Dr. Lusine Stepanyan

26/08/2026

Երբ հրաժարվում են սեռական կյանքից

Սեռական կյանքից հրաժարվելը միշտ չէ, որ խնդիր է։ Երբեմն դա գիտակցված ընտրություն է՝ պայմանավորված անձնական արժեքներով, կյանքի փուլով կամ պարզապես տվյալ պահին սեռական հարաբերություն ունենալու ցանկության բացակայությամբ։

Սակայն երբ մարդը խուսափում է սեռական կյանքից ոչ թե իր ցանկությամբ, այլ՝

-ցավի կամ անհարմարության,
-վագինիզմի,
-էրեկցիայի, սերմնաժայթքման կամ օրգազմի դժվարությունների,
-սեռական ցանկության նվազման,
-անցանկալի հղիության կամ սեռավարակների վախի,
-սեփական մարմնի նկատմամբ անվստահության,կոմպլեքսների
-նախկին բացասական փորձի,
-զուգընկերոջ հետ չլուծված խնդիրների պատճառով,

ապա նման խուսափողական վարքագիծը դառնում է խնդրից «պաշտպանվելու» միջոց։

Ժամանակի ընթացքում խուսափելը հաճախ ավելի է խորացնում խնդիրը ու պատնեշ ստեղծում զույգի միջև:

Սեռական կյանք ունենալը պարտադիր չէ։
Բայց եթե դրա բացակայությունը անհանգստացնում է Ձեզ, ազդում է ինքնագնահատականի, ինքնազգացողության, հոգեկան ներդաշնակության, հարաբերությունների կամ կյանքի որակի վրա, կարևոր է հասկանալ՝ ինչու՞ է մարմինն ու հոգեկան աշխարհը այդպես արձագանքում :

Սեռական կյանքում առկա
խնդիրները կարելի է կարգավորել ՝ ճիշտ ժամանակին անցնելով սեքսոլոգիական խորհրդատվություն :

Իսկ դուք իսկապե՞ս եք հրաժարվել սեռական կյանքից, թե պարզապես խուսափում եք այն խնդրից, որը հնարավոր է կարգավորել և վերականգնել ԿՅԱՆՔԻ ՈՐԱԿԸ։

23/08/2026

Կին՝ ընտանիքի համար, կին՝ սեքսի համար

Ինչո՞ւ որոշ տղամարդիկ չեն կարողանում միևնույն կնոջը և՛ սիրել, և՛ ցանկանալ

Տղամարդը կարող է սիրել, հարգել և ընտանիք կազմել կնոջ հետ, բայց ժամանակի ընթացքում նրա նկատմամբ կորցնել սեռական ցանկությունը։ Միևնույն ժամանակ նա կարող է ուժեղ ձգողականություն զգալ այն կանանց նկատմամբ, որոնց հետ լուրջ հարաբերություններ չի պատկերացնում։

Այս երևույթը կոչվում է «Մադոննայի» կոմպլեքս:

1️⃣Կանայք բաժանվում են երկու խմբի

Մի կողմից՝ «պարկեշտ», ընտանիքի և մայրության համար նախատեսված կանայք։
Մյուս կողմից՝ սեռականորեն ազատ և ցանկալի կանայք, որոնց հետ, սակայն, «չի կարելի» լուրջ հարաբերություններ կառուցել։

2️⃣Սիրելի կնոջ նկատմամբ ցանկությունը նվազում է

Որքան մեծանում են հուզական մտերմությունը, հարգանքը և կապվածությունը, այնքան սեքսուալ ցանկությունը կարող է թուլանալ։

3️⃣Ցանկությունը պահպանվում է հարաբերություններից դուրս

Տղամարդը կարող է ֆանտազիաներ ունենալ այլ կանանց նկատմամբ , հաճախ դիտել պոռնոգրաֆիա կամ փնտրել նոր սեռական զգացողություններ, բայց դժվարանալ նույն ազատությունը զգալ իր կնոջ հետ։

4️⃣Կնոջ սեքսուալ ազատությունը անհանգստացնում է նրան

Նա կարող է ցանկանալ ակտիվ և նախաձեռնող կին, բայց երբ սեփական զուգընկերուհին ազատ արտահայտում է իր ցանկությունները, արձագանքել վատ, քննադատելով կամ ամոթանք տալով, անվստահությամբ։

