Dr. Ofeliya Alikhanyan

23/06/2026

Երբ սովորությունը դառնում է նյարդի սեղմման պատճառ…

Այսօր հետազոտում էի մի պացիենտի, ով տարիներ շարունակ սիրում էր նստել՝ ոտքերը ծալած և հենած բազկաթոռի կամ աթոռի եզրին։ Ժամանակի ընթացքում նա սկսեց նկատել ոտքի թուլություն, թմրածություն, ծակծկոցներ սրունքի արտաքին մակերեսում և ոտնաթաթի վրա։ Քայլելիս ոտքը կարծես չէր ենթարկվում, հաճախ սայթաքում էր։

Ուլտրաձայնային հետազոտության ընթացքում հայտնաբերվեց ընդհանուր նրբոլոքային (նրբոլոքային) նյարդի սեղմում՝ ծնկի արտաքին հատվածում, որտեղ նյարդը գտնվում է մակերեսային և խոցելի դիրքում։ Պատճառը՝ երկարատև և տարիներով կրկնվող ոչ ճիշտ նստելու սովորությունը։

⚠️ Եթե ունեք հետևյալ գանգատները՝

✔️ Թմրածություն սրունքի կամ ոտնաթաթի արտաքին հատվածում
✔️ Ծակծկոցներ կամ այրոցի զգացում
✔️ Ոտքի թուլություն
✔️ Քայլելիս ոտնաթաթի «կախվելու» զգացում
✔️ Հաճախակի սայթաքումներ

մի անտեսեք այդ ախտանիշները։ Շատ դեպքերում պատճառը կարող է լինել նյարդի սեղմումը, որը վաղ հայտնաբերման դեպքում հաջողությամբ բուժվում է։

Նյարդերի և փափուկ հյուսվածքների բարձրորակ ուլտրաձայնային հետազոտությունը հնարավորություն է տալիս տեսնել սեղմման ճշգրիտ տեղը, գնահատել նյարդի կառուցվածքային փոփոխությունները և ընտրել ճիշտ բուժման մարտավարություն։

Ձեր մարմինը հաճախ նախազգուշացնում է խնդրի մասին դեռևս այն փուլում, երբ հնարավոր է կանխել լուրջ բարդությունները։ Մի սպասեք, մինչև թմրածությունը կամ թուլությունը դառնան մշտական։

23/06/2026

🖐️ Կլինիկական դեպք

Հետազոտության էր եկել 50 տարեկան տղամարդ՝ շինարար։

Մի քանի ամիս շարունակ նրան անհանգստացրել էին ափի ցավը, մատների թմրությունը, ձեռքի ուժի թուլացումը։ Վերջին շրջանում արդեն դժվարացել էր նույնիսկ գործիք պահել և շարունակել աշխատանքը։

Ուլտրաձայնային հետազոտությամբ հայտնաբերվեց ափային զարկերակային աղեղի թրոմբոզ, որը համապատասխանում է հազվադեպ, բայց կարևոր ախտաբանության՝ ափային «մուրճի» համախտանիշի (Hypothenar Hammer Syndrome) պատկերին։

Տարիներ շարունակ կրկնվող հարվածները, ծանր ֆիզիկական աշխատանքը և ափի մշտական ծանրաբեռնվածությունը կարող են հանգեցնել անոթի վնասման և թրոմբոզի՝ առաջացնելով ցավ, թմրություն և ձեռքի ֆունկցիայի խանգարում։

Այս դեպքը հերթական անգամ հիշեցնում է, որ երբեմն ձեռքի ցավի պատճառը ոչ թե հոդն է կամ նյարդը, այլ՝ անոթը։ Իսկ ժամանակին կատարված ուլտրաձայնային հետազոտությունը կարող է որոշիչ լինել ճիշտ ախտորոշման համար։ #ՈւՁՀ #ԿլինիկականԴեպք #ԱնոթայինԱխտորոշում #ՁեռքիՑավ

18/06/2026

Surb Grigor Lusavorich Medical Center/Սուրբ Գրիգոր Լուսավորիչ ԲԿ
Այսօր հետազոտության էր եկել մի հիվանդ, ով երկար ժամանակ չէր կարողանում ամբողջությամբ ուղղել իր մատները։ Սկզբում դա ընդամենը փոքր անհարմարություն էր թվում՝ ափի մեջ կարծրացած թելիկ, թեթև ձգվածության զգացում։ Սակայն տարիների ընթացքում մատները սկսեցին աստիճանաբար ծալվել, դժվարացնելով առօրյա ամենապարզ գործողությունները՝ ձեռք սեղմելը, իրեր բռնելը, նույնիսկ գրպանից որևէ բան հանելը։

