“ԱՐԹՄԵԴ” բժշկական վերականգնողական կենտրոնն իր գործունեությունը սկսել է 2005 թվականից: Հիմնադրման պահից կենտրոնի առջև դրվել է նպատակ քայլել ժամանակակից բժշկությանը համընթաց, մշտապես համալրվել նորագույն տեխնոլոգիաներով և իրենց գործին գիտակ և փորձառու մասնագետներով: Բժշկական կենտրոնն ունի էկոլոգիապես մաքուր շրջակա միջավայր` տեղակայված է բուսաբանական այգու հարևանությամբ, ինչն առավել նպաստավոր պայմաններ է ստեղծում այցելուի համար առողջությունը վերականգնելու, բարելավելու և ամրապնդելու համար:
Ներկայումս “ԱՐԹՄԵԴ” ԲՎԿ-ն ունի Եվրոպական ստանդարտներին համապատասխան շենքային պայմաններ, լողավազան, սաունա, մարզասրահ և կանաչապատ տարածք զբոսանքի համար, որը լրացուցիչ հանգստություն և հարմարավետություն է ստեղծում մեր այցելուներին:
Մեր կենտրոնն առաջարկում է արդիական ախտորոշիչ-լաբորատոր և բուժական ծառայություներ, որն իրականացվում է միայն առավելագույն ճշգրտություն ապահովող լավագույն սարքավորումների և առաջատար արտադրողներից ձեռք բերված ծախսանյութերի միջոցով: Կենտրոնում Ձեր առողջության համար հոգ կտանեն բժշկական ոլորտում բարձր ձեռքբերումների հասած և արտերկրում վերապատրաստված մասնագետներ, ինչպես նաև փորձառու և բարեկիրթ սպասարկող անձնակազմ:
“ԱՐԹՄԵԴ” ԲՎԿ-ն նաև ունենալով իր գրասենյակը Նիդերլանդներում հնարավորություն է ընձեռում մեր այցելուներին ախտորոշման և/կամ բուժական ծառայություններից օգտվելիս դիմել նաև արտերկրում գտնվող փորձառու բուժ-անձնակազմին:
