Dr. Davit Harutyunyan

06/08/2026

10/06/2026

Ճանապարհորդեք անվտանգ✈️✈️✈️🛩️🛩️🛩️

✈️🌿 «Միքայելյան» համալսարանական հիվանդանոցի բժիշկ-ինֆեկցիոնիստներ Ալվարդ Հովհաննիսյանը և Լուսինե Հարությունյանը պատրաստել են առողջ և անվտանգ հանգստի ուղեցույց, որը կօգնի հանգիստը կազմակերպել առավել արդյունավետ և ճամփորդությունը դարձնել ոչ միայն հաճելի, այլև իսկական «վերականգնող դեղամիջոց»։

🧳📋 Ներկայացնում ենք բժիշկների ճամփորդական դեղատոմսը, որը կօգնի հանգիստն անցկացնել առողջ ու անվտանգ։

🔹Նախ՝ ինչո՞ւ է անհրաժեշտ ճամփորդել․

🧠 Ուղեղի համար նոր վայրերի բացահայտումը խթանում է ճանաչողական ճկունությունը և ստեղծագործական միտքը՝ վերացնելով առօրյա միապաղաղությունն ու սթրեսը։

❤️Սրտի համար լողափին քայլելը կամ լողալը բարելավում են անոթների էնդոթելային ֆունկցիան և սիրտ-անոթային համակարգի առողջությունը։ Գիտականորեն ապացուցված է, որ ընդամենը երեք օրվա հանգստից հետո մարմնի սթրեսի մարկերները (օրինակ՝ թքի կորտիզոլը) արձանագրում են չափելի և հստակ անկում։

⚠️ Սակայն որոշ ուղղություններում այն ունի նաև առողջական ռիսկեր, հատկապես՝ ինֆեկցիոն հիվանդությունների տեսանկյունից։ Մի քանի պարզ քայլը կարող է զգալիորեն նվազեցնել այդ վտանգները։

🦟 1. Ինֆեկցիոն հիվանդությունների հիմնական ռիսկերը

Տարբեր երկրներում կան մոծակներով կամ կենդանիներով փոխանցվող վարակներ, որոնք կարևոր է հաշվի առնել նախքան ուղևորությունը։

🌴 Արևադարձային և ծովափնյա երկրներ
• Դենգե տենդ (հատկապես Հարավարևելյան Ասիա)
• Չիկունգունյա տենդ (Հնդկական օվկիանոսի կղզիներ և այլ տաք շրջաններ)

Երկուսն էլ փոխանցվում են Aedes տեսակի մոծակներով և կարող են առաջացնել բարձր ջերմություն, մկանահոդացավեր և թուլություն։

⚠️ Այլ ինֆեկցիոն վտանգներ
• Հանտավիրուս՝ գյուղական կամ անտառային տարածքներում, կապված կրծողների հետ
• Էբոլավիրուս՝ հիմնականում Աֆրիկայի որոշ շրջաններում, փոխանցվում է անմիջական շփման միջոցով

🛡️ 2. Ինչպես պաշտպանվել՝ պարզ ու արդյունավետ քայլեր

🦟 Մոծակներից պաշտպանություն («Կրկնակի վահան»)
• Օգտագործիր DEET կամ Picaridin պարունակող ռեպելենտներ
• Հագիր երկար, բաց գույնի հագուստ
• Հնարավորության դեպքում ընտրիր սենյակ մոծակապաշտպան ցանցով կամ օդորակիչով

Սա ամենակարևոր կանխարգելիչ քայլն է՝ հատկապես արևադարձային երկրներում։

🧼 Ընդհանուր հիգիենա և զգուշություն
• Լվա ձեռքերդ հաճախ
• Խուսափիր ջերմային մշակում չանցած սննդից և ոչ շշալցված ջրից
• Մի շփվիր վայրի կենդանիների կամ կրծողների հետ