5️⃣Մայրությունը «անջատում է» կնոջ սեքսուալությունը

Երեխայի ծնունդից հետո տղամարդը կարող է կնոջը սկսել ընկալել հիմնականում որպես մայր՝ դժվարանալով նրա մեջ կրկին տեսնել սեքսուալ կնոջ։

6️⃣Քնքշությունն ու էրոտիկան չեն միավորվում

Սիրելի կնոջ հետ հարաբերություններում կարող են մնալ ջերմությունը, հոգատարությունն ու անվտանգությունը, բայց անհետանալ կիրքը, ֆլիրտը ու սեռական ազատությունը։

7️⃣Երկակի չափանիշներ են ձևավորվում

Այն, ինչ ընդունելի է սեռական զուգընկերուհու համար, անընդունելի է համարվում կնոջ կամ ապագա երեխաների մոր համար։

Ինչո՞ւ է սա առաջանում

Պատճառները կարող են կապված լինել խիստ, անտիսեքսուալ դաստիարակության, ամոթի, կանանց նկատմամբ հակասական պատկերացումների, մայրական կերպարի իդեալականացման կամ մտերմությունից առաջացող ներքին վախերի հետ։


Ի՞նչ անել

Բժիշկ-սեքսոլոգի հետ զույգային աշխատանքի միջոցով հնարավոր է հասկանալ այս բաժանման հիմքում ընկած համոզմունքները, վերանայել սեքսուալության նկատմամբ վերաբերմունքը և սովորել սիրելի կնոջը տեսնել ոչ միայն որպես զուգընկեր կամ մայր, այլև սեքսուալ և ցանկալի կին։

Կինը նույնպես կարող է նպաստել զույգի էրոտիկ կապի վերականգնմանը՝ սեփական սեքսուալությունը կրկին զգալու և արտահայտելու միջոցով։

Զույգի նպատակը ոչ թե կնոջը «ավելի սեքսուալ դարձնելն» է, այլ հարաբերություններում ստեղծել այնպիսի անվտանգ տարածք, որտեղ սերը, հարգանքը, քնքշությունն ու էրոտիկ ցանկությունը կարող են գոյություն ունենալ միասին։

Առողջ հարաբերություններում կնոջ հանդեպ սերն ու հարգանքը չեն հակասում սեռական ցանկությանը։ Դրանք կարող են գոյություն ունենալ միասին։

Խորհրդատվության համար💌

20/08/2026

Հակաբեղմնավորման ճիշտ մեթոդի կարևորությունը 💊

17/08/2026

Ի՞նչ կապ ունի առավոտյան և գիշերային էրեկցիան քնի որակի հետ։

Առավոտյան էրեկցիան միայն սեռական ցանկության կամ բարձր տեստոստերոնի ցուցանիշ չէ։

Իրականում գիշերային ինքնածին էրեկցիաները( սեռական գրգռվածության հետ կապ չունի) սերտորեն կապված են քնի փուլերի հետ:

Եթե տղամարդու մոտ նախկինում պարբերաբար եղել են առավոտյան էրեկցիաներ, իսկ վերջին շրջանում դրանք զգալիորեն նվազել կամ անհետացել են, ուշադրություն պետք է դարձնել ոչ միայն սեռական առողջությանը, այլ նաև քնի որակին։

Հատկապես կարևոր պատճառներից մեկը կարող է լինել քնի օբստրուկտիվ ապնոէն՝ վիճակ, որի ժամանակ քնած ժամանակ շնչառությունը պարբերաբար խանգարվում կամ դադարում է( շնչական կանգ):

Քնի խանգարումը և արյան թթվածնով հագեցման նվազումը կարող են ազդել անոթային և նյարդային մեխանիզմների վրա, որոնք անհրաժեշտ են նորմալ էրեկցիայի համար։

Գիտական հետազոտությունները ցույց են տալիս, որ քնի օբստրուկտիվ ապնոէն կապված է էրեկտիլ դիսֆունկցիայի ավելի բարձր հաճախականության հետ, իսկ ավելի ծանր ապնոէն կարող է ուղեկցվել էրեկտիլ ֆունկցիայի ավելի արտահայտված խանգարումներով։

