Հոգեսոցիալական կարգավորման կենտրոն Psychosocial Recovery Center

02/09/2026

02/09/2026

ԸՆԴՀԱՆՈՒՐ ՀՈԳԵԱԽՏԱԲԱՆՈՒԹՅԱՆ ՀԻՄՈՒՆՔՆԵՐԸ
(դասընթաց հոգեբանների համար)

🧠 Տեսական դասընթաց

🎯 Թիրախային լսարան՝ կլինիկական հոգեբաններ

⚠️ ՈՒՇԱԴՐՈՒԹՅՈՒՆ — այս անգամ դասընթացը ստացել է ՇՄԶ կրեդիտներ

📅 Դասընթացի օրերը՝
Հոկտեմբերի 5,6,7-ին
🕠 Ժամը՝ 17։30–19։30

📍 Անցկացման ձևաչափ՝ առկա և օնլայն միաժամանակ

⸻

Հոգեկան առողջության խնդիրների կարգավորումը, անկախ նրանից, թե ինչ ձևով է աշխատում մասնագետը, ենթադրում է աշխատանք շատ նուրբ ոլորտի հետ։ Ժամանակակից կյանքի ինտենսիվությունն ու լարվածությունը, ցավոք, չեն նպաստում հոգեկան առողջության պահպանմանը։

Սա նշանակում է, որ չափազանց կարևոր է ժամանակին ճանաչել խնդրի առկայությունը, հատկապես այն դեպքերում, երբ այն դուրս է ստանդարտ հոգեբանական թերապիայի շրջանակներից։

📖 Դասընթացի ընթացքում կներկայացվեն՝
• հոգեբուժության հիմնական հասկացությունները՝ նորմայի և պաթոլոգիայի մասին,
• հիմնական հոգեախտաբանական ախտանիշներն ու համախտանիշները։

Ծանոթանալով հոգեկան ֆունկցիաների ախտաբանությանը և կլինիկական պատկերին՝ դուք կկարողանաք՝
✔️ ավելի ամբողջական պատկերացնել մարդու հոգեվիճակը պայմանավորող օրինաչափությունները
✔️ ժամանակին հայտնաբերել հիվանդության նշանները
✔️ անհրաժեշտության դեպքում ճիշտ ժամանակին ուղորդել հոգեբույժի

Սա կօգնի ավելի արդյունավետ աշխատել այցելուի հետ և ստեղծել վստահելի համագործակցություն հոգեբույժների հետ։ 🤝

⸻

📅 Դասընթացի ծրագիր

Հոկտեմբերի 5
• Ներածություն ընդհանուր հոգեախտաբանություն
• Ընկալման խանգարումներ
• Հիշողության խանգարումներ

Հոկտեմբերի 6
• Մտածողության խանգարումներ
• Ինտելեկտի խանգարումներ

Հոկտեմբերի 7
• Հուզա-կամային ոլորտի խանգարումներ
• Գիտակցության որակական խանգարումներ

⸻

📜 Տրվում է մասնակցության հավաստագիր

👩‍🏫 Դասընթացը կվարի՝
Մ․ Հերացու անվան ԵՊԲՀ հոգեբուժության ամբիոնի վարիչ,
բ․գ․թ․, դոցենտ Կարինե Թաթարյանը

⸻

💰 Դասընթացի արժեքը՝ 20․000 դրամ

⏰ Վաղ գրանցում (մինչև սեպտեմբերի 22-ը 15․000 դրամ

🎓 Ուսանողների համար զեղչեր՝
• բակալավրիատի ուսանողներ — 70% զեղչ
• մագիստրատուրայի ուսանողներ — 50% զեղչ

⸻

📍 Հասցե՝ Նալբանդյան 47
📞 Հեռ․ 099 544 477

📝 Գրանցվել կարող եք հետևյալ հղումով՝
https://forms.gle/VQpqQZi5BYDCzpNj7

02/09/2026

Երբեմն մեզ պարզապես պետք է մեկը, ով կլսի։

Հոգեբան-խորհրդատու Կարինե Սարգսյանը աշխատում է երեխաների, դեռահասների, մեծահասակների հետ՝ օգնելով հաղթահարել հոգեբանական դժվարություններն ու ավելի լավ հասկանալ ինքներդ ձեզ։