💉Պատվաստումներ և նախապատրաստում
• Ճամփորդությունից առաջ ստուգիր՝ արդյոք քո ուղղության համար անհրաժեշտ են պատվաստումներ
• Խորհրդակցիր բժշկի հետ, եթե գնում ես բարձր ռիսկային տարածաշրջան

☀️ 3. Մի քանի պարզ խորհուրդ
• Մի ծանրաբեռնիր օրակարգդ, պարզապես վայելիր 😊
• Խմիր բավարար ջուր 💧
• Օգտագործիր արևապաշտպան միջոցներ 🧴

📌 Բժիշկները հիշեցնում են՝ լավ ճամփորդությունը ոչ միայն գեղեցիկ վայրեր տեսնելն է, այլ նաև առողջ և ապահով վերադառնալը։ Մի քանի պարզ կանխարգելիչ քայլերը կարող են պաշտպանել լուրջ ինֆեկցիոն ռիսկերից և թույլ տալ լիարժեք վայելել ճանապարհորդությունը։ 🌍✈️

#ՄիքայելյանՀամալսարանականՀիվանդանոց #ՃամփորդականԴեղատոմս #ԱռողջՃամփորդություն

08/05/2026

EADV 2026 symposium
AADV
Հերթական abstract, e-poster-ը ներկայացված միջազգային հարթակում մեր կողմից։
Տեխնիկական պատճառներով այս տարի կմասնակցենք առցանց։

01/05/2026

Մայիսը մաշկի չարորակ նորագոյացությունների իրազեկման ամիսն է։

Մաշկի քաղցկեղը ամենատարածվածներից է։ Սակայն ժամանակին հետազոտման և ախտորոշման դեպքում այն կարելի է կանխարգելել ու բուժել։

Մաշկի քաղցկեղի առաջացման հիմնական պատճառը արևի վնասակար ճառագայթներն են, ուստի կարևոր է արևի տակ գտնվելիս պահպանել կանոնները։

Հիշեք՝ մաշկը մեր ամենամեծ օրգանն է, որը պահանջում է գրագետ և հոգատար խնամք։
__________

Հարցերի կամ տեղեկությունների համար զանգահարեք՝ +374 (10) 322211

28/04/2026

2026
-ONCOLOGY

23/04/2026

22nd EADO 2026 Prague

01/04/2026

ROSACEA AWARENESS MONTH

💊💊💊Ռոզացեան բավականին տարածված խրոնիկ մաշկային հիվանդություն է, որը դրսևորվում է զանազան մաշկային և ակնային դրսևորումներով: Մաշկի ախտահարումը առաջնահերթ սկսվում է դեմքի կենտրոնական հատվածից, այնպիսի դրսևորումներով, ինչպիսիք են կարմրությունը, թարախաբշտիկները, հանգույցիկները, տելեանգիէկտազիաները և մաշկի ֆիմատոզ փոփոխությունները: Կարող է ախտահարվել նաև աչքը, դրսևորվելով կոպերի եզրերի տելեանգիէկտազիաներով, կոնյուկտիվայի ինյեկցիայով, աչքի գրգռումով կամ այլ ախտանիշներով:

🚩Համաճարակաբանությունը:
Ռոզացեան տարածված հիվանդություն է, որը գերազանցապես հանդիպում է բաց գույնի մաշկ ունեցող անձանց մոտ:
Հիվանդությունը հիմնականում հանդիպում է 30 տարեկանից բարձր կանանց մոտ: Բացառություն են կազմում ֆիմատոզ փոփոխությունները, որոնք հիմնականում հանդիպում են մեծահասակ տղամարդկանց մոտ: Դեռահասների և երեխաների մոտ նույնպես երբեմն կարող է հանդիպել ռոզացեա` բացառությամբ ֆիմատոզ ձևերի:

🚩Ախտածագումը:
Ռոզացեայի հանգեցնող գործոնները լիարժեք պարզված չեն դեռևս:
Նպաստող հանգամանքներ են հանդիսանում`