Ավելին՝ որոշ հետազոտություններ ցույց են տալիս, որ քնի ապնոէի բուժումը CPAP-ով ապարատով որոշ տղամարդկանց մոտ կարող է բարելավել գիշերային էրեկցիաները և սեռական ֆունկցիայի որոշ ցուցանիշներ։

Այդ պատճառով, եթե առավոտյան էրեկցիաների կայուն նվազմանը միանում են նաև՝ բարձր խռմփոցը, քնած ժամանակ շնչառության դադարները, առավոտյան գլխացավը կամ արտահայտված ցերեկային քնկոտությունը, արժե գնահատել նաև քնի առողջությունը։

‼️Երբեմն սեռական ֆունկցիայի փոփոխությունը առաջին ազդանշանն է, որ պետք է փնտրել պատճառը մեկ այլ տեղ, ոչ թե
առանց բժիշկ-սեքսոլոգի դիմելու, առանց հետազոտվելու ինքնուրույն որոշել դեղորայք ընդունել և վերացնել հետևանքը, ոչ թե ՊԱՏՃԱՌԸ։

09/08/2026

07/08/2026

7 նշան, որ Ձեր լիբիդոն նվազել է

1️⃣ Սեքսի մասին գրեթե չեք մտածում։

Շաբաթներով կամ նույնիսկ ամիսներով սեռական մտքեր չեք ունենում, և դա Ձեզ չի անհանգստացնում.
«Ես առանց սեռական կյանքի էլ կարող եմ ապրել»,
«Ինձ բացարձակ չի հետաքրքրում սեռական կյանքը»:

2️⃣ Սեռական գործողություն առանց նախաձեռնման

Համաձայնվում եք կողակցի նախաձեռնման փորձերին, բայց ինքներդ գրեթե երբեք ցանկություն կամ նախաձեռնողականություն չեք ցուցաբերում։

3️⃣ Սեքսը դարձել է «պարտականություն», ոչ թե ցանկություն։

Դուք կարող եք ունենալ սեռական հարաբերություն, բայց ոչ այն պատճառով, որ իսկապես ցանկանում եք, այլ՝ զուգընկերոջը չնեղացնելու, հարաբերությունները պահպանելու համար:

4️⃣ Նույնիսկ մտերմության ընթացքում դժվար եք զգում կամ չեք զգում գրգռվածություն։

Ձեր մարմինն ավելի դանդաղ է արձագանքում( հեշտոցի դժվար խոնավացում կամ չորություն, էրեկցիայի թուլություն կամ դժվարացում), իսկ հաճույքը դարձել է ավելի թույլ, քան նախկինում։

5️⃣ Դադարել եք Ձեզ զգալ որպես ցանկալի կին կամ տղամարդ։

Սեքսուալությունը միայն սեռական հարաբերությունը չէ։ Դա նաև սեփական մարմնի հետ կապն է և ինքներդ Ձեզ գրավիչ զգալու կարողությունը։

6️⃣ Խուսափում եք ցանկացած մտերմության փորձից։

Ոչ միայն սեռական հարաբերությունից, այլ նաև համբույրներից, գրկախառնություններից և հպումներից:

7️⃣ Մտածում եք, որ սա նորմալ է, և ոչինչ հնարավոր չէ փոխել։

Իրականում լիբիդոյի նվազումը հաճախ բուժելի խնդիր է, եթե ժամանակին պարզվի դրա պատճառը։
Ամեն բան կախված է Ձեզնից.
կարևորում ե՞ք սեռական կյանքը,
ուզում ե՞ք ապրել որակյալ և լիարժեք սեռական կյանքով, թե ոչ:

Լիբիդոյի նվազման պատճառ կարող են լինել՝ հոգեսեքսուալ զարգացման հապաղումը,
• քրոնիկական սթրեսը,
• քնի պակասը,
• հորմոնային փոփոխությունները,
• որոշ դեղամիջոցներ,
• հարաբերություններում առկա խնդիրները,
• տագնապը կամ դեպրեսիան, էներգիայի պակասը,
• որոշ քրոնիկական հիվանդություններ։

Եթե փոփոխությունները պահպանվում են մի քանի ամիս, ազդում են Ձեր կյանքի որակի վրա կամ անհանգստացնում են Ձեզ,
դիմեք բժիշկ-սեքսոլոգի։
Շատ դեպքերում հնարավոր է գտնել պատճառը և արդյունավետ բուժել խնդիրը :

03/08/2026

Նորմա՞լ է...