Հետազոտության արդյունքում հաստատվեց Դյուպյուտրենի հիվանդությունը՝ հիվանդություն, որի դեպքում ափի ֆասցիան աստիճանաբար հաստանում և կարճանում է՝ առաջացնելով մատների ծալված դիրք։

📌 Շատ մարդիկ տարիներով հետաձգում են բժշկին դիմելը՝ մտածելով, որ «դեռ կարելի է համբերել» կամ «վիրահատությունը ծանր է լինելու»։

Իրականում ժամանակակից բժշկությունը հնարավորություն է տալիս այս խնդիրը լուծել արագ, արդյունավետ և նվազագույն միջամտությամբ։ Շատ դեպքերում միջամտությունը կատարվում է տեղային անզգայացմամբ, առանց հոսպիտալացման, և հիվանդը նույն օրը վերադառնում է իր բնականոն կյանքին։

🔍 Ուլտրաձայնային հետազոտությունը կարևոր դեր ունի.
✔️ գնահատելու ախտահարված հյուսվածքների տարածվածությունը,
✔️ խուսափելու հնարավոր բարդություններից,
✔️ ընտրելու անհատական բուժման մարտավարություն։

❗ Եթե նկատում եք, որ ափի մեջ առաջացել են կարծրացած հանգույցներ, լարաձև գոյացություններ կամ մատները դժվարությամբ են ուղղվում, մի սպասեք, մինչև խնդիրը խորանա։

Ձեռքերի ազատ շարժումը, աշխատունակությունն ու կյանքի որակը հնարավոր է վերականգնել ժամանակին ախտորոշման և ճիշտ բուժման շնորհիվ։

💙 Հիշեք՝ որքան շուտ է կատարվում հետազոտությունը, այնքան ավելի հեշտ և արդյունավետ է բուժումը։

#ԴյուպյուտրենիՀիվանդություն #ՁեռքիՎիրաբուժություն #ՈւլտրաձայնայինՀետազոտություն #ԱռողջՁեռքեր #ԺամանակինԱխտորոշում #Բուժում

18/06/2026

«Ես կարծում էի, որ պարզապես շատ եմ քայլել…»

Մի քանի օր առաջ հետազոտության եկավ միջին տարիքի տղամարդ։

Նրա հիմնական գանգատը աջ ոտքի մեծ մատի շրջանում ցավն էր։ Պատմում էր, որ վերջին ամիսներին ցավը պարբերաբար հայտնվում էր, հետո անցնում։ Սկզբում ուշադրություն չէր դարձրել. կարծում էր՝ հոգնածությունից է, անհարմար կոշիկներից կամ տարիքային փոփոխություններից։

Բայց այս անգամ ամեն ինչ այլ էր։

Ցավը դարձել էր ավելի ուժեղ, հոդը՝ այտուցված, իսկ քայլելը՝ դժվար։ Նույնիսկ գիշերը չէր կարողանում հանգիստ քնել։

Ուլտրաձայնային հետազոտության ընթացքում հայտնաբերվեցի պոդագրային արթրիտին բնորոշ փոփոխություններ՝ միզաթթվի բյուրեղների կուտակումներ, հոդի թաղանթի բորբոքային փոփոխություններ և տոֆուսային գոյացություններ։

Ամենահետաքրքիրը հիվանդի արձագանքն էր.

— «Եթե անկեղծ, երբեք չէի մտածի, որ այսպիսի ցավի պատճառը կարող է լինել պոդագրան…»։

Իսկ դա շատ տարածված պատմություն է։

Պոդագրան հաճախ սկսվում է աննկատ։ Մարդը բուժում է ցավը, փոխում կոշիկը, քսուքներ է օգտագործում, բայց իրական պատճառը մնում է չբացահայտված։

🩺 Երբեմն ընդամենը մի քանի րոպեանոց ուլտրաձայնային հետազոտությունը կարող է տալ այն պատասխանը, որը հիվանդը փնտրել է ամիսներ շարունակ։

Հոդացավը միշտ ունի պատճառ։

Կարևոր է ոչ թե պարզապես պայքարել ցավի դեմ, այլ հասկանալ՝ ինչու է այն առաջացել։

#Պոդագրա #Հոդատապ #ՈւՁՀ #ՀոդերիՀետազոտություն #ԲժշկականՊատմություններ #ՎաղԱխտորոշում #Ռևմատոլոգիա #ԱռողջՀոդեր