Հիմնական աշխատանքային ուղղություններն են՝

🔶 Անհանգստության, սթրեսի և հուզական լարվածության հաղթահարում
🔶 Ինքնագնահատականի և ինքնավստահության բարձրացում
🔶 Դեպրեսիվ տրամադրության և հուզական դժվարությունների հոգեբանական աջակցություն
🔶 Խուճապային դրսևորումների և վախերի հետ աշխատանք
🔶 Կյանքի ճգնաժամային փուլերի և դժվար իրավիճակների հաղթահարում
🔶 Տրավմատիկ փորձառությունների հետևանքների հետ աշխատանք
🔶 Քնի, հուզական կարգավորման և վարքային դժվարությունների խորհրդատվություն
🔶 Հարաբերությունների և ընտանեկան խնդիրների հոգեբանական աջակցություն
🔶 Ինքնաճանաչում և անձնային աճ
🔶 Զույգերի հոգեբանական խորհրդատվություն

Պարտադիր չէ սպասել, մինչև դժվարությունը մեծանա։
Հոգեբանական աջակցություն խնդրելը թուլության նշան չէ, այլ սեփական բարեկեցության հանդեպ հոգատարություն։ 🤍

📩 Խորհրդատվության համար գրեք անձնական նամակ կամ զանգահարեք 099544477 հեռախոսահամարով

02/09/2026

ՕԳՈՍՏՈՍ ԱՄՍՎԱ ԱՄԵՆԱՊԱՀԱՆՋՎԱԾ ՄԱՍՆԱԳԵՏՆԵՐԸ
2026թ. օգոստոս ամսվա տվյալներով Հոգեսոցիալական կարգավորման կենտրոնի ամենապահանջված մասնագետներն են.
- հոգեբույժ Նարինե Ռոբերտի Իսրայելյանը
- հոգեբույժ, բ.գ.դ., պրոֆեսոր Սամվել Հրանտի Սուքիասյանը
- հոգեբան, հ.գ.թ., դոցենտ Լիլիթ Վարազդատի Բաղդասարյանը

01/09/2026

Բաց հանդիպում՝ հոգեբանական խորհրդատվության դասընթացի վերաբերյալ

❕ Սեպտեմբերի 7-ին՝ ժամը 18։00-ին, տեղի կունենա բաց հանդիպում՝ «Հոգեբանական խորհրդատվություն և հոգեթերապիա՝ ինտեգրատիվ մոտեցման տեսանկյունից» տեսագործնական դասընթացի վերաբերյալ։

Հանդիպումը կվարեն

◾️ Լիլիթ Բաղդասարյան — հ.գ.թ., ԵՊՀ Անձի հոգեբանության ամբիոնի դոցենտ, Ռեքավերի Քոլեջի ղեկավար, հոգեսոցիալական կարգավորման կենտրոնի հոգեբանական ծառայության համակարգող

◾️ Արմեն Սողոյան - Համաշխարհային հոգեբուժական ասոցիացիայի վաստակավոր անդամ, բ.գ.թ. Արմեն Սողոյան՝ Հոգեսոցիալական կարգավորման կենտրոնի ղեկավար Հայկական հոգեբուժական ասոցիացիայի նախագահ Համաշխարհային հոգեբուժական ասոցիացիայի Գիտական սեկցիաների քարտուղար:

🤝 Հանդիպման ընթացքում դուք հնարավորություն կունենաք՝

🔹 ծանոթանալու ինտեգրատիվ հոգեթերապիայի մոտեցմանը,
🔹 հասկանալու՝ ինչ է ներառում դասընթացը և ինչ հմտություններ եք ձեռք բերելու,
🔹 իմանալու դասընթացի կառուցվածքի, ձևաչափի և սուպերվիզիաների մասին,
🔹 ստանալու պատասխաններ ձեզ հետաքրքրող բոլոր հարցերին,
🔹 հասկանալու՝ արդյոք դասընթացը համապատասխանում է ձեր մասնագիտական նպատակներին։