23/07/2026

7 միֆ Տղամարդու սեքսուալության մասին

1. «Տղամարդու համար սեռական կյանքը միայն բնազդային գործողություն է»։

Տղամարդու սեքսուալությունը միայն բնազդ չէ. այն ձևավորվում և փոխվում է տարիքի, գիտակցության, կյանքի փորձի, հարաբերությունների, հուզական վիճակի ազդեցությամբ։

2. «Տղամարդիկ միշտ պատրաստ են սեքսի»։

Տղամարդկանց մոտ նույնպես լինում են սեռական ցանկության նվազման շրջաններ, և դա միշտ չէ, որ կապված է զուգընկերուհուց։

Լիբիդոն կարող է փոխվել սթրեսից, հոգնածությունից, հորմոնալ ֆոնից, հարաբերություններից և առողջական վիճակից։

3. «Էրեկցիան պետք է առաջանա ակնթարթորեն»։

Տղամարդուն նույնպես անհրաժեշտ է նախերգանք, գրգռվածություն, հարմարավետություն և հոգեբանական հանգիստ վիճակ։

4.«Եթե էրեկցիա չկա, ապա խնդիրը զուգընկերոջից է»։

Ոչ միշտ:
Հաճախ պատճառը սթրեսն է, անհանգստությունը, հարաբերություններում առկա խնդիրները, քնի պակասը կամ որոշ դեղամիջոցների ընդունումը։

5.«Սեռական անդամի չափը որոշում է սեռական հարաբերությունների որակը»։

Սեռական կյանքի որակը ավելի շատ կախված է հուզական մտերմությունից, հաղորդակցությունից և սեռական համատեղելիությունից։

6. Տղամարդկանց նախերգանք պետք չէ»։

Նախերգանքը կարևոր է նաև տղամարդկանց համար․ այն նպաստում է գրգռվածությանը, ուժեղացնում է հաճույքը և բարելավում սեռական կյանքի որակը։

7.«Եթե տղամարդը օրգազմ է ունեցել, նշանակում է սեքսից լիովին բավարարված է »։

Օրգազմը և սեռական բավարարվածությունը նույնը չեն։

16/07/2026

Օրգազմ մարզման ժամանակ

Ինտենսիվ ֆիզիկական մարզումների ժամանակ որոշ մարդիկ կարող են ապրել այսպես կոչված «ԿՕՐԳԱԶՄ» (Coregasm)՝ օրգազմ, որը տեղի է ունենում մարզման ընթացքում։ Ամենից հաճախ դա կարող է առաջանալ հետևյալ վարժությունների ժամանակ․
✔ոտքերի բարձրացումներ,
✔պլանկա,
✔որովայնի մկանների վարժություններ,
✔ձգումներ (pull-ups),
✔կքանիստներ և որոշ ուժային վարժություններ։

Ինչո՞ւ է դա տեղի ունենում
Մարզման ընթացքում ակտիվորեն աշխատում են կոնքի հատակի և որովայնի խորը մկանները։ Ուժեղանումէ փոքր կոնքի արյունամատակարարումը, ակտիվանում է նյարդային համակարգը, խթանվում սեռանյարդը, ինչպես նաև, մարզումների ժամանակ արտադրվող նեյրոհորմոնները, որոնք նպաստող գործոն են դառնում և որոշ մարդկանց մոտ առաջացնում օրգազմ՝ առանց սեռական գրգռման։

Սա հիվանդություն չէ և ոչ էլ «չափազանց բարձր սեքսուալության» նշան։Այլ վկայում է այն մասին, որ օրգազմի առաջացման հիմքում մեծ դեր և նշանակություն ունի կոնքի մկանային համակարգի աշխատանքը` ուժեղ կոնքի հատակը, և իհարկե ճիշտ ՇՆՉԱՌՈՒԹՅՈՒՆԸ։

Գիտական հետազոտությունները ցույց են տալիս, որ սա օրգանիզմի նորմալ ֆիզիոլոգիական ռեակցիա է, սակայն հանդիպում է հազվադեպ և ավելի հաճախ կանանց մոտ(10%)։