16/06/2026

16/06/2026

✋ Երբեք ուշ չէ փոխել այն, ինչ տարիներ շարունակ խանգարել է ապրել։

Մեր պացիենտը ավելի քան 50 տարի ապրում էր ձեռքի մատների սինդակտիլիայով։ Մանկուց նա ամաչում էր իր ձեռքից, խուսափում էր այն ցույց տալուց, և այս խնդիրը տարիներ շարունակ դարձել էր նրա ներքին բարդույթներից մեկը։ Միայն հիմա նա որոշեց դիմել վիրահատության։

Վիրահատությունից առաջ կատարված ՈւՁՀ հետազոտությունը թույլ տվեց մանրամասն ուսումնասիրել սերտաճած մատների կառուցվածքը։ Մենք տեսանք, որ յուրաքանչյուր մատ ուներ առանձին և լավ զարգացած ծալիչ ջլեր, տարածիչ ջլերը փոքր-ինչ ատրոֆիկ էին, իսկ ամենահետաքրքիր բացահայտումը վերաբերում էր նյարդերին․ երկու մատների միջև, սերտաճման հատվածում, առանձին մատնային նյարդերի փոխարեն անցնում էր միջնաձիգ նյարդի մեկ ավելի խոշոր ճյուղ, ինչը կարևոր տեղեկատվություն էր վիրահատության պլանավորման համար։

Այս պատմությունը ոչ միայն վիրահատության մասին է։ Այն մարդու մասին է, որը կես դար անց վերջապես որոշեց ազատվել իր վաղեմի բարդույթից և փոխել կյանքի որակը։

Շուտով կկիսվեմ նաև վիրահատությունից հետո արված լուսանկարով, իսկ այժմ ներկայացնում եմ նախավիրահատական պատկերը։

#Սինդակտիլիա #ՈւՁՀ #ՁեռքիՎիրաբուժություն #ՎերականգնողականՎիրաբուժություն

14/06/2026

Surb Grigor Lusavorich Medical Center/Սուրբ Գրիգոր Լուսավորիչ ԲԿ
❓ Ինձ ամենահաճախ տրվող հարցերից մեկը.

«Բժիշկ, ցավում է միայն մեկ հոդս, ինչո՞ւ եք հետազոտում նաև երկրորդը»։

Եվ հենց այստեղ է սկսվում այն, ինչ շատ հիվանդներ չեն պատկերացնում…

🔍 Ուլտրաձայնային հետազոտության ընթացքում երբեմն ամենաարժեքավոր տեղեկատվությունը ստանում ենք ոչ թե ցավող, այլ «առողջ» համարվող հոդից։

Ինչո՞ւ։

Որովհետև զույգ հոդերը բժշկի համար լավագույն բնական համեմատությունն են։ Դրանք օգնում են հասկանալ՝ տեսած փոփոխությունը հիվանդությո՞ւն է, թե՞ պարզապես տվյալ մարդու անատոմիական առանձնահատկությունը։

Զույգ հոդերի համեմատական հետազոտությունը թույլ է տալիս՝

✔️ ավելի ճշգրիտ գնահատել բորբոքային փոփոխությունները,

✔️ հայտնաբերել թաքնված կամ սկզբնական փուլում գտնվող ախտահարումները,

✔️ խուսափել սխալ մեկնաբանություններից,

✔️ և բարձրացնել ախտորոշման ճշգրտությունը։

📌 Հաճախ հետազոտության ընթացքում պարզվում է, որ փոփոխություններ կան նաև այն հոդում, որը դեռևս ցավ չի պատճառում։

Այդ պատճառով, երբ բժիշկը առաջարկում է հետազոտել երկու հոդերը, նա պարզապես չի «ավելացնում» հետազոտության ծավալը։

Նա կատարում է որակյալ և մասնագիտական ախտորոշում՝ հիմնված ժամանակակից բժշկության սկզբունքների վրա։

💬 Իսկ դուք գիտեի՞ք, որ երբեմն հենց չցավող հոդն է օգնում բացահայտել ցավի իրական պատճառը։

#ՀոդերիՈւՁՀ #ՈւլտրաձայնայինԱխտորոշում #ԲժիշկըՊատասխանումԷ #ՀաճախՏրվողՀարցեր #ՓորձագիտականՈւՁՀ #ՀոդերիԱռողջություն #Ռադիոլոգիա #ՈւՁՀՄասնագետ