💬 Եթե մտածում եք մասնակցելու մասին, սա լավ հնարավորություն է անմիջապես դասընթացավարներից ստանալու բոլոր անհրաժեշտ տեղեկությունները և ձեր հարցերի պատասխանները։

📆 Սեպտեմբերի 7
⏰ 18։00

✨ Սպասում ենք ձեզ՝ մասնագիտական զարգացման կարևոր թեմաների շուրջ բաց և օգտակար հանդիպման։

Գրանցման հղում` https://forms.gle/XC8Suz5wdnPjpvoN9

01/09/2026

🎉 Այսօր Հոգեսոցիալական կարգավորման կենտրոնի սիրելի հոգեբան Սյուզի Քերոբյանի ծննդյան օրն է։ 🎂💐

Սյուզիի երիտասարդությունն ու եռանդը գեղեցիկ համադրվում են նրա մասնագիտական պատասխանատվության, աշխատասիրության և մարդկանց օգնելու անկեղծ ցանկության հետ։ ❤️

Չնայած իր երիտասարդ տարիքին՝ Սյուզին արդեն իսկ Կենտրոնի աշխատանքներում իր կարևոր ու նկատելի ներդրումն ունի։ Նրա նվիրվածությունը, հոգատար վերաբերմունքն ու պատրաստակամությունը գնահատելի են թե՛ գործընկերների, թե՛ այն մարդկանց կողմից, ում հետ աշխատում է։

Սյուզի՛, ուրախ ենք, որ մեր թիմի մի մասն ես։ Թող մասնագիտական ճանապարհդ լինի հետաքրքիր, վստահ ու լի նոր հնարավորություններով, իսկ յուրաքանչյուր նոր ձեռքբերում քեզ ավելի մոտեցնի քո մեծ նպատակներին։ ✨

Մաղթում ենք քեզ առողջություն, ներքին խաղաղություն, անսպառ էներգիա, սիրով լի օրեր և շատ ու շատ պատճառներ՝ ժպտալու։ 🌷

Թող իրականանան նույնիսկ այն երազանքները, որոնց մասին դեռ ոչ ոքի չես պատմել։ 💫 Իսկ մենք խոստանում ենք՝ քո փայլուն կարիերայի ճանապարհին մեր հնարավորությունների սահմաններում միշտ կողքիդ լինել։ 🤍

01/09/2026

Գորիսի տարածաշրջանի սիրելի բնակիչներ
Սեպտեմբերի 5-ին, ժ.11.00-13.00 Հոգեսոցիալական կարգավորման կենտրոնի (ՀՍԿԿ) Գորիսի մասնաճյուղում (Օրբելյանների 5) կազմակերպվում է ընդունելություն հոգեկան առողջության խնդիրներ ունեցող անձանց համար՝ Կենտրոնի գիտական ղեկավար, հոգեբույժ, բ.գ.դ., պրոֆեսոր Սամվել Հրանտի Սուքիասյանի (https://cpsr.info/member/674000000000000000000012) և Կենտրոնի հոգեբուժական ծառայությունների համակարգող, հոգեբույժ, բ.գ.թ., Կարինե Կարլենի Թաթարյանի (https://cpsr.info/member/674000000000000000000013) կողմից:
Մենք հասանելի ենք դարձնում անհրաժեշտ բարձրակարգ հոգեկան առողջության ծառայությունները. կարիք չկա գումարներ և ժամանակ ծախսել Երևան հասնելու համար, շատ ավելի մատչելի խորհրդատվությունը կարող եք ստանալ Գորիսում:
Հերթերից խուսափելու համար, նախօրոք պետք է գրանցվել՝ զանգահարելով մասնաճյուղի ղեկավար Գայանե Հայրապետյանին 096-376507:

Send a message to learn more

01/09/2026

ՀՈԳԵԿԱՆ ԱՌՈՂՋՈՒԹՅԱՆ ՕՐ ԳՈՐԻՍՈՒՄ

Սեպտեմբերի 5-ին, ժ.11.00-13.00 Հոգեսոցիալական կարգավորման կենտրոնի Գորիսի մասնաճյուղում (Օրբելյանների 5) Գորիս խոշորացված համայնքում բնակվող պատերազմի թիրախ խմբերում ընդգրկված և Արցախից բռնի տեղահանված քաղաքացիներին կիրականացվի անվճար հոգեբուժական խորհրդատվություն ԵՊԲՀ հոգեբուժության ամբիոնի վարիչ, բ.գ.թ. Կարինե Թաթարյանի կողմից:
Գրանցվելու համար նախօրոք զանգահարեք մասնաճյուղի ղեկավար Գայանե Հայրապետյանին 096-376507:
Հիշեցնենք, որ Սանտե Արմենիա կազմակերպության օժանդակությամբ հոգեբանական անվճար օգնությունը ՀՍԿԿ Գորիսի մասնաճյուղում հասանելի է Գորիս խոշորացված համայնքի բոլոր բնակիչների համար:

29/08/2026

Երբեմն մենք այնքան ենք սովորում հաշվի առնել ուրիշների ցանկություններն ու սպասումները, որ աստիճանաբար կորցնում ենք սեփական կարիքների հետ կապը։

«Չեմ ուզում, բայց կանեմ»
«Չեմ նեղացել, ամեն ինչ լավ է»
«Թող ինքը չնեղանա»
«Ի՞նչ կմտածեն իմ մասին»
«Ավելի լավ է լռեմ, քան կոնֆլիկտ առաջանա»։

Եթե այս մտքերը հաճախ են ուղեկցում ձեզ, հնարավոր է՝ դժվարանում եք սահմաններ դնել և «ոչ» ասել։

Սեփական սահմանները պահպանելը եսասիրություն չէ։ Դա սեփական զգացմունքների, ժամանակի, էներգիայի և կարիքների նկատմամբ հարգանք է։

💭 Հոգեբանական աշխատանքը կարող է օգնել հասկանալ՝
▫️ ինչու է ձեզ համար դժվար հրաժարվել ուրիշների խնդրանքներից,
▫️ ինչից եք վախենում «ոչ» ասելիս,
▫️ ինչպես արտահայտել ձեր կարիքները՝ առանց մեղավորության զգացման,
▫️ ինչպես կառուցել ավելի առողջ հարաբերություններ՝ չկորցնելով ինքներդ ձեզ։

Եթե զգում եք, որ միայնակ դժվար է փոխել այս ձևավորված օրինաչափությունները, կարող եք դիմել հոգեբանական խորհրդատվության։

📞 099 544 477
📍 Նալբանդյան 47

31/07/2026

Այսօր առանձնահատուկ օր է․ մեր Գորիսի մասնաճյուղի մանկական հոգեբան Լորա Յոլյանի ծննդյան օրն է։ 🎉

Սիրով շնորհավորում ենք Լորային՝ մաղթելով առողջություն, երջանկություն և անսպառ էներգիա՝ շարունակելու իր կարևոր ու պատասխանատու առաքելությունը։

Լորան այն մասնագետներից է, ում աշխատանքը չափվում է ոչ միայն ձեռքբերումներով, այլև երեխաների ժպիտներով, նրանց ձեռք բերած վստահությամբ և ընտանիքների երախտագիտությամբ։ Իր մասնագիտական գիտելիքներով, մարդկային ջերմությամբ և նվիրվածությամբ նա մեծ ներդրում ունի Գորիս համայնքում՝ լինելով հույսի և աջակցության աղբյուր բազմաթիվ երեխաների ու դեռահասների համար։ 💛

Թող կյանքի յուրաքանչյուր նոր տարեդարձ բացի նոր հնարավորությունների, գեղեցիկ հանդիպումների և մասնագիտական հաղթանակների դռներ։ Թող Ձեր կատարած յուրաքանչյուր բարի գործ բազմապատիկ վերադառնա Ձեզ՝ սիրո, գնահատանքի և հաջողության տեսքով։

Ծնունդդ շնորհավոր, սիրելի՛ Լորա։ Թող այս տարին լինի ամենավառը, ամենաերջանիկն ու ամենահիշարժանը։ ✨🎂