🔹 Իմուն խանգարումները:
🔹 Միկրոօրգանիզմները
🔹 Ուլտրամանուշակագույն ճառագայթումը (UV):
🔹 Անոթային գերակտիվությունը:
🔹 Ժառանգականությունը:

🚩Կլինիկական առանձնահատկությունները:

🔸 Դեմքի կենտրոնական հատվածի էրիթեմա:
🔸 Ֆիմատոզ փոփոխություններ:
🔸 Հանգույցիկներ:
🔸 Թարախաբշտիկներ:
🔸 Տելեանգիէկտազիաներ:
🔸 Ակնային դրսևորումներ:
🔸 Այրոցի զգացում:
🔸 Այտուց:
🔸 Մաշկի չորություն:

🚩Նպաստող գործոններ:

🔹 Արևի ազդեցություն:
🔹 Տաք ըմպելիքներ:
🔹 Կծու սնունդ:
🔹 Ալկոհոլ:
🔹 Ֆիզիկական վարժություններ:
🔹 Տեղային ազդեցության գրգռիչ միջոցներ:
🔹 Հոգեբանական վիճակներ:
🔹 Որոշակի դեղամիջոցներ, օրինակ`նիկոտինաթթու և անոթալայնիչ դեղամիջոցներ:
🔹 Մաշկի ամբողջականության խախտում:

🚩Ախտորոշում:
Կլինիկական պատկերը սովորաբար բավարար է «Ռոզացեա» ախտորոշման համար:
Ախտորոշումը կարող է դրվել ախտորոշիչ, հիմնական կամ երկրորդային նշանների հիման վրա:

🚩Տարբերակիչ ախտորոշում:
Անհրաժեշտ է տարբերակել հետևյալ ախտորոշումներից`

🔸 Սեբորեային մաշկաբորբ /դերմատիտ/:
🔸 Սկավառակաձև կարմիր գայլախտ:
🔸 Դերմատոմիոզիտ:
🔸 Կորյակային հիվանդություն:
🔸 Պերիօրալ /շուրջբերանային/ մաշկաբորբ:
🔸 Կորտիկոստերոիդներով պայմանավորված ակնեանման ցանավորում:
🔸 Մազային որքին:
🔸 Դեմոդեկոզ:
Եվ այլն:

04/03/2026

Մարտի 4-ը մարդու պապիլոմավիրուսային վարակի (HPV) իրազեկման միջազգային օրն է։

Օրվա նպատակն է բարձրացնել հանրային իրազեկվածությունը վարակի տարածման, հնարավոր բարդությունների և հատկապես քաղցկեղի կանխարգելման վերաբերյալ։

Պապիլոմավիրուսը կարող է փոխանցվել ինչպես սեռական, այնպես էլ մաշկի հետ անմիջական շփման ճանապարհով: Հաճախ ուղեկցվում է առանց ախտանիշների։

ՄՊՎ-ի որոշ բարձր ռիսկային ենթատեսակներ կարող են հանգեցնել լուրջ բարդությունների՝ ներառյալ՝
- արգանդի պարանոցի քաղցկեղ
- ուղիղ աղիքի քաղցկեղ
- առնանդամի քաղցկեղ
- հեշտոցի քաղցկեղ
- կոկորդի և ըմպանի քաղցկեղ
- բերանի խոռոչի քաղցկեղ

Վաղ փուլում հիվանդությունների հայտնաբերումն իրականացվում է սքրինինգային հետազոտությունների միջոցով (օրինակ՝ HPV թեստ): Կանխարգելման ամենաարդյունավետ միջոցը պատվաստումն է:

«Սլավմեդ բժշկական կենտրոն»-ում պապիլոմաների բուժման նպատակով կիրառվում են ժամանակակից մեթոդներ՝
- կրիոթերապիա
- լազերային թերապիա
- իմունոթերապիա
- վիրահատական միջամտություններ

Հիշեք՝ կանոնավոր հետազոտությունները և կանխարգելիչ միջոցառումները օգնում են կանխել հիվանդության բարդությունները և պահպանել առողջությունը։

09/01/2026