13/06/2026

Surb Grigor Lusavorich Medical Center/Սուրբ Գրիգոր Լուսավորիչ ԲԿ
Ուրախությամբ ուզում եմ կիսվել, որ վերջերս անցկացվեց վերապատրաստման դասընթաց՝ ռադիոլոգ բժիշկների համար, ովքեր արդեն աշխատում են և ցանկանում են ընդլայնել իրենց մասնագիտական հմտությունները՝ սկսելով զբաղվել փափուկ հյուսվածքների, ծայրամասային նյարդերի և հոդերի ուլտրաձայնային հետազոտություններով։

Դասընթացը անցավ շատ հետաքրքիր և բովանդակալից մթնոլորտում։ Մասնակիցները բարձրակարգ մասնագետներ էին՝ մեծ հետաքրքրությամբ և ակտիվ ներգրավվածությամբ։

Շնորհակալ եմ վստահության և մասնագիտական համագործակցության համար 🤝
Հույս ունեմ, որ դասընթացը օգտակար էր և հաճելի՝ ինչպես ինձ համար, այնպես էլ մասնակիցների 💙

15/05/2026

Surb Grigor Lusavorich Medical Center/Սուրբ Գրիգոր Լուսավորիչ ԲԿ

🏥 Բացառիկ հնարավորություն ռադիոլոգների համար. Ուլտրաձայնային ախտորոշման դասընթաց մեր Սիմուլյացիոն կենտրոնում

🌍 Հայաստանում այսուհետ հասանելի է մասնագիտական վերապատրաստման դասընթաց, որը նախկինում հնարավոր էր միայն արտերկրի լավագույն կլինիկաներում։

«Սուրբ Գրիգոր Լուսավորիչ» ԲԿ-ի սիմուլյացիոն կենտրոնը, որն իր տեսակով եզակի է ողջ տարածաշրջանում, հրավիրում է մասնագիտական վերապատրաստման՝ կիրառելով գերժամանակակից US MENTOR սիմուլյատորը։

✨ Սա պարզապես դասընթաց չէ, սա վիրտուալ իրականության միջոցով ձեռք բերվող անփոխարինելի փորձ է՝ առանց պացիենտի համար ռիսկի։

📅 Մայիսի 19-26
🕛 Ժամը՝ 12:00-18:00
📍 Վայրը՝ «Սուրբ Գրիգոր Լուսավորիչ» Բժշկական Կենտրոն

🎓 Դասընթացի թեման.
«Ուլտրաձայնային հետազոտության հիմնական հմտությունների ուսուցում US MENTOR սիմուլյացիոն սարքի միջոցով»

🔬 Ultrasound Mentor®-ը բարձրակարգ վիրտուալ իրականության սիմուլյատոր է, որը նախատեսված է տարբեր բժշկական ոլորտների համար՝ ապահովելով ուլտրաձայնային հետազոտության հմտությունների զարգացման համապարփակ լուծում։

👨‍⚕️ Դասընթացը վարելու են.
Սոնոգրաֆիստներ՝ Նունե Հակոբջանյանը և Արսեն Բալայանը։

✅ Դասընթացի արդյունքում մասնակիցները կկարողանան՝
• Վարժվել և վստահություն ձեռք բերել արդյունավետ ուլտրաձայնային պատկերներ ստանալու մեջ
• Նույնականացնել և հասկանալ օրգանների պատկերները
• Ցուցադրել և գնահատել տարբեր ախտաբանական փոփոխություններ
• Վարժվել ախտորոշիչ քայլերի հերթականությանը և կազմել զեկույցներ տարբեր վիրտուալ դեպքերի համար
• Ցուցադրել համակարգված և ամբողջական ուլտրաձայնային զննման կարողություն

🎯 Թիրախային լսարան՝ Ռադիոլոգներ

📜 Կրեդիտավորում.
Դասընթացի ծրագիրը հաստատված է ՀՀ Առողջապահության նախարարության կողմից (Հրաման՝ 5966-Ա, 30/09/2025)։

🌟 Դասընթացի ավարտից հետո մասնակիցները կստանան՝
🔹 6 տեսական ՇՄԶ կրեդիտ
🔹 15 գործնական ՇՄԶ կրեդիտ

⏳ Մասնակցության հայտերն ընդունվում են մինչև ս/թ մայիսի 18-ը։

📝 Մասնակցության հայտը լրացնել այստեղ՝
🔗 https://forms.gle/iy1wck3jddPc8bTV8

📞 Հարցերի դեպքում կարող եք զանգահարել.
8603 | 011-60-00-03 | 044-60-03-03
(աշխատանքային օրերին՝ ժամը 14:00-18:00)

#ՍուրբԳրիգորԼուսավորիչԲԿ #ՍիմուլյացիոնԿենտրոն #Ռադիոլոգիա #ՇՄԶ #բժշկականկրթություն