերվում ենք այնպես, կարծես դրանք արդեն տեղի են ունեցել, և դրանով պայմանավորված էլ դրսևորում մեր վարքն ու կենսակերպը։

Մենք չենք կարող վերահսկել բոլոր մտքերը, որոնք հայտնվում են մեր ներսում։ Բայց կարող ենք սովորել նկատել դրանք, տարբերել փաստը մեր մեկնաբանությունից և որոշել՝ արժե՞ արդյոք դրանց հիման վրա գործել։

27/09/2026

Խորը վշտով տեղեկացնում ենք, որ կյանքից անժամանակ հեռացել է «Magnus» կենտրոնի բուժքույր, մեր սիրելի գործընկեր և հարազատ մարդ՝ Գոհար Ասլանյանը։

Գոհարի անժամանակ կորուստը մեծ ցավ և ծանր վիշտ է բոլորիս համար։

Մեր խորին ցավակցություններն ենք հայտնում Գոհարի ընտանիքին, հարազատներին, մտերիմներին և բոլոր նրանց, ովքեր ճանաչել են նրան։

Հոգեհանգիստը տեղի կունենա 28.09.2026-ին` ժամը 17:00-ից 20:00-ն
Հասցե` Արցախի 63/3 հասցեում

20/09/2026

1. Արդյո՞ք կունենամ կախվածություն կամ վիճակի վատթարացում:
2.Արդյո՞ք ես խելագար եմ, եթե դիմեմ հոգեբույժի:
3.Իսկ եթե բոլորն իմանան իմ խնդրի մասին 🤔

Այսօր ներկայացնում ենք այցելուների կողմից բարձայնած մի քանի մտահոգություններ, որոնք հաճախ ենք լսում💜
_____________________________________
📲077284415 | 091284414
📩 [email protected]
📍Հասցե՝ ք.Երևան, Բայրոնի 6 փողոց

#հոգեբույժ #հոգեբուժություն #դեպրեսիա #տագնապայինխանգարումներ #հոգեկանառողջություն

11/09/2026

Չնայած որ բազմիցս խոսվել է գաղտնապահության սկզբունքի մասին, այնուամենայնիվ թեման դեռ արդիական է🤗

_____________________________________
📲077284415 | 091284414
📩 [email protected]
📍Հասցե՝ ք.Երևան, Բայրոնի 6 փողոց

#հոգեբույժ #դեպրեսիա #տագնապայինխանգարումներ #հոգեկանառողջություն